1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
17/2024 FORU AGINDUA, otsailaren 21ekoa, Kultura, Kirol eta Turismoko kontseilariak emana, zeinaren bidez aurrekontu-aldaketak baimentzeko eskumena eskuordetzan ematen baitzaio Nafarroako Kirolaren eta Jarduera Fisikoaren Institutuaren zuzendari kudeatzaileari.
Nafarroako Ogasun Publikoari buruzko apirilaren 4ko 13/2007 Foru Legearen 45.1 artikuluak xedatzen du ezen Nafarroako Gobernuko kontseilariek, beren departamentuen esparruan, baimena eman dezaketela programa bereko kredituen artean transferentziak egiteko.
Bestalde, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.2 artikuluak xedatzen du kontseilariek beren eskudantzien erabilera beste baten esku utz dezaketela.
Nafarroako Kirolaren eta Jarduera Fisikoaren Institutuaren jarduerak efizientzia eta arintasun handiagoz gara daitezela lortzeko, komenigarritzat jotzen da haren zuzendari kudeatzailearen esku uztea Nafarroako Ogasun Publikoari buruzko apirilaren 4ko 13/2007 Foru Legearen 45.1 artikuluan ezartzen diren aurrekontu-aldaketak baimentzeko eskumena.
Kultura, Kirol eta Turismoko kontseilariak, hala ere, noiznahi beregana dezake edozein espediente edo gai, ebazteko.
Foru agindu honen ondoriozko eskuordetzearen bitartez ematen diren ebazpenetan inguruabar hori berariaz adierazi beharko da. Ebazpen horiek, ondorio guztietarako, kontseilariak emanak balira bezala hartuko dira, eta haien aurka gora jotzeko errekurtsoa aurkezten ahalko da, Nafarroako Gobernuari zuzendua.
Horrenbestez, aipatu legezko araudiak eman dizkidan ahalmenak erabiliz,
AGINTZEN DUT:
1. Nafarroako Kirolaren eta Jarduera Fisikoaren Institutuaren zuzendari kudeatzaileari eskuordetzea Nafarroako Ogasun Publikoari buruzko apirilaren 4ko 13/2007 Foru Legearen 45.1 artikuluan ezartzen diren aurrekontu-aldaketak baimentzeko eskumena, bere esparruan.
2. Foru agindu honek Nafarroako Aldizkari Ofizialean argitaratzen den egunetik beretik sortuko ditu ondorioak.
3. Foru agindu hau igortzea Nafarroako Kirolaren eta Jarduera Fisikoaren Institutura eta Idazkaritza Tekniko Nagusira.
Iruñean, 2024ko otsailaren 21ean.–Kultura, Kirol eta Turismoko kontseilaria, Rebeca Esnaola Bermejo.
Iragarkiaren kodea: F2403229
