166. ALDIZKARIA - 2025eko abuztuaren 21a

1. NAFARROAKO FORU KOMUNITATEA

1.7. BESTELAKOAK

142/2025 EBAZPENA, ekainaren 30ekoa, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Iruñeko "Creanavarra" atzerriko ikastetxe pribatuak duen baimena, haren irakaskuntzen eskaintzaren izena aldatu delako.

Aztertu da "Creanavarra Arte Digital y Tecnología SL" entitateak, Iruñeko "Creanavarra" atzerriko ikastetxe pribatuaren titularrak, eskatuta ireki den espedientea, baimena eman dakion Erresuma Batuko hezkuntza sistemako derrigorrezkoaren ondoko irakaskuntzen eskaintza aldatzeko, zehazki, "Higher National Diploma in Art And Design (Graphic Design)", Higher National Diploma in Art And Design", "Higher National Diploma in Art Design (Fashion)" eta "Higher National Diploma in Art Art Design (Barne Design)" espezialitateetako "BTEC Level 5" irakaskuntzak modu progresiboan kendu, eta hauekin ordezteko, hurrenez hurren: "Higher National Diploma in Graphic Design", "Higher National Diploma in Fashion and textiles" eta "Higher National Diploma in Interior Design" espezialitateetako "BTEC Level 5" irakaskuntzak. Diploma bakoitzerako 30 ikaspostu daude baimenduta, eta kopuru hori ez da aldatuko.

Aztertu da "British Council en España" entitateak emandako ziurtagiria, zeinean adierazten baita eskatutako irakaskuntza berriek, Pearson entitateak ematen dituenek, balio eta aitorpen osoa dutela Erresuma Batuan.

Aztertu da Pearson entitatearen txostena, Creanavarra ikastetxearen eta baimentzeko eskatutako irakaskuntza berrien edukiaren aitorpenari buruzkoa.

Aztertu dira Hezkuntzako eta Lanbide Heziketako Ministerioko Lanbide Heziketaren Zuzendaritza Nagusiko Idazkaritza Tekniko Nagusiak eta Kanpo Arazoetako, Europar Batasuneko eta Lankidetzako Ministerioak bidalitako nahitaezko txostenak.

Espainian dauden atzerriko ikastetxeen araubideari buruzko maiatzaren 28ko 806/1993 Errege Dekretuaren 7., 16. eta 22. artikuluan ezarritakoa kontuan harturik.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,

EBAZTEN DUT:

1. Aldatzea Iruñeko "Creanavarra" atzerriko ikastetxe pribatuak duen baimena, haren irakaskuntzen eskaintzaren izena aldatu delako, 2025-2026 ikasturtetik aurrerako ondorioekin, modu progresiboan kentzeko "Higher National Diploma in Art And Design (Graphic Design)", Higher National Diploma in Art And Design", "Higher National Diploma in Art Design (Fashion)" eta "Higher National Diploma in Art Art Design (Barne Design)" espezialitateetako "BTEC Level 5" programetako irakaskuntzak, eta modu progresiboan ere hauekin ordezteko, hurrenez hurren: "Higher National Diploma in Graphic Design", "Higher National Diploma in Fashion and textiles" eta "Higher National Diploma in Interior Design" espezialitateetako "BTEC Level 5" irakaskuntzak.

2025-2026 ikasturtean, desagertu beharreko irakaskuntzak 2. eta 3. mailetan soilik emanen dira, eta 2026-2027 ikasturtean, berriz, 3. mailan soilik. Kasu guztietan, mantenduko da diploma bakoitzerako guztira baimendutako 30 ikaspostuen kopurua.

2. Adieraztea ezen ikastetxearen datu hauek inskribatuko direla Nafarroako Gobernuko Unibertsitateaz Kanpoko Ikastetxeen Erregistroan:

–Ikastetxearen kodea: 31014633.

–Titularra: Creanavarra Arte Digital y Tecnología, Sociedad Limitada.

–Izen generikoa: atzerriko ikastetxe pribatua.

–Berariazko izena: Creanavarra.

–Helbidea: Larrabide kalea 17-19.

–Herria: Iruña.

–Udalerria: Iruña.

–Modalitate presentzialean baimendutako irakaskuntzak: Erresuma Batuko hezkuntza sistemako goi mailako hezkuntza esparruaren parte diren hurrengo ikasketa programak, "Bussiness and Technician Education Council (BTEC)" erakundearen zenbait titulu lortzera daramatenak ("Higher National Diploma"), adierazten den ikaspostu kopuruarekin:

1.–"BTEC Level 5-Higher National Diploma in Graphic Design": 30 ikasle.

2.–"BTEC Level 5 - Higher National Diploma Fashion and Textiles": 30 ikasle.

3.–"BTEC Level 5-Higher National Diploma in Interior Design": 30 ikasle.

4.–"BTEC Level 5-Higher National Diploma in Computing (Data Analytics)": 30 ikasle.

5.–"BTEC Level 5-Higher National Diploma in Animation Industry": 60 ikasle.

6.–"BTEC Level 5-Higher National Diploma in Game Development": 60 ikasle.

–Baimendutako ikasleak: espainiarrak eta atzerritarrak.

3. Adierazi behar da ikastetxean ematen diren Erresuma Batuko "BTEC Level 5-Higher National Diploma" irakaskuntzek balio osoa dutela Erresuma Batuan eta lotura dutela Espainiako hezkuntza sistemako lanbide heziketako tituluen katalogoko Informatika eta Komunikazioen lanbide arloarekin; hortaz, Espainiako hezkuntza sistemako lanbide heziketako goi mailako teknikariaren ikasketen baliokide izaten ahal dira.

Era berean, adierazi behar da baliokidetasun hori generikoa dela eta baldintza hau bete behar dela: ikasketa horiei ekin ahal izateko, ikasleek Lanbide Heziketan sartzeko legez ezarritako baldintzak bete behar dituzte, Lanbide Heziketaren sistemaren antolamendua garatzen duen uztailaren 18ko 659/2023 Errege Dekretuak ezarritakoari jarraikiz.

Espainiako sistemako heziketa ziklo espezifiko baten baliokide izaten ahal diren modulu profesional batzuk homologatu edo partzialki baliozkotzeko, banan-banan eskatu beharko da baliozkotze hori, eta aintzat hartu ikasleek egindako programa espezifikoan jasotako edukiak, ordu kopurua, iraupena eta hezkuntza maila. Era berean, eskaera egitean, ikasleak aurkezten ahal duen laneko esperientzia ere aintzat hartuko da, Hezkuntza ez-unibertsitarioko atzerriko tituluak eta ikasketak Espainiakoekin homologatu edo baliozkotzeari buruzko urtarrilaren 29ko 104/1988 Errege Dekretuan ezarritakoari jarraikiz (otsailaren 17ko Estatuko Aldizkari Ofizialean argitaratua).

4. Gogorarazi beharra dago ezen, Espainian atzerriko ikastetxeek duten araubideari buruzko maiatzaren 28ko 806/1993 Errege Dekretuaren 16. artikuluarekin bat, ikastetxearen titularra den entitateak behar den baimena eskatu beharko diola departamentu honi, "British Council en España" entitatearen ziurtagiria eta izandako aldaketaren frogagiria aurkeztuta, baldin eta ikastetxearen konfigurazioa aldatu nahi bada eta horrek erregistroan ezarritako datuak aldatzea badakar, edo instalazioak aldatu nahi badira.

5. Ohartaraztea, halaber, ikastetxeak Nafarroako Gobernuko Ikastetxeen Erregistroan duen inskripzioa deuseztatu, baliogabetu edo aldatzen ahalko dela, bidezkoa denaren arabera, titular interesdunari entzun ondoren, baldin eta inskripzioaren oinarri izandako funtsezko baldintzak aldatzen badira edo maiatzaren 28ko 806/1993 Errege Dekretuan eta gainerako arau aplikagarrietan xedatutakoaren kontrakoa bada, errege dekretu horren 17. artikuluak ezarritako moduan.

6. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.

7. Ebazpen hau igortzea Hezkuntzako Ikuskapen Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura eta Hezkuntzako Informazioa Kudeatzeko Atalera.

8. Ebazpen hau Nafarroako Aldizkari Ofizialean argitara dadila agintzea.

Iruñean, 2025eko ekainaren 30ean.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.

Iragarkiaren kodea: F2510198