Iragarkia

73. ALDIZKARIA - 2024ko apirilaren 11

1. NAFARROAKO FORU KOMUNITATEA

1.7. BESTELAKOAK

153/2024 EBAZPENA, martxoaren 14koa, Nekazaritza eta Abeltzaintzako zuzendari nagusiak emana, zeinaren bidez prozedura bat onesten baita Urbasa eta Andia jabari publikoko mendietan erabilera erkideko larre azalerak onartzeko, hain zuzen ere erabiltzaileek 2024ko eskaera bakarrean (NPE) aitor ditzaketenak.

Uztailaren 1eko 267/1996 Foru Dekretuaren bidez, Urbasa eta Andia mendietako Natura Baliabideak Antolatzeko Plana onetsi zen, eta otsailaren 27ko 3/1997 Foru Legearen bidez, Urbasa eta Andia mendietako Parke Naturalaren deklarazioa egin zen. Gero, Natura Baliabideak Antolatzeko Plana aldatu zen irailaren 7ko 198/2011 Foru Dekretuaren bidez.

Abenduaren 4ko 340/2001 Foru Dekretuaren bidez, Urbasako Parke Naturala Erabili eta Kudeatzeko Plan Zuzentzailea (EKPZ) onetsi zen. Plan horren 4.1 artikuluaren arabera, eskubide tradizionalen erabilera, besteak beste larratzekoa, Ingurumen Zuzendaritza Nagusiak ezarri prozedurari jarraikiz eginen da.

Bestalde, Ingurumenaren eta Uraren zuzendari nagusiaren abuztuaren 12ko 1259/2011 Ebazpenaren bidez, Urbasa eta Andia mendietako larre eta baso baliabideak antolatzeko proiektua onetsi zen.

Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuaren 25. artikuluak Nekazaritza eta Abeltzaintza Zuzendaritza Nagusiaren eskumenen eremu materiala ezartzen du, eta besteak beste jasotzen du laguntzen eskaera bakarra antolatzea Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduaren arabera. Erregelamendu hori Nekazaritza Politika Erkidearen finantzaketa, kudeaketa eta jarraipenari buruzkoa, 1306/2013 (EB) Erregelamendua indargabetzen du.

Ikusi da Nekazaritza Zerbitzuko Errentetarako Laguntzen Atalak 2024ko otsailaren 21ean egindako txostena.

Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidaten eskudantziak erabiliz,

EBAZTEN DUT:

1. Urbasa eta Andia jabari publikoko mendietan erabilera erkideko larre azalerak onartzeko prozedura onestea, larre horiek aprobetxatzen dituzten abeltzainek 2024ko eskaera bakarrean (NPB) sar ditzaketen azalerak, hain zuzen. I. eranskinean zehazten da prozedura hori.

2. Eskaeraren eredua onestea. Ebazpen honen II. eranskinean agertzen da.

3. Urbasa eta Andia jabari publikoko mendietako erabilera erkideko larreen onuradunei/erabiltzaileei onartutako azalerak onestea, ebazpen honen III. eranskinean ageri den bezala.

4. Ebazpen hau jakinaraztea, behar diren ondorioak izan ditzan, Ingurumeneko Zuzendaritza Nagusiko Baso Plangintzarako Atalari, Ingurumena Zaintzeko Atalari eta Basoen eta Ehiza Kudeaketaren Zerbitzuari.

5. Ebazpen hau argitaratzea Nafarroako Aldizkari Ofizialean.

6. Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2024ko martxoaren 15ean.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA.–URBASA ETA ANDIA JABARI PUBLIKOKO MENDIETAKO LARREEN ERABILTZAILEEK 2024KO ESKAERA BAKARREAN AITOR DITZAKETEN AZALERAK ESKATZEKO ETA BANATZEKO PROZEDURA 2024KO KANPAINARAKO

Lehena.–Xedea.

Ebazpen honen xedea da prozedura bat ezartzea, haren bidez zehazteko zer azalera aitor dezaketen eskaera bakarrean Urbasa eta Andia jabari publikoko mendietako erabilera erkideko larreen erabiltzaileek 2024ko kanpainarako.

Bigarrena.–Onuradunak.

Urbasa eta Andia jabari publikoko mendietako erabilera erkideko larreen onuradun izaten ahalko dira nafar auzotasun forala duten eta beren jabetzako azienda mendi horietara larratzera eramaten duten eskatzaileak.

Hirugarrena.–Larre azalerak onartzeko prozedura, 2024ko NPEko laguntzak eskatzeko.

2023ko kanpainan Urbasa-Andiako larreen azaleraren onuradun izan diren abeltzainei 2024ko kanpainarako onartuko zaien azalera 2021eko kanpainan igotako AzLUen baliokidea izanen da, laugarren oinarrian zehazten den bezala. Azalera horren berri emanen zaio abeltzainari, jakinaren gainean egon dadin.

Larre azalera onar dadin, egungo kanpainan mendira igo behar dute nahitaez.

Prozedura honen ondorioetarako:

1. Abeltzain batek Urbasa eta Andia jabari publikoko mendietan larreak lehen aldiz erabiltzen dituenean, horri uko egiten dionean, ustiategia eskualdatu duenean edo onartutako azalera aldatzea eskatzen duenean, ebazpen hau argitaratu eta 10 eguneko epean idatziz eskatu beharko du azaleraren onarpena, ebazpen honen II. eranskineko eskaeraren ereduaren arabera.

Abeltzainak adierazi beharko du bere jabetzako zer azienda sartu nahi duen Urbasa-Andian 2024ko kanpainan, azienda kopurua espezieka eta adin tarteak zehaztuta, bai eta Urbasa eta Andia mendietan onartzea eskatzen duen gehieneko larre azalera garbia ere, hektareatan emana. Adierazpen horretan ez da jasoko sei hiletik gorako zezenik, ezin baitira mendietara igo sexu transmisioko gaixotasunak direla-eta, Landa Garapeneko kontseilariaren abuztuaren 12ko 140/2021 Foru Aginduari jarraituz, zeinak osasun programa bat ezartzen duen Urbasa eta Andiako larreak erabiltzen dituzten abeltegientzat.

2. AzLUak kalkulatzeko, animaliak azienda-unitate bihurtzeko koefizienteak erabiliko dira. Koefiziente horiek jasota daude 2021/2290 (EB) Betearazpen Erregelamenduaren eranskineko emaitzen adierazleetan (2021/2115 (EB) Erregelamenduaren I. eranskinean ezarritako errealizazioaren eta emaitzen adierazle komunak kalkulatzeko metodoak jasotzen dituen eranskina).

3. Azalera onartzeko eskaera Landa Garapeneko eta Ingurumeneko Departamentuko Nekazaritza Zerbitzuari zuzenduko zaio, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako edozein bide erabiliz aurkezten ahalko da.

4. Aintzat hartuko dira ebazpen hau Nafarroako Aldizkari Ofizialean argitaratu baino lehen aurkeztu diren azalera onartzeko eskaerak.

Laugarrena.–Azalera zehaztea.

2024ko kanpainan Urbasa eta Andia jabari publikoko mendietako larreetarako onartutako azalera proportzionala izanen da eskatzaile bakoitzak 2021eko kanpainan horietan erabili zituen azienda larriko unitateekiko.

Benetan igotako abereei buruzko datuak Basoen eta Ehizaren Zerbitzuko zuzendariak jakinaraziko ditu.

Nolanahi ere, Urbasa eta Andia mendietako larre eta baso baliabideak antolatzeko proiektuan xedatutakoarekin bat etorriko dira.

Hona hemen jarraitu beharreko prozedura:

1. Nekazaritzako Informazio Sistemen Bulegoari kontsulta eginez ezagutuko dira Urbasa-Andia mendietako larreen azalera garbiak.

2. Salbuespeneko egoera denez, 2024ko kanpainan erreferentziatzat hartuko dira 2021eko kanpainan igotako AzLUak, hala jasota dagoenez, batetik, Nekazaritza eta Abeltzaintzako zuzendari nagusiaren urriaren 27ko 836/2022 Ebazpenean, zeinaren bidez salbuespenezko neurriak hartzen baitira Nekazaritza Politika Erkidearen (NPE) laguntzetarako betekizun jakin batzuk betetzeari dagokionez, lehorteak eragindako egoera dela eta (ardi- eta ahuntz-aziendari lotutako laguntza eta larreen aprobetxamendua Urbasa-Andian, 2022ko kanpainarako), eta, bestetik, Landa Garapeneko eta Ingurumeneko kontseilariaren ekainaren 1eko 60/2023 Foru Aginduan, lehortearen ondorioz 2023ko kanpainan NPEaren kudeaketa, jarraipen eta kontrolerako salbuespen neurriak hartzeari buruzkoan.

3. Azalera ratioa AzLU bakoitzeko kalkulatzeko, Urbasa-Andia eremuko lehen 6.000 hektarea garbiak zatituko dira, gainerakoa bazter utzita kasu berrietarako. Behin-behineko azalera kalkulatzeko aplikatuko da.

4. Basoen Zerbitzuko zuzendaritzak 2024ko kanpainan Urbasa-Andia mendietara benetan igo diren abeltzainen zerrenda jakinarazten duenean, kanpaina horretarako onartutako azalera baliozkotuko da. Igoerarik ez badago, azalera hori deuseztatuko da 2024ko kanpainako laguntza eskaerei dagokienez.

Urbasa-Andia mendietako larreen azalerak onartzeko eskaerak Nekazaritza Zerbitzuko zuzendariak ebatziko ditu, gaiari buruz eskumenak dituzten administrazio unitateen txostenetan oinarriturik. Ebazteko eta jakinarazteko gehieneko epea 3 hilabetekoa izanen da, hirugarren oinarrian eskabideak aurkezteko zehazten den epea amaitzen denetik aurrera. Epe hori igarota berariazko ebazpenik eman ez bada, eskaera ezetsi egin dela ulertuko da.

Bosgarrena.–Onuradunaren betebeharrak.

Abeltzainek abeltzaintzaren erabilerarako jarraibideak bete beharko dituzte, jasota daudenak Urbasa eta Andia erabili eta kudeatzeko plan zuzentzailean eta, hala badagokio, organo eskudunak ematen duen aprobetxamendu-baimenean.

II. ERANSKINA.–URBASA ETA ANDIA JABARI PUBLIKOKO MENDIEN NPBAN AITORTU DAITEKEEN AZALERA ONARTZEKO ESKAERA

JAKINARAZLEA:

Izen-deiturak: ..............................................................................................................................., adinez nagusia, Nafarroako foru-auzotasuna duena (NAN zk.: .......................................), bere izenean / honako hau ordezkatuz (ez dena ezabatu): .............................................................................................. (NAN zk.: .......................................); norberaren helbidea / ordezkatuaren helbidea (ez dena ezabatu): ............................................................ (NAFARROA), kalea: ........................................................................................, zenbakia: ............, posta kodea: ........................., telefonoa: ........................................., helbide elektronikoa: ......................................................................................

JAKINARAZTEN DUT:

Nire asmoa dela, Ingurumeneko zuzendari nagusiaren _______ko ________aren ___(e)ko __/2024 Ebazpenak emandako baimena erabiliz, 2024ko kanpainan nire jabetzako abereak, beheko zerrendan ageri direnak, Urbasa-Andian sartzea, eta sei hiletik gorako zezenik ez sartzeko konpromisoa hartzen dudala. (*1)

Jarraian jasotako taulan azaltzen dizuet nire egoera (*2):

(*1) Soilik III. eranskinean agertzen dena eta aurreko kanpainako azalera berbera behar duena dago dokumentu hau aurkeztetik salbuetsita.

(*2)  batez adierazizure egoera zehazten duen laukia.

Halaber, jakinarazten dut Urbasa eta Andia mendietan gehienez larre azalera garbiko zenbat hektarea onartzea eskatu dudan. Horrenbestez,

ESKATZEN DUT:

1.–Urbasa eta Andia jabari publikoko mendietako erabilera erkideko bazka-azalera onar dakidala, eta adierazten dut mendira sartuko naizela abere kopuru honekin:

(*) Taula honetan ez dago jasota sei hiletik gorako zezenik, hori ezin baita mendietara igo, Landa Garapeneko eta Ingurumeneko kontseilariaren abuztuaren 12ko 140/2021 Foru Aginduari jarraituz, zeinak osasun programa bat ezartzen duen Urbasa eta Andiako larreak erabiltzen dituzten abeltegietarako.

2.–Urbasa eta Andia jabari publikoko mendietako bazka-azalera garbia, gehienez, ............................. hektareakoa izanen da.

Udalerria: ..........................., Kontzejua: ................... (Nafarroa(, 2024ko ........................aren .......(e)an.

(Sinadura)

III. ERANSKINA.–URBASA ETA ANDIA JABARI PUBLIKOKO MENDIETAN ERABILERA ERKIDEKO LARREEN AZALERA BEHIN-BEHINEAN ONARTZEN ZAIEN PERTSONEN ZERRENDA, 2024KO KANPAINARAKO

Iragarkiaren kodea: F2404528