1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1/2025 EBAZPENA, urtarrilaren 3koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez zuzentzen baita Irakasleak Hautatzeko eta Lanpostuak Betetzeko Zerbitzuko zuzendariaren abenduaren 24ko 267/2024 Ebazpenean atzemandako akatsa.
Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 267/2024 Ebazpenaren bidez onetsi zen Nafarroako Foru Komunitateko Administrazioko unibertsitateaz kanpoko irakasle funtzionarioen 141 lanpostu, atzerriko hizkuntzaren eskakizuna dutenak, oposizio-lehiaketa bidez betetzeko sarrerako hautapen prozeduren espedientea.
Urriaren 8ko 267/2024 Ebazpenaren eranskinean, karrerako funtzionario izendatutakoen zerrendan, Christian Isahel Ruiz Jiménez jauna ageri da. Praktikaldiko kalifikazio-batzordeak aurkeztutako dokumentazioa aztertuta, ikusi da Ruiz jauna ez dagoela praktikaldian "gai" deklaratutako pertsonen artean, haren azken kalifikazioa eman gabe baitago.
Ruiz jauna eranskinean sartzean akats materiala egin denez, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 267/2024 Ebazpena aldatu behar da, Ruiz jauna eranskin horretatik kanpo uzteko.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera, administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.
Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,
EBAZTEN DUT:
1. Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 267/2024 Ebazpenean atzemandako akatsa zuzentzea. Ebazpen horren bidez onesten da Nafarroako Foru Komunitateko Administrazioko unibertsitateaz kanpoko irakasle funtzionarioen 141 lanpostu, atzerriko hizkuntzaren eskakizuna dutenak, oposizio-lehiaketa bidez betetzeko sarrerako hautapen prozeduren espedientea. Hauxe da zuzenketa:
Urriaren 8ko 267/2024 Ebazpenaren eranskinetik kanpo uztea Lehen Hezkuntzako maisu/maistraren (IPP Gaztelania) lanposturako izendapen hau:
Izena: Ruiz Jiménez, Christian Isahel.
Txanda: irekia.
Puntuazioa: 6,3675.
2. Ebazpen hau Nafarroako Aldizkari Ofizialean eta Nafarroako Gobernuaren web-orrian argitaratzea, orok jakin dezan.
3. Ebazpen hau interesdunari jakinaraztea.
4. Ebazpen honen aurka gora jotzeko errekurtsoa aurkezten ahal da Barneko, Funtzio Publikoko eta Justiziako kontseilariari zuzendua, hilabeteko epean, argitaratu eta biharamunetik hasita, honako hauekin bat: Nafarroako Foru Komunitateko Administrazioari eta Nafarroako foru-sektore publiko instituzionalari buruzko martxoaren 11ko 11/2019 Foru Legearen 126. artikulua eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluak.
5. Ebazpen hau Hezkuntza Departamentuko Idazkaritza Tekniko Nagusiari, Irakasleak Hautatzeko eta Lanpostuak Betetzeko Zerbitzuko Hautatze Prozeduren Atalari, Langileen Araubide Juridikoaren Zerbitzuari, Azterlan Ekonomikoen eta Ikastetxeen Finantzaketaren Zerbitzuari eta Nominen eta Gizarte Aseguruen Zerbitzuari igortzea, behar diren ondorioak izan ditzan.
Iruñean, 2025eko urtarrilaren 3an.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.
Iragarkiaren kodea: F2500320
