1. NAFARROAKO FORU KOMUNITATEA
1.7. BESTELAKOAK
60/2025 EBAZPENA, apirilaren 14koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita "Fundación Laboral de la Construcción Navarra" Lanbide Heziketako ikastetxe pribatuak duen baimena, irakaskuntzen eskaintza handitzeagatik.
Ikusi da "Fundación Laboral de la Construcción Navarra" entitateak, izen bereko Lanbide Heziketako ikastetxe pribatuko titularrak, eskatuta izapidetutako espedientea, zeinaren bidez baimena eskatzen baita Lanbide Heziketako irakaskuntzen eskaintza handitzeko, hain zuzen, irakasteko apirilaren 13ko 263/2021 Errege Dekretuak araututako Eraikuntzari buruzko Informazioaren Modelatua (BIM) E graduko espezializazio ikastaroa.
Jarraikiz uztailaren 6ko 251/1992 Foru Dekretuaren III. tituluan –"Aldaketak eta baimen berriak"– xedatutako prozedurari (dekretu horren bidez, Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura onetsi zen).
Ikusirik Lanbide Heziketaren Plangintza eta Integraziorako Zerbitzuaren, Hezkuntzako Azpiegituren Zerbitzuaren eta Hezkuntzako Ikuskapen Zerbitzuaren aldeko txostenak.
Aintzat hartuta Lanbide Heziketaren Plangintza eta Integrazioari buruzko martxoaren 31ko 3/2022 Lege Organikoan eta berau garatzeko xedapenetan ezarritakoa.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Fundación Laboral de la Construcción Lanbide Heziketako irakaskuntzen ikastetxe pribatuak duen baimena aldatzea, irakaskuntzen eskaintza handitzeagatik, hain zuzen, irakasteko apirilaren 13ko 263/2021 Errege Dekretuak araututako Eraikuntzari buruzko Informazioaren Modelatua (BIM) E graduko espezializazio ikastaroa. Aldaketa horrek 2025-2026 ikasturtearen hasieratik izanen ditu ondorioak.
2. Adieraztea honako hauek izanen direla ikastetxearen erregistroko datuak 2025-2026 ikasturtetik aurrera:
–Ikastetxearen kodea: 31013379.
–Titularra: FUNDACION LABORAL DE LA CONSTRUCCIÓN NAVARRA. (IFKa: G80468416).
–Izen generikoa: Lanbide Heziketako irakaskuntzen ikastetxe pribatua.
–Berariazko izena: Fundación Laboral de la Construcción Navarra.
–Helbidea: Bideberri kalea 56, Areta industrialdea eta Marqués de Badillo kalea z/g.
–Herria: Uharte.
–Udalerria: Uharte.
–Baimendutako irakaskuntzak eta gehieneko kopuruak:
A, B eta C graduko eskaintza.
Unean uneko ebazpen bidez baimendutako prestakuntza eskaintzaren arabera, hezkuntza administrazioak ezartzen duen urteko plangintzaren arabera, lurraldeko prestakuntza premiak ikusita.
2. D graduko eskaintza.
a) Oinarrizko mailako heziketa zikloak:
"Eraikinak Zaharberritze eta Mantentzea" oinarrizko mailako heziketa zikloa, "Eraikuntza eta Obra Zibila" lanbide arlokoa: Bi unitate (bat lehen mailan eta bat bigarrenean), unitate bakoitzeko hamabi ikasle sartu berrirekin, gehi ikasle errepikatzaileak; gehienez ere hamalau ikasle unitate bakoitzeko.
b) Erdi mailako heziketa zikloak:
"Hondeaketak eta Zundaketak" erdi mailako heziketa zikloa, "Erauzketa Industriak" lanbide arlokoa: Bi unitate (bat lehen mailan eta bat bigarrenean), unitate bakoitzeko gehienez ere 24 ikaslerekin, izan ikasle errepikatzaileak izan ikasle berriak.
3. E graduko eskaintza.
"Eraikuntzari buruzko Informazioaren Modelatua (BIM)" espezializazio ikastaroa: 1 unitate, gehienez ere 20 ikaspostu.
3. Titularrari adieraztea ikaspostu egokiak eta nahikoak daudela bermatu behar duela E graduko prestakuntza praktikoaren fasea enpresa edo antzeko organismo batean egiteko. Horretarako, 15 egun naturaleko epean, baimen honen jakinarazpena jasotzen denetik zenbatzen hasita, titularrak eskabide bat zuzendu beharko dio Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik.
4. Titularrari gogoraraztea E graduko nondik norakoa Lanbide Heziketa antolatu eta integratzeari buruzko martxoaren 31ko 3/2022 Lege Organikora egokitu beharko duela, bai eta lege horren ondorioz estatuan nahiz Nafarroako Foru Komunitatean sortutako arauetara ere. Halaber, "Eraikuntzari buruzko Informazioaren Modelatua (BIM)" espezializazio ikastaroa antolatu beharko du Hezkuntza Departamentuak zehazten duen antolakuntza eta curriculum egituraren arabera. Izan ere, ziklo horrek ez du berariazko curriculumik Nafarroako Foru Komunitatean.
5. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoari jarraikiz (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena kentzeko arrazoi izanen dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
6. Gogoratu beharra dago ezen ikastetxearen titularrak baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan.
7. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
8. Ebazpena igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Lanbide Heziketaren Plangintza eta Integraziorako Zerbitzuari, Hezkuntzako Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Ikastetxeen Finantzaketaren Atalari eta Ikastetxeetako Informazioa Kudeatzeko Bulegoari.
9. Ebazpen hau Nafarroako Aldizkari Ofizialean argitara dadila agintzea.
Iruñean, 2025eko apirilaren 14an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2507692
