1. NAFARROAKO FORU KOMUNITATEA
1.7. BESTELAKOAK
113/2024 FORU AGINDUA, azaroaren 28koa, Ekonomia eta Ogasuneko kontseilariak emana, zeinaren bidez epeak eta datak finkatzen baitira, 2025erako, Nafarroako Foru Ogasunaren diru-bilketan aritzen diren entitate laguntzaileek funtsak sartzeko eta dokumentuak aurkeztu edo telematika bidez igortzeko.
Nafarroako Foru Komunitatearen Diru-bilketaren Erregelamenduaren II. liburuko II. kapituluan (uztailaren 2ko 177/2001 Foru Dekretuaren bidez onetsi zen erregelamendua) arautzen dira Nafarroako Foru Ogasunari diru-bilketa kudeatzeko laguntza ematen dioten gordailu entitateekiko harremanak.
Erregelamendu horren 81.1 artikuluak ezartzen duenez, Ekonomia eta Ogasuneko kontseilariak zehaztuko ditu erakunde laguntzaileek bildutako zenbatekoen sarrera egiteko eta Ekonomia eta Ogasun Departamentuari informazioa igortzeko tokia, epea, modua eta gainerako baldintzak.
Erregelamenduaren 81.2 artikuluak hamabostean behin egitea jasotzen du. Egun baliodunetan aldaketak izaten direnez urtero, beharrezkoa da hamabostaldien egutegia urtero finkatzea Iruñeko egun baliogabeak kontuan hartuz, 81.2 artikuluaren arabera.
Azken urteotan aldatu egin da aitorpen-likidazio eta zerga-autolikidazio jakin batzuei dagozkien ordainketen banku-helbideratzearen arloko araudia, helbideratze-eskaera gehien jasotzeko epea luzatuz. Ondorioz, komeni da zenbait hamabostaldiren amaiera epeak aldatzea, bilketa horretan jaso daitezen zerga-betebeharren helbideratzeagatik lortutako kobrantzak. Era berean, konturako ordainketa-data jakin batzuk aldatu dira, finantza fluxuak aurrekontu eta diruzaintza beharretara egokitzeko.
Horrenbestez,
AGINTZEN DUT:
1. Nafarroako Foru Ogasunaren entitate laguntzaileek egindako diru-bilketari buruzko dokumentazioa aurkeztu eta telematika bidez igortzeko eta dirua Nafarroako Foru Komunitatearen kontu korronte orokorrean ordaintzeko epeak eta egunak honako hauek izanen dira 2025. urtean:
2025EKO EPEAK ETA EGUNAK NAFARROAKO OGASUN PUBLIKOAREN DIRU-BILKETAN ARITZEN DIREN ENTITATE LAGUNTZAILEEK FUNTSEN SARRERA EGITEKO ETA DOKUMENTUAK AURKEZTU EDO TELEMATIKA BIDEZ IGORTZEKO
2025EKO HAMABOSTALDIAK | |
Hilabeteak | Izena/hilabetea | Ordena zenbakia | HAMABOSTALDIKO EGUNAK (BIAK BARNE) | KONT. KOR. OROKORREAN SARTZEKO BALIO DATA | DOKUMENTUAK AURKEZTEKO EDO TELEMATIKA BIDEZ IGORTZEKO AZKEN EGUNA |
Urtarrila | 1. | 1 | Abenduaren 27a | Urtarrilaren 7a | Urtarrilaren 13a | Urtarrilaren 14a |
Urtarrila | 2. | 2 | Urtarrilaren 8a | Urtarrilaren 20a | urtarrilaren 27a | Urtarrilaren 28a |
Otsaila | 1. | 3 | Urtarrilaren 21a | Otsailaren 5a | Otsailaren 10a | Otsailaren 11 |
Otsaila | 2. | 4 | Otsailaren 6a | Otsailaren 20a | Otsailaren 25a | Otsailaren 26a |
Martxoa | 1. | 5 | Otsailaren 21a | Martxoaren 5a | Martxoaren 10a | Martxoaren 11 |
Martxoa | 2. | 6 | Martxoaren 6a | Martxoaren 20a | Martxoaren 25a | Martxoaren 26a |
Apirila | 1. | 7 | Martxoaren 21a | Apirilaren 7a | Apirilaren 11 | Apirilaren 15a |
Apirila | 2. | 8 | Apirilaren 8a | Apirilaren 25a | Apirilaren 29a | Maiatzaren 2a |
Maiatza | 1. | 9 | Apirilaren 26a | Maiatzaren 5a | Maiatzaren 12a | Maiatzaren 13a |
Maiatza | 2. | 10 | Maiatzaren 6a | Maiatzaren 20a | Maiatzaren 26a | Maiatzaren 27a |
Ekaina | 1. | 11 | Maiatzaren 21a | Ekainaren 5a | Ekainaren 10a | Ekainaren 11 |
Ekaina | 2. | 12 | Ekainaren 6a | Ekainaren 20a | Ekainaren 25a | Ekainaren 26a |
Uztaila | 1. | 13 | Ekainaren 21a | Uztailaren 8a | Uztailaren 14a | Uztailaren 15a |
Uztaila | 2. | 14 | Uztailaren 9 | uztailaren 21a | Uztailaren 28a | Uztailaren 29a |
Abuztua | 1. | 15 | Uztailaren 22a | Abuztuaren 8a | Abuztuaren 13a | abuztuaren 14a |
Abuztua | 2. | 16 | Abuztuaren 9a | Abuztuaren 20a | Abuztuaren 25a | Abuztuaren 26a |
Iraila | 1. | 17 | Abuztuaren 21a | Irailaren 5a | Irailaren 10a | Irailaren 11 |
Iraila | 2. | 18 | Irailaren 6a | Irailaren 25a | Irailaren 29a | Urriaren 1a |
Urria | 1. | 19 | Irailaren 26a | Urriaren 6a | Urriaren 13a | Urriaren 14a |
Urria | 2. | 20 | Urriaren 7a | Urriaren 23a | Urriaren 28a | Urriaren 29a |
Azaroa | 1. | 21 | Urriaren 24a | Azaroaren 5a | Azaroaren 10a | Azaroaren 11 |
Azaroa | 2. | 22 | Azaroaren 6a | Azaroaren 20a | Azaroaren 25a | Azaroaren 26a |
Abendua | 1. | 23 | Azaroaren 21a | Abenduaren 5a | Abenduaren 10a | Abenduaren 11 |
Abendua | 2. | 24 | Abenduaren 6a | Abenduaren 26a | Abenduaren 30a | Urtarrilaren 2a |
2. Hamabostaldi bakoitzean bildutako diru-sarrerak kontu korronte orokorrean ordaintzeko aginduaren dokumentua posta elektronikoaren bidez igorri beharko da Diruzaintza Atalera (seccion.tesoreria@navarra.es), aurreko xedapen zatian balio datarako finkatu den eguneko 15:00ak baino lehen.
3. Foru agindu hau jakinaraztea Aurrekontuen eta Programazio Ekonomikoaren Zerbitzuari, Kontabilitate Zerbitzuari, Kontu-hartze Zerbitzuari, Diru-bilketa Zerbitzuari, Diru-bilketaren Aplikazio eta Kontrolaren Atalari, Diruzaintza Atalari eta finantza entitate laguntzaileei, eta Nafarroako Aldizkari Ofizialean argitara dadila agintzea.
Azken xedapen bakarra.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2024ko azaroaren 28an.–Ekonomia eta Ogasuneko kontseilaria, José Luis Arasti Pérez.
Iragarkiaren kodea: F2417497