1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
EPATZE-DEIA, Hezkuntzako kontseilariaren urtarrilaren 11ko 12E/2024 Foru Aginduaren aurka jarritako 119/2024 prozedura arruntaren barruan. Foru agindu horren bidez, ezetsi zen Eduardo Sahún Fernández jaunak Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren uztailaren 3ko 186/2023 Ebazpenaren kontra jarritako gora jotzeko errekurtsoa.
Hezkuntza Departamentuko idazkari tekniko nagusiaren ofizio baten bidez Nafarroako Justizia Auzitegi Nagusiko Administrazioarekiko Auzien Salara bidaliko da 119/2024 prozedura arruntari dagokion administrazio espedientea, Eduardo Sahún Fernández jaunak Hezkuntzako kontseilariaren urtarrilaren 11ko 12E/2024 Foru Aginduaren aurka jarritako errekurtsoaren gainekoa. Foru agindu horren bidez, ezesten da Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren uztailaren 3ko 186/2023 Ebazpenaren aurka jarritako gora jotzeko errekurtsoa. Ebazpen horren bidez merezimenduen behin betiko balorazioa onetsi zen salbuespenezko oposizio-lehiaketaren bidez kidego hauetan sartzeko hautapen prozeduretan, betiere Nafarroako Foru Komunitateko Administrazioaren kudeaketa esparruko lanpostuak betetzeko: Bigarren Hezkuntzako irakasleen kidegoa, Musikako eta Arte Eszenikoetako katedradunen kidegoa, Arte Plastikoetako eta Diseinuko irakasleen kidegoa eta Lanbide Heziketako sektore berezietako irakasle espezialisten kidegoa.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluaren arabera, iragarki honen bidez dei egiten zaie Bigarren Hezkuntzako irakasleen kidegoko Geografia eta Historia espezialitatean (gaztelania) interesa duten guztiei, Nafarroako Justizia Auzitegi Nagusiko Administrazioarekiko Auzien Salan ager daitezen, argitaratu ondoko bederatzi egun balioduneko epean.
Iruñean, 2024ko martxoaren 27an.–Idazkari tekniko nagusia, Beatriz Ayerra Gamboa.
Iragarkiaren kodea: F2405258
