Iragarkia
255. ALDIZKARIA - 2024ko abenduaren 17a
1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
187C/2024 EBAZPENA, urriaren 13koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita LV Ribera ABEE enpresaren hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Ikusi da LV Ribera ABEEk aurkeztutako hitzarmen kolektiboa (kode zenbakia: 31005072011987), erregistro honetan sartu baitzen 2023ko abenduaren 26an, 2023ko irailaren 20an enpresaren eta sindikatuen ordezkaritzek sinatu ondoren.
Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, laneko akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin bat etorriz,
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuak ematen dizkidanak, honako hau,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea LV Ribera ABEE enpresak aurkeztutako hitzarmen kolektiboa (kode-zenbakia: 31005072011987).
Bigarrena.–Nafarroako Aldizkari Ofizialean argitara dadila xedatzea, orok jakin dezaten.
Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola bukaera ematen administrazio-bideari, eta, haren aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.
Iruñean, 2024ko urriaren 13an.–Ekonomia Sozialeko eta Laneko zuzendari nagusia, Iñaki Mendióroz Casallo.
LV RIBERA ABEE ENPRESAREN ETA ERRIBERAKO MANKOMUNITATEKO (NAFARROA) KALEEN GARBIKETA ZERBITZUAN DIHARDUTEN LANGILEEN ARTEKO HITZARMENA
I. KAPITULUA.–ARAU OROKORRAK
1. artikulua. Aplikazio-eremua.
Hitzarmen kolektibo honek LV Ribera ABEE enpresaren eta Erriberako mankomunitatearen esparruan kaleen garbiketako zerbitzuan aritzen diren langileen arteko lan harremanak arautuko ditu.
2. artikulua. Indarraldia eta luzapena.
Hitzarmen hau 2023ko ekainaren 1etik 2026ko maiatzaren 31ra bitarte egonen da indarrean.
Hitzarmenak izenpetzen den egunean hartuko du indarra. Hala ere, ondorio ekonomikoak 2023ko ekainaren 1etik aurrera aplikatuko dira atzeraeraginez (berariaz itundutako kasuetan izan ezik), Nafarroako Aldizkari Ofizialean argitaratzeko data edozein izanda ere.
Besterik gabe salatutzat joko da 2026ko otsailaren 1etik aitzina, eta egun horretan has daiteke 2026. urterako eta ondokoetarako hitzarmenaren negoziazioa.
Langileen Estatutuko 86.3 artikuluan xedatutakoaren ondorioetarako, espresuki itundu da hitzarmena salatu eta itundutako iraunaldia bukatu ondoren ere, hitzarmenak indarra izanen duela hura ordeztuko duen beste bat sinatu arte, eta osorik luzatuko dela eremu eta eraginkortasun bereko beste batekin ordeztu arte.
3. artikulua. Hitzarmenaren batasuna.
Itundutako baldintzek osotasun organiko eta zatiezina osatzen dute eta aplikazio praktikoaren ondorioetarako denak batera eta osorik hartuko dira, betiere langile bakoitza bere arlo funtzionalean aipatuz. Hitzarmen hau guztiz baliogabe geldituko litzateke eta inolako eraginik gabe erakunde eskudunek klausularen bat aplikaezina dela deklaratu edo hitzarmena aurkaratuko balute.
Hitzarmena onetsi eta izenpetu da prestazioak eta kontraprestazioak beren osotasunean hartuta, bai eta bere artikuluetan ezarritako baldintza guztiak kontuan hartuta ere.
4. artikulua. Irenstea eta konpentsazioa.
Itundutako baldintzak osorik konpentsatzen ahal dira lehendik ezarritako baldintzekin, ondokoek aginduta: legeak, jurisprudentziak, administrazioarekiko auzi arloak, era guztietako hitzarmen kolektiboek, banakako kontratuek, tokiko, eskualdeko, autonomia erkidegoetako usadio eta ohiturek edo bestelako aginduek.
Geroan ordainsarietako kontzeptu guztietan edo batzuetan aldaketak sortuko dituzten xedapenek eraginkortasun praktikoa izanen dute baldin eta, osorik hartuz eta hitzarmenaren aurretik izandako loturekin batuz, horren mailatik goitikoak badira; hala ez bada, irentsitzat hartuko dira.
5. artikulua. Berme pertsonalak.
Kobrantzaren ikuspegitik eta osotasunean hartuta, urteko konputuan hitzarmen kolektibo honetan finkatutakoak baino hobeak diren egoera pertsonalak "ad personam" berme gisa errespetatuko dira.
6. artikulua. Interpretazio eta jarraipenerako batzorde paritarioa.
Hitzarmenaren batzorde paritarioa hitzarmenaren aplikazioan interpretazio, adiskidetze, arbitraje eta zaintzarako organoa izanen da.
Batzordea enpresako ordezkariek eta enpresa batzordeko edo langileen ordezkariek osatuko dute, erdi eta erdi. Langileriaren ordezkarien aldetik, enpresa batzordean edo langileen delegatuen artean ordezkaritza duten sindikatuek kide bana izaten ahalko dute. Alderdi bakoitzak, gehienez ere, hiru ordezkari izanen ditu. Denek hitzarmen kolektibo honen negoziazio-batzordeko eta sinatzaile izan beharko dute, edo unean uneko legezko ordezkaritzako kide.
Alderdiek erabaki dute batzorde horrek aztertuko dituela hitzarmen kolektibo hau interpretatu edo aplikatzean sor daitezkeen zalantzak edo desadostasunak, administrazioarekiko auzien salan edo administrazioan erreklamazioa aurkeztu aurretik eta gatazka kolektibora edo grebara jo baino lehen.
Batzordeak eginkizun hauek izanen ditu:
a) Hitzarmenaren klausula guztien aplikazioa interpretatzea.
b) Itundutakoa betetzen den zaintzea.
c) Hitzarmen honek indarra hartu ondoren ematen diren legezko xedapen berriak aztertu eta baloratzea, hitzarmenaren edukian eraginik izan badezakete.
d) Hitzarmen kolektiboaren eraginkortasun praktikoa hobetzen duten beste jarduera guztiak, testuan horrela ezarria badago.
e) Erabakiak hartzeko batzorde paritarioaren ordezkaritza bakoitzeko kideen gehiengoaren aldeko botoa beharko da.
f) Batzorde paritarioa alderdietako edozeinek eskatuta bilduko da, bilera non, zein egunetan eta zer ordutan eginen den adostu ondoren. Edonola ere bilera eskaera egin eta hamar eguneko epean bildu beharko da eta aurkezten zaizkion gaiak hamar laneguneko epean ebatziko dira, bileraren egunetik aurrera.
Langileen Estatutuaren 41.6 eta 82.3 artikuluetan ezarritakoarekin bat, hitzarmen kolektibo batean arautu diren gaietan lan-baldintza kolektiboen funtsezko aldaketak egin behar badira eta aldez aurreko kontsulten aldia bukatu ondoren akordiorik ez badago, batzorde misto paritarioak aztertuko du auzia gai horren gainean akordio bat lortzeko asmoz, batzorde mistoaren bileretarako aipatu den prozedura arrunta erabilita.
Hitzarmen honetan adostutako baldintzak ez aplikatzea edo ez betetzea.
Hitzarmen kolektibo hau sinatzen duten alderdien asmoa da hitzarmenean itundutako edukia oso-osorik betetzea hitzarmenaren indarraldi guztian. Enpresak hitzarmen hau aldi batean ez aplikatzea erabaki nahi badu arrazoi ekonomiko, tekniko, antolaketa-arrazoi edo produkzio-arrazoiengatik, honako prozedura hau hasi beharko du:
Enpresak 15 eguneko kontsulta aldia hasiko du langileen legezko ordezkaritzaren aurrean. Enpresak erabaki hori hartzeko arrazoiak eta eraginak saihestu edo murrizteko aukera azalduko ditu, baita ukitutako langileengan izanen dituen ondorioak arindu edo murrizteko ezarri behar diren neurriak ere. Kontsulta aldia indarrean den bitartean, aldeek fede onez negoziatu beharko dute, akordio bat lortzea helburu. Akordioa langileen ordezkarien alde bakoitzak gehiengoz erabakiko du.
Kontsulta aldia bukatzen denean alde bien artean akordiorik ez badago, aldeetako edozeinek jotzen ahalko du, desadostasunak ebazteko xedez, bost eguneko epean, Laneko gatazkak ebazteko borondatezko prozedurei buruzko Konfederazio arteko Akordiora. Espresuki ezarri da arbitraje-prozedura soilik aplikatuko dela baldin eta alde biek gehiengoz erabakitzen badute hari men eginen diotela.
Laneko gatazkak ebazteko borondatezko prozedurek desadostasuna konponduko ez balute, alde bien arteko akordioa egin beharko da (enpresaren ordezkaritza eta langileen ordezkaritzaren gehiengoa), ez aplikatzeari edo ez betetzeari buruzko desadostasuna organismo autonomo eskudunari edo Kontsulta Batzorde Nazionalari aurkezteko, egokitzat joz gero.
7. artikulua. Arau subsidiarioak.
Hitzarmen kolektibo honetan xedatu ez den orotan Langileen Estatutuan xedatutakoari jarraituko zaio, bai eta Garbiketa Publikoaren, Kaleen Garbiketaren, Ureztaketaren, Hondakinen Bilketa, Tratamendu eta Ezabaketaren eta Estolderiaren Garbiketa eta Kontserbazioaren Sektorerako Hitzarmen Orokorrean eta gainerako legezko xedapenetan xedatutakoari ere.
8. artikulua. Lanaren antolaketa.
Lanaren antolaketa praktikoa enpresari dagokio, ez beste inori. Hori dela eta, enpresak zerbitzuaren jardun onerako metodo eta prozedura egokienak ezartzeko ahalmena du, baina, hala ere, langileek ez dute horregatik beren lanbide prestakuntzan kalterik jasanen, ez eta beren zeregina utzaraziko liekeen eginbeharrik izanen ere.
Enpresa batzordeari entzunaldia emanen zaio Langileen Estatutuaren 64. artikuluari jarraikiz.
9. artikulua. Arlo funtzionalak.
Sektoreko Hitzarmen Orokorraren 20. artikuluan xedatutakoari jarraikiz, hiru arlo funtzional hauek definitzen dira A, B eta D taldeetan:
Zerrendatzen diren eginbehar profesionalak informaziorako baino ez dira; era berean, langile orok du bere buruzagiek agintzen dizkioten lan eta operazioak egiteko betebeharra, bere arlo funtzional edo gaitasun profesionalaren eginbehar orokorraren barruan.
A taldea.
–Zerbitzuburua: Zerbitzuen garapena eta bere ardurapeko langileen eginbeharren jarduna kontrolatu eta gainbegiratzeaz arduratuko da, zerbitzuek behar bezala funtzionatzen dutela bermatuz, laneko arriskuen prebentziorako legeak xedatutako arauak jarraituz, gertakariak bere gain hartuz eta konponduz, zerbitzuetako baliabideak optimizatuz, egon litezkeen akatsak konponduz eta bezero zein langileekin, haien legezko ordezkarien bitartez, harreman egokia izanez.
B taldea.
–Tailerreko burua: Zuzeneko agintea du tailerreko langileen gainean, baldin badaude, eta laneko ardura, diziplina eta segurtasuna zaintzeaz arduratzen da. Lana antolatzeaz arduratuko da, eta erremintak, erregaiak, lubrifikatzaileak eta tailerreko gainerako elementuak zainduko ditu. Tailerreko berezko eginbeharrak banatu, zuzendu eta egiten ditu, eta zerbitzuak behar bezala funtzionatzeko beharrezkoak diren eta bere nagusiek baimendu dituzten konponketak egiten ditu.
D taldea.
–Taldeko burua: Peoi espezialista da eta, bere egitekoa betetzeaz gain, bere taldea osatzen duten langileen lana zuzentzen du eta horretaz arduratzen da.
–Gidaria: Dagokion gidabaimena edukita, behar diren ezagutzak ditu era guztietako konponketak egiteko, tailerreko elementurik behar ez denean. Haren ardura izanen da, bereziki, berak gidatzen duen makinak edo ibilgailuak instalaziotik ateratzen denean behar bezala funtziona dezala. Atoian eramandako edo eraman gabeko ibilgailuak, zerbitzuak berezko dituenak, gidatu eta maneiatzeko ardura dauka. Esleitzen zaion makinaren edo ibilgailuaren mantentze-lanez eta zainketa egokiaz arduratuko da eta makinaren jarraipen teknikoak eta funtzionamendukoak beteko ditu.
–Makinista peoia: Ekortzeko makina, baldez ureztatzeko makina, garbigailua edo antzeko ibilgailua gidatzen duen peoi kategoriako langilea. Gutxienez B1 gidabaimena edukitzeaz gain, tailerreko elementurik behar ez duten mota guztietako konponketak egiteko beharrezko ezagutzak izan beharko ditu, gidatzen duen makinak edo ibilgailuak instalaziotik ateratzen denean behar bezala funtziona dezala zainduz. Makinaren mantentze-lanez eta zainketa egokiaz arduratuko da eta makinaren jarraipen teknikoak eta funtzionamendukoak beteko ditu.
Sustapenak 35. artikuluko sistemaren arabera eginen dira, aurten izendatutakoen kasuan izan ezik; izan ere, kategoria horretarako eskubidea izanen dute egunero arestian deskribatutako ibilgailuetako bat gidatzen dutenek.
–Peoi espezialista: Hitzarmenaren eremuan esleitzen zaizkion lanak eginen ditu, bakarrik edo taldean.
Prestatze lanak, bukatze lanak eta lanak egiteko beharrezkoak diren beste guztiak sartzen dira zeregin horien artean. Esleitzen zaizkion tresnak edo erremintak zaindu eta erabiliko ditu, barne harturik haizagailua, profilatzeko makina eta antzeko makineria. Ematen zaizkion erreminten egoera onerako eta funtzionamendurako behar diren lan osagarriak eginen ditu. Lanak betetzeko egin beharrekoak eginen ditu, bai eta beste arlo funtzional batzuei dagozkien maila teknikoak behar ez dituzten bestelako zereginak ere.
–Peoia.
Hitzarmenaren eremuan esleitzen zaizkion lanak eginen ditu, bakarrik edo taldean.
Prestatze lanak, bukatze lanak eta lanak egiteko beharrezkoak diren beste guztiak sartzen dira zeregin horien artean. Esleitzen zaizkion tresnak edo erremintak zaindu eta erabiliko ditu. Ematen zaizkion erreminten egoera onerako eta funtzionamendurako behar diren lan osagarriak eginen ditu. Lanak betetzeko egin beharrekoak eginen ditu, bai eta beste arlo funtzional batzuei dagozkien maila teknikoak behar ez dituzten bestelako zereginak ere.
Espezializazio profesional edo teknikorik behar ez duten eginbeharrak burutuko ditu. Lantokietako edozein zerbitzu edo lekutan egin dezakete lan.
10. artikulua. Titulartasuna aldatzea.
Hitzarmen honi loturiko kontrataren titulartasun aldaketak berekin dakar esleipen-hartzaile berriaren aldetiko subrogazioa, garbiketa publikoa, kaleen garbiketa, ureztaketa, hondakinen bilketa, tratamendua eta ezabaketa eta estolderiaren kontserbazioa biltzen dituen sektorerako hitzarmen orokorraren "Langileriaren subrogazioa" izenburuko XI. kapituluan espresuki adierazi bezala. (2013ko 181. Estatuko Aldizkari Ofiziala, uztailaren 30ekoa).
II. KAPITULUA.–LAN BALDINTZAK
11. artikulua. Lanaldia.
ABEE hau enpresa ezberdinei (Cespa eta Fomento de Construcciones y Contratas SA) esleitutako bi kontratetako langileek osatzen dute, eta horiek hitzarmen bana zituzten. Baldintza guztien konbergentzia kontrataren indarraldian eginen da; hala ere, alderdi batzuetan Tuteran soilik zerbitzua ematen duten langileak eta Erriberako mankomunitateko hainbat herritan zerbitzua ematen dutenak bereiziko dira.
Lanaldiari dagokionez, ez da kontuan hartuko mankomunitateko herrietara joateko emandako denbora, betiere egun berean bada. Hau da, artikulu honen ondorioetarako, lanaldia mankomunitatea osatzen duten udalerrietako bakoitzean benetan lan egindakoa izanen da.
Hitzarmen kolektibo honen esparruko langileen lanaldia astelehenetik larunbatera edo astelehenetik igandera banatuko da, hitzarmen honen indarraldiko urte bakoitzeko ezartzen diren lan egutegien arabera; 20 minutuko atsedenaldia izanen dute egunean ogitarterako lanaldiaren barrenean; atsedenaldi hori lan egindakotzat hartuko da ondorio guztietarako.
Larunbatak laneguntzat hartuko dira ondorio guztietarako.
Tuterako hirian lan egiten duten eta lanaldi osoko kontratu mugagabea duten langileek 251 eguneko lanaldi industriala eta 17 librantzako larunbat izanen dituzte, eta 6 ordu eta 20 minutuko benetako lanaldia egunean.
Eskualdeko herriren batean lan egiten duten langileek 266 eguneko lanaldi industriala izanen dute, eta 6 ordu eta 30 minutuko benetako lanaldia egunean.
4 lanegun izanen dira, nork nahi dituenean hartzeko, lan egutegietan ezarritako urteko ordutegiaren gainetik urte osoko konputuan izan daitekeen edozein lanaldi soberakin konpentsatzeko. Erriberako mankomunitateko herriren batean lan egiten duten langileek 6 egun izanen dituzte. Urteko lanaldi soberakinagatik diren norberaren aukerako egunak egun osoak izanen dira, eta egunak metatzen ahalko dira. Tuterako plantillaren kasuan, astelehenetik ostiralera hartzen ahalko dira, eta gainerako kasuetan, astelehenetik larunbatera. Langileak gutxienez astebete lehenago eskatu beharko ditu, baldin eta hiru pertsonak baino gehiagok eskatzen ez badute (gidari bat eta gainerako kategorietako 2 langile). Beharrezkoa bada, zozketa eginen da aipatu eguna zein langilek hartuko duten erabakitzeko.
Igandeetan lan egitea ekartzen duten kontratuetan, lanaldia astelehenetik igandera banatuko da horretarako kontratatutako langile berrien kasuan; enpresak soldata-taulan igande bakoitzerako ezarritako diru-kopurua ordainduko du, eta langileak etenik gabeko egun eta erdiko atsedenaldia izanen du astean zehar.
Enpresak lana antolatzeko ahalmena duenez, berak prestatuko du larunbatetan jai egiteko urteko egutegia, txandakakoa eta bidezkoa izan dadin, eta eman beharreko zerbitzuetarako egokituko du. Behin prestatuta direla, haien kopia emanen zaie langileen ordezkariei iradokizunen bat balute eta, gero, ikusgai jarriko dira lantokiko iragarki oholean.
Arrazoiak daudenean, enpresari aldez aurretik eskatuta eta zerbitzuaren antolaketan eragozpenik sortzen ez bada, trukeak egiten ahalko dira arlo funtzional eta lan txanda bereko langileen artean larunbatak jaiegun izateko.
Tuterako langileentzat lanaldia 251 lanegunekoa izanen da, eta honela banatuko da:
Urte bakoitzeko abenduan egutegi bat prestatuko da langile bakoitzak (lanaldi osoko lan-kontratuduna) urtean libre izanen dituen 18/17 larunbatekin, urte natural osoan banatuta, eta soldata erreala ordainduko zaie.
12. artikulua. Oporrak.
Urtean 26 laneguneko opor ordainduak izanen dituzte urtebeteko zerbitzualdia eman duten langile guztiek eta proportziozko zatia, berriz, baldintza hori betetzen ez dutenek. Larunbatak lanegun oso gisa kontatuko dira.
Oro har, oporrak uztailean, abuztuan eta irailean hartuko dituzte goizeko, arratsaldeko edo gaueko txandetako langileek, eta ekainean, uztailean, abuztuan eta irailean, berriz, asteburuko langileek. Oporretan ezin dira batera egon plantillako langileen heren bat baino gehiago, txandak jarraituak izanik.
Aurreko paragrafoan xedatutakoa gorabehera, langileek gutxienez 8 egun har ditzakete ezarritako opor-txandetatik kanpo; hartara, 18 lanegun hartuko dira aurreko puntuan ezarritako oporren txanda jarraituetan, bai eta 8 lanegun jarraituko beste aldi bat ere, urtearen gainerakoan hartu beharrekoa, epe jarraitu bakar batean. Oporrak banatzeko aukera hori hautatuz gero, ez dira oporrak trukatzen ahalko beste langile batekin, eta 18 egunak jarraian hartu beharko dira, oporraldi bakoitzeko (ekaina, uztaila, abuztua edo iraila) lehendabiziko egunean hasita, lan txandaren arabera.
Zortzi egun horiek ez dituzte batera hartzen ahalko goizeko txandako bi langilek baino gehiagok, edo gaueko txandako langile batek baino gehiagok. Halaber, ez dira lotzen ahalko zubiekin edo Eguberrietako edo Aste Santuko oporrekin, non ez duten alderdiek hala ituntzen.
Era berean, zortzi egun horiek ez dituzte batera hartzen ahalko asteburu eta/edo jaiegunetan lan egiteko kontratatutako bi langilek baino gehiagok. Halaber, ez dira lotzen ahalko zubiekin edo Eguberrietako edo Aste Santuko oporrekin, non ez duten alderdiek hala ituntzen.
Tuterako festetan (uztailaren 24tik 30era), salbuespeneko garaia denez, zerbitzuaren antolaketarako beharren edo behar operatiboen arabera, enpresak eta langileek adostu dezakete oporrak beste era batean antolatzea, aurreko paragrafoetan ezarritakoaz bestela.
Oporren egutegia aurreko urteko azaroan prestatuko da beti, langileen delegatuarekin hitzartu ondoren, eta txandako araubide bat ezarriko da oporrak aukeratzeko. Langileek eskaerak aurkezteko epea azaroaren 15ean bukatuko da.
Oporrak soldata-tauletan ezarritakoaren arabera ordainduko dira (gehi bakoitzari dagokion antzinatasuna).
Oporraldia hasterakoan langileak aldi baterako ezintasuna baldin badu, oporrak atzeratuko dira langileak medikuaren alta jaso arte. Langileak bere oporren txandak iraun bitartean alta hartzen badu, txanda hori bukatzeko falta diren opor egunak hartuko ditu, eta falta zaizkion egunak oporren garaitik kanpo hartu beharko ditu, betiere urte natural horretan eta enpresaren eta langilearen artean adostu ondoren. Urte naturala bukatzean langileak ezin izan baditu oporrak hartu aldi baterako ezintasunean dagoelako, oporrak geroratu eginen dira, Langileen Estatutuaren 38. artikuluan ezarritakoarekin bat etorriz.
13. artikulua. Ordutegiak.
Lantokiko ordutegiak enpresak finkatuko ditu unean-unean, zerbitzuaren beharrak kontuan hartuta, eta zerbitzuaren entitate adjudikazio-emaileak horretarako xedatu dezakeenari erantzunez.
Lan txanda bakoitzaren ordutegiak ikusgai jarriko dira urtero lantoki guztietan.
Abenduan, ahal izanez gero, Nafarroako Gobernuak jaiegunen egutegi ofiziala argitaratu ondotik, enpresak eta enpresa batzordeak edo langileen ordezkariek elkarrekin prestatuko dute hurrengo urteko lan egutegia.
14. artikulua. Baimenak.
Enpresak gehienez ere 10 egun natural hartzeko baimena emanen die, ordaindu gabe, hala eskatzen duten langileei, baldin eta gutxienez astebete lehenago eskatzen badute; ezinbesteko arrazoiengatik langileak egun gehiago behar baditu, enpresak urtean gehienez 20 egun hartzeko baimena eman dezake, salbuespen gisa.
Gidarien arlo funtzionalaren kasuan, langile batek baino gehiagok aldi berean eskatzen badute, bakar batek hartzen ahalko du.
Gainerako arlo funtzionaletan gehienez ere 2 langilek hartzen ahalko dute batera baimena.
15. artikulua. Lizentzia ordainduak.
Hitzarmen honen eraginpeko langile guztiek lizentzia hauek izan ditzakete, justifikatu ondoren:
1. Ezkontzagatik: 20 egun natural.
2. Ezkontidearen edo bikotekidearen erditzeagatik: 3 egun natural; eritasun larririk edo zesarearik izan bada, 7 egun izanen dira. Egun horiek erditzen den egunetik aitzina edo ospitaleko alta hartzen den egunetik aitzina hartuko dira.
3. Ezkontidearen edo bikotekidearen, gurasoen, aita-amaginarreben, langilearen zein ezkontide/bikotekidearen seme-alaba edo ezkontza bidezko seme-alaben edo langilearen zein ezkontide/bikotekidearen anai-arreben ebakuntzagatik: 5 egun, Tuteran edo bizilekuan bada. Lizentziarako eskubidea sortu zuen gertaera eragileak iraun bitartean erabiltzen ahalko dira.
4. Langilearen edo ezkontide/bikotekidearen gurasoen, anai-arreben, aita-amaginarreben, aitona-amonen edo biloben eritasun larri edo heriotzagatik: 5 egun.
5. Langilearen edo haren ezkontide/bikotekidearen gurasoen, seme-alaben edo anai-arreben ezkontzagatik: Egun bat.
6. Langilearen edo ezkontide/bikotekidearen gurasoen, anai-arreben, aita-amaginarreben edo seme-alaben ospitalizazioagatik: 5 egun.
7. Langilearen edo ezkontide/bikotekidearen odol edo ezkontza bidezko bigarren gradura arteko ahaideen ospitalizazioagatik, 5 egun.
8. Ezkontide/bikotekidearen eta seme-alaben heriotzagatik, 6 egun natural.
9. Langilearen odol edo ezkontza bidezko osaba-izeben edo iloben heriotzagatik: egun natural 1; bi egun, 80 kilometrora edo urrunago baldin bada.
10. Enpresan lan egiteko beharrezkoa duten langile guztiei B, C eta E motako gidabaimena berritzeko probak egiteko behar duten denborarako baimena emanen zaie, baldin eta probak lan orduetan egin behar badira.
11. Ohiko bizilekua aldatzeagatik: egun bat.
12. Odol edo ezkontza bidezko bigarren maila arteko ahaideen ebakuntza, ospitaleratu beharrik izan gabe, baina etxean atseden hartzea behar badute: 5 egun.
13. Ezkontideari eta/edo langilearekin bizi diren seme-alabei medikuarenera laguntzeko behar den denbora, pazientea sedatzea beharrezkoa den probetarako.
Izatezko bikoteak parekatuko dira. Horretarako, Udalaren agiria beharko da, elkarbizitza egiaztatzen duena. Lizentziak arlo funtzional bakoitzaren soldata errealaren arabera ordainduko dira.
2., 3., 4., 6., 7. eta 9. ataletan, lizentzia gertaera izan eta hurrengo egunean kontatuko da lanaldia bete denean.
Artikulu honetan bildu ez den orotan, Langileen Estatutuan xedatutakoari jarraituko zaio.
III. KAPITULUA.–BALDINTZA EKONOMIKOAK
16. artikulua. Ordainsarietako kontzeptuak.
Langile bakoitzaren ordainsaria honela osatuko da: hitzarmen kolektiboaren oinarrizko soldata gehi soldata-tauletan jarduera, maila eta arlo funtzional bakoitzerako ezartzen diren osagarriak, ondorengo artikuluetan adierazten denarekin lotuta. Kontzeptu horien zenbatekoak artikulu hauetan eta soldata-taulen eranskinean ageri dira eta esleitutako balioa ulertu behar da kontzeptu bakoitzaren gaineko itun gisa, hitzarmen kolektibo honen negoziazio ekonomiko oso eta bateratuaren barnean.
17. artikulua. Oinarrizko soldata.
Hitzarmen kolektibo honi loturiko langileen oinarrizko soldatak hitzarmen honi erantsitako soldata-tauletan ageri dira maila eta arlo funtzional bakoitzerako.
18. artikulua. Antzinatasuna.
Antzinatasunaren osagarri pertsonalak hiru biurtekoren balioa izanen du, arlo funtzional bakoitzeko oinarrizko soldataren % 5ekoak, eta ondoren bosturtekoak izanen dira, arlo funtzional bakoitzeko oinarrizko soldataren % 7koak. Horietako bakoitza aurrekoa betetzen denetik aitzina hasiko da kontatzen.
19. artikulua. Neke, arrisku eta toxikotasunaren plusa.
Hitzarmen kolektibo honen eraginpeko langileek, lanpostuen ezaugarrien arabera, zeinak plus honen bidez konpentsatzen baitira, I. eranskineko tauletan ageri den diru-kopurua kobratuko dute lan egindako egun bakoitzeko.
Plus hori funtzionala da eta benetan lan egindako egun bakoitzeko sortuko da, baina ez da kontatuko igandeak kalkulatzeko, ez eta aparteko ordainsarietan ere, horrela itundu baita berariaz.
Benetan lan eginiko egun bakoitzari dagokion diru-kopurua, tauletan ageri dena, ez da finkatuko, diru-kopuru hori lanpostuekin eta hitzarmen kolektiboaren baldintza ekonomikoak orokorrak eta bakarrak izatearekin loturik baitago.
20. artikulua. Gaueko lanaren plusa.
22:00etatik 06:00etara lan egiten duten langileek osagarri bat kobratuko dute, I. eranskinean ageri dena, ordutegi horren barnean egiaz lan egindako egun bakoitzeko.
Plus hori funtzionala da eta langileak kobratzeari utziko dio ordutegia edo txanda aldatzen duenean. Benetan lan eginiko egun bakoitzari dagokion diru-kopurua, tauletan ageri dena, ez da finkatuko, diru-kopuru hori lanpostuko ordutegiekin eta hitzarmen kolektiboaren baldintza ekonomikoak orokorrak eta bakarrak izatearekin loturik baitago.
Gaueko txandako langileek ordu-aldaketak egin beharra dutenean, epe laburragatik noizbehinkakoak kalifika daitezkeenak, enpresa saiatuko da ordu-aldaketa horiek borondatez eskatu dituzten enplegatuek egin ditzaten, egun horietako gaueko plusa ordainduz.
21. artikulua. Hitzarmenaren plusa.
Hitzarmen honen eraginpeko langileek osagarri honengatik plus bana kobratuko dute, eranskineko tauletan arlo funtzional bakoitzerako ezarritakoa. Plus hori lan egindako egun bakoitzeko sortuko da, baina ez da kontatuko igandeak kalkulatzeko, ez eta aparteko ordainsarietan ere, horrela itundu baita berariaz.
22. artikulua. Jaiegunetan, igandeetan eta Tuterako jaietan lan egitea.
Lanaldi arruntaren barruan igandean edo jaiegunean lan egin behar duten langile kontratudunek eguneko 5 ordu eta 50 minutu lan eginen dituzte, eta 20 minutuko atsedenaldia izanen dute ogitartekoa jateko; hau da, benetako lanaldia 6 ordu eta 10 minutukoa izanen da.
Igandean eta/edo jaiegunean lanaldi arruntetik kanpo lan egin behar duten langileek 5 ordu eta 45 minutuko lanaldia izanen dute, gehi 15 minutuko atsedenaldia ogitartekoa jateko. Langileak bere kategoriari dagokion jaiegunetako edo igandetako plusa jasoko du, tauletan ezarritakoa, eta igandean lan egiten badu, egun libre bat hartzeko eskubidea izanen du.
Lanaldi osoko kontratu mugagabea edo lanaldi osoko aldi baterako kontratua duten eta gutxienez 18 hilabeteko antzinatasuna duten langileek Tuterako hiru jaiegunetan (Santiago, Santa Ana, jaietako igandea eta San Martin Porres) lanaldi arruntetik kanpo lan egiten badute, peoi espezialistaren kategoriarako edo goragoko kategoriarako ezarritako jaiegunetako plusa jasoko dute egun horretako soldata arruntaz gain.
Lanaldi partzialeko edo aldi baterako kontratu mugagabea duten eta lanaldi arruntaren barruan Tuterako 3 jaiegunetan lan egiten duten langileek (Santiago, Santa Ana, jaietako igandea eta San Martin Porres) egun horretako soldata arruntaz gain peoi kategoriarako ezarritako jaiegunetako plusa jasoko dute.
Zerbitzua ematen ez den jaiegunetan oinarrizko soldata, antzinatasuna eta aipatu plusak ordainduko dira.
Orokorrean, egun horietako lana, ahal dela, egun horretarako lanaldi partzialerako kontratatutako langileekin eginen da.
Ezaugarri horiek betetzen duen langilerik ez bada, lanaldi osorako eta astelehenetik igandera kontratatutako langileek beteko dute zerbitzua, eta astean zehar hartuko dute atseden eguna.
Urtero, zerrenda bat prestatuko da igande eta jaiegunetan lan egin nahi duten langile boluntarioekin.
Enpresak eta langileen ordezkariak zerrenda bat eginen dute zerbitzu hori betetzeko konpromisoa hartuko duten langile boluntarioen izenekin, zerbitzua zein egunetan eman behar duen kontuan hartu gabe. Langileak txandaka tokatu zaion egunean lan egiteari uko egiten badio, zerrenda horretatik baztertuko dute.
Aurreko puntuan zehaztutakoa gorabehera, behar bezala justifikatutako kasu berezietan, beste langile batekin txanda aldatzen ahalko du zerrendatik baztertu gabe.
Behar diren lanpostuak betetzen ez badira, enpresaren eta batzordearen edo langileen delegatuen artean gainerako langileez itundutako koadrantera joko da.
Jaiegun izanen dira indarra duen legerian orokorrean adostutako festak, lan-egutegiaren arabera, bai eta herriko eta probintziako jaiegunak eta San Martin Porres jardueraren patroiaren eguna ere.
23. artikulua. Pizgarriak lan bereziengatik.
Peoi, peoi espezialista edo taldeko buruaren lanbide taldea duen langileak hitzarmen honen indarraldiko urte bakoitzerako ezarritako zenbatekoak jasoko ditu, egiazko lanegun bakoitzeko, baldin eta B motako gidabaimena eskatzen duen ibilgailu edo garbiketa-makina motordunen bat gidatu behar badu, delako ibilgailua bere egiazko lan-tresna baldin bada lanaldi osoan. Lanaldiaren erdian ari bada horrekin, zenbateko horren % 50 jasoko du, soldata-taulan jasotako diru-kopuruen arabera.
Brigadarako gidari lanak egiten dituen peoiak, peoi espezialistak edo taldeko buruak plusaren % 100 jasoko du.
Kontzeptu hori soldata-taulako gainontzeko kontzeptuak adina igoko da.
Era berean, pizgarri hori jasoko dute lan egiteko ekortzeko makina, baldez ureztatzeko makina, garbigailua eta zisterna erabiltzen duten peoi espezialisten kategoria duten langileek.
24. artikulua. Eguberri eta Urte Zaharreko jaiak.
Egun horietan maila eta arlo funtzional bakoitzari dagozkion oinarrizko soldata, antzinatasuna eta plusak kobratuko dituzte, eranskineko soldata-tauletan ageri direnak.
Egun horietako bakoitzean zerbitzuak egiten dituzten langileek soldata-taulan zehaztutako plusa jasoko dute; gainera, bi kasuetan jaieguneko plusa.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
25. artikulua. Aparteko eskersariak.
Udako, Eguberriko eta mozkinengatiko aparteko eskersariak lanbide arlo funtzional bakoitzarentzat soldata-tauletan espresuki itundutakoaren arabera ordainduko dira. Zenbateko horiei antzinatasunarena erantsi behar zaie.
Paga horiek sei hilean behin sortuko dira, lan egindako denboraren proportzioan, eta salbuespen bakartzat joko dira Langileen Estatutuaren 37.3 artikuluan aurreikusitako absentziak, ez ordea, justifikatu gabeko absentziak eta ordaindu gabeko baimenak. Ez dira zehatuko aldi baterako ezintasunarengatiko absentziak.
Udako eskersaria ekainaren 30a baino lehen ordainduko da, eta Eguberrietakoa, abenduaren 20a baino lehen.
Mozkinen eskersaria urtero sortuko da, eta urte bakoitzari dagokiona hurrengo martxoko lehenengo egun baliodunean ordainduko da.
Eguberrietako eta udako pagetan oinarrizko soldatari antzinatasunaren hogeita hamar eguneko zenbatekoa erantsiko zaio. Mozkinen pagan, oinarrizko soldatari antzinatasunaren hamabost egun erantsiko zaizkio.
26. artikulua. San Martin Porres eguneko aparteko paga.
Enpresak eranskineko tauletan ageri den zenbatekoa ordainduko dio hitzarmen honetan sartutako langile guztiei.
Azaroaren lehenengo egun baliodunean ordainduko da.
Urtero sortuko da eta ez da murrizketarik eginen aldi baterako ezintasunagatik ezta absentzia justifikatuengatik ere.
27. artikulua. Garraio plusaren osagarria.
Plus hori egiaz lan egindako egun bakoitzeko sortuko da. Plus horren zenbatekoa soldata taulen eranskinean jasotakoa izanen da.
28. artikulua. Dietak.
Bidaian etxetik kanpora lo egitea eta bazkaltzea eta afaltzea beharrezkoa denean, soldata-taulan zehaztutako dieta osorik kobratuko da.
Bidaian lo egin beharrik ez badago, dieta erdia jasoko da, soldata-taulan zehaztutakoa.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
29. artikulua. Aparteko orduak.
Enpresaren jarduera zerbitzu publiko bat denez, sinatzaileek aitortzen dute "egiturazkoak" direla ustekabeko absentzien edo txanda-aldaketen ondorioz egin beharreko orduak, eta orobat, produkzio beharren ondorioz egin beharrekoak. Hori guztia abuztuaren 20ko 1858/1985 Errege Dekretuan ezarritakoarekin bat.
Aparteko orduak data jakinetan izaten ohi direnez, enpresak langileak kontratatuko ditu aparteko lanak egiteko.
Aparteko orduen zenbatekoa erantsitako soldata-tauletan ageri dena da.
30. artikulua. Ordaintzeko modua eta ordainsarien ordainketa.
Enpresak hartzekoak sortu eta hurrengo hileko lehen 5 egun naturaleko epean ordainduko du hilean sortutakoa. Hurrengo hileko 15ean egiaz erregularizatzearen kalterik gabe.
Banku-transferentzia baten bidez edo taloi baten bidez ordainduko da, eta, hura kobratzeko, ez dago eskubiderik denbora librea hartzeko.
Enpresak soldata-taulan zehaztutako hilabeteko aurrerakinak emanen dizkie haiek eskatzen dituzten langile guztiei.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
IV. KAPITULUA.–ONURA SOZIALAK
31. artikulua. Ospitalizazioa eta aldi baterako ezintasuna.
Ospitalizazioa gertatuz gero, ospitalean sartzen denetik harik eta ospitalean alta hartzen duen arte langileak denbora horretan lanean izan balitz kobratuko zituzkeen soldata kontzeptuen % 100 kobratuko du.
32. artikulua. Gidabaimena kentzea.
Gidariaren erruz izan gabe, zerbitzuko ibilbidearen beharrengatik edo akats mekaniko batengatik, langileari gidabaimena kentzen badiote, enpresak lansaria eta lanpostua errespetatuko dizkio, baina, bitarte horretan, enpresak bere egoeraren araberako beste lanposturen batean egokituko du langilea.
Gidabaimena kendu bazaio ibilgailu partikularra gidatzean, eta ausarkeriazko zuhurtziagabetasun larririk edo asmo txarrik izan ez bada behintzat, enpresak langilea beste lanpostu batean jartzeko konpromisoa hartzen du, lanpostu berriko ordainsariekin.
Enpresak aseguru bat hartuko du gidabaimena kentzen den kasuetarako, aseguru horren eguneko kostuaren herena segurtatzeko, langileak hala eskatzen badu.
33. artikulua. Istripu aseguruaren poliza.
Enpresak lan istripuetarako aseguru poliza sinatzeko konpromisoa hartzen du, hitzarmen honen indarraldian eta hitzarmena sinatzen denetik aurrera langile bakoitzari honako kalte-ordain hauek bermatzeko:
–Laneko istripuaren ondoriozko heriotza: 38.000 euro.
–Laneko istripuaren edo eritasun profesionalaren ondoriozko erabateko ezintasun iraunkorra: 38.000 euro.
–Eritasun profesionalaren ondoriozko heriotza: 34.500 euro.
–Ezintasun iraunkor osoa bere lanposturako, laneko istripuaren edo eritasun profesionalaren ondoriozkoa: 23.000 euro.
–Berezko heriotza: 5.800 euro.
34. artikulua. Osagarria, laneko istripuaren edo eritasunaren kasuan.
Laneko istripu edo eritasun profesional baten ondorioz aldi baterako ezintasuna izaten bada, enpresak Gizarte Segurantzaren prestazioa osatuko du likidatutako hileko egiazko soldataren % 100 egin arte.
Eritasun arruntak eragindako aldi baterako ezintasuna bada, enpresak honela osatuko du Gizarte Segurantzaren prestazioa:
–1. egunetik 10. egunera arte, % 90; eta 11. egunetik prozesuaren bukaerara arte, % 100.
Eritasun arruntak eragindako aldi baterako ezintasun prozesuak 90 egun baino gehiago irauten badu, % 100 osatuko da bajako lehenengo egunetik hasita, atzeranzko eraginarekin.
Gizarte Segurantzak kontzeptu horrengatik dituen prestazioak hobetzen baditu, irentsi eta konpentsatuko dira.
35. artikulua. Medikuarenera joateko baimenak.
Langileak lan-orduetan gizarte segurantzako medikuarengana joan behar badu, edo ebakuntza egin behar badiote, ospitaleratu gabe, ez zaio soldata murriztuko, baldin eta kontsultara joan dela frogatzen badu.
Era berean, urtean bi egun izanen ditu mediku partikularretara joateko edo ezkontidea nahiz seme-alabak laguntzeko, aldez aurretik justifikatuz gero.
Langileak urtean bi egun izanen ditu bikotekideak, seme-alabek edo gurasoek (baldin eta langilearen etxean bizi badira) Tuteratik kanpoko edo ohiko bizitokitik kanpoko osasun-zentro batera joan behar dutenean, aldez aurretik hitzorduaren egiaztagiria aurkeztuz, edo ebakuntza egin baina ospitaleratu behar ez dituztenean. Kontsulta horretara joateko 200 kilometrotik gora egin behar badira, baimenerako beste egun bat edukiko da urtean.
Ohiz kanpoko kasuetan, enpresak aurreko paragrafoetan jasotakoa zabaltzen ahalko du, kasu horiek zehatz aztertu ondoren.
36. artikulua. Sustapenak eta igoerak.
Lanpostu finko edo behin-behinekoetan lanpostu hutsak izanez gero 1. mailako gidari ofizialaren kategorian, barne igoeraren bidez beteko dira plantillako langileen artean. Langile berriak kontratatuko dira baldin eta eskatzaileak lanpostu horiek betetzeko gai ez badira bakarrik.
Sustapena prozesu honen arabera eginen da:
1. Enpresak jendaurrean paratuko du bete beharreko lanpostu hutsen zerrenda, eta epe bat jarriko da izangaiak aurkezteko.
2. Azterketa teorikoa eta praktikoa eginen da. Enpresak eta enpresa batzordeak izendatuko dituzte aztertzaileak.
3. Probak eginik, izangai bakoitzari "gai" edo "ez-gai" kalifikazioa emanen zaio eta, lehenbiziko kasuan, puntuazio bat ere bai, probak nola egin dituen kalifikatzen duena.
Azterketaren xede diren lanpostu hutsak puntuazio hoberena lortu duten langileek beteko dituzte, eta berdinketarik izanez gero, enpresan denbora gehien daramanak lortuko du lanpostua.
Lehen mailako gidari ofizialaren arlo funtzionala ez da finkatuko harik eta lanpostu finko izan arte; hala ere, arlo funtzional horretan diharduten denboran ordainsarien diferentzia kobratuko dute. Lanpostua aldi baterakoa denean, langilea lehen zuen lanpostura itzuliko da, eta lanpostu horretako ordainsariak kobratuko ditu.
Kontratazio finko berria egiten denean, arratsaldeko txanda esleituko zaie.
2023an, 2023ko abuztuaren 22an sinatutako aurreakordioan xedatutakoari jarraituko zaio.
37. artikulua. Lanbide kategoriak.
Sektoreko hitzarmen orokorraren 22. artikuluan ezarritakoaren babesean, lanbide kategoria berri bat sortu da, D taldea (langileen taldea). Hona hemen ezaugarriak:
Kategoria berrian, Tuterako kaleen garbiketako 7 langile eta taldeetako 4 langile sartuko dira: bi Ribaforadan, bat Murchanten eta bat Arguedas/Valtierran.
Erantsitako soldata-tauletan agertzen den ordainsaria jasotzeko eskubidea kategoria lortu bezain laster sortuko da, eta ez da atzeraeraginezko eskubide ekonomikorik jasoko. Kategoria berria kalkulatzeko, makinistaren plusa 267rekin biderkatu eta 283rekin zatituko da, kategoria horretako hitzarmeneko plusari dagokion zenbatekoa gehituta.
Zerbitzuaren edo antolaketaren beharrengatik, azaldutako ibilgailuren baten faltagatik, matxura edo gisa horretako beste arrazoi batengatik, langile hauei peoi lanak egiteko agintzen ahalko zaie eta kategoria horretarako itundutako ordainsariak jasoko dituzte aldaketa hori eragin duten baldintzek dirauten bitartean.
38. artikulua. Eszedentziak.
Enpresan urtebeteko antzinatasuna duen langile orok eskubidea du eszedentzia hartzeko, gehienez bost urtekoa eta gutxienez hiru hilabetekoa.
Borondatezko beste eszedentzia bat hartu ahal izateko, langileak beste urtebetez bederen lan egin beharko du enpresan.
Eskatzen den eszedentzia ez bada 15 hilabete baino gehiagorako, enpresak langilea lehengo lanpostuan jarriko du, baldin eta langileak bere itzulera 15 egun lehenago jakinarazten badu enpresan.
Eszedentziaren ondorioz kontratatzen den langileak, eszedentzian egondakoa itzultzen denean, lehentasunezko eskubidea izanen du suertatzen ahal den lehenbiziko lanpostu hutsa betetzeko.
39. artikulua. Laneko arropa.
Laneko arropa nahitaez erabili beharko da, eta enpresak emanen du. Honakoa izanen da:
Laneko arropa eta norbera babesteko ekipamenduak (NBE) lanaldian zehar nahitaez eta bakarrik erabiltzekoak dira. Enpresaren ardura izanen da horiek langileei ematea, zerrenda honen arabera:
NEGUKO JANTZIAK | UDAKO JANTZIAK |
Jertsea | Mahuka motzeko poloa |
Neguko galtzak | Udako galtzak |
Mahuka luzeko poloa | Galtzerdiak |
Galtzerdiak | Txanoa |
Botak | |
Txanoa | |
Txalekoa (bi urtean behin) | |
Uretako botak (bi urtean behin) | |
Parka (bi urtean behin, hausten denean baino ez) | |
Uretako jantzia (bi urtean behin, hausten denean baino ez) |
Jantziak erabiltzeko arauak:
Nahitaezkoa izanen da enpresak emandako arropak erabiltzea, eta langileek arropak egoki erabiltzeko konpromisoa hartu beharko dute.
Arropa horiek lanaldiaren barruan besterik ez dira erabili behar; erabat debekatuta dago enpresatik kanpo erabiltzea edo enpresa barruko zereginak ez diren helburuetarako erabiltzea.
Enpresa behin betiko uzten duten langileek jasotako arropak entregatu beharko dituzte dagokion kitapena sinatu baino lehen; bestela, arroparen balioa deskontatuko zaie kitapenean.
Kontratu mugagabea duten langileei Gore-Tex teknologia edo antzekoa duten bota pare bat emanen zaie urtero. Behar beste irauten dutela eta adostu bezala erabiltzen direla bermatzeko, langileek beren armairuetan gordeko dituzte oinetako horiek lanaldia bukatzean. Botak neguan ematen dira, eta hurrengoak eman aurretik hondatzen badira, langileari segurtasuneko beste bota pare bat emanen zaio, Gore-Tex teknologiarik gabea. Aldi baterako kontratua duten langileei Gore-Tex teknologia edo antzekoa ez duten bota parea emanen zaie.
Norbera babesteko ekipamenduak (NBE) emanen dira beharrezkoa den guztietan.
Ahal dela, udako arropak maiatzaren 5a baino lehen eta negukoak azaroaren 5a baino lehen banatuko dira.
Egindako lanaren ondorioz jantziak hondatuz gero, jantzi edo NBE berria emanen zaio langileari, jantzia edozein izanik ere. Kasu horretan, berria jaso ahal izateko, hondatutakoa itzuli beharko da, betiere azkena emandakoa.
Beharrengatik aldaketaren bat egin behar bada laneko arropan, gaia Laneko arriskuen prebentziorako batzordean jorratu beharko da.
40. artikulua. Aurrerakin itzulgarriak.
Enpresak, hitzarmenaren indarraldiko urte bakoitzean, 18.000 euro jarriko ditu enpresa batzordearen esku, langileei aurrerakin itzulgarriak eman ahal izateko.
Langile bakoitzak aurrerakin itzulgarri gisa jasotzen ahal duen kantitatea ez da inoiz 1.275 eurokoa baino handiagoa izanen.
Aurrerakin itzulgarria amortizatzeko, nominatik deskontatuko da, urtebeteko epean, eta langileak aukeratzen ahalko du 12 edo 14 (hileroko lansariak eta udako eta Eguberrietako aparteko pagak) deskontu izan nahi dituen.
Aurrerakin itzulgarria eskatzen duten langileek urtebeteko antzinatasuna izan beharko dute enpresan.
Langileek ez dute beste aurrerakin itzulgarririk eskatzen ahalko aurrekoa ordaindu arte. Langileak enpresan baja hartzen badu, enpresak zati proportzionalen likidaziotik amortizatzeko dagoen kopurua deskontatzen ahal du.
41. artikulua. Betaurrekoen haustura.
Edozein eginbeharretan, ustekabean eta inolako eta inoren errurik gabe, hitzarmen kolektibo honen eraginpeko langileren bati medikuak agindutako betaurreko graduatuak hausten bazaizkio, enpresak, gertatutakoa egiaztatu ondoren, soldata-taulan zehaztutako laguntza ekonomikoa emanen dio.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
42. artikulua. Familia laguntzak.
Soldata-taulan zehaztutako laguntza ezarri da hitzarmen honen eraginpeko langileentzat, seme-alaba urritu fisiko edo psikikorik badute haien tutoretzapean eta bizikide, eta Gizarte Segurantzak kontzeptu horregatik ematen dituen prestazioen onuradun badira. Zenbateko hori seme edo alaba bakoitzeko emanen da.
Egoera hori minusbaliotasun kalifikazioaren bidez frogatu beharko da.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
43. artikulua. Erretiro saria. Erretiro partziala eta errelebo-kontratua. Erretiroa hartzeko adina.
Legezko baldintzak betetzen dituen langileak erretiroa hartzeko eskubidea erabil dezake unean-unean indarra duen legediak aurreikusten dituen modalitateen bidez. Harekin bat, enpresak kasuan kasuko tramiteak eginen ditu hura bete ahal izateko.
Hitzarmen hau indarrean dagoen bitartean bi alderdiei onuragarri zaien aldaketaren bat argitaratzen bada, aldaketa hori gauzatu eginen da.
Langile batek borondatezko erretiroa hartzen badu, enpresak, horretarako laguntza gisa, antzinatasun urte bakoitzeko honako kopuruak emanen dizkio hitzarmen hau sinatzen denetik aurrera:
–Erretiroa 63 urterekin eskatzen bada: 230 euro.
–Erretiroa 64 urterekin eskatzen bada: 200 euro.
–Erretiroa 65 urterekin eskatzen bada: 180 euro.
–Erretiroa 66 urterekin eskatzen bada: 170 euro.
–Erretiroa 67 urterekin eskatzen bada: 160 euro.
Hurrengo urteetan kontzeptu horrek hitzarmeneko gainerako kontzeptuen igoera bera izanen du.
Erretiro partziala eta errelebo-kontratua.
Legezko baldintzak betetzen dituzten langileek erretiroa eskatzen badute, enpresa behartuta egonen da hura ematera. Horretarako, lanaldi partzialeko kontratua egin beharko du langilearekin, langileak erretiroaren adin arrunta betetzen duen egunean indarra galduko duena. Dena den, enpresak baino ez du zehaztuko erretiro partzialean dagoen langileak egin beharreko urteko lanaldia aldi batean edo bitan egin beharra. Aldi berean, beste langile bat kontratatuko du, gutxienez erretiro partziala eskatu duen langilearen lanaldi murriztua betetzeko, legez ezarritako baldintzak betez.
Kasu guztietan, gutxienez hilabete bat lehenago jakinarazi beharko dio langileak enpresari erretiroa hartu nahi duela, edozein izanik ere erretiro mota.
Erretiroa hartzeko adina.
1. Enpleguaren egonkortasuna hobetzeko, aldi baterako kontratuak finko bihurtzeko, enpleguari eusteko, kontratazio berriak egiteko edo enpleguaren kalitatea hobetzeko beste edozein helburu betetzeko, erretiroa norberak eskatuta edo enpresak erabakita hartuko da, langileek Langileen Estatutuko hamargarren xedapen gehigarrian ezarritako baldintzak betetzen dituzten unetik aurrera:
a) Lan kontratua azkendu zaion langileak kotizaziopeko erretiro pentsio arruntaren ehuneko ehun jasotzeko Gizarte Segurantzako araudian eskatutako baldintzak bete beharko ditu.
b) Enpresak honako enplegu politika hauetako edozein gauzatzea:
–Beste langile bat kontratatzea arrazoi horrengatik azkendutako kontratu bakoitzeko.
–Aldi baterako kontratu bat kontratu mugagabe bihurtzea arrazoi horrengatik azkendutako kontratu bakoitzeko.
2. Hitzarmen hau sinatu duten alderdiek ezarri dute enpresek aurreko atalean aipatutako baldintzak betetzen dituzten langileen lan kontratua azkentzen ahalko dutela.
3. Lan kontratua azkendu zaion langileak, enpresak gutxienez bi hilabete lehenago eskatuta, erakunde eskudunak emandako lan-bizitzaren ziurtagiria eman beharko dio enpresari, kotizaziopeko erretiro pentsio arruntaren ehuneko ehun jasotzeko eskubidea izateko eskatzen diren baldintzak betetzen dituen ala ez egiaztatzeko.
4. Enpresak lan harremana azkentzeko erabakia aldez aurretik jakinaraziko die langileen legezko ordezkariei eta eraginpeko langileari berari.
44. artikulua. Erroldak.
Enpresak urtero plantillako langileen bi errolda eginen ditu, bat hurrenkera alfabetikoan eta bestea antzinatasunaren araberako hurrenkeran. Enpresak ordezkari sindikalari emanen dizkio errolda horiek, eta iragarki oholetan jarriko dituzte.
45. artikulua. Osasun azterketak.
Urtero, langileek osasun azterketa egiten ahalko dute borondatez, Laneko Arriskuen Prebentzioari buruzko azaroaren 8ko 31/1995 Legearen 22.1 artikuluan ezarritako salbuespenekin.
Azterketa hori enpresaren kontura izanen da, eta lanpostu bakoitzaren ezaugarriei egokituko zaie.
Langileren batek proba bereziak egiteko eskatzen badu, enpresak konpromisoa hartzen du eskaria lan osasuneko batzordearekin lantzeko eta adostutako erantzuna emateko.
Azterketa horren ondoren langileren batek beste azterketa osoago bat behar izanez gero, horretarako baimena izanen du inolako galerarik izan gabe bere soldatan, eta azterketa hori beste hiriren batean egin behar izanez gero, enpresak ordainduko dizkio hiri horretarako bidaia egiteko gastuak, eta, horrekin batera, dagokion dieta, gehienez ere 7 egunez.
46. artikulua. Laneko segurtasun eta osasun batzordea.
Laneko segurtasun eta osasun batzorde bat sortuko da, enpresa batzordeko kideek edo langileen delegatuek eta enpresako ordezkariek osatutakoa, erdi eta erdi. Haren eginkizuna da:
a) Lanean ezinbestean bete beharreko lan segurtasun eta osasun neurriak martxan jartzen eta kontrolatzen parte hartzea.
b) Segurtasun eta higiene neurrietan aplikatu beharreko sistemak ezagutzea eta horiei buruzko iritziak ematea.
c) Babeserako eta zaintzarako neurri bereziak hartzeko eskatzea langileen osasunerako arrisku nabarmenak ekartzen dituzten leku edo lanpostuetan.
d) Egoerak hala eskatzen duenean, enpresako zuzendaritza eta langileen ordezkariak ados jarrita, lan segurtasun eta osasunean espezializatutako erakunde ofizialen eta ez ofizialen esku-hartze eta aholkularitza eskatzen ahalko dute, lantokietan den arrisku maila edo benetako kutsadura maila aztertzeko.
47. artikulua. Ekintza sindikala: Eskubide eta berme sindikalak.
Sindikatuek eskubide osoa izanen dute iragarki taula beren intereseko gaietarako erabiltzeko (lanekoak eta sindikalak). Eskubidea izanen dute, halaber, propaganda banatzeko eta kuotak biltzeko, baina enpresaren lana edo ohiko martxa oztopatu gabe, betiere.
Eskubide sindikalak erabiltzeko, langileek berme hauek izanen dituzte, eta baliogabe joko dira helburutzat bereizkeria sindikala duten itun edo egintza guztiak; honako hauek, zehazki:
a) Langile bat hartzeko edo ez hartzeko, kontuan izatea sindikatu batera afiliatua dagoen ala ez.
b) Enpresaburuak berak sindikatu bat eratzea edo sindikatu baten aldeko jarrera izatea, edozein motatako laguntzen bidez.
c) Langile bat kaleratzea, zehatzea, diskriminatzea edo nola edo hala kalte egitea sindikatu batean afiliatua egoteagatik edo bere ekintza sindikalarengatik, sindikatu hori indarra duen legeriaren araberakoa bada, betiere.
Enpresa batzordea da langileen ordezkaritza organoa. Honako berme hauek izanen ditu:
a) Delegatu bakoitzak 25 ordu sindikaleko kreditua izanen du hilean, hitzarmen hau indarrean dagoen bitartean. Ordu horiek soldata errealaren arabera ordainduko dira.
Ordu horiek kide baten esku jartzen ahal dira, baina ekintza sindikalerako erabiltzen diren orduak ez dira inola ere enpresa batzordeari dagozkion ordu guztiak baino gehiago izanen.
b) Hileko ordu kopuruan ez dira kontatuko enpresaren ekimenez deitutakoak.
c) Lanaren antolaketa arloan edo hobekuntza teknikoetan egoki irizten diren neurriak proposatzea enpresari.
d) Langileengan zuzeneko eragina izanen duten neurrien gaineko informazioa jasotzea, eta bereziki gai hauei buruzkoak:
–Enplegua erregulatzeko espedienteak.
–Langileak lekuz aldatzea.
–Lan sistema berriak ezartzea.
–Lanaren antolaketan eragina duten erabaki guztiak.
e) Indarra duten lan arauak beteko direla segurtatzea eta enpresa arau-hausteez ohartaraztea, eta kasua bada, behar diren erreklamazioak jartzea arauok bete daitezen.
f) Enpresak baimena emanen du, batzordeak 48 ordu lehenago jakinarazi ondotik, batzar ordainduak egiteko. Guztira, gehienez ere 3 ordu izanen dituzte.
48. artikulua. Diziplina neurriak.
Hartzen diren diziplina neurrien berri emanen zaio enpresa batzordeko idazkariari, edo hark eskuordetutakoari, egoki iruditzen zaizkion alegazioak egin ditzan haiek jaso eta 5 eguneko epean.
49. artikulua. Barne araubidea.
Langile kontratudun berria hutsik geratutako txandan hasiko da lanean, goizez edo arratsaldez, enpresan denbora gehien daramaten langileen artean lanpostu hutsak antolatu ondoren, haiek baitute txanda aukeratzeko lehentasuna, antzinatasunaren arabera.
50. artikulua. Berdintasunari buruzko Legea.
Emakumeen eta Gizonen Benetako Berdintasunari buruzko martxoaren 22ko 3/2007 Lege Organikoan ezarritakoa aplikatuz, eta lege horretan adierazitako neurriak bete beharra deusetan galarazi gabe, hitzarmen honen alde sinatzaileek konpromisoa hartu dute lantokian aukera berdintasunaren printzipioa bultzatzeko eta generoa, arraza, erlijioa edo beste edozein baldintza dela-eta bereizkeriarik eza zaintzeko, Estatuan indarra duen legeriarekin bat, eta berdintasun horretara iristeko ondoko helburu hauek erdietsi behar direla irizten diote:
–Laneko berdintasuna, zuzeneko edo zeharkako bereizkeria guztiak ezabatuz.
–Aukera berdintasuna enpleguan.
–Soldata berdinak balio berdineko lanetarako.
–Lanbide prestakuntza eta sustapena baldintza beretan.
–Sexu jazarpenik gabeko lan giroa.
Baldintza ekonomikoak.
–2023/06/01etik 2024/05/31ra. Hitzarmen hau sinatzeagatiko prima bat ordainduko da. Ez da finkatuko eta etorkizunean ez du inolako eskubiderik sortuko. Prima honako hau izanen da:
- Lanaldi osoko kontratu mugagabea eta 7 urtetik gorako antzinatasuna duten langileentzat, 2.500 euro, ondoz ondoko bi ordainketatan.
- Kontratu mugagabea eta 4 eta 7 urte bitarteko antzinatasuna duten langileentzat, 1.500 euro.
- Kontratu mugagabea eta 1,5 eta 4 urte bitarteko antzinatasuna duten langileentzat, 600 euro.
- Kontratu mugagabea eta urtebetetik 1,5 urtera bitarteko antzinatasuna duten langileentzat, 300 euro.
Eranskin bat eginen da, eraginpeko langileak eta jaso behar dituzten zenbatekoak jasotzeko. Lehen aipatutako zenbatekoak lanaldi osoko langileei emanen zaizkie. Lanaldi partzialekoak badira, dagokien ehunekoa jasoko dute.
–Taula arruntei dagokienez, % 4 igoko dira:
- 2024/06/01etik 2025/05/31ra, aurreko ekitaldiko taulak % 2,5 igoko dira.
- 2025/06/01etik 2026/05/31ra, aurreko ekitaldiko taulak % 1,6 igoko dira.
SOLDATEN TAULA, 2023/06/01-2024/05/31
KATEGORIAK | OINARRIZKO SOLDATA | JARDUERA PLUSA | NEK., TOXIK. ETA ARRIS. PLUSA | GARRAIO PLUSA | GAUEKO PLUSA | OPORRAK | UDAKO | EGUBERRIETAKO | MOZKINEN | S.M. PORRES PAGA | P. DED. ETA AGINTEA |
EGUNEKO PEOIA | 28,64 | 11,28 | 6,42 | 3,11 | - | 1.319,33 | 1.767,45 | 1.444,21 | 742,94 | 584,92 | |
HERRIETAKO PEOIA | 30,16 | 11,87 | 6,77 | 3,28 | - | 1.438,16 | 1.926,64 | 1.574,29 | 786,17 | 473,24 | |
PEOI ESPEZIALISTA | 31,22 | 12,30 | 6,99 | 3,39 | - | 1.438,16 | 1.926,64 | 1.574,29 | 809,86 | 637,59 | |
TALDEKO BURUA | 31,22 | 12,30 | 6,99 | 3,39 | - | 1.438,16 | 1.926,64 | 1.574,29 | 809,86 | 637,59 | 133,01 |
GAUEKO PEOI ESPEZIALISTA G.P. bar. | 31,22 | 12,30 | 7,00 | 3,40 | 11,67 | 1.558,30 | 2.072,63 | 1.720,41 | 880,60 | 620,90 | |
MAKINISTA, EGUNEZ | 31,22 | 15,53 | 7,00 | 3,40 | - | 1.527,08 | 1.926,64 | 1.574,29 | 809,86 | 637,59 | |
MAKINISTA GAUEZ G.P. barne | 31,22 | 15,53 | 7,00 | 3,40 | 11,67 | 1.647,22 | 2.072,63 | 1.720,41 | 880,60 | 620,90 | |
GIDARIA, EGUNEZ | 35,03 | 12,21 | 7,32 | 3,40 | - | 1.756,18 | 1.942,17 | 1.591,01 | 795,44 | 610,97 | |
GIDARIA, GAUEZ G.P. barne | 35,03 | 12,21 | 7,32 | 3,40 | 11,67 | 2.026,27 | 2.061,91 | 1.711,21 | 809,23 | 591,51 | |
1. MAILAKO MEKANIKARI OFIZIALA | 35,03 | 14,14 | 9,28 | 3,40 | - | 1.732,83 | 1.942,17 | 1.591,01 | 795,44 | 614,32 | |
ADMINISTRARI LAGUNTZAILEA | 29,15 | 13,34 | 5,86 | 3,40 | - | 1.690,61 | 1.668,34 | 1.668,34 | 1.668,34 | - | |
ADMINISTRARI OFIZIALA, 1. MAILAKOA | 41,85 | 17,11 | 6,99 | 3,40 | - | 2.124,13 | 2.129,56 | 2.129,56 | 2.129,56 | - | |
LANTEGIKO BURUA | 35,03 | 14,14 | 9,28 | 3,40 | - | 1.732,83 | 1.942,17 | 1.591,01 | 795,44 | 614,32 | 266,02 |
LANGILEZAINA, G.P. GABE | 33,62 | 15,19 | 6,68 | 3,40 | 11,67 | 1.690,09 | 1.829,31 | 1.829,31 | 1.829,31 | 614,32 | |
ARDURADUNA | 44,38 | 30,04 | 8,53 | 3,40 | - | 2.228,48 | 2.399,30 | 2.399,30 | 2.399,30 | - | |
ZERBITZUBURUA | 44,38 | 30,04 | 8,53 | 3,40 | - | 2.228,48 | 2.399,30 | 2.399,30 | 2.399,30 | - | 268,90 |
KATEGORIAK | URTEKO | JAIEGUNETAKO PLUSA | LANEGUNEKO APARTEKO ORDUA | JAIEGUNETAKO APARTEKO ORDUA | |||
EGUNEKO PEOIA | 21.540,97 | 52,52 | 14,04 | 27,71 | 10. artikulua. Igandeko laneko plusa | 48,35 | |
TALDEKO PEOIA | 22.713,78 | 52,52 | 14,04 | 27,71 | 22. artikulua. Pizgarriak lan bereziengatik | 3,42 | |
PEOI ESPEZIALISTA | 23.481,12 | 181,11 | 15,31 | 30,20 | 23. artikulua. Eguberrietako/urtezaharreko jaiegunak | 48,78 | |
TALDEBURUA | 25.077,24 | 181,11 | 15,31 | 30,20 | 27. artikulua. Dieta osoa | 58,36 | |
GAUEKO PEOI ESPEZIALISTA G.P. bar. | 27.303,67 | 221,99 | 18,64 | 36,80 | Dieta erdia | 22,47 | |
MAKINISTA, EGUNEZ | 24.483,18 | 181,11 | 15,31 | 30,20 | 39. artikulua. Betaurrekoen haustura | 145,72 | |
MAKINISTA GAUEZ G.P. barne | 28.305,73 | 221,99 | 18,64 | 37,00 | 40. artikulua. Familia laguntza | 138,56 | |
GIDARIA, EGUNEZ | 25.151,97 | 198,59 | 16,58 | 33,10 | 30 orduko prestasun plusa | 41,6 euro hilean | |
GIDARIA, GAUEZ G.P. barne | 29.006,49 | 233,88 | 19,86 | 38,98 | 40 orduko prestasun plusa | 55,46 euro hilean | |
1. MAILAKO MEKANIKARI OFIZIALA | 26.249,71 | 198,59 | 16,58 | 33,10 | |||
ADMINISTRARI LAGUNTZAILEA | 23.065,98 | ||||||
ADMINISTRARI OFIZIALA, 1. MAILAKOA | 30.594,43 | ||||||
LANTEGIKO BURUA | 29.441,95 | ||||||
LANGILEZAINA, G.P. GABE | 29.180,06 | ||||||
ARDURADUNA | 36.513,20 | ||||||
ZERBITZUBURUA | 39.740,05 | ||||||
SOLDATEN TAULA, 2024/06/01-2025/05/31
OINARRIA | GAUEKO | NEK., TOXIK. ETA ARRIS. PLUSA | GARRAIO PLUSA | GAUEKO PLUSA | OPORRAK 26 lanegun | UDAKO PAGA | EGUBERRIETAKO | MOZKINEN | S.M. PORRES PAGA | P. DED ETA AGINTEA | |
EGUNEKO PEOIA | 29,36 | 11,56 | 6,58 | 3,19 | - | 1.352,31 | 1.811,64 | 1.480,32 | 761,51 | 599,54 | - |
HERRIETAKO PEOIA | 30,91 | 12,17 | 6,94 | 3,36 | - | 1.474,11 | 1.974,81 | 1.613,65 | 805,82 | 485,07 | - |
PEOI ESPEZIALISTA | 32,00 | 12,61 | 7,16 | 3,47 | - | 1.474,11 | 1.974,81 | 1.613,65 | 830,11 | 653,53 | - |
TALDEBURUA | 32,00 | 12,61 | 7,16 | 3,47 | - | 1.474,11 | 1.974,81 | 1.613,65 | 830,11 | 653,53 | 136,34 |
GAUEKO PEOI ESPEZIALISTA G.P. bar. | 32,00 | 12,61 | 7,18 | 3,49 | 11,96 | 1.597,26 | 2.124,45 | 1.763,42 | 902,62 | 636,42 | - |
EGUNEKO MAKINISTA | 32,00 | 15,91 | 7,18 | 3,49 | - | 1.565,26 | 1.974,81 | 1.613,65 | 830,11 | 653,53 | - |
MAKINISTA GAUEZ G.P. barne | 32,00 | 15,91 | 7,18 | 3,49 | 11,96 | 1.688,40 | 2.124,45 | 1.763,42 | 902,62 | 636,42 | - |
EGUNEKO GIDARIA | 35,91 | 12,52 | 7,50 | 3,49 | - | 1.800,08 | 1.990,72 | 1.630,79 | 815,33 | 626,24 | - |
GIDARIA, GAUEZ G.P. barne | 35,91 | 12,52 | 7,50 | 3,49 | 11,96 | 2.076,93 | 2.113,46 | 1.753,99 | 829,46 | 606,30 | - |
1. MAILAKO MEKANIKARI OFIZIALA | 35,91 | 14,49 | 9,51 | 3,49 | - | 1.776,15 | 1.990,72 | 1.630,79 | 815,33 | 629,68 | - |
ADMINISTRARI LAGUNTZAILEA | 29,88 | 13,67 | 6,01 | 3,49 | - | 1.732,88 | 1.710,05 | 1.710,05 | 1.710,05 | - | - |
ADMINISTRARI OFIZIALA, 1. MAILAKOA | 42,90 | 17,54 | 7,16 | 3,49 | - | 2.177,23 | 2.182,80 | 2.182,80 | 2.182,80 | - | - |
LANTEGIKO BURUA | 35,91 | 14,49 | 9,51 | 3,49 | - | 1.776,15 | 1.990,72 | 1.630,79 | 815,33 | 629,68 | 272,67 |
LANGILEZAINA, G.P. GABE | 34,46 | 15,57 | 6,85 | 3,49 | 11,96 | 1.732,34 | 1.875,04 | 1.875,04 | 1.875,04 | 629,68 | - |
ARDURADUNA | 45,49 | 30,79 | 8,74 | 3,49 | - | 2.284,19 | 2.459,28 | 2.459,28 | 2.459,28 | - | - |
ZERBITZUBURUA | 45,49 | 30,79 | 8,74 | 3,49 | - | 2.284,19 | 2.459,28 | 2.459,28 | 2.459,28 | - | 275,62 |
KATEGORIAK | URTEKO | GAUEKO PLUSA | APARTEKO ORDUA | APARTEKO ORDUA | |||
EGUNEKO PEOIA | 22.079,49 | 53,83 | 14,39 | 28,40 | 10. artikulua. Igandeko laneko plusa | 49,56 | |
TALDEKO PEOIA | 23.281,62 | 53,83 | 14,39 | 28,40 | 22. artikulua. Pizgarriak lan bereziengatik | 3,51 | |
PEOI ESPEZIALISTA | 24.068,15 | 185,64 | 15,69 | 30,96 | 23. artikulua. Eguberrietako/urtezaharreko jaiegunak | 50 | |
TALDEBURUA | 25.704,17 | 185,64 | 15,69 | 30,96 | 27. artikulua. Dieta osoa | 59,82 | |
GAUEKO PEOI ESPEZIALISTA G.P. bar. | 27.986,26 | 227,54 | 19,11 | 37,72 | Dieta erdia | 23,03 | |
MAKINISTA, EGUNEZ | 25.095,26 | 185,64 | 15,69 | 30,96 | 39. artikulua. Betaurrekoen haustura | 149,36 | |
MAKINISTA GAUEZ G.P. barne | 29.013,37 | 227,54 | 19,11 | 37,93 | 40. artikulua. Familia laguntza | 142,02 | |
GIDARIA, EGUNEZ | 25.780,77 | 203,55 | 16,99 | 33,93 | 30 orduko prestasun plusa | 42,6 euro hilean | |
GIDARIA, GAUEZ G.P. barne | 29.731,65 | 239,73 | 20,36 | 39,95 | 40 orduko prestasun plusa | 56,85 euro hilean | |
1. MAILAKO MEKANIKARI OFIZIALA | 26.905,95 | 203,55 | 16,99 | 33,93 | |||
ADMINISTRARI LAGUNTZAILEA | 23.642,63 | ||||||
ADMINISTRARI OFIZIALA, 1. MAILAKOA | 31.359,29 | ||||||
LANTEGIKO BURUA | 30.178,00 | ||||||
LANGILEZAINA, G.P. GABE | 29.909,56 | ||||||
ARDURADUNA | 37.426,03 | ||||||
ZERBITZUBURUA | 40.733,55 | ||||||
Iragarkiaren kodea: F2416475
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
