1. NAFARROAKO FORU KOMUNITATEA
1.7. BESTELAKOAK
2138 EBAZPENA, 2025eko urriaren 7koa, Nafarroako Unibertsitate Publikoko errektoreak emana, zeinaren bidez agintzen baita Errioxako Unibertsitatean, Lleidako Unibertsitatean, Zaragozako Unibertsitatean eta Nafarroako Unibertsitate Publikoan ematen den Nutrizioaren eta Elikadura Pertsonalizatuaren arloko Ikerketako Unibertsitate Masterraren ikasketa-plana argitaratzea.
Unibertsitateen Kontseiluak ikasketa-plana egiaztaturik, Kalitatea Ebaluatu eta Egiaztatzeko Agentzia Nazionalaren aldeko txostena eduki ondoren, bai eta Nafarroako Foru Komunitatearen baimena ere, eta Ministro Kontseiluaren 2025eko irailaren 23ko erabaki baten bidez tituluaren ofizialtasuna ezarririk (erabakia 2025eko 236. "Estatuko Aldizkari Ofizialean" argitaratu zen, urriaren 1ean, Unibertsitateen Idazkaritza Nagusiaren 2025eko irailaren 25eko ebazpen baten bidez).
Unibertsitate Sistemari buruzko 2023ko martxoaren 22ko 2/2023 Lege Organikoaren 8. artikuluan xedatuarekin bat etorriz, eta 2021eko irailaren 28ko 822/2021 Errege Dekretuak 27.4 artikuluan xedatzen duenarekin bat, Errektoretza honek erabaki du argitara ematea Errioxako Unibertsitatean, Lleidako Unibertsitatean, Zaragozako Unibertsitatean eta Nafarroako Unibertsitate Publikoan ematen den Nutrizioaren eta Elikadura Pertsonalizatuaren arloko Ikerketako Unibertsitate Masterraren ikasketa-plana.
Ebazpen honek aipatzen duen ikasketa-plana eranskinean esaten den bezala egituratuko da.
Iruñean, 2025eko urriaren 7an.–Errektorea, Ramón Gonzalo García.
ERANSKINA.–ERRIOXAKO UNIBERTSITATEAN, LLEIDAKO UNIBERTSITATEAN, ZARAGOZAKO UNIBERTSITATEAN ETA NAFARROAKO UNIBERTSITATE PUBLIKOAN EMATEN DEN NUTRIZIOAREN ETA ELIKADURA PERTSONALIZATUAREN ARLOKO IKERKETAKO UNIBERTSITATE MASTERRAREN IKASKETA-PLANA
RUCT kodea: 3500699.
Jakintza-adarra: Osasun Zientziak.
Jakintza-arloa: Zientzia Biomedikoak.
Ikasketa-planaren banaketa ECTS kreditutan, irakasgai motaren arabera:
IRAKASGAI MOTA | ECTS KREDITUAK |
Nahitaezkoak | 33 |
Aukerakoak | 12 |
Kanpoko praktikak | 0 |
Master Amaierako Lana | 15 |
Kredituak osotara | 60 |
Ikasketa-plan laburtua (irakasgaien arabera) eta denbora-banaketa:
MODULUA | ECTSak | IRAKASGAIA | MOTA | ECTSak | SEIHILEKOA |
Nahitaezkoa | 33 | Berrikuntza eta Ikerketa Bizimoduetan eta Osasunean | Nahitaezkoa | 16 | 1 |
Elikadura Pertsonalizatua | Nahitaezkoa | 11 | 1 |
Metodologia eta Kudeaketa Nutrizioaren arloko Ikerketan | Nahitaezkoa | 6 | 1 eta 2 |
Aukerakoa | 12 | Nutrizio Klinikoa | Aukerakoa | 12 | 2 |
Osasunerako Elikagaien Zientziak | Aukerakoa | 12 | 2 |
Master Amaierako Lana | 15 | Master Amaierako Lana | Nahitaezkoa | 15 | 2 |
Prestakuntza-osagarriak | 6 | Fisiologia eta Metabolismo Nutrizionala Biologia Molekularra Nutrizioaren Zientzietan Dietetika eta Dietetika Aplikatua | (*) | 2 2 2 | 1 |
(*) Prestakuntza-osagarriak egin beharko dituzte Osasun Zientzien adar zientifikoan sartzen ez diren graduetako ikasleek: Biologian, Biokimikan, Nekazaritzako Elikagaien Ingeniaritzan edo antzekoetan graduatuek, edo Elikagaien Zientzian eta Teknologian edo nekazaritzako elikagaien arloko beste unibertsitate titulu batzuetan graduatuek.
Iragarkiaren kodea: F2513216