1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
130E/2025 FORU AGINDUA, irailaren 29koa, Lurralde Kohesiorako kontseilariak emana, zeinaren bidez behin betiko onesten baita Lakuntzako Udal Plan Orokorraren aldaketa, 2. poligonoko 570. lurzatiari eragiten diona, Sakana SCIk sustaturik.
Erreferentzia: Espediente kodea: 0009-OT04-2022-000048.
ESPEDIENTEA: Udal Plan Orokorraren aldaketa |
–Izapidetze-fasea: behin betiko onespena. –Deskribapena: lurzoruaren sailkapena eta antolamendu xehatua aldatzea. –Udalerria: Lakuntza. –Kokapena: 2. poligonoko 570. lurzatia (lehen 378., 380., 381. eta 382. lurzatiak). –Sustatzailea: Sakana SCI. –Hasierako onespena: 2022-09-26, 2022ko 213. Nafarroako Aldizkari Ofiziala, urriaren 27koa. –Behin-behineko onespena: 2023-12-21. –2. behin-behineko onespena: 2025-05-22. –Sarrera departamentuan: 2025/08/21. Erregistro-zenbakia: 1098439. –Aplikatu beharreko araudia. Lurraldearen Antolamenduari eta Hirigintzari buruzko Foru Legearen testu bategina, uztailaren 26ko 1/2017 Legegintzako Foru Dekretuaren bidez onetsia. 253/2019 Foru Dekretua, urriaren 16koa, Nafarroako Planeamenduaren Erregistroa eta Nafarroako hirigintza eta lurralde plangintzarako tresnak aurkezteko formatua arautzen dituena. |
Lakuntzako Udalak idazpuruan azaltzen den espedientea aurkeztu du Lurralde Kohesiorako Departamentuan, behin betiko onets dadin.
Espedientearen xedea da Lakuntzako 2. poligonoko 570. katastro-lurzatiko A eta B azpilurzatien sailkapena aldatzea, lurzoru urbanizaezina izatetik hiri-lurzoru finkatua izatera igaro dadin, industria-kalifikazioa emanda, sektore eolikoan diharduen Sakana SCI enpresaren industria-instalazioak handitzeko. Gainera, aldaketaren eremuak aipatutako lurzatien iparraldean dagoen bidearen zati bat barne hartzen du.
Ingurumeneko zuzendari nagusiaren abuztuaren 27ko 799E/2024 Ebazpenaren bidez, aldaketari buruzko ingurumen txosten estrategikoa egin zen, aldekoa, ingurumen baldintza hauek ezarrita:
a) "Mendebaldeko muga antolatzeko, zuhaitzen eta zuhaixken landaketa bat sartuko da berdegunearen luze osoan. Dagokion urbanizazio proiektuan edo aldaketa garatzeko tresnetan determinazio hauek jasoko dira:
–Bide bat izanen duen zerrenda estu gisa diseinatutako aldean: gutxienez 3 m-ko zabalera duen landaketa bat gaituko da (behar izanez gero, proiektatu beharreko bidearen zabalera murriztuko da).
–Landaketak espezie autoktonoak eta dentsitate handiak izanen ditu, eta horien osaera eta egitura inguruko zuhaitz-heskaien antzekoak izanen dira.
b) Kalitate akustikoari dagokionez:
–Lurzatien kontsiderazioa eta erabilera berriak dira, eta, beraz, ezin dira lehendik dagoen lurzoru urbanizatutzat hartu; beraz, lurzati horietarako kalitate akustikoko helburuak 1367/2007 Errege Dekretuaren II. eranskineko A taulan ezarritakoak baino 5 dB txikiagoak dira.
–Babesaren xede nagusia aurreikusitako handitzetik 100 metro ingurura Arbizuko udal mugartean dauden etxebizitzak izan beharko lirateke. Etxebizitza horietan bermatu beharko dira 1367/2007 Errege Dekretuaren II. eranskinean bildutako kalitate akustikoko helburuak, eta, nolanahi ere, ezarri nahi den jarduerak sortzen duen emisio akustikoak ezin du eragin etxebizitza horietan errege dekretu horren III. eranskineko B1 taulan ezarritako gehieneko balioetatik gorako immisiorik.
Zilegi da modelizazio akustikoa xehetasun proiektuaren fasera arte atzera dadila planteatzea, deusetan galarazi gabe modelizazio horren emaitzek ekar ditzaketen zuzenketa- eta konpentsazio-neurriak eta eraikitzeko mugak, are gehiago kontuan hartuta inguru hurbil samarrean etxebizitzak daudela".
Ebazpen hori 2024ko 186. Nafarroako Aldizkari Ofizialean argitaratu zen, irailaren 12koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Lurralde Kohesiorako Departamentuaren egitura ezartzen duen azaroaren 15eko 249/2023 Foru Dekretuan xedatutakoari jarraikiz,
AGINTZEN DUT:
1. Behin betiko onestea Lakuntzako Udal Plan Orokorraren aldaketa, 2. poligonoko 570. lurzatiari eragiten diona, Sakana SCIk sustaturik.
2. Foru agindu hau espedientearen merkataritza-sozietate sustatzaileari jakinaraztea eta Ingurumen Ebaluaziorako Atalera igortzea, behar diren ondorioak izan ditzan.
3. Foru agindu hau Lakuntzako Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza araudia argitara dezan Nafarroako Aldizkari Ofizialean, hala, onetsitako hirigintza tresnak indarra har dezan.
4. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrolerako onespen egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Eta onetsitako hirigintza araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2025eko irailaren 29an.–Lurralde Kohesiorako kontseilaria, Óscar Chivite Cornago.
Iragarkiaren kodea: F2512929