1. NAFARROAKO FORU KOMUNITATEA
1.7. BESTELAKOAK
4189/2024 EBAZPENA, azaroaren 6koa, Funtzio Publikoko zuzendari nagusiak emana, zeinaren bidez igortzen baita administrazio espediente bat, Meatzeetako Ingeniari Teknikoen eta Meatzeetako Fakultatibo Perituen elkargo ofizialen Kontseilu Gorenak Nafarroako Justizia Auzitegi Nagusiko Administrazioarekiko Auzien Salan aurkeztu duten administrazioarekiko auzi-errekurtsoari buruzkoa (358/2024 prozedura arrunta).
Meatzeetako Ingeniari Teknikoen eta Meatzeetako Fakultatibo Perituen elkargo ofizialen Kontseilu Gorenak administrazioarekiko auzi-errekurtsoa aurkeztu du Nafarroako Justizia Auzitegi Nagusiko Administrazioarekiko Auzien Salan, martxoaren 20ko 29/2024 Foru Dekretuaren aurka (Nafarroako Foru Komunitateko Administrazioaren eta haren erakunde autonomoen plantilla organikoa aldatzen duena), Meatzeen Ataleko burutzari dagokionez, ez baita inolako titulazioren beharrik jasotzen, eta Industriako, Enpresen Trantsizio Ekologikoko eta Digitalerako kontseilariaren apirilaren 22ko 28E/2024 Foru Aginduaren aurka, zeinaren bidez bitarte baterako izendatzen baita industria ingeniari tekniko bat Meatzeen Ataleko buru.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, Nafarroako Justizia Auzitegi Nagusiko Administrazioarekiko Auzien Salak eskatu du igor diezaiotela administrazio espedientea, eta kasuan kasuko epatzeko deiak egin daitezela lege horren 49. artikuluan ezarritako moduan.
Horrenbestez, eta erabiliz otsailaren 21eko ko 30/2005 Foru Dekretuak ematen dizkidan eskudantziak,
EBAZTEN DUT:
1. Igortzea administrazio espediente bat, Meatzeetako Ingeniari Teknikoen eta Meatzeetako Fakultatibo Perituen elkargo ofizialen Kontseilu Gorenak Nafarroako Justizia Auzitegi Nagusiko Administrazioarekiko Auzien Salan aurkeztu duten administrazioarekiko auzi-errekurtsoari buruzkoa (358/2024 prozedura arrunta).
2. Ebazpen hau interesdunei jakinaraztea, Nafarroako Aldizkari Ofizialean argitaratuta, eta haiek epatzea, autoetan demandatu gisa agertu ahal izan daitezen Nafarroako Justizia Auzitegi Nagusiko Administrazioarekiko Auzien Salan, ebazpen hau argitaratu ondoko bederatzi eguneko epean.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salara eta Lehendakaritza eta Berdintasun Departamentuko Aholkularitza Juridikoaren Zerbitzura, eta Meatzeetako Ingeniari Teknikoen eta Meatzeetako Fakultatibo Perituen elkargo ofizialen Kontseilu Gorenari jakinaraztea, behar diren ondorioak izan ditzan.
Iruñean, 2024ko azaroaren 6an.–Funtzio Publikoko zuzendari nagusia, Rashid Mohamed Vázquez.
Iragarkiaren kodea: F2416182
