Iragarkia

117. ALDIZKARIA - 2025eko ekainaren 12a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

65E/2025 EBAZPENA, apirilaren 10ekoa, Migrazio Politiketako zuzendari nagusiak emana, zeinaren bidez onesten baita dirulaguntza honen 2025eko deialdia: "Irabazi-asmorik gabeko gizarte ekimeneko entitateentzako dirulaguntza, migratzaile eta errefuxiatuei harrera eta lagun egiteko proiektuak egin ditzaten". DDBN identifikazioa: 810430.

Atzerritarrek Espainian dituzten eskubide eta askatasunei eta atzerritar horiek gizarteratzeari buruzko urtarrilaren 11ko 4/2000 Lege Organikoak 2 ter artikuluan arautzen du migratzaileen gizarteratzea.

Bestalde, urriaren 30eko 12/2009 Legeak, asilo-eskubidea eta babes subsidiarioa arautzen dituenak, 30. eta 31. artikuluetan jasotzen ditu nazioarteko babesa eskatzen dutenen gizarte eskubideak eta harrera.

Horrela, bada, dirulaguntza hauen helburua da egoera oso ahulean dauden migratzaileen gizarte inklusioa lortzea, kontuan izanik irregulartasun administratiboa faktore erabakigarria dela gizarte bazterketaren egoera larrietan eta pertsonen integrazioa mugatzen duela.

Deialdi honek bidea ematen die entitate interesdunei berdintasunez parte hartzeko eta, era berean, bermatzen du dirulaguntzak irizpide objektiboei jarraikiz emanen direla. Irizpide horiek Nafarroako Foru Komunitateko Administrazioak gizarte politikaren esparru orokorrean ezarritako jarraibideen arabera lehenetsiko dira.

Karibu-Migratzaileei Harrera eta Lagun Egiteko Zerbitzuaren proposamen txostena jaso da espedientean, baita txosten juridikoaeta kontu-hartzaile delegatuaren adostasuna ere.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen, Dirulaguntzei buruzko azaroaren 9ko 11/2005 Foru Legearen eta Etxebizitzako, Gazteriako eta Migrazio Politiketako Departamentuaren egitura organikoa ezartzen duen azaroaren 15eko 241/2023 Foru Dekretuaren bidez eman dizkidaten eskudantziak erabiliz,

EBAZTEN DUT:

1. Onestea dirulaguntza deialdi bat, irabazi-asmorik gabeko gizarte ekimeneko entitateek migratzaileei eta errefuxiatuei harrera eta lagun egiteko proiektuak egin ditzaten, eta, orobat, deialdiaren oinarri arautzaileak eta balorazio irizpideak ere onestea, ebazpen honen I. eta II. eranskinetan jaso bezala.

2. Guztira 380.450,00 euroko gastua baimentzea, 2025eko gastuen aurrekontuko "Migratzaileei harrera eta lagun egiteko entitateentzako dirulaguntzak, PE EGIF+ 21-27" izeneko 350001 35100 4819 231905 (PEP E-23/000611-01 elementuarekin) partidaren kargura.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Etxebizitzako, Gazteriako eta Migrazio Politiketako kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

5. Ebazpen hau igortzea, behar diren ondorioak izan ditzan, Etxebizitzako, Gazteriako eta Migrazio Politiketako Departamentuko Karibu-Migratzaileei Harrera eta Lagun Egiteko Zerbitzura, Ekonomia eta Aurrekontuak Kudeatzeko Atalera eta Idazkaritza Tekniko Nagusira; Ekonomia eta Ogasun Departamentuaren Kontu-hartzailetza Delegatura; eta Dirulaguntzen Datu Base Nazionalera (DDBN).

Iruñean, 2025eko apirilaren 10ean.–Migrazio Politiketako zuzendari nagusia, Marisol de la Nava Martín.

I. ERANSKINA.–DEIALDIA, IRABAZI-ASMORIK GABEKO GIZARTE EKIMENEKO ENTITATEEI DIRULAGUNTZAK EMATEKO, MIGRATZAILEEI ETA ERREFUXIATUEI HARRERA ETA LAGUN EGITEKO PROIEKTUAK EGIN DITZATEN 2025. URTEAN. OINARRI ARAUTZAILEAK

1.–Xedea.

1.1. Oinarri hauen xedea da arautzea zer araubidetan eman dirulaguntzak irabazi-asmorik gabeko gizarte ekimeneko entitateentzat, migratzaileei eta errefuxiatuei harrera eta lagun egiteko proiektuak egin ditzaten 2025. urtean.

1.2. Horrela, bada, dirulaguntza hauen helburua da egoera oso ahulean dauden migratzaileen gizarte inklusioa lortzea, kontuan izanik irregulartasun administratiboa faktore erabakigarria dela gizarte bazterketaren egoera larrietan eta pertsonen integrazioa mugatzen duela.

1.3. Diruz lagunduko dira irabazi-asmorik gabeko gizarte ekimeneko entitateek migratzaileei eta errefuxiatuei harrera eta lagun egiteko proiektuak, gisa honetako jarduerak barnean hartzen dituztenak:

–Ezagutzera ematea harrerako gizartearen testuinguru soziokulturala eta administrazioen eta erakundeen sarea.

–Gaztelania eta euskara ikastea.

–Oinarrizko konpetentziak ikastea.

–Eskola errefortzua.

–Kultura-, kirol-, aisia- eta aisialdi-jarduerak edo beste batzuk, parte-hartzea eta inklusioa sustatzen dutenak.

–Ahalduntze prozesuak.

–Laguntza psikologikoa.

–Laguntza juridikoa.

–Kulturen arteko bitartekotza.

2.–Aurrekontu egozpena eta dirulaguntzaren zenbatekoa.

2.1. Deialdi honen dirulaguntzak finantzatzeko zenbatekoa, gehienez ere, 380.450,00 eurokoa da.

Oinarri arautzaile hauetan jasotako laguntzak %40ko tasarekin kofinantza daitezke Europako Gizarte Funtsaren (EGF +) baliabideekin, "2.I.03 Migratzaileak gizarte entitateen bidez integratzea" ekintzaren bitartez. Ordainduko dira 2025eko gastuen aurrekontuko "Migratzaileei harrera eta lagun egiteko entitateentzako dirulaguntzak, PE EGIF+ 21-27" izeneko 350001 35100 4819 231905 (PEP E-23/000611-01 elementuarekin) partidaren kargura.

2.2. Proiektu bakoitzeko dirulaguntza gehienez ere 42.000,00 eurokoa izanen da.

2.3. Laguntzen zenbatekoa, oro har, bat etorriko da onartutako aurrekontu osoaren %100arekin.

Onesten den aurrekontua kalkulatzeko, aurkezten den aurrekontuari honako diru kopuru hauek kenduko zaizkio: batetik, BEZa edo bestelako tributu batzuk, pertsona edo entitate eskatzaileentzat berreskuratzeko modukoak badira, eta, bestetik, Karibu-Migratzaileei Harrera eta Lagun Egiteko Zerbitzuaren ustez, proiektua gauzatzeko beharrezkoak ez diren edo deialdian aurreikusitako xedeari eta mugei egokitzen ez zaizkien diru kopuruak.

Laguntzaren zuzeneko kostuak honako kostu hauek kontuan hartuta kalkulatzen dira: zuzeneko pertsonal kostuak, higiezinen alokairua eta erabilera-gastu arruntak, materialak eta hornidurak, bidaiak eta dietak eta zerbitzu teknikoak eta profesionalak. Zuzeneko kostu horiek benetako kostuaren arabera zehaztu eta justifikatzen dira. 2021/1060 (EB) Erregelamenduaren 64. artikulua aplikatuz, finantza-gastuak ez dira kostu diruz lagungarriak.

Laguntzaren zeharkako kostuak kalkulatzeko, eta 2021/1060 (EB) Erregelamenduaren 53.2 artikuluan ezarritakoa betez, zuzeneko kostu diruz lagungarrien %7ko tasa finkoa erabiltzen da (54.a artikulua).

2.4. Hasiera batean emandako diru kopuruak askatzen badira, dirulaguntza ematen ahalko zaie halakorik jaso ez duten entitateei, edo, proiektu bakoitzeko baimendutako gehieneko zenbatekora iritsi gabe, onetsitakoa baino zenbateko txikiagoa jaso dutenei, betiere lortutako puntuazio hurrenkerari jarraikiz eta beharrezko eta behar adinako puntuazioa lortu bada.

3.–Gauzatzeko epeak.

Dirulaguntzaren xedeko proiektuak 2025eko urtarrilaren 1etik azaroaren 30era bitarte gauzatu beharko dira, bi egun horiek barne. Ondorio horietarako, ulertuko da gauzatu direla epe horren barrenean sortu direnean eta 2026ko urtarrilaren 16a baino lehenago ordaindu direnean.

4.–Proiektu diruz lagungarriak.

Diruz lagundutako proiektuek baldintza hauek bete beharko dituzte:

a) Proiektuko jarduerak Nafarroako Foru Komunitatean gauzatuko dira.

b) Diruz lagundutako jarduerak emakumeen eta gizonen aukera berdintasuna bultzatu behar du.

c) Egin beharreko jarduerak doakoak izanen dira, eta koordainketarik gabekoak.

d) Oinarri arautzaile hauetako helburu eta xedeekin bat etorriko dira, baita aplikatu beharreko bestelako arauekin ere.

Programak, proiektuak, jarduerak edo jarduketak ez dira diruz lagunduko baldin eta aplikatzen badituzte irizpide sexistak, arrazistak, xenofoboak edo beste edozein motatako diskriminazioa. Era berean, deialdi honetatik kanpo uzten dira eraikuntza eta/edo birgaitze obren proiektuak.

5.–Gastu diruz lagungarriak.

5.1. Gastu diruz lagungarriak dira diruz lagundutako jardueraren izaerarekin bat datozenak inongo zalantzarik gabe, oinarri hauetan ezarritako epean egiten badira. Gastu horien kostua ez da inoiz izanen merkatuko balioa baino handiagoa.

5.2. Zehazki, honako hauek dira gastu diruz lagungarriak, besteak beste:

A.–Proiektuko jarduerak gauzatzeko beharrezkoak diren zuzeneko gastuak, hala nola honako hauek:

a.1) Higiezinen alokairuak eta horiek erabiltzearen ondoriozko gastu arruntak, higiezin horietan egiten diren jarduera guztien artean diruz lagundutako jarduera egiten den proportzioan.

a.2) Jarduera egiteko zuzenean behar diren materialak eta hornidurak.

a.3) Pertsonal gastuak, haien barnean egonda soldatak, entitatearen kargura diren gizarte aseguruak eta jarduerak koordinatzeaz arduratzen diren langileen beste lan karga batzuk, eta/edo entitate onuradunak jarduerak gauzatzeko izendatutako gainerako langileenak. Entitateko langileek egindako jardueren kasuan, baldin eta beste eginkizun eta lan batzuk egiten badituzte diruz lagundutako jarduerari lotutakoez gainera, dagozkien lan guztien aldean jarduera horrek betetzen duen zati proportzionala besterik ezin izanen da egotzi zuzeneko kostu gisa. Pertsonal gasturako dirulaguntza Nafarroako Foru Komunitateko Administrazioan antzeko eginkizunak betetzen lan egiten duten profesionalentzat ezarritako ordainsari-kostuen adinakoa izanen da, gehienez; koordinazio lanetarako langileen kasuan, haien profila ez da izanen gizarte langileei dagokiena baino altuagoa.

a.4) Bidaiak eta dietak. Langileen joan-etorriei lotutako gastuak dira, jarduerak egiteari zuenean lotuta daudenenak, kontuan izanik Nafarroako Gobernuak 2025eko otsailaren 12an hartutako Erabakia, jarraibideak onesten dituena Nafarroako Foru Komunitateko Administrazioaren eta haren erakunde publikoen zerbitzuko langileek joan-etorriengatik egiten dituzten gastuen arloan.

a.5) Zerbitzu teknikoak eta profesionalak. Entitateaz kanpoko profesionalen kontratazioari dagozkion gastuak dira, diruz lagundutako proiektuan jasotzen den jarduera jakin bat egiteko kontratatzen diren kasuetan.

B.–Zeharkako gastuak, zuzeneko kostu diruz lagungarrien %7 edo gutxiago direnean (54.a artikulua). Proiektuaren zeharkako gastutzat hartuko dira, ondorio horietarako, entitate onuradunaren funtzionamenduko gastu orokorrak (bestelako pertsonal gastuak, lokalenak, bulegoko materialak eta beste gastu arrunt batzuk). Zeharkako gastu horien %85, gutxienez, Nafarroan egina izan beharko da.

5.3. Inola ere ez dira diruz lagunduko proiektua garatzeko beharrezkoak ez diren jarduerak edo deialdi honen xede ez direnak.

Era berean, ez dira diruz lagunduko:

a) Balio erantsiaren gaineko zerga (BEZa) edo zeharkako beste edozein zerga, berreskuratzen edo konpentsatzen ahal badira.

b) Ondasun inbentariagarriak eskuratu, birgaitu eta hobetzea.

c) Ibilgetu materialean, ibilgetu ukiezinean egindako inbertsioak, ez eta aplikazio informatikoen erosketa ere.

d) Amortizazioak.

e) Protokoloko eta luxuzko gastuak (otamenak, harrerak, opariak, loreak, ikuskizunetarako sarrerak, haborokinak lantegietara joate hutsagatik edo antzeko beste edozein).

f) Interesak, errekarguak eta zehapen administratibo eta penalak.

g) Zenbatekoa modu fidagarrian zehaztuta ez duten gastu-kontzeptuak.

5.4. Edonola ere, Dirulaguntzei buruzko azaroaren 9ko 11/2005 Foru Legearen 28. artikuluan xedatutakoari jarraituko zaio.

6.–Entitate onuradunek bete beharrekoak.

6.1. Deialdi honetan aipatzen diren dirulaguntzak jaso ahal izateko, baldintza hauek bete beharko dira:

a) Bere izaera juridikoarekin bat etorriz legez eratutako pertsona juridikoa izatea, eta erregelamenduz dagokion erregistroan inskribatuta egotea. Era berean, pertsona juridiko pribatuen taldeak, Dirulaguntzei buruzko azaroaren 9ko 11/2005 Foru Legearen 8.3 artikuluan xedatutakoarekin bat.

b) Irabazi-asmorik ez izatea.

c) Estatutuetan jasota izatea, helburu sozialen artean, esku-hartze sozialeko lana egitea, proiektua zer modalitatetarako eskatzen den, modalitate horrekin lotura duen arloan.

d) Nafarroako Foru Komunitatean ordezkaritza izatea eta lurralde honetan jardutea, edo, elkartearen jarduketa-eremua autonomia erkidegoaz gaindikoa bada, egitura eta aurrekontu berezitua daukan antolamendu bat izatea Nafarroan. Ez da diruz lagunduko baldintza hau bete aurretik egindako jarduera.

e) Dirulaguntzei buruzko azaroaren 9ko 11/2005 Foru Legearen 13. artikuluan xedatutakoa betetzea.

f) Ez egotea zehapen administratibo irmorik edo kondena-epai irmorik betetzen, edo, hala bada, ez egotea zehapen eta kondena-epai bat bete zain, sexuagatiko edo generoagatiko diskriminazioa dakarten lan arloko jardunbideak gauzatu edo toleratzeagatik.

6.2. Eskaerak aurkezteko epea bukatzen den egunean bete beharko dira baldintza guztiak. Orobat, diruz laguntzen den jarduerak irauten duen bitartean (3. oinarria) bete beharko dira, justifikazio epea bukatu arte.

7.–Eskaerak eta agiriak aurkezteko epea eta modua.

7.1. Eskaerak aurkezteko epea 15 egun baliodunekoa izanen da, deialdi hau Nafarroako Aldizkari Ofizialean argitaratu eta biharamunetik hasita. Eskaerak adierazitako epetik kanpo aurkeztuz gero, ez dira onartuko.

7.2. Eskaerak aurkezteko modua.

Eskaerak eta aurkeztu beharreko dokumentazio guztia modu telematikoan aurkeztu beharko da nahitaez, Nafarroako Gobernuko erregistro orokor elektronikoaren bidez: https://www.navarra.es/eu/tramiteak/on/-/line/Erregistro-Orokor-Elektronikoa.

Horretarako, nahitaez eduki behar da ziurtagiri digitala.

Eskaera Etxebizitzako, Gazteriako eta Migrazio Politiketako Departamentuko Migrazio Politiketako Zuzendaritza Nagusiari zuzenduko zaio.

Entitate bakoitzak proiektu bakarra aurkezten ahal du.

Ekintza bat entitate batek baino gehiagok elkarrekin egiten badute, ekintza gauzatzeko ardura bere gain hartzen duen entitateak aurkeztuko du eskaera, eta entitate horrek egin beharko ditu ekintzari dagozkion ordainketa eta gastu guztiak.

7.3. Aurkeztu beharreko agiriak.

Eskaera Nafarroako Gobernuaren eskabide orokorrean aurkeztuko da. Helbide honetan dago eskuragai:

https://www.navarra.es/eu/tramiteak/on/-/line/nafarroako-foru-administrazioaren-inprimaki-orokorrak

Behar bezala betetako eskaera-orri ofizialarekin batera, agiri hauek ere aurkeztuko dira, eskaneatuta eta agiriak bereizita eta behar bezala identifikatuta:

A.–Entitate eskatzaileari buruzko agiriak:

a) Entitatearen estatutuak.

b) Entitatea erregelamenduz dagokion erregistroan inskribatuta dagoela frogatzen duen ziurtagiria edo beste frogagiri bat. Entitateak egoitza soziala Nafarroatik kanpo baldin badu, Nafarroako Foru Komunitatearen lurraldean ordezkaritza bat ireki duela dioen ziurtagiria. Aipamen horren ordez beste erregistro administratibo batek emandako ziurtagiri osagarria aurkezten ahalko da, ordezkaritza hori badela egiaztatzen duena, edo notarioaren agiria, fundazioen kasuan. Bata zein bestea aurkeztu, ziurtagiriak urtebete baino gutxiagoko antzinatasuna izan beharko du, deialdi hau argitaratzen den egunean.

c) Identifikazio fiskaleko txartela.

d) Onuradun izateko baldintzak betetzeari buruzko erantzukizunpeko adierazpena, IV. eranskineko ereduaren araberakoa.

e) Sexuan edo generoan oinarritutako diskriminazio ezari buruzko erantzukizunpeko adierazpena, V. eranskineko ereduaren araberakoa.

f) Gardentasun betebeharrak betetzeari buruzko erantzukizunpeko adierazpena, VI. eranskineko ereduaren araberakoa, eta, kasua bada, bidezko informazioa, entitate onuradunaren legezko ordezkariak sinatua.

g) Nafarroako Gobernuko Ekonomia eta Ogasun Departamentuak emandako ziurtagiria, gehienez ere hilabete lehenagokoa, frogatzen duena egunean dituela Foru Ogasunarekiko zerga betebeharrak. Ez dira agiri horiek aurkeztu beharko, baldin eta baimena ematen bada Etxebizitzako, Gazteriako eta Migrazio Politiketako Departamentuak egiaztapen hori zuzenean egiteko Ekonomia eta Ogasun Departamentuan (VII. eranskina).

h) Gizarte Segurantzako Diruzaintza Orokorrak egindako ziurtagiria, gehienez ere aurkeztu baino hiru hilabete lehenago egina, frogatzen duena Gizarte Segurantzarekiko betebehar guztiak egunean daudela. Ez dira agiri horiek aurkeztu beharko, baldin eta baimena ematen bada Etxebizitzako, Gazteriako eta Migrazio Politiketako Departamentuak egiaztapen hori zuzenean egiteko (VII. eranskina).

i) Beste dirulaguntza batzuk eskatu edo jasotzeari buruzko erantzukizunpeko adierazpena, VIII. eranskineko ereduaren araberakoa, eta, kasua bada, bidezko informazioa, entitate onuradunaren legezko ordezkariak sinatua.

j) Kasua bada, BEZaren aitorpenak egitetik salbuetsita dagoela edo zergaren menpe ez dagoela frogatzen duen ziurtagiria, Nafarroako Zerga Ogasunak edo Espainiako Zerga Administrazioko Estatu Agentziak gehienez ere hiru hilabete lehenago egina.

k) Hala badagokio, eta 10. oinarrian xedatutakoari dagokionez, aurrerakinaren eskaera eta dirulaguntzaren xedeak betetzeko funtsik ez izateari buruzko erantzukizunpeko adierazpena, eta premia frogatzeko egiaztagiriak, III. eranskineko ereduaren araberakoa.

l) Transferentzia bidez ordaintzeko eskaera, Nafarroako Gobernuari dirulaguntza eskatzen dion lehenbiziko aldia baldin bada edo aurreko dirulaguntzak jasotzeko emandako bankuko kontua aldatu bada; eredua Nafarroako Gobernuaren webguneko Diruzaintza Inprimakien atalean egonen da eskuragarri (https://www.navarra.es/eu/tramiteak/on/-/line/nafarroako-foru-administrazioaren-inprimaki-orokorrak).

B.–Dirulaguntzaren xede den proiektuari buruzko agiriak, hura baloratzeko:

a) Eskaera tekniko eta ekonomikoko ereduak, euskarri informatikoan eta inprimaki ofizialaren arabera aurkeztuak. Interesdunen eskura egonen dira Nafarroako Gobernuaren webguneko Zerbitzuen Katalogoan (https://www.navarra.es/eu/tramiteak).

Eskaera teknikoek ezin izanen dute 20 orrialde baino gehiago eduki (edo 10 orri bi aldeetatik), Arial 11 letran eginda. Eskaera tekniko luzeagoak atxikiz gero, baloraziorako lehen 20 orrialdeak baizik ez dira aintzat hartuko. 20 orrialde horietan ez da kontuan hartuko 7.3 A atala, "Entitate eskatzaileari buruzko dokumentazioa".

b) Agiri grafiko, tekniko eta ekonomikoak (proformako fakturak, aurrekontu profesionalak eta abar), eta proiektua behar bezala ulertzeko beharrezkotzat jotzen diren bestelako agiriak. Agiri horiek guztiak memoriaren eranskintzat hartuko dira.

7.4. Bat etorriz Dirulaguntzei buruzko azaroaren 9ko 11/2005 Foru Legearen 13.8 artikuluan eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 28. artikuluan xedatutakoarekin, Foru Komunitateko Administrazioko organoek ziurtatu behar dituzten agiriak edo administrazio honen esku dauden agiriak badira, ez da beharrezkoa izanen 7.3.A ataleko a), b) eta c) letretan derrigorrezko gisa bildutako agiriak aurkeztea, baldin eta agiri horietan aldaketarik ez bada gertatu. Foru Komunitateko Administrazioko organoen esku badaude, eskatzaileak zehaztu egin beharko du noiz eta zer administrazio organotan aurkeztu zituen agiri horiek eta, gainera, espediente hura amaitu zenetik bost urte baino gehiago igaro ez baldin badira bakarrik izanen da zilegi, bestela ez.

8.–Dirulaguntza emateko prozedura eta instrukzioa.

8.1. Dirulaguntzak norgehiagokako araubideari jarraikiz emanen dira, Dirulaguntzei buruzko azaroaren 9ko 11/2005 Foru Legearen 17.1 artikuluarekin bat.

8.2. Prozeduraren instrukzioa Karibu-Migratzaileei Harrera eta Lagun Egiteko Zerbitzuari dagokio (Migrazio Politiketako Zuzendaritza Nagusia). Zerbitzu horrek egiaztatuko du, hain zuzen, dirulaguntzak jasotzeko derrigorrezko baldintzak betetzen direla, eta ofizioz baloratuko ditu eskaerak, II. eranskinean ezarritako irizpideen arabera.

8.3. Eskaerak ez baditu adierazitako baldintzak betetzen, gehienez 10 egun balioduneko epean zuzentzeko eskatuko zaio entitate interesdunari. Hala egin ezean, eskaeran atzera egin duela ulertuko da, espedientea artxibatzeko ebazpena eman ondoren, zeina Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritakoaren arabera emanen baita.

Ezin izanen da zuzendu baloratzeko aurkezten diren agiriak. Okerreko datuak, akats aritmetikoak, oso errealistak ez diren kostuak edo hautagarriak ez diren beste kostu batzuk atzematen badira, organo kudeatzaileak horren inguruko argibideak eskatzen ahalko dizkio entitate interesdunari.

8.4. Eskaerak 0tik 100 puntura arteko eskala baten arabera baloratuko dira, II. eranskinean adierazitako irizpide objektiboak eta haien haztapena kontuan hartuta.

8.5. Dirulaguntza jaso ahal izateko, proiektuek gutxienez 50 puntu lortu beharko dituzte guztira, eta gutxienez 25 puntu II. eranskineko c atalean (proiektuaren koherentziaren azterketa) eta gutxienez 3,5 puntu, aldiz, f atalean (baliabide ekonomikoen azterketa).

8.6. Balorazio positiboa lortzen duten eskaeren zenbateko guztiek aurrekontuetan horretarako dagoen kreditua gainditzen badute, lehentasun hurrenkera bat ezarriko da, balorazioan lorturiko puntuazioaren arabera, eta dirulaguntzak muga horretaraino banatuko dira.

Gerakinik izanez gero, eta gerakina txikiagoa baldin bada puntuazioaren arabera hurrengo den proiekturako eskatutako aurrekontua baino, dirulaguntza proposatuko da baldin eta efizientea bada hura ematea. Horrelakoetan, onuradunari eskabidea berridazteko eskatu ahal izanen zaio, konpromisoak eta baldintzak egokitu ditzan eman daitekeen dirulaguntzara, haren xedea eta ezaugarriak bere horretan utzita, betiere.

8.7. Proiektu batek baino gehiagok puntuazio bera lortzen badute eta aurrekontuan denentzako kreditu aski ez badago, II. eranskineko c atalean (proiektuaren koherentziaren azterketa) puntuazio handiena lortzen duena izanen da entitate onuraduna. Berdinketak irauten badu, proiektuak baloratzeko irizpideen c.1 atalean lortutako puntuazioaren arabera ebatziko da.

8.8. Karibu-Migratzaileei Harrera eta Lagun Egiteko Zerbitzuak, balorazioa egin ondoren, ebazpen proposamena eginen dio Migrazio Politiketako zuzendari nagusiari, dirulaguntza jasotzeko derrigorrezko gisa ezarritako baldintzak betetzen dituzten pertsona edo entitate onuradunak adierazita, eta, hala badagokio, gainerako eskaerak ezesteko arrazoiak ere adieraziko ditu.

9.–Prozeduraren ebazpena.

9.1. Instrukzio-organoak egindako ebazpen proposamenean oinarrituta, Migrazio Politiketako zuzendari nagusiak dirulaguntzak ematea ebatziko du. Ebazpen horretan dirulaguntza jaso duten eskatzaileen zerrenda adieraziko du, eta berariaz jakinaraziko du gainerako eskaerak ezetsi direla; ezetsitako eskaera horien artean zehaztu egin beharko dira, besteak beste, aurrekontu baliabideen mugaren ondorioz ezetsi direnak.

9.2. Ebazpena eman eta jakinarazteko epea hiru hilabetekoa izanen da, eskaerak aurkezteko epea bukatzen denetik zenbatzen hasita. Epe hori igarota berariazko ebazpena jakinarazi ez bada, dirulaguntzaren eskaera ezetsi egin dela ulertuko da.

9.3. Deialdiaren ebazpena entitate interesdunei jakinaraziko zaie administrazio prozedura arautzen duen legedian ezarri bezala, eta Nafarroako Atarian argitaratuko da (https://www.navarra.es/eu/tramiteak/bilatzailea/-/buscartramite/).

10.–Dirulaguntzaren ordainketa.

10.1. Oro har, dirulaguntza aldez aurretik eta ordainketa bakar batean ordainduko da, emandako zenbateko guztiarekin, gehienez ere hilabeteko epean, dirulaguntza emateko ebazpena ematen denetik zenbatzen hasita, Dirulaguntzei buruzko 11/2005 Foru Legearen 33. artikuluan ezarritakoari jarraikiz, baldin eta irabazi-asmorik gabeko entitateek edo horien federazio, konfederazio edo taldeek ez badute aski baliabiderik dirulaguntza jaso duen jardueraren gauzatzea behin-behinean finantzatzeko, eta behar bezala frogatzen badute.

Horretarako, eskaerari erantsi beharreko dokumentazioarekin batera, deialdi honen III. eranskinean jasota dagoen erantzukizunpeko adierazpena aurkeztu beharko da, adierazten duena entitateak aski funtsik ez duela dirulaguntzaren helburuak betetzeko, eta premia hori egiaztatu beharko da entitateko ordezkariaren ziurtagiri baten bidez; hartan, honako hauek adieraziko dira: entitatearen izenean dauden banku kontuak, diruzaintzako egoera edo bankuko kontuetako uneko saldoak agertzen dituen bankuko ziurtagiri bat –banku elektroniko bidez lortutakoak ere onartuko dira–, bai eta hileroko aurreikuspen bat ere, ordaintzeke edo kobratzeke dauden gastuei eta diru-sarrerei buruz (dirulaguntzaren xedearekin lotutakoak), eta proiektuarekin lotu gabeko gastu- eta sarrera-konpromisoak.

10.2. Ordainketa bakar batean aldez aurretik ordaindu ez den kasuetan, bi ebazpenen bidez onetsiko da diruz lagundutako zenbatekoaren ordainketa. Lehenengo ebazpena, 2025eko urtarrilaren 1etik irailaren 30era bitartean egindako ekintzengatik justifikatutako gastuak ordaintzeko, 11. oinarrian adierazitakoaren arabera; eta bigarren ebazpena, 2025eko abenduan onestekoa, 2025eko urriaren 1etik azaroaren 30era bitartean egindako gastuen konturako ordainketa erabakiko duena.

Bigarren ordainketa horretarako, entitate onuradunak konturako ordainketa-eskaera bat aurkeztu beharko du, abenduaren 2a baino lehen.

Eskaera horrek sortutako eta justifikatzeko dauden gastu arrunten eta pertsonal gastuen zerrenda bati erantzunen dio, 3. oinarrian aurreikusitako baldintzetan gauzatutako jarduera zatiari dagokionez.

Konturako ordainketa eskatzeko ez da beharrezkoa izanen dirulaguntzaren xedeak betetzeko funts-horniduraren beharra justifikatzea, Dirulaguntzei buruzko azaroaren 9ko 11/2005 Foru Legearen 33.4 artikuluan xedatutakoaren arabera.

11.–Dirulaguntzaren justifikazioa.

11.1. Entitate onuradunek aurkeztu beharko dituzte diruz lagundutako proiektua gauzatzeari buruz behar diren txosten tekniko eta ekonomiko guztiak, inprimaki ofizialean eta euskarri informatikoan, zeina Nafarroako Gobernuaren webgunearen Zerbitzuen Katalogoan eskuratzen ahal baita (https://www.navarra.es/home_eu/Servicios/).

11.2. Entitate onuradunek, diruz lagundutako zenbateko osoa aldez aurretik ordaintzea dagokien ala ez kontuan hartuta, jarduketak eta haiekin lotutako gastuak oinarri hauetan adierazitakoaren arabera gauzatu izanaren justifikazioa aurkeztuko dute, honako data hauetara egokituta:

–2025eko urriaren 15a azken eguna da (justifikazio partziala) 2025eko irailaren 30era arte (egun hori barne) egindako jarduketen eta haiei lotutako gastuen justifikazioa aurkezteko, Migrazio Politiketako Zuzendaritza Nagusiak emandako dirulaguntzaren %100 aldez aurretik jaso ez duten entitateentzat soilik.

–2026ko urtarrilaren 16a azken eguna da (azken justifikazioa), batetik, aurreko puntuan aipatutako entitateek 2025eko urrian eta azaroan egindako jarduketak justifikatzeko, eta, bestetik, Migrazio Politiketako Zuzendaritza Nagusiak emandako dirulaguntzaren %100eko aurrerakina jaso duten entitateek diruz lagundutako jarduketa guztiak justifikatzeko (2025eko urtarrilaren 1etik azaroaren 30era arteko jarduketak).

Gainera, prozeduraren instrukzio-organoak proiektuaren bilakaerari buruzko txosten bat aurkezteko eskatzen ahalko du noiznahi, diruz lagundutako jarduerak zenbateraino gauzatu diren azalduko duena. Horrez gain, diruz lagundutako proiektuari aurrez aurreko jarraipena egiten ahalko dio.

11.3. Tarteko justifikazioa, %100eko ordainketa aurreratua jasotzen ez duten entitateek aurkeztu beharrekoa, eta azken justifikazioa, bi kasuetan gastuaren eta ordainketaren frogagiriak aurkeztuta, justifikazio-kontuaren bidez aurkeztuko dira, honako elementu hauek osatuta, dagokionaren arabera:

–Proiektuaren bilakaerari buruzko txosten teknikoa eta ekonomikoa, oinarri honen 1. atalean aurreikusitako ereduaren arabera. Kronograma batean, diruz lagundutako jarduerak ezarritako helburuen arabera (orduak, prezioa, parte-hartzaileen kopurua, etab.) gauzatu direla adieraziko da, bai eta ordaindutako gastu guztien zerrenda ordenatua, zenbakitua eta xehatua ere.

Txosten horiek tartean aurkezten badira, programa gauzatu ondoren aurkeztu beharreko amaierako txostenean ez da informazio hori aurkeztu beharko. Beraz, tarteko txostenak aurkeztu behar izan dituzten entitateek justifikatzeko dagoen aldiari buruzko informazioa baino ez dute sartu beharko amaierako txostenean. Ondorio horietarako, amaierako txostena izanen da justifikatzen duena diruz lagundutako proiektu osoa oinarri arautzaile hauetan ezarritakoaren arabera gauzatu dela, beste finantzatzaile batzuei dagokien zatia barne, halakorik balego.

–Onartutako proiektua gauzatzeko egindako gastuen eta ordainketen ziurtagiriak, zeinak digitalki aurkeztu beharko baitira.

2025eko urtarrilaren 1etik aurrera jaulkitako ordainagiriak eta fakturak baino ez dira onartuko gastuen frogagiri gisa. Agiri horietan honako hauek jaso beharko dira: agiri-zenbakia, jaulkipen data eta ordainketaren data efektiboa, jaulkitzailearen eta hartzailearen datuak, kontzeptua, zenbatekoa eta ordaintzeko formula, bat etorriz fakturazio betebeharrak arautzen dituen erregelamendua onesten duen apirilaren 10eko 23/2013 Foru Dekretuan xedatutakoarekin. Kanpoan geratzen dira berariaz albaranak, aurrekontuak eta hartze-agiriak. Fakturak ez dira onartuko baldin eta fakturatutako ondasuna edo zerbitzua ez bada argi eta bereiz ezartzen kontzeptuan.

100 eurotik gorako gastuen ordainketa guztiak bankuko ordainagirien bidez frogatuko dira. Zenbateko horretakoak edo txikiagoak diren gastuak, berriz, fakturen bidez edo froga balio bera duten beste agiri batzuen bidez justifikatzen ahalko dira, kasu bakoitzeko ordainagiriak erantsita, hots: bankuko frogagiriak, "ordainduta" zigilua daramaten fakturak (hornitzaileak sinatuak eta zigilatuak), edo faktura edo gastua ordaindu dela frogatzen duen beste edozein agiri.

Onartutako gastuen zerrenda eta dagozkien aldaketak, halakorik egonez gero, ordainketa proposamenarekin batera aurkeztuko dira, edo, bestela, gastuaren justifikazioarekin batera, dirulaguntzaren ordainketa aurreratua egin bada.

–Zergapetuak eta salbuetsi gabeak badira, BEZ konpentsatuaren aitorpena.

–Hiruhilekoko 715 eredua (lan atxikipenak, zenbait enpresa eta lanbide jarduerarenak eta sarienak), eta hiruhilekoko 759 eredua (errentamenduengatiko atxikipenak).

–Entitateko arduradunak sinatutako ziurtagiria, non egiaztatuko baita proiektuko langileek entitateak lortzen dituen programa finantzatuetan egin dituzten lanaldien egozpena, eta proiektuan aritu diren langileei ordaintzeko benetan bideratu dela.

–Entitateko arduradunak sinatutako ziurtagiria, non egiaztatuko baita, batetik, justifikazio-kontuan zer portzentaje egotzi zaien zeharkako gastuei, eta bestetik, jarduera gauzatzeko diru-sarrerek ez dituztela gastuak gainditu.

–Hileko nominen zerrenda, langileei eta Gizarte Segurantzari egindako ordainagiriekin eta digitalizatutako lan-kontratuekin batera, hori guztia dirulaguntzaren bidez finantzaturiko langileei dagokienez.

–Finantzatutako proiektua gauzatu dela bermatzen duen beste edozein agiri.

11.4. Baldin eta, dirulaguntzaz gain, funts berekiak edo bestelako dirulaguntza nahiz baliabideak erabiltzen badira jarduerak finantzatzeko, egiaztatu beharko dira halako funtsen zenbatekoa, jatorria eta diruz lagundutako jardueretan izan duten aplikazioa.

11.5. Instrukzio-organoak zehazten badu zuzendu daitezkeen akatsak daudela entitate onuradunak aurkeztutako justifikazioan, horren berri emanen dio, hamar egun balioduneko epean zuzendu ditzan.

11.6. Diruz lagundutako zenbatekoa oker justifikatuta badago, justifikatu gabeko zatia jasotzeko eskubidea galduko da, eta justifikatu gabeko gastuen eta ordainketen zenbatekoa itzultzeko prozedura abiaraziko da hortik aurrera.

12.–Entitate onuradunen betebeharrak.

Dirulaguntzen onuradun diren entitateek betebehar hauek izanen dituzte:

a) Dirulaguntza ematea eragin duten proiektua eta jarduerak gauzatzea deialdi honetako oinarri arautzaileen eta baldintza eta betebehar formal eta materialen arabera, eta dirua zer helburutarako eman zen, hartarako baino ez erabiltzea.

b) Oinarri arautzaileotan aipatzen diren frogagiriak, tartekoak eta amaierakoak, aurkeztea.

c) Datuak elektronikoki trukatzeko sistemen bidez informazioa emateko konpromisoa hartzea.

d) Organo kudeatzaileari jakinaraztea proiektuari atxikitako langile taldean egiten diren aldaketa guztiak, eta, bereziki, laneko bajak. Baja kasuetan, langileak gehienez ere hilabeteko epean ordeztu beharko dira, dirulaguntza ematean aintzat hartutako pertsonal gastua osatzeko behar den lanaldi portzentajerako kontratatuz.

e) Honako hauek egiten dituzten kontrolen menpe jartzea, bai eta kontrol horietan laguntzea ere, kasua bada: Nafarroako Gobernua, Laneko eta Ekonomia Sozialeko Ministerioa, Europako Batzordea edo Nafarroako, Espainiako edo Europar Batasuneko kontroleko eta fiskalizazioko edozein organo.

f) Organo kudeatzaileak eta indarra duen antolamendu juridikoaren arabera eskudun diren bestelako organoek egin beharreko egiaztapen lanak onartzea.

g) Dirulaguntzaren jatorria jakitera ematea, diruz lagundutako proiektuen zabalkunde eta publizitate orotan, baita zerbitzua ematen den lokalean ere. Zabalkunde idatzian edo grafikoan Nafarroako Gobernuaren logotipoak agertu beharko du, dirulaguntza jasotzen duen entitatearenak duen tamaina berean eta ikusteko moduko baldintza beretan, eta Nafarroaren Sinboloei buruzko otsailaren 27ko 4/2020 Foru Legean ezarritakoari jarraituz. Era berean, "Navarra de Colores-Nafarroa Koloretan" markaren logotipoa agertuko da.

h) Dirulaguntzaren jatorria jakitera ematea, diruz lagundutako proiektuen zabalkunde eta publizitate orotan, baita zerbitzua ematen den lokalean ere. Zabalkunde idatziaren edo grafikoaren kasuan, Batasunaren ikurra jarri beharko da, XI. eranskinean agertzen diren ezaugarri teknikoen arabera, inbertsio fisikoak eskatzen dituzten eragiketen betetze fisikoa hasi bezain laster edo erositako ekipoak instalatu bezain laster. Onuradunaren webgunean, halakorik badute, eta hedabide sozialetako beren kontuetan, eragiketaren deskribapen laburra jarri beharko dute, laguntzaren mailaren, helburuen eta emaitzen neurrikoa, eta Europar Batasunaren finantza-laguntza nabarmenduko dute.

i) Diruz lagundutako jarduera finantzatzeko lortutako beste dirulaguntza, laguntza, diru-sarrera edo baliabideen berri ematea organo kudeatzaileari. Jakin bezain laster emanen da horren berri, eta jasotako funtsak zertan erabili diren justifikatu baino lehen.

j) Entitatearen izaera dela-eta kontabilitatean eskatzen ahal zaizkion betebeharrak betetzea.

k) Laguntzaren itzulketa kostu errealetan oinarrituta egiten bada, kontabilitate-erregistro independenteak edo kontabilitate-kode egokiak eduki beharko dituzte eragiketarekin lotutako transakzio guztietarako.

l) Justifikazio kontuak aurkeztea ezarritako ereduaren arabera.

m) X. eranskinean (EGIF+ programaren 1057/2021 Erregelamenduaren I. eranskina) agertzen diren gauzatze-adierazleak jakinarazi ahal izateko behar diren datuak ematea.

n) Jasotako diruaren erabilerari buruzko frogagiriak gordetzea, agiri elektronikoak barne, egiaztatze eta kontrol lanen xede izan daitezkeen bitartean.

o) Justifikazio-agiriak bost urtez gordetzeko konpromisoa hartzea, kudeaketa-agintaritzak onuradunari azken ordainketa egiten dion urteko abenduaren 31tik aurrera. Epe hori Karibu-Migratzaileei Harrera eta Lagun Egiteko Zerbitzuak jakinaraziko dio, Nazioarteko Proiekzioaren Zerbitzuak jakinarazi ondoren.

p) Migrazio Politiketako Zuzendaritza Nagusiaren baimena eskatu eta eskuratzea diruz lagundutako proiektuan funtsezko aldaketak egiteko, baldin proiektua gauzatzea nabarmen aldatzen edo zailtzen duten inguruabarrak gertatzen badira. Funtsezko aldaketatzat jotzeko, helburuetan, emaitzetan, onura hartzen duen populazioan edo lurralde kokapenean eragina izan beharko du, edo, hasierako aurrekontuarekin alderaturik, partidako multzo bakoitzaren %20ko desbideratze ekonomikoa gertatu beharko da. Aldaketa eskaerek behar bezala arrazoitu beharko dute aldaketa edo zailtasun hori, eta aldaketa justifikatzen duten inguruabarrak agertu eta berehala aurkeztu beharko dira. Dirulaguntza emateko kontuan hartutako baldintzetan edozer aldatuz gero, Administrazioak onartu ala ez, dirulaguntza emateko ebazpena aldatzea ekartzen ahalko du, edo, hala badagokio, kasuan kasuko zenbatekoa itzuli beharko da. Proiektua gauzatu bitartean gertatzen diren gainerako gorabeherak eta aldaketa ez-funtsezkoak arrazoituta adieraziko dira justifikazioko txosten partzialean edo amaierakoan, barnean dela Nafarroako Gobernuarenak ez diren finantzabideak handitzeagatik guztirako kostua handitzea.

q) Konpromisoa hartuko dute kudeaketaren arloan eraginkorrak diren neurri proportzionalak aplikatzeko iruzurraren kontra: kalitate kontrola eta gardentasuna kontratazioaren arloan, gerta litezkeen interes-gatazken kontrola, faltsutzeen kontrola, etab.

r) Dirulaguntzei buruzko azaroaren 9ko 11/2005 Foru Legeak ezarritako gainerako eginbeharrak.

13.–Hornitzaileen azpikontratazioa eta hautaketa.

13.1. Onuradunak hirugarrenekin azpikontratatzen ahalko du, diruz lagundutako aurrekontuaren %50 gainditu gabe. Jarduerak, dirulaguntzaz gain, funts berekiekin edo beste dirulaguntza edo baliabide batzuekin finantzatu badira, ezin izanen zaio %50 baino gehiagoko portzentajea egotzi, azpikontratazio gisa, Migrazio Politiketako Zuzendaritza Nagusiak emandako zenbatekoari.

Ondorio horietarako, onuradunak azpikontratua egiten duela ulertuko da, hirugarrenekin ituna egiten badu dirulaguntzaren xede den jarduera zati batean egin dezaten. Dirulaguntzaren xede den jarduera onuradunak berak egin ahal izateko egin behar dituen gastuen kontratazioa kontzeptu horretatik kanpo gelditzen da.

Ezin izanen dira inola ere azpikontratatu diruz lagundutako jardueraren kostua garestitzen duten jarduerak, haren edukiari baliorik eransten ez badiote.

13.2. Onuradunarekin lotutako pertsona edo entitateak azpikontratatzeari dagokionez, Dirulaguntzei buruzko azaroaren 9ko 11/2005 Foru Legearen 26.7.d) artikuluarekin bat, Migrazio Politiketako zuzendari nagusiaren aldez aurreko baimena lortu beharko da. Horretarako, entitate interesdunak baimen-eskaera aurkeztu beharko du, IX. eranskineko ereduaren araberakoa. 15 egun baliodun izanen dira, gehienez, baimenari buruzko ebazpena eman eta jakinarazteko, eskaera aurkezten den egunetik zenbatzen hasita. Epe hori igarota ebazpenik jakinarazi ez bada, ulertuko da azpikontrataziorako baimena eman dela.

13.3. Hala badagokio, eta Dirulaguntzei buruzko azaroaren 9ko 11/2005 Foru Legearen 28.3 artikuluan xedatutakoarekin bat, diruz lagundutako gastuak aholkularitza edo laguntza enpresek zerbitzu emateko baldin badira eta 12.000 eurotik gorakoak badira, entitate onuradunak organo emaileari frogatu beharko dio enpresa edo entitate hornitzailea efizientzia eta ekonomia irizpideei jarraikiz hautatu dela. Horretarako, helburua lortzeko gai diren hiru enpresarekin edo gehiagorekin kontsultatu eta negoziatu beharko ditu kontratuaren baldintzak, eta eskaintzarik hoberena egiten duenarekin sinatuko du. Entitate onuradunak kontsulta-tramite horren gaineko agiriak eta dagozkion eskaintzak gorde beharko ditu, eta kontu horiek guztiak agiri bidez frogatu dirulaguntza ematen duen organoaren aurrean, kontratuak indarra hartu bezain laster. Agiri horiekin batera, egindako hautapena arrazoitzeko txosten labur bat aurkeztuko da.

Ez da beharrezkoa izanen enpresa bati baino gehiagori kontsulta egitea baldin eta, gastu diruz lagungarrien ezaugarri bereziengatik, behar adina ez badira merkatuan hornidura edo zerbitzu hori egiten duten enpresak.

13.4. Onuradunek azpikontratatzen badituzte diruz lagundutako jarduerak, azpikontratazioa Dirulaguntzei buruzko azaroaren 9ko 11/2005 Foru Legearen 26. artikuluan xedatutakoari egokituko zaio beti.

14.–Dirulaguntzen bateragarritasuna.

14.1. Deialdi honetan aurreikusitako dirulaguntzak bateragarriak dira jarduera garatzeko lortzen ahal diren beste batzuekin, salbu Nafarroako Gobernuak, Eskubide Sozialetako Departamentuaren bidez, 2025. urtean onetsitako deialdi honetatik datozenak: "Irabazi-asmorik gabeko entitateentzako dirulaguntzen deialdia, talde ahulenen gizarte sustapenaren eta gizarte inklusioaren arloko proiektuak egiteko".

14.2. Ematen diren dirulaguntzen zenbatekoak ez du sekula gaindituko, bakarrik edo beste erakunde edo instituzio pribatu zein publiko batzuen laguntzekin edo dirulaguntzekin batuta, diruz lagundutako jardueraren kostua. Horretarako, entitate onuradunak VIII. eranskinean jasotako erantzukizunpeko adierazpena bete beharko du.

15.–Ez-betetzeak.

15.1. Oinarri hauetan ezarritako betebeharrak betetzen ez badira, edo Dirulaguntzei buruzko azaroaren 9ko 11/2005 Foru Legearen 35. artikuluan aurreikusitako gainerako kausak gertatzen badira, emandako dirulaguntza kobratzeko eskubidea galduko da, edo, hala badagokio, dagokion zenbatekoa osorik edo zati batean itzuli beharko da, 35. artikulu horretan ezarritakoaren arabera.

15.2. Gardentasunari buruzko betebeharrei buruzko informazioa eman beharra bete ezean (VI. eranskina), ez zaie emandako dirulaguntza ordainduko, ezta aurrerakinak ere, eta, hala bada, kobratutako zenbatekoak itzuli beharko dira, Dirulaguntzei buruzko Legearen 35.1 c) artikuluan ezarritakoari jarraikiz.

15.3. Ez-betetzeak mailakatzeko irizpide hauek hartuko dira kontuan bereziki, eman beharreko dirulaguntza edo, hala badagokio, itzuli beharreko zenbatekoa zehazteko:

–Esku-hartzea noraino bete den, arlo teknikoari eta aurrekontuari dagokienez.

–Zenbat aldaketa egin diren, eta nolakoak, aurretik baimen administratiboa izan gabe.

–Amaierako justifikazioan ez-betetze formal hutsak eginez gero, epemugatik zenbat egun pasa diren kasuan kasuko agiriak aurkeztu arte.

15.4. Aurreko ataletan xedatutakoa gorabehera, arau-hauste eta zehapenei dagokienez, Dirulaguntzei buruzko azaroaren 9ko 11/2005 Foru Legearen 42. artikuluan eta hurrengoetan araututakoari jarraikiko zaio, edo, bestela, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean ezarritakoari.

16.–Administrazio-errekurtsoak.

Oinarri arautzaile hauen kontra gora jotzeko errekurtsoa jartzen ahalko da, Etxebizitzako, Gazteriako eta Migrazio Politiketako kontseilariari zuzendua, argitaratu eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoari jarraikiz.

Oinarri arautzaile hauek aplikatuz Migrazio Politiketako zuzendari nagusiak ematen dituen ebazpenen kontra bidezkoa da gora jotzeko errekurtsoa jartzea, Etxebizitzako, Gazteriako eta Migrazio Politiketako kontseilariri zuzendua, argitaratu edo jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoari jarraikiz. Errekurritutako egintza berariazkoa ez bada, noiznahi jartzen ahalko da gora jotzeko errekurtsoa, isiltasun administratiboaren ondorioak hasi eta biharamunetik aurrera.

17.–Datuen tratamendua.

Deialdi honetan parte hartzeak berekin ekarriko du Etxebizitzako, Gazteriako eta Migrazio Politiketako Departamentuak entitate parte-hartzaileen datuen tratamendua egitea, eta tratamenduaren arduraduna Migrazio Politiketako Zuzendaritza Nagusia izanen da.

Datuen tratamendua justifikatuta dago deialdiaren parte-hartzea kudeatu behar delako, eta dirulaguntza ematen denean, alderdien artean sortzen den harreman juridikoa kontrolatu eta gauzatu behar delako. Helburu hori interes publikoko edo ahal publikoko legitimazioa da, Datuak Babesteko 2016/679 (EB) Erregelamendu Orokorraren 6.1.e) artikuluan zehazten den moduan, eta Dirulaguntzei buruzko azaroaren 9ko 11/2005 Foru Legea da oinarri juridikoa.

Dirulaguntzen entitate onuradunen datuak, tratamenduaren helburukoak, mota honetakoak dira: identifikaziokoak, harremanetarakoak, bankukoak, profesionalak eta ekonomiko-finantzarioak, edo helburu horretarako behar den beste edozein.

Entitate parte-hartzaileei buruzko datuak zein xedetarako bildu diren, halako xedea lortzeko beharrezkoa den denbora guztian gordeko dira, bai eta xede horren edo datuen tratamenduaren ondoriozko erantzukizun guztiak zehaztu ahal izateko ere. Zehazki, gordetzeko aurreikusitako epea izanen da Nafarroako Gobernuaren agiriak gordetzeko indarreko egutegiak adierazten duena.

Interesdunek Etxebizitzako, Gazteriako eta Migrazio Politiketako Departamentuan erabil dezakete datu pertsonaletan sartzeko eskubidea, bai eta haiek zuzentzeko, deuseztatzeko, tratamendua mugatzeko, tratamenduari aurka egiteko eta datuak eramatekoa ere; horretarako, migraciones.acogida@navarra.es helbide elektronikora mezu bat bidali beharko du, eta gaian "datuen babesa" idatzi. Erantzunarekin ados egon ezean, Nafarroako Gobernuko Datuak Babesteko Ordezkaritzara (dpd@navarra.es) jo daiteke, edo Datuak Babesteko Espainiako Bulegora: https://www.aepd.es/.

18.–Aplikatu beharreko araudia.

Oinarri hauetan aurreikusirik ez dagoen orotan, bete beharko da Dirulaguntzei buruzko azaroaren 9ko 11/2005 Foru Legean eta aplikatu beharreko gainerako arauetan ezarritakoa.

Hala ere, Europar Batasunaren funtsen kargura finantzatutako dirulaguntzak kasu bakoitzean aplikatzekoak diren Europar Batasuneko arauek zuzenduko dituzte, bai eta horiek garatzeko edo haien transposizioa egiteko arau nazionalek ere, azaroaren 17ko 38/2003 Legearen 6.1 artikuluan aurreikusitakoaren arabera.

II. ERANSKINA.–BALORAZIO-IRIZPIDEAK (100 PUNTU GEHIENEZ)

III. ERANSKINA.–DIRUA AURRERATZEKO ESKAERA

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

Honetarako dirulaguntza emateari dagokionez: ........................................................................................................................................................................................

ERANTZUKIZUNEZ ADIERAZTEN DU:

Ordezkatzen duen entitateak gaur egun ez duela behar adina kapital Nafarroako Gobernuak, Etxebizitzako, Gazteriako eta Migrazio Politiketako Departamentuaren bidez, ematen duen dirulaguntzaren xedeko zerbitzua aldi batez finantzatzeko, eta ez duela behar adina baliabide ekonomiko diruz lagundutako proiektuaren funtzionamendu egokirako beharrezkoak diren eta aurreikusita dauden ordainketak gauzatzeko.

Aurrekoaren frogagarri, honako hauek egiaztatzeko agiriak eransten dira:

 Elkartearen kontu korronteen eta entitateak egun dituen saldoen zerrenda (aurkeztu bankuko ziurtagiria).

 Elkarteak hurrengo 6 hilabeteetan gaurtik hasita izanen dituen gastuen eta diru-sarreren aurreikuspena.

Hortaz, honako hau ESKATZEN DUT:

Dirulaguntzaren xede den proiekturako emandako dirulaguntzaren zenbateko osoa aldez aurretik ordaintzea, Dirulaguntzei buruzko azaroaren 9ko 11/2005 Foru Legearen 33. artikuluan xedatutakoari jarraikiz.

Honako hau jakinarazten zait: Administrazio Publikoen Administrazio Prozedura Erkideari buruzko urriaren 1eko 39/2015 Legearen 69.4 artikuluari jarraikiz, eta egiaztatzeko, kontrolatzeko eta ikuskatzeko eskumenak alde batera utzi gabe, adierazpen honi eransten zaion edozein datu edo adierazpenetan funtsezko zehaztasunik eza, faltsutasuna edo omisioa gertatuz gero, ezin izanen da jarraitu eraginpeko eskubidea edo jarduera gauzatzen gertaera horien berri jakiten denetik aurrera, nolanahi ere, sor litezkeen erantzukizun penal, zibil edo administratiboak galarazi gabe.

Data eta sinadura

IV. ERANSKINA.–ERANTZUKIZUNPEKO ADIERAZPENA, DIRULAGUNTZEI BURUZKO FORU LEGEAREN 13. ARTIKULUKO BETEBEHARRAK BETETZEARI BURUZKOA

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

Nire erantzukizunpean ADIERAZTEN DUT ezen ordezkatzen dudan entitatea eta hura administratzen edo ordezkatzen dutenak ez daudela Dirulaguntzei buruzko azaroaren 9ko 11/2005 Foru Legearen 13. artikuluaren 2. eta 3. apartatuetan dirulaguntzen onuradun izateko aurreikusitako debeku-egoeretan.

Data eta sinadura

ESKATZAILEARENTZAKO JAKINGARRIAK:

–Eskaeran eta erantzukizunpeko adierazpenean aurkezten diren datuen tratamendua bat etorriko da Datuak Babesteko 2016ko Erregelamendu Orokorrean xedatutakoarekin (apirilaren 27ko 2016/679 (EB) Erregelamendua, 2018ko maiatzetik indarrean dagoena) eta abenduaren 5eko 3/2018 Lege Organikoan xedatutakoarekin. Datuetan sartu eta haiek zuzendu eta ezerezteko eskubideak aipatutako legerian oinarriturik erabiliko dira, Etxebizitzako, Gazteriako eta Migrazio Politiketako Departamentuan.

–Etxebizitzako, Gazteriako eta Migrazio Politiketako Departamentuak ikertzen ahalko du adierazitako datuak egiazkoak diren, eta, gezurrezkoak badira, eskatzen ahalko du emandako dirulaguntza eta kasuan kasuko berandutze-interesak itzul daitezela, eta arau-haustea oso astuna bada, zehapen espedientea irekitzen ahalko du.

V. ERANSKINA.–ERANTZUKIZUNPEKO ADIERAZPENA, SEXUAGATIKO EDO GENEROAGATIKO DISKRIMINAZIORIK EZARI BURUZKOA

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

ADIERAZTEN DUT, nire erantzukizunpean, ordezkatzen dudan entitatea ez dela betetzen ari zehapen administratibo irmorik edo kondena-epai irmorik, eta ez dagoela zehapen eta kondena-epai bat bete zain, sexuan edo generoan oinarritutako diskriminazioa dakarten lan arloko jardunbideak gauzatu edo toleratzeagatik.

Data eta sinadura

ESKATZAILEARENTZAKO JAKINGARRIAK:

–Eskaeran eta erantzukizunpeko adierazpenean aurkeztutako datuen tratamendua bat etorriko da Datuak Babesteko 2016ko Erregelamendu Orokorrean (apirilaren 27ko 2016/679 (EB) Erregelamendua, 2018ko maiatzetik indarrean dagoena) eta abenduaren 5eko 3/2018 Lege Organikoan xedatutakoarekin. Datuetan sartu eta haiek zuzendu eta ezerezteko eskubideak aipatutako legerian oinarriturik erabiliko dira, Etxebizitzako, Gazteriako eta Migrazio Politiketako Departamentuan.

–Etxebizitzako, Gazteriako eta Migrazio Politiketako Departamentuak ikertzen ahalko du adierazitako datuak egiazkoak diren, eta, gezurrezkoak badira, eskatzen ahalko du emandako dirulaguntza eta kasuan kasuko berandutze-interesak itzul daitezela, eta arau-haustea oso astuna bada, zehapen espedientea irekitzen ahalko du.

VI. ERANSKINA.–GARDENTASUN BETEBEHARRARI BURUZKO ADIERAZPENA

Gardentasun betebeharrari buruzko adierazpena:

https://www.navarra.es/documents/48192/5726243/1+Declaracion+de+obligacion_eus.pdf

Organoen osaketari eta dedikazioari buruzko adierazpena:

https://www.navarra.es/documents/48192/5726243/2+Declaracion+de+cargos+y+dedicacion_cas_eus.pdf/

Karguen ordainsariei buruzko adierazpena:

https://www.navarra.es/documents/48192/5726243/3+Declaracion+de+retribuciones+cas_eus.pdf/

VII. ERANSKINA.–BAIMENA

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

 BAIMENA EMATEN DIOT Etxebizitzako, Gazteriako eta Migrazio Politiketako Departamentuari egiazta dezan ordezkatzen dudan entitateak egunean dituela tributu betebeharrak (Dirulaguntzei buruzko azaroaren 9ko 11/2005 Foru Legearen 13.2 e) artikulua). Egiaztapen-lan horiek egiten ahalko ditu dirulaguntzak emateko prozedura izapidetzen ari den edozein unetan eta gauzatzen ari den aldi osoan. Laguntza horiek irabazi-asmorik gabeko gizarte ekimeneko entitateentzat dira, migratzaileei eta errefuxiatuei harrera eta lagun egiteko proiektuak egin ditzaten 2025. urtean.

 EZ DIOT BAIMENIK EMATEN Etxebizitzako, Gazteriako eta Migrazio Politiketako Departamentuari egiaztatzeko ordezkatzen dudan entitateak egunean dituela tributu betebeharrak, ez dirulaguntzak emateko prozedura izapidetzen ari den edozein unetan ez eta gauzatzen ari den aldi osoan ere (laguntza horiek irabazi-asmorik gabeko gizarte ekimeneko entitateentzat dira, migratzaileei eta errefuxiatuei harrera eta lagun egiteko proiektuak egin ditzaten 2025. urtean). Horrenbestez, hori guztia justifikatzeko agiriak aurkezten ditut.

GIZARTE SEGURANTZAREN DATUAK KONTSULTATZEA:

Aditzera ematen da ezen Etxebizitzako, Gazteriako eta Migrazio Politiketako Departamentuak datu pertsonalak eskuratzen ahalko dituela edozein erakunde edo administrazio publikori eskatuta, zuzenean edo bide telematikoak erabiliz datuak egiaztatzeko zerbitzuaren bitartez, informazio pertsonal hori dirulaguntza emateko beharrezkoa bada; zehazki, eskatzaileak Gizarte Segurantzarekin dituen betebeharrak bete dituela frogatzen duten datuak. Interesdunak aurka egiten ahalko dio Gizarte Segurantzaren datu horiek kontsultatzeari, arrazoiak emanez, ondoren adierazten den moduan, eta, kasu horretan, interesdunak berak aurkeztu beharko ditu datu horiek, eskaera izapidetu dadin.

Izen-deiturak: ......................................................................................................................................... (NANa/AIZa: .........................), ...................................................... entitatearen legezko ordezkaria naizen aldetik (entitatearen IFZa: ....................................), ez dut onartzen eskatzaileak Gizarte Segurantzarekin dituen betebeharrak bete dituela frogatzen duten datuak kontsulta ditzaten.

Data eta sinadura

VIII. ERANSKINA.–ERANTZUKIZUNPEKO ADIERAZPENA, BESTE DIRULAGUNTZA BATZUK ESKATU ETA/EDO JASO IZANARI BURUZKOA

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

Nire erantzukizunpean honako hau ADIERAZTEN DUT (X batez adierazi bidezko dena):

 Entitateak ez d(it)u eskatu, edo ukatu za(izki)o, deialdi honetan aurkeztutako proiektu bererako beste dirulaguntza bat(zuk).

 Entitateak beste dirulaguntza bat(zuk) eskatu d(it)u deialdi honetan aurkeztutako proiektu bererako, eta laguntza hori(ek) emateko ebazpena eman gabe dago.

Adierazi zer departamentu eta erakundetan egin diren eskaera horiek.

– .........................................................................................................................................................

– .........................................................................................................................................................

– .........................................................................................................................................................

 Entitateak beste dirulaguntza bat(zuk) eskatu d(it)u deialdi honetan aurkeztutako proiektu bererako, eta guztira eman zaio ..................................................... €, eta hori egiaztatzen duten dokumentuak aurkezten ditu.

Adierazi zer departamentu eta erakundetan egin diren eskaera horiek.

– .........................................................................................................................................................

– .........................................................................................................................................................

– .........................................................................................................................................................

Honako hau jakinarazten zait: Administrazio Publikoen Administrazio Prozedura Erkideari buruzko urriaren 1eko 39/2015 Legearen 69.4 artikuluari jarraikiz, eta egiaztatzeko, kontrolatzeko eta ikuskatzeko eskumenak alde batera utzi gabe, adierazpen honi eransten zaion edozein datu edo adierazpenetan funtsezko zehaztasunik eza, faltsutasuna edo omisioa gertatuz gero, ezin izanen da jarraitu eraginpeko eskubidea edo jarduera gauzatzen gertaera horien berri jakiten denetik aurrera, nolanahi ere, sor litezkeen erantzukizun penal, zibil edo administratiboak galarazi gabe.

Data eta sinadura

IX. ERANSKINA.–BAIMEN-ESKAERA, DIRUZ LAGUNDUTAKO JARDUERAK EGITEKO, ENTITATEAREKIN LOTURA DUTEN PERTSONAK/ENTITATEAK AZPIKONTRATATZEKO

ESPEDIENTEA:

DIRUZ LAGUNDUTAKO PROIEKTUAREN/EKINTZAREN IZENA:

Izen-deiturak: ................................................................................................................................. (NAN zenbakia: ........................................) ..................................................................................ren lege-ordezkaria naizen aldetik (IFZa: ................................... eta jakinarazpenetarako helbide elektronikoa: .......................................................................................................).

Dirulaguntzei buruzko azaroaren 9ko 11/2005 Foru Legearen 26.7.d) artikulua aplikatuz, honako hau ESKATZEN DIOT dirulaguntza emateko eskumena duen organoari:

BAIMENA, AZPIKONTRATAZIOA EGITEKO entitatearekin lotutako pertsona / entitate honekin:

LOTURA MOTA, Dirulaguntzei buruzko 38/2003 Lege Orokorraren Erregelamendua onesten duen uztailaren 21eko 887/2006 Errege Dekretuaren 68.2 artikuluaren arabera*

AZPIKONTRATAZIOAREN DESKRIBAPENA

BAIMEN-ESKAERAREN XEDE DEN AZPIKONTRATAZIOAREN ZENBATEKOA

Halaber, HITZEMATEN DUT kontratazioa merkatuko baldintza normalen arabera eginen dela.

Data eta sinadura

(*) Dirulaguntzei buruzko Lege Orokorraren Erregelamenduaren 68.2 artikuluan xedatutakoarekin bat etorriz, Dirulaguntzei buruzko azaroaren 9ko 11/2005 Foru Legearen 26.7 d) artikuluan xedatutakoaren ondorioetarako, ulertuko da lotura dagoela inguruabar hauetakoren bat betetzen duten pertsona fisiko edo juridikoekin edo nortasunik gabeko elkarteekin:

a) Ezkontza-harremanez edo antzeko afektibitate-harremanez lotutako pertsona fisikoak, edo laugarren mailarainoko odol-ahaideak edo bigarren mailarainoko ezkontza-ahaideak.

b) Aldizkako ordainketen bidez ordaindutako lan-harremana duten pertsona fisiko eta juridikoak.

c) Dirulaguntzei buruzko Lege Orokorraren 11. artikuluaren 2. apartatuan aipatzen den onuradunaren kide elkartuak izatea eta 3. apartatuan aipatzen diren nortasun juridikorik gabeko entitateetako kide edo partaide izatea.

d) Sozietate bat eta haren bazkide maioritarioak edo kontseilari edo administratzaileak, bai eta ezkontideak edo antzeko afektibitate-harremana duten pertsonak eta laugarren mailarainoko odol-ahaideak edo bigarren mailarainoko ezkontza-ahaideak ere.

e) Balore Merkatuari buruzko uztailaren 28ko 24/1988 Legearen 4. artikuluaren arabera, talde bereko kide izateko baldintzak betetzen dituzten sozietateak.

f) Pertsona juridikoak edo nortasunik gabeko taldeak eta horien legezko ordezkariak, patronoak edo administratzen dituztenak, bai eta ezkontideak edo antzeko afektibitate-harremana dutenak eta laugarren mailarainoko odol-ahaideak edo bigarren mailarainoko ezkontza-ahaideak ere.

g) Pertsona juridikoak edo nortasunik gabeko taldeak eta pertsona fisikoak, juridikoak edo nortasunik gabeko taldeak, lege- edo estatutu-arauen edo kontratu-akordioen arabera, lehenengoen onurarako %50etik gorako partaidetza izateko eskubidea dutenak.

X. ERANSKINA.–EGIF+ KAPITULUAREN ADIERAZLE KOMUNAK, BABES OROKORRARI BURUZKOAK, KUDEAKETA PARTEKATUKO ARAUBIDEAN

Datu pertsonalak generoaren arabera banakaturik eman beharko dira («gizonezkoa», «emakumezkoa» edo «ez binarioa» [1]).

Emaitza jakin batzuk posible ez badira, emaitzen adierazle horiei dagozkien datuak ez dira ez bildu ez jakinarazi beharko.

Bidezko denean, zilegi izanen da gauzatzearen adierazle komunak jakinaraztea eragiketaren hartzaile den taldearen arabera.

1.–Gauzapenaren adierazle komunak, pertsonei zuzendutako eragiketei buruzkoak.

1.1. Hauek dira gauzatzearen adierazle komunak, parte-hartzaileei buruzkoak:

–Langabeak, luzarokoak barne (*1),

–Luzaroko langabeak (*1),

–Jardunean ez daudenak (*1),

–Landunak, norberaren kontura ari direnak barne (*1),

–18 urtetik beherako haurren kopurua (*1),

–18 eta 29 urte bitarteko gazteen kopurua (*1),

–55 urteko edo hortik gorako parte-hartzaileen kopurua (*1),

–Gehienez ere bigarren hezkuntzako lehen zikloa (Hezkuntzaren Nazioarteko Sailkapen Normalizatua –HNSN– 0-2) duten pertsonak (*1),

–Bigarren hezkuntzako bigarren zikloa (HNSN 3) edo ondorengoko hezkuntza maila (HNSN 4) duten pertsonak (*1),

–Goi mailako edo hirugarren mailako ikasketak (HNSN 5-8) dituzten pertsonak (*1),

–Parte-hartzaile kopurua guztira (2).

Datuak erregistroetatik hartzen badira, edo iturri baliokideetatik, Europar Batasuneko estatuek definizio nazionalak erabiltzen ahalko dituzte.

1.2. Gauzatzearen beste adierazle komun batzuk, parte-hartzaileei buruzkoak:

–Desgaitasuna duten parte-hartzaileak (*2),

–Hirugarren herrialdeetako nazionalitatea dutenak (*1),

–Atzerritar jatorria duten parte-hartzaileak (*1),

–Gutxiengoen parte diren parte-hartzaileak (barne direla komunitate baztertuak, hala nola erromaniak) (*2),

–Etxerik ez duten pertsonak edo etxebizitza arloko bazterkeriak ukitutakoak (*1),

–Landa eremuetako parte-hartzaileak (*1).

Datu bilketa egitea beharrezkoa da soil-soilik bidezkoa eta egokia bada.

1.2 puntuan aipatzen diren adierazleen balioak zehazteko, zilegi izanen da onuradunak egindako estimazio funtsatuak hartzea oinarri.

1.2 puntuan aipatzen diren adierazleetarako, Europar Batasuneko estatuek definizio nazionalak erabiltzen ahalko dituzte, adierazle hauetarako izan ezik: «hirugarren herrialdeetako nazionalitatea dutenak» eta «landa eremuetako parte-hartzaileak».

2.–Berehalako emaitzen adierazle komunak, parte-hartzaileei buruzkoak.

Hauek dira berehalako emaitzen adierazle komunak, parte-hartzaileei buruzkoak:

–Parte hartu ondotik lan bila ari diren parte-hartzaileak (*1),

–Parte hartu ondotik hezkuntza edo prestakuntza sistemara sartu diren parte-hartzaileak (*1),

–Parte hartu ondotik kualifikazio bat lortu duten parte-hartzaileak (*1),

–Parte hartu ondotik enplegua –norberaren konturakoa barne– duten parte-hartzaileak (*1).

Datuak erregistroetatik hartzen badira, edo iturri baliokideetatik, Europar Batasuneko estatuek definizio nazionalak erabiltzen ahalko dituzte.

3.–Epe luzerako emaitzen adierazle komunak, parte-hartzaileei buruzkoak.

Hauek dira epe luzerako emaitzen adierazle komunak, parte-hartzaileei buruzkoak:

–Parte hartu eta sei hilabetera enplegua –norberaren konturakoa barne– lortu duten parte-hartzaileak (*1),

–Parte hartu eta sei hilabetera lan merkatuan zuten egoera hobetu duten parte-hartzaileak (*1).

Datuak erregistroetatik hartzen badira, edo iturri baliokideetatik, Europar Batasuneko estatuek definizio nazionalak erabiltzen ahalko dituzte.

Epe luzerako emaitzen adierazle komunak 2026ko urtarrilaren 31n jakinarazi beharko dira beranduenez, bat etorriz 2021/1060 (EB) Erregelamenduaren 42. artikuluko 1. atalarekin eta erregelamendu horren 43. artikuluak aipatzen duen errendimenduari buruzko amaierako txostenarekin.

Gutxieneko baldintza da epe luzerako emaitzen adierazle komunak parte-hartzaileen lagin adierazgarri batean oinarritzea, 4. artikuluko 1. ataleko a) letratik k) letrara bitarte ezarritako helburu espezifikoetan. Laginaren barne baliozkotasuna bermatu beharko da, datuak helburu espezifikoaren mailan orokortu ahal izan daitezen.

(1) Zuzenbide nazionalaren arabera.

(*1) Emandako datuak datu pertsonalak dira, 2016/679 (EB) Erregelamenduaren 4. artikuluko 1. atalaren arabera.

(2) Adierazle hau automatikoki kalkulatu behar da lan egoerari buruzko gauzatzearen adierazle komunak oinarri hartuta.

(*2) Emandako datuak datu pertsonalen barneko kategoria berezi batean daude, 2016/679 (EB) Erregelamenduaren 9. artikuluaren arabera.

XI. ERANSKINA

1. Ikurrak gailenduta agertu beharko du eragiketa baten aplikazioaren berri emateko eta publikoari eta parte-hartzaileei zuzendutako material guztietan, hala nola inprimatutako produktuetan edo produktu digitaletan, webguneetan eta horien mugikorrerako bertsioetan.

2. "Europar Batasunak finantzatua" edo "Europar Batasunak kofinantzatua" adierazpena laburtu gabe idatziko da, ikurraren ondoan.

3. Ikurrarekin batera erabili behar den letra tipoa honako hauetako edozein izan daiteke: Arial, Auto, Calibri, Garamond, Trebuchet, Tahoma, Verdana edo Ubuntu. Ezin dira erabili letra etzana, azpimarra edo gailentzeko beste edozein efektu.

4. Ikurrarekin batera jarri beharreko testuaren kokalekuak ez dio inola ere eragin behar ikurrari.

5. Ikurraren tamainaren araberakoa izanen da erabiliko diren karaktereen tamaina.

6. Karaktereen kolorea Reflex Blue, beltza edo zuria izanen da, hondoaren arabera.

7. Ikurra ez da ez aldatuko ez beste elementu grafiko edo testuren batekin konbinatuko. Ikurrarekin batera beste logotipo batzuk paratzen badira, ikurrak eta logotipo handienak tamaina berbera izanen dute, altueran edo zabaleran. Ikurraz gain, ez da beste inolako ikus-identitate edo logotipo erabiliko Batasunaren laguntza nabarmentzeko.

8. Hainbat eragiketa toki berean egin behar direnean, egon horiek finantzaketa tresna berberak edo desberdinek finantzatuta, edo eragiketa bererako finantzaketa osagarria ematen denean beranduago, plaka edo kartel bat paratuko da gutxienez.

Erabili beharreko ikus baliabideak (logotipoak) eta ikurra erabiltzeko eskuliburuak honako esteka honetan deskargatu daitezke:

https://www.navarra.es/es/web/programas-europeos/fse-2021-2027/comunicaci%C3%B3n

Iragarkiaren kodea: F2505716