255. ALDIZKARIA - 2024ko abenduaren 17a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

179C/2024 EBAZPENA, urriaren 30ekoa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Smurfit Kappa Hexacomb enpresaren Agoizko lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.

Ikusi da Smurfit Kappa Hexacomb enpresak Agoizko lantokirako aurkeztutako hitzarmen kolektiboa (kode zenbakia: 31102281012024), erregistro honetan sartu baitzen 2024ko urriaren 16an, 2024ko irailaren 18an enpresaren eta sindikatuen ordezkaritzek sinatu ondoren.

Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan-akordio kolektiboak eta berdintasun-planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin bat etorriz.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuak ematen dizkidanak, honako hau,

EBAZTEN DUT:

Lehena.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Smurfit Kappa Hexacomb enpresak Agoizko lantokirako aurkeztutako hitzarmen kolektiboa (kode zenbakia: 31102281012024).

Bigarrena.–Nafarroako Aldizkari Ofizialean argitara dadila xedatzea, orok jakin dezaten.

Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola bukaera ematen administrazio bideari eta, honen aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.

Iruñean, 2024ko urriaren 30ean.–Ekonomia Sozialeko eta Laneko zuzendari nagusia, Iñaki Mendióroz Casallo.

SW HEXACOMB AOIZ SL ENPRESAREN LAN HITZARMENA

I. KAPITULUA.–APLIKAZIO EREMUA

1. artikulua. Lurralde eremua.

Hitzarmen hau SMURFIT KAPPA HEXACOMB AOIZ SL enpresan aplikatuko da, enpresa hitzarmen izena hartuko du, eta Nafarroako Aldizkari Ofizialean argitaratuko da.

2. artikulua. Langile esparrua eta esparru funtzionala.

Hitzarmenak SK HEXACOMB AOIZ SL enpresako langile guztiei eraginen die, Langileen Estatutuaren 1.3 artikuluan aipatzen diren eta Goi Zuzendaritzako lan harreman berezia duten pertsonei izan ezik. Era berean, Hitzarmen honen 4. kapituluaren aplikazio eremutik kanpo geratzen dira 11 talde profesionaleko eta hortik goragoko pertsonak.

3. artikulua. Indarraldia, iraupena eta salaketa.

Akordio honek 2023ko urtarrilaren 1etik aurrera izanen ditu ondoreak, alderdiek zein datatan sinatzen duten gorabehera. Akordio hau 2025eko abenduaren 31ra arte egonen da indarrean, eta urtez urte luzatuko da, isilbidez. Akordio hau 2025eko irailaren 30ean salatuko da automatikoki. Akordioak indarrean jarraituko du, hura ordezten duen beste hitzarmen bat sinatu arte.

4. artikulua. Osotasunari lotzea.

Hemen itundutako baldintzek multzo organiko eta zatiezina osatzen dute, eta, aplikazio praktikoari dagokionez, osotasunean hartuko dira.

II. KAPITULUA.–LANBIDE SAILKAPENA

5. artikulua. Lanbide sailkapena, eginkizunen araberakoa.

1. eranskinean jasotzen den lanbide sailkapenean pasta, paper eta kartoiaren industrietarako estatu mailako indarreko hitzarmen kolektiboan (PPKH) zehaztutako lanbide taldeak sartzen dira. Indarreko lanbide taldeetako bakoitzean deskribatutako lanpostuak SK HEXACOMB AOIZ SL enpresan estali behar direnak dira, beren jardueraren ezaugarri berezien eta ekoizpen prozesuaren ondorioz.

Bertan deskribatzen eta zerrendatzen diren lanbide taldeak eta lanpostuak azalpen bat besterik ez dira. Horregatik, ezin da pentsatu edo sinetsi enpresan denak egon behar direnik, edo zerrendatutako lanbide talde bakoitzean deskribatu adina lanpostu egon behar direnik.

Lanbide talde bakoitzerako aipatzen diren eginkizunek eginkizun nagusia definitzeko edo espezialitatea identifikatzeko soilik balio dute.

III. KAPITULUA.–LANAREN ANTOLAKETA

6. artikulua. Lanaren antolaketa.

Lanaren antolaketa, hitzarmen honetan eta legedi indardunean xedatutakoari jarraituz, konpainiako zuzendaritzaren ahalmena eta erantzukizuna da.

IV. KAPITULUA.–ORDAINSARIAK

7. artikulua. Ordainsarien egitura.

Ordainsarien egitura aurreko hitzarmenean aurreikusitakoaren araberakoa izanen da, honako hauez osatuta:

1.–Oinarrizko soldata. Erantsitako taulen arabera. Hitzarmeneko oinarrizko soldata bermatua da langileak kasuan kasuko lanbide taldeko atxikipenaren arabera jasotzeko eskubidea duena. Langileak urteko zenbaketan jasotzeko eskubidea duen zenbatekoa hitzarmen honen 2. eranskineko lehen zutabean agertzen dena da. Ohiko hamabi ordainsaritan eta uztaileko eta Gabonetako aparteko bi ordainsaritan ordainduko da.

2.–Mozkinetan parte hartzea. Erantsitako taulen arabera. Langileak eskubidea edukiko du mozkinetako parte-hartzea kontzeptuan jasotzeko, ekitaldiko emaitza ekonomikoak gorabehera, tauletan agertzen den urteko zenbatekoa. Zenbateko hori nominan ordainduko da, urteko hamabi hilabetetan hainbanatuta.

3.– Antzinatasuna. Bi hirurteko izanen ditu, eta mugarik gabeko bosturtekoak, erantsitako taulen arabera.

4.–Osagarri pertsonala (ad personam). Ordainsariko kontzeptu honen barruan sartuko dira 1997ko apirilaren 1ean enpresan dauden langileek beste kontzeptu batzuen pean jasotzen zituzten pertzepzioak, urteko zenbaketan, baldin eta gainditu egiten dute hitzarmeneko oinarrizko soldata bermatuaren eta mozketako parte-hartzearen arteko batura, honako kontzeptu hauek baztertuta:

a) Lekualdaketaren ziozko plusa.

b) Antzinatasun plusa.

c) Gaueko lanaren plusa. Gauez lan egitegatiko plus honen zenbatekoa 26,5 eurokoa da 2023rako. Hurrengo urteetarako, gainerako ordainsari kontzeptuak bezala eguneratuko da.

Aipatu kontzeptuaren ondorioz urteko zenbaketan jaso beharreko zenbatekoa nominan ordainduko da, urteko hamabi hilabeteen arabera hainbanatuta.

5.–Aparteko orduak. Aparteko orduak konpentsatzeko banakako ordutegia kalkulatuko zaio langile bakoitzari. Hala, oinarrizko soldata, mozkinetako parte-hartzea eta osagarri pertsonala kontzeptuak zenbatuko dira. Taldekatutako kontzeptu hauek ohiko orduaren kostua zehazten dute. Aparteko ohiko ordua ohiko ordua baino %57 garestiagoa izanen da; larunbateko edo gaueko ordua, bestetik, aparteko ordua baino %15 gehiago ordainduko da edo, bestela, 1,75 eguneko konpentsazioa emanen da.

6.–Jaiegunetan egindako lanorduak. Urteko lan egutegiaren arabera jaiegunetan egindako lanorduak ordaintzean %25eko errekargua aplikatuko da ohiko aparteko orduaren gainean, aurreko puntuko eskema jarraituz.

8. artikulua. Eskersariak.

Enpresak aparteko bi eskersari ordainduko dizkie langileei, uztaileko eta Gabonetako jaien ondorioz. Eskersari horren barruan hitzarmenen oinarrizko soldata bermatua eta antzinatasun plusa sartuko dira.

Eskersari horiek uztaileko lehen astean eta Gabonak aurreko bost egunetan ordainduko dira. Urtean enpresan sartu edo enpresatik alde egiten duten langileek, behin-behinekoek eta bitartekoek, lan egindako denboraren proportzioan kobratuko dute eskersari hori; hilabete edo astebete osotzat joko da hilabetearen edo astebetearen zatiki bakoitza.

9. artikulua. Soldata igoera.

2023, 2024 eta 2025eko ekitaldietarako, hitzarmen honetara atxikitako langile guztiei honela igoko zaie soldata finkoa:

URTEA

2023

%4,5

2024

%3

2025

%2,5

Erantsitako soldata tauletan aurreikusitako ordainsariaren gainean.

2024ko eta 2025eko KPIak itundutako igoeren batura gainditzen badu (%3 + %2,5 = %5,5), 2026ko urtarrilaren 1ean abiapuntuko soldata taulak eta 2026ko ordainsari oso teoriko gordina eguneratu eginen dira, gaindikin horren arabera.

10. artikulua. Konpentsazioa eta xurgapena.

Oro har baloratutako eta urtean zehar zenbatetsitako baldintzek gainditu egiten badute PPKHn aurreikusitakoa. Ezin dira ez konpentsatu ez xurgatu.

V. KAPITULUA.–LAN DENBORA

11. artikulua. Lanaldia.

2023, 2024 eta 2025erako benetako eta lan eraginkorreko lanaldia 1704 ordukoa izanen da. Atsedeneko-ogitartekoko eguneko 15 minutuak benetan lan egindako denboratzat joko dira 6 ordutik gorako lanaldi jarraitua egiten duten langileentzat.

Atseden-txandak mailaz maila ezarriko dira langileen artean, beren nagusi hierarkikoen arabera, ekoizpena ez dadin eten inola ere txandan zehar, eta betiere instalazio guztiak kontrolpean eta zaintzapean badaude.

12. artikulua. Oporrak.

Urteko oporrak hartzeko aldia ekainaren 15aren eta irailaren 15aren artekoa izanen da, zuzendaritzak erabakita baimenduko diren salbuespenetan izan ezik. Ordaindutako oporrak enpresen egutegiaren ondoriozkoak izanen dira. Lanegunak izanen dira Nafarroako Foru Komunitaterako urteko egutegi ofizialean hala agertzen direnak.

Oporrak langileek eskatuko dizkiete beren nagusiei, eta hasi baino bi hilabete lehenago berretsiko dira.

Arauzko oporrak hartu bitartean langileak istripu edo gaixotasun larri bat pairatzen badu, ospitaleratua izan behar bada eta, ondorioz, ezin baditu oporrak artu, eten eginen dira, langileak ezintasun egoera bukatzen duenean goza ditzan. Alderdi horiek baloratzeko, langileak egoeraren ebaluazioa egiteko beharrezkoa den dokumentazioa eman beharko dio enpresari.

13. artikulua. Lan egutegia.

Urtero, egutegi bat eginen da, enpresan aplikatu dadin, Nafarroako jaien egutegi ofiziala ezagutu bezain pronto. Lantegiko langileen ordutegiak bete egin beharko du 8 orduko lan txanden sistema. Bulegoko langileen ordutegiek zerbitzuaren beharrizanak hartuko dituzte aintzat, eta egutegia beharrizan espezifikoen arabera egokituko da, kontuan hartuta, besteak beste, itxierak, bezeroaren arreta edo lanaldiaren banaketa irregularra urtean zehar. Ondore horietarako, ekainaren 15aren eta irailaren 15aren artean (gutxi gorabehera) lanaldi jarraituko araubidea ezartzen ahal da, betiere banakako zenbaketan lan egindako urteko ordu kopurua akordio honetan ezarritakoa bada. Urtea bukatzean, administrazio edo ekoizpen departamentuko erreten bati deitzen ahalko zaio, biltegian zenbaketak egiteko. Kasu honetan, itxieraren ondoko lehen egun baliodunean gozatuko da lan egindako aldia.

Enpresak urteko koadrante batean emanen du lan txanden berri; koadrante hori aldatu egiten ahalko da, baldin eta inguruabar batzuen ondorioz (bajak, baimenak, oporrak eta bestelakoak) ezin badira makinak hiru txandatan aritu. Koadranteari eragiten dieten aldaketak langileen legezko ordezkariei jakinaraziko zaizkie, bai eta ukitutako pertsonei ere, gauzatu baino gutxienez 5 egun lehenago.

Egutegiaren arabera gaueko txandan lan egiten behar duten langileei eragiten dieten txanda aldaketetan, ukitutako pertsonak gaueko lanaren osagarria kobratuko du, aste horretan txanda horretan lanean egon ez arren.

Enpresak txanda aldaketaren eraginpean dauden pertsonei jakinaraziko die, halakorik sortzen duen inguruabarren berri duen unean.

14. artikulua. Lizentziak.

Langileak, aurrerapen nahikoarekin abisatuta, oro har gutxienez 72 ordu lehenago, salbu eta ezinbesteko kasuetan aurre-abisua egitea materialki ezinezkoa bada eta behar bezala justifikatu bada, lanetik huts egin ahalko du, ordainsaria jasotzeko eskubidearekin, II. eranskineko irizpideen arabera eta gutxieneko denboran, bertan azaldutako arrazoiren baten ondorioz.

Ordaindutako baimenen laburpen taula, ordezko hitzarmenaren arabera, honakoak gehituta:

–Hiru lanegun, ezkontidea, seme-alabak, bilobak, aitona-amonak, langilearen bikotekidearen seme-alabak edo bikotekide baten gurasoak hiltzen badira.

–Bi egun natural, ilobak, izeba-osabak eta koinatu-koinatak hiltzen badira.

–Hamazazpi egun natural ezkontzagatik.

–Egun bat seme-alaba bataiatzeagatik, baldin eta bataioa lanegun batean bada, soilik.

–Egun bat, seme-alaba edo neba-arreba ezkontzeagatik.

Arrazoi horren ondorioz langileak lekualdatu beharra badu, epea beste egun bat handitzen ahalko da, baldin eta ospakizunaren lekurako distantzia langilearen ohiko bizilekutik 250 km baino gehiagokoa bada.

–Ospitaleratzearen ziozko lizentzia egun bat gehiago luzatuko da ospitaleratutako aste bakoitzeko, bigarren astetik aurrera, lehen mailako senideen ospitaleratzeetarako.

–Ordaindutako baimena hartuko da seme-alaben tutoretzetara joateko beharrezko denborarako, adinez nagusiak diren arte.

Salbuespen kasuetan soilik, eta enpresako zuzendaritzarekin adostu ondoren, aldatzen ahalko da lizentziak hartzeko eguna. Ezein kasutan ez dira hartzen ahalko, gozamen gerokotuaren sistema honen bidez, gertaera eragilearen ondo-ondotik hartu izan balitu zegozkiokeenak baino lanegun gehiago.

Enpresak ahal duen guztia eginen du prestakuntza lanaldiaren barruan emateko, eta haren ziozko gastuak ordainduko ditu. Laneko ordutegitik kanpo ematen diren prestakuntzak borondatezkoak izanen dira.

15. artikulua. Kontsulta medikoak.

Langileren bat lanorduetan joan behar bada kontsulta medikora, aurretik baimena eman beharko dio enpresari eta, ondoren, egiaztagiri bidez frogatu beharko du zein ordutan sartu den kontsultara eta zein ordutan irten. Enpresak denbora horren soldatak ordaindu beharko ditu, baldintza hauek bete direla egiaztatu bada. Lizentzia hau lehen mailako senideei aplikatuko zaie. Langileei azterketa medikoak egitea sustatuko du enpresak. Azterketa horiek nahitaezkoak izanen dira langile berriak konpainiara sartzeko.

16. artikulua. Absentismoa.

Gaixotasun arruntak edo lanekoa ez den istripuak eragindako aldi baterako ezintasunaren kasuan, enpresak Gizarte Segurantzaren prestazioak osatuko ditu lanaldi arrunteko langilearen soldata errealaren %100eraino, baldin eta aurreko urteko langile guztien absentismo indizea %3,5 baino handiagoa ez bada.

Absentismo indizea %3,5 baino handiagoa bada, enpresak Gizarte Segurantzaren prestazioak osatuko ditu, baja hasi aurreko urteko absentismo indizearen arabera (urtarriletik abendura zenbatuta) langile bakoitzarentzat, honako baremo honen arabera:

a. 0tik %3,5erainoko absentismoa, soldataren %100.

b. %3,51tik %4,0ra, %95.

c. %4,01etik %4,5era, %90.

d. %4,51tik %5,0ra, %85.

e. %5,01etik %5,5era, %80.

f. %5,51tik gora, %75.

VI. KAPITULUA.–KONTRATAZIOA

17. artikulua. Probaldia.

Langileak enpresan lanean hastean proba gisa ariko direla ulertuko da, idatziz horrela agertzen bada. Probaldiaren gehieneko iraupena honako hau izanen da lanbide talde bakoitzerako. Muga horiek ez dira aplikatuko ekintzaileak sustatzeko kontratua edo akordio hau argitaratu ondoren onartutako beste edozein kontratu modalitate egiten bada. Kasu horietan, enpresak dagozkion kontratu modalitateetan aurreikusitako mugak erabiltzen ahalko ditu.

0, 1 eta A taldeak: 7 lanegun. 2, 3, B, C eta D taldeak: 15 lanegun. E-tik K-ra bitarteko taldeak: hilabete bat. 4. taldetik 10.era: 2 hilabete. 11. taldetik 14.era: 6 hilabete.

Ezintasun iragankorraren egoerak eten eginen du probaldia, baldin hala jasotzen bada idatzita dagokion kontratuan.

Probaldian, langileak nahiz enpresak hura bere horretan utzi edo kontratua iraungitzen ahal dute aldez aurretik abisurik eman gabe, ezein alderdik kalte-ordainik jasotzeko eskubiderik izan gabe, baina bai langileak dagokion likidazioa.

Probaldia gainditu ondoren, langilea plantillan sartuko da eta probaldiaren denbora antzinatasunaren ondorioetarako zenbatuko da.

18. artikulua. Lanpostua uztea.

Langileak, edozein izanik ere haren kontratu mota, bertan behera uzten ahalko du lan harremana noiznahi, baldintza bakarra betez: enpresari jakinaraztea gutxienez hamabost egun lehenago.

Langileak aurretik abisua emateko baldintza hori behar den epean betetzen ez badu, enpresak likidaziotik kentzen ahalko dio egun bateko soldataren zenbatekoa abisu hori atzeratzen den egun bakoitzeko.

Enpresak abisu hori behar den epean jasotzen badu, langileari likidazioa ordaindu beharko dio epea bukatutakoan.

19. artikulua. Errelebo kontratua.

Enpresako Zuzendaritzak banan-banan egiten diren erretiro partzialeko proposamen guztiak aztertuko ditu, betiere, esparru horretan unean-unean aplikatu beharreko legeria kontuan hartuta.

20. artikulua. Erretiroa.

Hitzarmen hau indarrean dagoen bitartean, langileak, gutxienez 15 egun lehenago eskatuz gero, erretiro osoa hartuko du, indarrean dagoen araudiaren arabera.

21. artikulua. Kategoriak finkatzea.

Kategoria igoera finkatu eginen da 12 hilabeteko jarduera egiaztatzen denean.

VII. KAPITULUA.–LANGILEEN ORDEZKARIAK

22. artikulua. Berme sindikalak.

Langileen Estatutuaren 68.e) artikuluan xedatutakoaren arabera, langileen legezko ordezkariek hileko ordu sindikalak metatzen ahalko dituzte eta beste lankide batzuei lagatzen ahalko zaizkie, horiek ere langileen legezko ordezkariak badira, betiere enpresari idatziz eta arrazoizko aurrerapenarekin jakinarazita. Langileen legezko ordezkari batek edo batzuek orduei uko egiten badiete, ez da Langileen Estatutuaren gehieneko kopurua gainditzen ahalko.

23. artikulua. Laneko arriskuen prebentzioa.

Arlo horretan, Laneko Arriskuen Prebentzioari buruzko Legean laneko prebentzioaren, segurtasunaren eta osasunaren arloan jasotzen diren betebeharrak betetzera behartzen dira alderdiak, eta hitzarmen hau indarrean dagoen bitartean hori betetzeko behar diren neurriak hartuko direla hitzartzen da, baita taldearen xedapen bereziak ere.

VIII. KAPITULUA.–ORDEZKO ARAUDI APLIKAGARRIA

24. artikulua.

Enpresako lan hitzarmen kolektibo honetan aurreikusten ez den guztirako, pasta, paper eta kartoiaren industrietarako estatu mailako indarreko hitzarmen kolektiboan eta unean-unean indarrean dagoen lan legedi orokorrean xedatutakoa beteko da.

25. artikulua.

Hitzarmen kolektibo hau aplikatzean sor daitezkeen arazo gatazkatsu guztiak ebazteko, bi alderdiek aplikatu beharreko legeria beteko dute.

26. artikulua. Batzorde paritarioa.

Alderdietako edozeinek egin dezake deialdia, eta deialdia egin eta hamabost eguneko epean bildu beharko da.

Batzorde paritarioak hiru kide izanen ditu gehienez enpresaren aldetik eta langileen aldetik. Beharrezkoak diren bilerak egin ondotik, Batzordeak erabaki bat hartuko du 15 laneguneko epean. Alderdien arteko akordiorik ez badago, Nafarroako Lan Auzitegiaren arbitrajea eskatuko da.

27. artikulua. Ez aplikatzea.

Enpresak hitzarmen kolektibo hau aldi batean ez aplikatzea nahi izanez gero (arrazoi ekonomikoak, teknikoak, antolakuntzakoak edo produkziokoak direla-eta), Langileen Estatutuak 82.3 artikuluan aipatzen den kontsultaldia hasi baino gutxienez hogei egun lehenago jakinarazi beharko zaio Batzorde Paritarioari. Kontsultaldian langileen ordezkariekin adostasunik lortu ezean, eta lanbide arteko akordioetako gatazkak ebazteko prozeduretara jo arren desadostasuna konpontzen ez bada (arbitrajea bi alderdien baimenarekin soilik egiten ahal da), bi alderdien arteko akordioa beharko da (enpresaren ordezkaritzaren eta langileen ordezkaritzako gehiengoaren artekoa) Hitzarmen Kolektiboen Espainiako Aholku Batzordearen edo Nafarroako Foru Komunitatean sortzen den hiru aldeko organoaren esku uzteko lan baldintzak ez aplikatzearen gaineko desadostasuna.

28. artikulua. 60 urtetik gorako langileen lan ordutegia.

Aldeen artean hala adosten bada eta lantegiaren 3 txandakako funtzionamendua eteten ez bada, 60 urtetik gorako pertsonek gaueko txandan lanik ez egiteko eskatzen ahalko dute.

29. artikulua.

Lan baldintzak funtsean aldatzen badira, alderdien artean negoziatuko da, akordio batera iristeko.

30. artikulua. Asteburuko txanda.

Asteburuko txanda bat ezarriko da zerbitzuaren beharrei erantzuteko. Txanda hori banaka itunduko da, eta urtez urte berritu edo baliogabetuko da, bi alderdiak ados jarrita.

Asteburuko txandaren ordutegia 24 ordukoa izanen da, honela banatuta:

Ostiraletan 22:00etan hasiko da, larunbateko 10:00ak arte. Igandean 10:00etan hasiko da jardunaldia eta 22:00etan bukatuko da.

Ordutegi hori aste santuko asteburuan eta udako bi hilabeteetan (uztaila eta abuztua) etenen da; horietako bat oporretakoa da nahitaez, eta bestea lanaldi arruntean eginen da, astean 40 orduko txandetan.

Bi alderdiak ados jartzen badira, urteko egutegia alda daiteke, hori justifikatzen duten zirkunstantzien ondorioz.

Asteburuko txandak ez ditu kontuan hartzen gaueko lanak, ezta jaiegunak ere, ordainsari kontzeptuetan. Asteburuko txandako langileen soldatak kasuistika horiek xurgatzen ditu.

Asteburuko txanda bertan behera uzten bada, antolaketa arrazoiengatik edo beste arrazoi batzuengatik, txanda horretako langileak dagozkien soldata tauletako ordainsarietara itzuliko dira.

I. ERANSKINA.–LANBIDE SAILKAPENA (2024)

LANPOSTUAK

BALIOKIDETASUNA PPKH

TALDEA

BALIOK.

PPKH

Plangintza eta Erosketako arduraduna

Zerbitzuburua

10

Diseinuko arduraduna

Bulego Teknikoko burua

9

Bezero Zerbitzuko arduraduna

Administrazio Ataleko burua

9

Lan Osasuneko/Ingurumeneko arduraduna

Administrazio Ataleko burua

9

Panelaren lerroko arduraduna

Atalburua edo arduraduna

8 A

Core lerroko arduraduna

Atalburua edo arduraduna

8 A

Akaberen lerroko arduraduna

Atalburua edo arduraduna

8 A

Trokelen arduraduna

Atalburua edo arduraduna

8 A

Mantentze lanetako arduraduna

Atalburua edo arduraduna

8 A

Igorpenak

Atalburua edo arduraduna

8 A

Lerroko ofiziala

II. motako makinaren gidaria

8

Finance Support

1. mailako ofizial administraria

7

Diseinuko teknikaria

1. mailako ofizial administraria

7

Operations Support

1. ofizial administraria

7

Laginak eta prototipoak

8

Garbitzailea

Garbitzailea

1

Akaberen lerroko langilea

Bestelakoak

8

Panel lerroko bilketa

II. motako makinen 1. mailako laguntzailea

8 B

Eskorga

II. motako makinaren gidaria

8 B

Akaberen lerroko langilea

Hainbat gidari

G

Laguntzailea

Bestelakoak

F

Laguntzailea

Bestelakoak

E

Laguntzailea

Bestelakoak

D

Laguntzailea

Bestelakoak

C

Laguntzailea

Bestelakoak

B

Peoia

Peoia

A

SOLDATA TAULAK

2023. urteko soldata taulak.

4,5

1,045

TALDEAK

OINARRIZKO SOLDATA

MOZKINAK

GUZTIRA

URTEA

14,00

URTEA

14,00

12,00

1

15.942,45

1.135,62

906,48

64,75

75,54

16.805,15

2

21.045,46

1.503,25

969,76

69,27

80,81

22.015,22

3

21.305,63

1.521,83

981,64

70,12

81,80

22.287,27

4

21.664,41

1.547,46

1.014,94

72,50

84,58

22.679,35

5

22.749,42

1.624,96

1.094,08

78,15

91,17

23.843,51

6

24.066,71

1.719,05

1.190,11

85,01

99,18

25.256,82

7

25.183,38

1.798,81

1.271,54

90,82

105,96

26.454,92

8A

27.450,26

1.960,73

1.436,45

102,60

119,70

28.886,70

9

29.563,59

2.111,69

1.591,02

113,64

132,59

31.154,61

10

32.295,63

2.306,83

1.790,31

127,88

149,19

34.085,94

A

20.696,78

1.478,34

906,48

64,75

75,54

21.603,26

B

20.791,16

1.485,08

913,21

65,23

76,10

21.704,37

C

20.972,20

1.498,01

926,18

66,16

77,18

21.898,38

D

21.165,29

1.511,81

940,03

67,14

78,34

22.105,31

E

21.443,44

1.531,67

959,96

68,57

80,00

22.403,40

F

21.538,63

1.538,47

966,79

69,06

80,57

22.505,42

G

22.594,92

1.613,92

973,51

69,54

81,13

23.568,42

H

23.090,67

1.649,33

1.007,46

71,96

83,95

24.098,13

I

23.486,36

1.677,60

1.034,59

73,90

86,22

24.520,95

8

23.686,07

1.691,86

1.048,29

74,88

87,36

24.734,35

8B

25.567,93

1.826,28

1.242,22

88,73

103,52

26.810,15

2024. urteko soldata taulak.

3

1,03

TALDEAK

OINARRIZKO SOLDATA

MOZKINAK

GUZTIRA

URTEA

14,00

URTEA

14,00

12,00

1

16.420,72

1.169,69

933,67

66,69

77,81

17.309,31

2

21.676,83

1.548,34

998,85

71,35

83,24

22.675,68

3

21.944,80

1.567,49

1.011,09

72,22

84,26

22.955,89

4

22.314,34

1.593,88

1.045,39

74,67

87,12

23.359,73

5

23.431,91

1.673,71

1.126,91

80,49

93,91

24.558,81

6

24.788,71

1.770,62

1.225,81

87,56

102,15

26.014,53

7

25.938,88

1.852,78

1.309,69

93,55

109,14

27.248,56

8A

28.273,76

2.019,55

1.479,54

105,68

123,29

29.753,30

9

30.450,50

2.175,04

1.638,75

117,05

136,56

32.089,25

10

33.264,50

2.376,04

1.844,02

131,72

153,67

35.108,51

A

21.317,69

1.522,69

933,67

66,69

77,81

22.251,36

B

21.414,89

1.529,64

940,61

67,19

78,38

22.355,50

C

21.601,36

1.542,95

953,96

68,14

79,50

22.555,33

D

21.800,25

1.557,16

968,23

69,16

80,69

22.768,47

E

22.086,74

1.577,62

988,76

70,63

82,40

23.075,50

F

22.184,79

1.584,63

995,80

71,13

82,98

23.180,59

G

23.272,76

1.662,34

1.002,71

71,62

83,56

24.275,48

H

23.783,39

1.698,81

1.037,68

74,12

86,47

24.821,07

I

24.190,95

1.727,93

1.065,62

76,12

88,80

25.256,58

8

24.396,65

1.742,62

1.079,73

77,12

89,98

25.476,38

8B

26.334,96

1.881,07

1.279,49

91,39

106,62

27.614,45

2025. urteko soldata taulak.

2,5

1,025

TALDEAK

OINARRIZKO SOLDATA

MOZKINAK

GUZTIRA

URTEA

14,00

URTEA

14,00

12,00

1

16.831,24

1.198,93

957,01

68,36

79,75

17.742,04

2

22.218,75

1.587,05

1.023,82

73,13

85,32

23.242,57

3

22.493,42

1.606,67

1.036,37

74,03

86,36

23.529,78

4

22.872,20

1.633,73

1.071,52

76,54

89,29

23.943,72

5

24.017,70

1.715,55

1.155,08

82,51

96,26

25.172,78

6

25.408,43

1.814,89

1.256,46

89,75

104,70

26.664,89

7

26.587,35

1.899,10

1.342,43

95,89

111,87

27.929,78

8A

28.980,61

2.070,04

1.516,53

108,32

126,38

30.497,14

9

31.211,76

2.229,41

1.679,72

119,98

139,98

3.2891,48

10

34.096,11

2.435,44

1.890,12

135,01

157,51

35.986,23

A

21.850,63

1.560,76

957,01

68,36

79,75

22.807,64

B

21.950,27

1.567,88

964,12

68,87

80,34

22.914,39

C

22.141,40

1.581,53

977,81

69,84

81,48

23.119,21

D

22.345,25

1.596,09

992,43

70,89

82,70

23.337,68

E

22.638,91

1.617,06

1.013,48

72,39

84,46

23.652,38

F

22.739,41

1.624,24

1.020,69

72,91

85,06

23.760,10

G

23.854,58

1.703,90

1.027,78

73,41

85,65

24.882,36

H

24.377,98

1.741,28

1.063,62

75,97

88,64

25.441,60

I

24.795,73

1.771,12

1.092,27

78,02

91,02

25.887,99

8

25.006,57

1.786,18

1.106,73

79,05

92,23

26.113,29

8B

26.993,34

1.928,10

1311,47

93,68

109,29

28.304,81

II. ERANSKINA.–ORDAINDUTAKO BAIMENEN LABURPEN TAULA

a) Langilearen ezkontza edo izatezko bikotearen erregistroa (4) (10).

16

b) Ezkontidearen, izatezko bikotekidearen edo odol eta ezkontza ahaidetasuneko 2. mailarainoko senideen heriotza, lekualdaketa gabe (3) (4).

2

c) Ezkontidearen, izatezko bikotekidearen edo odol eta ezkontza ahaidetasuneko 2. mailarainoko senideen heriotza, lekualdaketa gabe (2) (3) (4).

2/3/4/5

d) Ospitaleratzea, istripua edo gaixotasun larria edo ospitaleratu gabeko ebakuntza kirurgikoa (medikuak etxean atseden hartzeko agintzen badu): Ezkontidea edo izatezko bikotekidea, edo odol edo ezkontza bidezko bigarren mailara arteko ahaideak, izatezko bikotekidearen odol bereko ahaidea barne, bai eta aurrekoak ez diren pertsonak ere baldin eta langilearekin etxebizitza berean bizi badira eta haren benetako zaintza behar badute. (2) (3) (4) (7) (8).

5

e) Ohiko bizilekuz aldatzea.

1

f) Eginbehar publiko eta pertsonal bat, saihestezina, betetzeko beharrezkoa denbora.

Beharrezko
denbora

g) Hezkuntza eskubide orokorrak eta lanbide prestakuntza jasotzeko ezarritako denbora, indarreko legedian araututako kasuetan eta moduan.

Ezarritako
denbora

h) Lehen mailako ahaideen, neba-arreben eta bikotekidearen neba-arreben ezkontzara joatea, egutegiko laneguna denean.

1

i) Langilearen seme-alabaren lehen jaunartzea, egutegiaren arabera egun horretan lan egin behar badu.

1

j) Familia medikuaren zein espezialistaren kontsulta, osasun sistema publiko zein pribatuan.

Beharrezko
denbora

k) Hamalau urtetik beherako seme-alaben gaixotasuna, desgaitasuna dutenena edo langilearen mendeko lehen mailako odol edo ezkontza ahaidetasunezko aurreko ahaideena, baldin eta ahaidearen egoerak edo adinak, istripuak, gaixotasunak edo bisita motak kontsultara laguntzarik gabe joatea eragozten badu (5).

12 ordu urtean.

l) Erditu aurreko azterketa medikoak egitea eta erditzea prestatzeko tekniketan trebatzea, lanorduetan egin behar badira.

Beharrezko
denbora

m) Norbera irakaskuntzako zentro ofizialetan matrikulatzea, langilearen txandaren unean egin behar bada eta txanda edo matrikulazio ordutegia aldatu ezin bada.

Beharrezko
denbora

n) Seme-alaba goiztiarraren jaiotza edo erditu ondoren semea edo alaba ospitaleratu beharra

Ordu bat
egunean

ñ) Bederatzi hilabetetik beherako haurraren zaintza (6).

1 ordu egunean (30’ + 30’), lanaldiaren barnean, edo 30’ lanaldiaren hasieran edo bukaeran

o) Adingabearen jaiotza, pertsonak ez badu gutxieneko gabealdia betetzen jaiotzagatik eta adingabea zaintzeagatik lan harremana eten dadila eskatzeko.

2 egun

(1) Gertaera eragilearen ondorengo lehen lanegunetik aurrera hartuko da kontuan, baita ohiko lanaldiaren %50 bete ez badu ere.

(2) Joan-etorrietarako, hurrengo irizpidea aplikatuko da:

a. Hiru egun, 100 km eta 250 km arteko distantzia badago.

b. Lau egun, 250 km eta 500 km arteko distantzia badago.

c. Bost egun, 500 km-tik gorako distantzia badago.

(3) 2. mailara arteko ahaidetzat joko dira honako hauek:

a. Odol ahaideak:

i. Gurasoak.

ii. Seme-alabak.

iii. Neba-arrebak.

iv. Aitona-amonak.

v. Bilobak.

b. Ezkontza-ahaideak:

i. Aitaginarreba-amaginarrebak.

ii. Seme-alaben ezkontideak (erraina/suhia).

iii. Ezkontidearen neba-arrebak (koinatu-koinatak).

iv. Ezkontidearen aitona-amonak.

v. Ezkontidearen bilobak.

(4) Ondorio horietarako, Espainiako Estatuko edozein autonomia erkidegotan dauden «izatezko bikoteak» eta beste izen baliokide bat aitortzen dira, betiere Erregistro Publiko Ofizialetan bikote gisa erregistratuta badaude.

(5) Hori emateko, beharrezkoa izanen da hurrengo baldintza hauek izatea:

a. Bi ezkontideak edo izatezko bikotekideak langileak direla egiaztatzea.

b. Kontsultaren ordutegia bien lanaldiarekin bat etortzea.

c. Guraso bakarreko familietan eta gainerako estatu zibiletan ere aplikatuko da.

d. Ondorio horietarako, gertaera eragileak dirauen bitartean indarrean egonen den edozein frogagiri publikoren bidez frogatzen ahalko da mendekotasuna.

(6) Baimen denbora hori (ordubete) 14 lanaldi osotan metatzen ahalko da, haurra jaio eta zaintzeagatiko etenaldia bukatu ondoren. Nolanahi ere, haurra jaio eta hurrengo hamabi hilabeteetan baliatzen ahalko da.

(7) Baimen horren gehieneko iraupena etxeko atsedena bukatu artekoa izanen da.

(8) Ospitaleratzea eta etxean atseden hartzea gertatuz gero, langileak aukeratzen ahalko du zein egunetan hartuko dituen baimenaren azken bi egunak, aldez aurretik gertaera eragilearen egunetik jakinarazita.

(9) Gaueko txandan dagoen langileak gertaera eragilearen aurreko edo ondorengo gauean hartzen ahalko du baimen ordaindua.

(10) Ulertzen da hamasei eguneko epea gertaera eragilearen egunetik aurrera gertatzen dela, langileak aldez aurretik idatziz eskatuta, baimen hori osorik edo zati batean hartzen ahalko dela (denboraldia zatitu gabe) ezkontza-eguna baino lehen, baldin eta lan-egunen kopurua eta aldiko atseden-egunen kopurua gertaera eragilearen ondoren izan dituen berberak badira.

Iragarkiaren kodea: F2416193