189. ALDIZKARIA - 2024ko irailaren 17a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

188/2024 EBAZPENA, abuztuaren 27koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez arautzen baita, enplegu publikoan behin-behinekotasuna murrizteko egonkortze-prozesuen esparruan, Bigarren Hezkuntzako irakasleen kidegoan, Musikako eta Arte Eszenikoetako katedradunen kidegoan, Arte Plastikoetako eta Diseinuko irakasleen kidegoan eta Lanbide Heziketako sektore berezietako irakasle espezialisten kidegoan sartzeko hautapen-prozedurari dagokion praktikaldia. Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak azaroaren 3an emandako 244/2022 Ebazpenaren bidez onetsi zen hautapen-prozedura hori, Nafarroako Foru Komunitateko Administrazioko kudeaketa-arloko lanpostuak betetzeko.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 3ko 244/2022 Ebazpenaren bidez onetsi zen, enplegu publikoan behin-behinekotasuna murrizteko egonkortze-prozesuen esparruan, kidego hauetan sartzeko hautapen-prozedura, betiere Nafarroako Foru Komunitateko Administrazioaren kudeaketa-esparruko lanpostuak betetzeko: Bigarren Hezkuntzako irakasleen kidegoa, Musikako eta Arte Eszenikoetako katedradunen kidegoa, Arte Plastikoetako eta Diseinuko irakasleen kidegoa eta Lanbide Heziketako sektore berezietako irakasle espezialisten kidegoa.

Ebazpen horren bederatzigarren eta hamargarren oinarriek ezartzen dute hautatutako izangaiek praktikaldi bat egin behar dutela, irakaskuntzarako gai direla egiaztatzeko.

Bidezkoa da, beraz, deialdiko oinarri horiekin bat, praktikaldia arautzea eta praktikak baloratu behar dituen kalifikazio batzordeko kideak zein diren zehaztea.

Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,

EBAZTEN DUT:

1. Arautzea Bigarren Hezkuntzako irakasleen kidegoan, Musikako eta Arte Eszenikoetako katedradunen kidegoan, Arte Plastikoetako eta Diseinuko irakasleen kidegoan eta Lanbide Heziketako sektore berezietako irakasle espezialisten kidegoan sartzeko hautapen-prozedurari dagokion praktikaldia. Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak azaroaren 3an emandako 244/2022 Ebazpenaren bidez onetsi zen hautapen-prozedura hori, Nafarroako Foru Komunitateko Administrazioko kudeaketa-arloko lanpostuak betetzeko.

2. Ebazpen hau eta eranskinak Nafarroako Aldizkari Ofizialean, Hezkuntza Departamentuko iragarki-taulan eta departamentuaren web-orrian argitaratzea 2024ko abuztuaren 27an.

3. Ebazpen hau eta eranskinak igortzea Idazkaritza Tekniko Nagusira, Irakasleak Hautatzeko eta Lanpostuak Betetzeko Zerbitzura, Hezkuntzako Ikuskapen Zerbitzura eta Antolamendu, Prestakuntza eta Kalitate Zerbitzura, behar diren ondorioak izan ditzaten.

4. Ebazpen honen eta eranskinen kontra gora jotzeko errekurtsoa aurkezten ahalko da, Barneko, Funtzio Publikoko eta Justiziako kontseilariari zuzendua, Nafarroako Aldizkari Ofizialean argitaratu eta biharamunetik hasita hilabeteko epean.

OINARRIAK, KIDEGO HAUETAN SARTZEKO HAUTAPEN-PROZEDUREI DAGOKIEN PRAKTIKALDIA ARAUTZEN DUTENAK: BIGARREN HEZKUNTZAKO IRAKASLEEN KIDEGOA, MUSIKAKO ETA ARTE ESZENIKOETAKO KATEDRADUNEN KIDEGOA, ARTE PLASTIKOETAKO ETA DISEINUKO IRAKASLEEN KIDEGOA ETA LANBIDE HEZIKETAKO SEKTORE BEREZIETAKO IRAKASLE ESPEZIALISTEN KIDEGOA, BETIERE NAFARROAKO FORU KOMUNITATEKO ADMINISTRAZIOAREN KUDEAKETA ESPARRUKO LANPOSTUAK BETETZEKO

Lehena.–Praktikaldiaren xedea.

Praktikaldiaren xedea izanen da honako hautapen-prozedura hauetan hautatutako izangaiak irakasteko gai direla egiaztatzea: Bigarren Hezkuntzako irakasleen kidegoan, Musikako eta Arte Eszenikoetako katedradunen kidegoan, Arte Plastikoetako eta Diseinuko irakasleen kidegoan eta Lanbide Heziketako sektore berezietako irakasle espezialisten kidegoan sartzeko hautapen-prozedurak, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak azaroaren 3an emandako 244/2022 Ebazpenaren bidez onetsitakoak, Nafarroako Foru Komunitateko Administrazioko kudeaketa-arloko lanpostuak betetzeko. Ebazpen honetan ezartzen den prozedurarekin bat eginen da praktikaldia.

Bigarrena.–Praktikaldiaren helburua.

Praktikaldiaren helburua da izangaien irakaskuntzarako gaitasuna egiaztatzea. Horretarako, lanpostuan sartzeko jarduerak eginen dira, tutoretzapeko irakaskuntzan jardunez eta prestakuntza jarduerak eginez.

Praktikaldiaren ebaluaziotik salbuetsita daude gutxienez ikasturte bat karrerako irakasle funtzionario gisa lanean aritu direla frogatzen duten izangaiak. Izangai horiek inguruabar hori jakinarazi beharko dute, Irakasleak Hautatzeko eta Lanpostuak Betetzeko Zerbitzuko zuzendariari eskabide bat igorriz. Horretarako, bost egun balioduneko epea izanen dute, prozedura gainditu duten izangaien zerrenda bakarrak onesten dituen ebazpena argitaratzen denetik hasita.

Hirugarrena.–Lekualdatze-lehiaketan parte hartzea.

Bai praktiketako funtzionario izendatzen diren izangaiek, bai hautatuak izan eta praktikaldia egitetik salbuetsita daudenek, nahitaez parte hartu beharko dute irakasle lanpostuak betetzeko deitzen diren hurrengo hautapen-prozeduretan, alegia, hautapen-prozedura zein espezialitate eta hizkuntzatan gainditu duten, Hezkuntza Departamentuak horietarako deitzen dituenetan. Haien parte-hartzea eskaerak aurkezteko unean duten izendapenaren araberakoa izanen da.

Praktiketako funtzionario izendatutako izangaiek praktikaldia hurrengo ikasturtera arte atzeratu badute, izendapen horretatik aurrera deitzen den lehenengo lekualdatze-lehiaketan parte hartu beharko dute, eta, hala badagokio, lehiaketa horretan esleitzen zaien destinoan egin beharko dute praktikaldia. Destino hori behin betiko bihurtuko da karrerako funtzionario izendatzen dituztenean.

Laugarrena.–Kalifikazio-batzordea.

4.1. Sartzeko hautapen-prozeduraren praktikaldia ebaluatze aldera, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendaria gaitzen da kalifikazio-batzorde bakarreko kideak izendatzeko. Nolanahi ere, honako kide hauek osatuko dute batzorde hori:

–Batzordeburua: Hezkuntza Departamentuko Hezkuntzako Ikuskapen Zerbitzuko zuzendaria, edo hark eskuordetzen duen ikuskatzaile bat.

–1. batzordekidea: Hezkuntza Departamentuko Hezkuntzako Ikuskapen Zerbitzuari atxikitako ikuskatzaile bat.

–2. batzordekidea: Derrigorrezko Bigarren Hezkuntzako institutu bateko zuzendari bat, Hezkuntzako Ikuskapen Zerbitzuko zuzendariak izendatua.

–3. batzordekidea: Derrigorrezko Bigarren Hezkuntzako institutu bateko zuzendari bat, Hezkuntzako Ikuskapen Zerbitzuko zuzendariak izendatua.

–Batzordekide-idazkaria: Hezkuntza Departamentuko Langileriaren arloko Laguntza Juridikoaren Ataleko burua, edo hark eskuordetzen duena.

4.2. Kalifikazio-batzorde bakarra arduratuko da praktikaldia ebaluatzeaz, eta une oro zainduko du ebaluazioa zorroztasunez, objektibotasunez, gardentasunez eta eraginkortasunez egiten dela. Horretarako, praktikaldiaren ebaluazioan diharduten guztiei argibideak eta frogak eskatzen ahalko dizkie.

4.3. Kalifikazio-batzorde bakarra 2024ko urriaren 1a baino lehen eratu beharko da. Batzordearen eraketak balioa izateko, nahitaezkoa izanen da kide guztiak bertan izatea, salbu arrazoi justifikatuak daudenean; halakoetan, Irakasleak Hautatzeko eta Lanpostuak Betetzeko Zerbitzuko zuzendariak baloratuko ditu arrazoi horiek. Halaber, Irakasleak Hautatzeko eta Lanpostuak Betetzeko Zerbitzuko zuzendariari dagokio batzordeko kideak ordezteko baimena ematea, baldin kide horiek batzordea uzteko arrazoi justifikatuak edo ezinbestekoak badituzte.

Ebazpen honetan berariaz aurreikusiak ez dauden kontu guztietan, Administrazio Publikoko kide anitzeko organoen funtzionamendurako araudi orokorrari lotuko zaio kalifikazio-batzorde bakarra.

4.4. Behin prozesua amaituta, kalifikazio-batzorde bakarrak izangaiak ebaluatuko ditu, eta azken kalifikazioa emanen du haien irakaskuntzarako gaitasunari buruz, "gai" edo "ez-gai" diren adierazita.

Batzordeak ezin izanen du praktiketako funtzionarioen kalifikazioak jasoko dituen behin betiko akta idatzi gutxienez batzordeburua eta idazkaria eta kideen erdiak bertan ez badaude.

4.5. Batzordeak egoitza izanen du Hezkuntza Departamentuko Irakasleak Hautatzeko eta Lanpostuak Betetzeko Zerbitzuko Hautatze Prozeduren Atalean (San Domingo kalea z/g, 31001 Iruñea).

Komunikazioetarako eta gainerako gorabeheretarako, kalifikazio-batzorde bakarrak helbide elektroniko hau gaituko du: practicasfun@navarra.es.

Bosgarrena.–Praktikaldiaren iraupena.

5.1. Praktikaldiak hiru hilabete eta egun bat iraunen du. Praktikak 2024ko irailaren 1ean hasiko dira, eta 2024ko abenduaren 2an amaitutzat joko dira, jarraian adierazitakoaren arabera luzapenik ematen ez bada.

5.2. Praktikaldiko funtzionarioa aldi baterako ezintasun egoeran, erditzeagatiko lizentzia ordainduan edo antzeko egoera batean gertatuz gero, edo eszedentzia berezian nahiz antzeko beste egoera batean, eta horrek praktikaldia normaltasunez egitea edo hura ebaluatzea galarazten badu, kalifikazio-batzordeari eskatzen ahalko dio praktikaldia atzeratu diezaiotela. Kalifikazio-batzorde bakarrak behin bakarrik proposatzen ahalko du praktikak hurrengo urtean egitea, bai 2025eko maiatzaren 31ra arte, bai 2025eko abenduaren 2ra arte, eta, hala badagokio, praktiketan emandako denbora hurrengo aldian zenbatzea erabakitzen ahalko du.

Kalifikazio-batzorde bakarrari luzapen hori eskatzeko, practicasfun@navarra.es helbide elektronikoa erabili beharko da, eta luzapena baimentzeko egokitzat jotzen den dokumentazio guztia erantsi beharko zaio. Kalifikazio-batzorde bakarra aldian behin bilduko da jasotako luzapen-eskaerak aztertzeko, eta baimena emateko edo ukatzeko erantzuna emanen du, batzordeburuak sinatutako gutun baten bidez. Kalifikazio-batzorde bakarrak praktikak luzatzeko baimena emanen du, baldin eta izangaiak 2025eko abenduaren 2a baino lehen egin badezake ebazpen honetan praktikak egiteko eskatzen den hiru hilabete eta egun bateko epea.

Seigarrena.–Hasierako prestakuntza.

6.1. Praktikak egiten ari diren funtzionarioek prestakuntza-jarduera hau egin beharko dute: "Hasierako prestakuntza, kidego hauetako praktiketako irakasle funtzionarioentzat: Bigarren Hezkuntzako irakasleen kidegoa, Musikako eta Arte Eszenikoetako katedradunen kidegoa, Arte Plastikoetako eta Diseinuko irakasleen kidegoa eta Lanbide Heziketako sektore berezietako irakasle espezialisten kidegoa, denak ere Nafarroako Foru Komunitateko Administrazioaren zerbitzukoak".

Prestakuntza horrek gutxienez ere 25 ordu iraunen du, eta 2024ko abenduaren 2a baino lehen bukatu beharko da.

Honako ezaugarri hauek izanen ditu:

1) Praktiketako irakasle funtzionario guztiek prestakuntza-modulu bat eginen dute Lan Osasunari eta Laneko Arriskuen Prebentzioaren arloko gaiei buruz, 9 ordu iraunen duena gutxienez.

2) Halaber, irakasle funtzionarioek parte hartuko dute Prestakuntza eta Kalitate Atalak diseinatutako prestakuntza-jardueretan. Jarduera horiek 16 orduko iraupena izanen dute gutxienez.

6.2. Antolamendu, Prestakuntza eta Kalitate Zerbitzuko Prestakuntza eta Kalitate Atalak txosten bat igorriko dio kalifikazio-batzorde bakarrari. Bertan egiaztatuko da praktiketako funtzionarioek praktikaldian lehen aipatutako ikastaroa egin dutela edo praktikak bukatzeko egunean hura egiten ari direla.

Jarduera horiek egitea nahitaezkoa da azken kalifikazioan "gai" lortzeko.

6.3. Praktikaldiko prestakuntzaren alderdiei buruzko edozein kontsulta Prestakuntza eta Kalitate Atalera bidali beharko da posta elektronikoz: seccformacion@educacion.navarra.es.

Zazpigarrena.–Tutoretza.

7.1. Izangai bakoitzari irakasle bat esleituko zaio tutore gisa, ikastetxeko zuzendaritzak izendatuko duena, irizpide hauei jarraikiz:

–Ahal den guztietan, funtzionario eskarmentudun bat izanen da, ahal delarik izangaiaren kidego eta espezialitate berekoa, edo parekatutako lanpostukoa, eta behin betiko edo behin-behineko destinoa praktikak egiten diren ikastetxean duena.

–Hori ezinezkoa bada, beste edozein funtzionario izanen da tutorea, izangaiaren kidego berekoa edo parekatutako lanpostukoa, behin betiko edo behin-behineko destinoa ikastetxean duena, zuzendaritzaren irizpidearen arabera hautatua, kontuan hartuz irakasle bera praktiketako pertsona baten baino gehiagoren tutore aritzen ahal dela.

–Azkenik, aurreko irizpideak aplikatzea ezinezkoa denean, izangaiak praktikak egiten dituen ikastetxeko ikuskatzaileak beteko ditu tutoretzari esleitutako eginkizunak.

Nolanahi ere, ikastetxeko zuzendaritzak izendapenaren berri emanen die tutoreari, izangaiari eta kalifikazio-batzorde bakarrari 2024ko urriaren 1a baino lehen, EvaComPro aplikazioaren bidez.

Praktikaldian zehar, esleitutako tutoretza-lana betetzea eragozten duen gorabeheraren bat gertatzen bada, ikastetxeko zuzendaritzak, ahalik eta lasterren, beste tutore bat izendatuko du arestian adierazitako irizpideei jarraikiz, eta izendapen horren berri emanen die praktiketako funtzionarioei eta kalifikazio-batzorde bakarrari.

7.2. Tutoreak eginkizun hauek izanen ditu: tutoretzapean daukan irakaslegaiaren irakasle-lana eta lan instituzionala zuzentzea eta horri buruzko informazioa eta aholkuak ematea, betiere aintzat hartuz honako hauetan ezarrita dauden irizpide eta edukiak: ikastetxeko urteko programazio orokorrean, bizikidetza-planean, hezkuntza-proiektuan, hobekuntza- eta kalitate-planetan, memoria administratiboan eta Nafarroako Foru Komunitatean indarra duen hezkuntza-arloko legerian. Halaber, arreta berezia jarriko die gelako programazioari eta ikasleen ebaluazioari; ikastetxeko gobernu- eta partaidetza-organoen eta koordinazio didaktikoko organoen antolamenduaren eta funtzionamenduaren berri emanen du, eta, bereziki, ikasleen tutoretzan arreta berezia jarriko du.

7.3. Ikastetxeko zuzendaritzak ikastetxean aritzen diren praktiketako funtzionarioen jarraipena eginen du, arlo hauei dagokienez: eginkizunak betetzen ote dituzten, ikastetxearen antolaketan nola parte hartzen duten eta integratzen diren, irakaskuntzarako gaitasuna ote duten, eta nola aritzen diren lanbidean. Ikastetxe berean praktiketako irakasle asko daudenean, ikastetxeko zuzendariak zuzendaritza-taldeko beste kide baten esku uzten ahalko du zeregin hori.

Zortzigarrena.–Ebaluazioaren ezaugarriak.

8.1. Praktiketako funtzionarioen jardunaren ebaluazioak ezaugarri hauek ditu:

a) Diagnostiko batzuk eskaintzen ditu izangaiek beren eginkizunak betetzeko moduari buruz.

b) Irakaslanean aritzeko gaitasun-maila zehazteko aukera ematen du (gai/ez-gai).

c) Irakaslanean hobetu beharreko alderdiak identifikatzen ditu.

d) Irakaslana hobetzeko eta garapen profesionala sustatzeko pizgarria eta lagungarria da.

8.2. Irakaslanaren ebaluazioa honako dimentsio hauetan zehazten da:

1. Planifikazioa.

2 Praktika.

3. Ebaluazioa.

4. Tutoretza.

5. Garapena.

6. Betetzea.

Dimentsio horietako bakoitza zenbait adierazleren bidez konfiguratzen da. Adierazle horiek deskribatzaileen (errubriken) laguntzarekin baloratzen dira, zeinak ebaluatzeko erreferentzia izanen baitira.

Dimentsio eta adierazle horiek guztiak I., II. eta III. eranskinetan zehazten dira.

Bederatzigarrena.–Ikastetxeko irakaskuntza-praktikaldia ebaluatzeko prozedura.

Ebaluazio-prozedurak irakaslana nola egiten den ezagutzeko informazio garrantzitsua biltzea eta aztertzea errazten du.

Ikastetxean praktiketan ari diren izangaien irakaslanaren jarraipena eta ebaluazioa egitea tutoreei eta zuzendaritzari dagokie.

9.1. Tutoreak praktiketako funtzionarioak emanen dituen eskola-saioetatik bitara joan beharko du gutxienez, eta txosten bat eginen du ikasgelako esku-hartzeaz eta eskola-saioaren garapenaz. Txosten hori kalifikazio-batzorde bakarrari igorriko dio 2024ko azaroaren 18tik 22ra bitarte, EvaComPro aplikazioaren bitartez. Txosten horiek bat etorriko dira ebazpen honen I. eranskinean ageri diren adierazleekin.

Hezkuntza Orientabidea espezialitateko irakasleendako txostena ikastetxean eginiko lanari dagokio, ez ikasgelan eginikoari, eta ebazpen honen IV. eranskineko ereduaren eta jarraibideen arabera eginen da.

9.2. Era berean, zuzendaria, edo hark eskuordetzen duen zuzendaritza-taldeko pertsona, praktiketako funtzionarioek ematen dituzten bi eskola-saiotara joanen da gutxienez, eta irakaskuntza-gaitasunari eta lanbide-jardunari buruzko txosten bat eginen du. Txosten hori kalifikazio-batzorde bakarrari igorriko dio 2024ko azaroaren 18tik 22ra bitarte, EvaComPro aplikazioaren bidez. Txosten horiek bat etorriko dira ebazpen honen II. eranskinean ageri diren adierazleekin.

Hezkuntza Orientabidea espezialitateko irakasleendako txostena ikastetxean eginiko lanari dagokio, ez ikasgelan eginikoari, eta ebazpen honen V. eranskineko ereduaren eta jarraibideen arabera eginen da.

9.3. Irakasle ibiltariek esleiturik daukaten oinarrizko ikastetxean eginen dituzte praktikak.

9.4. Tutoreak eta ikastetxeko zuzendaritzak, edo hark eskuordetzen duen zuzendaritza-taldeko pertsonak, 1. mailatik 4. mailara bitarte baloratu beharko dituzte praktiketako funtzionarioak eranskinetan azaldutako adierazle bakoitzean. Gutxienez 2. mailara iristen ez diren kalifikazio guztiak negatiboak izanen dira. Txostenak egokitzat joko dira horietako bakoitzean balio negatiboa (1) duten adierazleen kopurua ≤%10 bada, araudia betetzeari dagokionez izan ezik, kasu horretan positiboen kopurua %100 izan beharko baita.

Maila horietako puntuazioa 1etik 4ra bitartekoa izanen da, eta ez da dezimalik onartuko.

Kalifikazioa negatiboa bada, zertan oinarritu diren azaldu beharko dute, baita txostena egiteko erabili duten dokumentazioa adierazi ere, eta egokitzat jotzen diren frogak aurkeztu.

9.5. Ikasgelara lehendabiziko aldiz joan ondoren, tutoreak eta ikastetxeko zuzendaritzak elkarrizketa izanen dute praktiketako funtzionarioarekin, eta hobetu daitezkeen gai garrantzitsuenen berri emanen diote.

Ondoren, ikasgelara bigarren aldiz joaten direnean, tutoreak eta ikastetxeko zuzendariak egiaztatu beharko dute praktiketako funtzionarioak kontuan hartu dituela eta zuzendu dituela elkarrizketan jakinarazi zitzaizkion hobetu beharrekoak.

9.6. Kalifikazio-batzorde bakarrak EvaComPro aplikazioaren bitartez bidalitako txostenak baizik ez ditu baliozkotzat hartuko.

Hamargarrena.–Autoebaluazioa.

10.1. Izangaiek beren irakaskuntza-gaitasunaren eta lanbide-jardunaren autoebaluazioa eginen dute, III. eranskineko adierazleetan oinarrituta, salbu eta hezkuntza-orientazioko espezialitatekoek, VI. eranskinarekin bat eginen baitute. Atal bakoitzean, deskribapen labur bat idatzi beharko dute dimentsio bakoitzeko balorazioak justifikatzeko.

Praktiketako funtzionarioek autoebaluazioaren txostena bidaliko diote, EvaComPro aplikazioaren bidez, kalifikazio-batzorde bakarrari, 2024ko azaroaren 18tik 22ra bitarte.

Hamaikagarrena.–Praktiketako funtzionarioen azken ebaluazioa.

11.1. Kalifikazio-batzorde bakarrak ebaluatuko ditu praktiketako funtzionarioak, honako hauek kontuan hartuz:

a) Tutoreak edo, behar izanez gero, ikuskatzaileak eginiko txostena, praktiketako funtzionarioaren ikasgelako esku-hartzeari buruzkoa, ebazpen honen I. eranskinean adierazitako ereduaren araberakoa, hezkuntza-orientazioko espezialitaterako izan ezik, kasu horretan IV. eranskinari jarraikiz egin beharko baita txosten hori.

b) Ikastetxeko zuzendaritzak irakaslanari buruz II. eranskineko ereduaren arabera eginiko txostenak, hezkuntza-orientazioko espezialitatean izan ezik, kasu horretan IV. eranskinari jarraikiz egin beharko baita txosten hori.

c) Izangaiaren autoebaluazioa/azken txostena, ebazpen honen III. eranskinean adierazitako ereduaren araberakoa, salbu eta hezkuntza-orientazioko espezialitaterako, VI. eranskinaren arabera eginen baita.

11.2. Kalifikazioa negatiboa bada, kalifikazio-batzorde bakarrak ikastetxeko ikuskatzaileari txosten osagarri bat eskatuko dio, bidalitako kalifikazioa justifikatzeko. Ikuskatzaileak oinarritzat hartu diren datu guztiak bilduko ditu, bai eta zuzendariak eta tutoreak txosten negatibo hori emateko erabili duten dokumentazioa ere. Halaber, ikuskatzaileak elkarrizketa bat izanen du interesdunarekin, non egokitzat jotzen dituen datu eta txosten guztiak eskatuko baitizkio.

11.3. Ikuskatzailearen txostena ikusirik, kalifikazio-batzorde bakarraren ardura izanen da izangaiaren azken kalifikazioa ematea. Azken kalifikazioa ematean, kalifikazio-batzorde bakarrak izangaiaren autoebaluazio-txostena kontuan hartzen ahalko du.

Kalifikazio-batzorde bakarraren erabakia "gai" edo "ez-gai" hitzekin adieraziko da. Praktiketako funtzionarioa "gai" dela ondorioztatuko da tutoreari eta ikastetxeko zuzendariari eskatutako txostenetan agertzen den kalifikazioa positiboa bada, betiere ikastetxeko ikuskatzaileak kontrako txostenik egiten ez badu.

Hala ere, kalifikazio-batzorde bakarrak, egoki iruditzen zaionean, txosten osagarri bat eskatzen ahalko dio ikastetxeko ikuskatzaileari, jaso dituen txostenetako puntu eta alderdiei buruz.

11.4. Kalifikazio-batzorde bakarrak praktiketako funtzionarioen zerrenda eta lortu dituzten kalifikazioak Irakasleak Hautatzeko eta Lanpostuak Betetzeko Zerbitzuko zuzendariari igorriko dizkio.

"Ez-gai" kalifikazioa jasotzen duten praktiketako funtzionarioek karrerako funtzionario izendatuak izateko eskubide guztiak galduko dituzte. Horretarako, Irakasleak Hautatzeko eta Lanpostuak Betetzeko Zerbitzuko zuzendariak emandako ebazpen arrazoitua beharko da.

Hamabigarrena.–Osasun-azterketa.

Praktikaldia bitartean praktiketako funtzionarioei osasun-azterketa bat eginen zaie irakasle-lanetan egoki aritzeko behar den gaitasun fisikoa eta psikikoa dutela egiaztatzeko.

Osasun-azterketa hori gainditzen ez dutenek karrerako funtzionario izendatuak izateko eskubide guztiak galduko dituzte.

Iruñean, 2024ko abuztuaren 27an.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.

I. ERANSKINA

DIMENSIONES / DIMENTSIOAK

TABLA DE INDICADORES DEL PROFESOR-TUTOR /
PROFESORA-TUTORA IRAKASLE TUTOREAREN ADIERAZLEEN TAULA

1

2

3

4

PLANIFICACIÓN / PLANIFIKAZIOA

Planifica previamente cada clase de forma estructurada en su programación de aula.

Eskola bakoitza aldez aurretik planifikatzen du, modu egituratuan, bere ikasgelako programazioaren arabera.

Planifica las actividades de forma coherente con los objetivos y contenidos programados.

Jarduerak planifikatzen ditu programatutako helburu eta edukiekin koherentzia mantenduta.

Programa actividades que implican la participación activa del alumnado.

Ikasleen parte-hartze aktiboa duten jarduerak programatzen ditu.

Incluye en la programación de aula o programa individual una selección de contenidos y propone actividades diversas para alumnos con necesidades específicas o en atención a la diversidad del aula.

Zenbait edukiren hautapen bat sartzen du ikasgelako programazioan edo programazio indibidualean, eta askotariko jarduerak proposatzen ditu berariazko premiak dituzten ikasleendako edo ikasgelako aniztasunari erantzuteko.

PRÁCTICA / PRAKTIKA

Tiene en cuenta las características individuales y de contexto del alumnado. Propone metas individualizadas.

Kontuan hartzen ditu ikasleen banakako eta testuinguruko ezaugarriak. Bana-banako helburuak proposatzen ditu.

Realiza un seguimiento de acuerdo al trabajo individual y/o grupal previsto con el alumnado.

Jarraipena egiten du, ikasleekin egitea aurreikusitako banakako edo/eta taldeko lanaren arabera.

Se coordina con el resto de profesionales y, según la organización del centro, incorpora a otro profesorado en el aula.

Modu koordinatuan egiten du lan gainerako profesionalekin, eta, ikastetxearen antolaketaren arabera, ikasgelara beste irakasle batzuk ekartzen ditu.

Registra las tareas de clase según establece la programación o las ACS.

Ikasgelako atazak erregistratzen ditu programazioak ezarritakoaren edo curriculum-egokitzapen esanguratsuen (CEE) arabera.

Utiliza de forma adecuada los programas y aplicaciones que requiere su puesto de trabajo (como procesador de textos, hoja de cálculos, presentación digital, plataforma moodle, drive... etc.).

Egoki erabiltzen ditu lanpostuan aritzeko behar dituen programak eta aplikazioak (esaterako, testu-prozesadorea, kalkulu-orria, aurkezpen digitala, Moodle plataforma, Drive eta abar).

Comunica con claridad en el idioma en el que imparte la materia y en función del nivel académico del alumnado.

Azalpenak argi ematen ditu irakasgaia emateko erabiltzen duen hizkuntzan eta ikasleen maila akademikoaren arabera.

Aplica la metodología establecida en el centro y señalada en su programación.

Aplikatzen duen metodologia ikastetxean ezarritakoa eta programazioan jasotakoa da.

Incluye en cada U. Don o programa individual actividades competenciales.

Unitate didaktiko edo programa indibidual bakoitzean jarduera konpetentzialak txertatzen ditu.

Organiza el aula fomentando el trabajo cooperativo del alumnado y su inclusión en las actividades de aula y centro.

Ikasgela antolatzen du ikasleen lankidetza sustatzeko, baita ikasgelako eta ikastetxeko jardueretan ikasleen inklusioa bultzatzeko ere.

Lleva al aula los materiales y recursos que va a utilizar preparados con anterioridad.

Ikasgelara eramaten dituen materialak eta baliabideak aldez aurretik prestatuak izaten ditu.

Organiza adecuadamente los espacios y los tiempos en el aula, según lo planificado.

Egoki antolatzen ditu espazioak eta denborak ikasgelan, planifikatutakoaren arabera.

Establece normas claras que facilitan el desarrollo de su trabajo en el aula.

Arau argiak ezartzen ditu, eta horiek erraztu egiten dute ikasgelako lana.

Adopta estrategias para prevenir conflictos.

Gatazkak prebenitzeko estrategiak hartzen ditu.

Gestiona adecuadamente la solución de los conflictos.

Egoki kudeatzen du gatazken konponbidea.

EVALUACIÓN / EBALUAZIOA

Comprueba el grado de comprensión y avance del alumnado dentro del marco de la evaluación continua y formativa.

Ikasleen ulermen- eta aurrerapen-maila begiratzen du, ebaluazio etengabearen eta hezigarriaren esparruaren barrenean.

Utiliza diversos instrumentos de evaluación (controles, análisis de trabajos, observaciones sistemáticas, etc.) explicitados en su programación.

Programazioan esplizitatutako askotariko ebaluazio-tresnak (kontrolak, lanen azterketa, behaketa sistematikoak eta abar) erabiltzen ditu.

Determina la calificación del alumnado o, en su caso, participa en la toma de decisiones con arreglo a los criterios establecidos.

Ikasleak kalifikatzen ditu edo, hala badagokio, erabakietan parte hartzen du ezarritako irizpideen arabera.

Comunica al alumnado de manera clara y explícita los resultados de su aprendizaje y rendimiento.

Ikasleei beren ikaskuntzaren eta errendimenduaren emaitzak modu argi eta agerikoan ematen dizkie.

TUTORÍA / TUTORETZA

Mantiene a las familias informadas del proceso de aprendizaje y actitud del alumno.

Familiei informazioa ematen die ikaslearen ikaskuntza prozesuari eta jarrerari buruz.

Colabora/ejecuta el Plan de Acción tutorial en el aula.

Tutoretza-plana ikasgelan betearazten du edo horretarako elkarlanean aritzen da.

Se coordina con el equipo docente.

Irakasle-taldearekin modu koordinatuan aritzen da.

Recaba toda la información necesaria para que las reuniones individuales y/o colectivas con las familias sean eficaces.

Behar den informazio guztia biltzen du familiekin egindako banakako edo/eta taldeko bilerak eraginkorrak izan daitezen.

DESARROLLO / GARAPENA

Participa en proyectos sobre buenas prácticas, nuevas metodologías, sistemas colaborativos, etc. que permitan reflexionar sobre su trabajo y mejorarlo.

Parte hartzen du jardunbide egokien, metodologia berrien, lankidetza-sistemen eta abarren gaineko proiektuetan, eta, horri esker, bere lanaren gainean hausnartzen du, eta hura hobetzen.

II. ERANSKINA

DIMENSIONES / DIMENTSIOAK

TABLA DE INDICADORES DEL DIRECTOR/A / ZUZENDARIAREN ADIERAZLEEN TAULA

1

2

3

4

PLANIFICACIÓN/ PLANIFIKAZIOA

Planifica previamente cada clase de forma estructurada en su programación de aula.

Eskola bakoitza aldez aurretik planifikatzen du, modu egituratuan, bere ikasgelako programazioaren arabera.

Planifica las actividades de forma coherente con los objetivos y contenidos programados.

Jarduerak planifikatzen ditu programatutako helburu eta edukiekin koherentzia mantenduta.

PRÁCTICA / PRAKTIKA

Se coordina con el resto de profesionales y, según la organización del centro, incorpora a otro profesorado en el aula.

Modu koordinatuan egiten du lan gainerako profesionalekin, eta, ikastetxearen antolaketaren arabera, ikasgelara beste irakasle batzuk ekartzen ditu.

Comunica con claridad en el idioma en el que imparte la materia y en función del nivel académico del alumnado.

Azalpenak argi ematen ditu irakasgaia emateko erabiltzen duen hizkuntzan eta ikasleen maila akademikoaren arabera.

Adopta estrategias para prevenir conflictos.

Gatazkak prebenitzeko estrategiak hartzen ditu.

Gestiona adecuadamente la solución de los conflictos.

Egoki kudeatzen du gatazken konponbidea.

EVALUACIÓN / EBALUAZIOA

Determina la calificación del alumnado o, en su caso, participa en la toma de decisiones con arreglo a los criterios establecidos.

Ikasleak kalifikatzen ditu edo, hala badagokio, erabakietan parte hartzen du ezarritako irizpideen arabera.

TUTORÍA / TUTORETZA

Mantiene a las familias informadas del proceso de aprendizaje y actitud del alumno.

Familiei informazioa ematen die ikaslearen ikaskuntza prozesuari eta jarrerari buruz.

Se coordina con el equipo docente.

Irakasle-taldearekin modu koordinatuan aritzen da.

Recaba toda la información necesaria para que las reuniones individuales y/o colectivas con las familias sean eficaces.

Behar den informazio guztia biltzen du familiekin egindako banakako edo/eta taldeko bilerak eraginkorrak izan daitezen.

DESARROLLO / GARAPENA

Participa en proyectos sobre buenas prácticas, nuevas metodologías, sistemas colaborativos, etc. que permitan reflexionar sobre su trabajo y mejorarlo.

Parte hartzen du jardunbide egokien, metodologia berrien, lankidetza-sistemen eta abarren gaineko proiektuetan, eta, horri esker, bere lanaren gainean hausnartzen du, eta hura hobetzen.

Participa en proyectos de innovación de ámbito educativo.

Hezkuntza-berrikuntzako proiektuetan parte hartzen du.

Identifica sus necesidades formativas personales para profundizar y mejorar en sus propias competencias profesionales.

Bere prestakuntza-beharrak identifikatzen ditu bere gaitasun profesionalak sakondu eta hobetzeko.

CUMPLIMIENTO / BETEZEA

Asiste a las reuniones convocadas.

Joaten da deitzen diren bileretara.

Cumple con su jornada y horario.

Betetzen ditu lanaldia eta ordutegia.

Cumple con las fechas establecidas para las diversas tareas.

Betetzen ditu zereginetarako ezarritako epeak.

III. ERANSKINA

DIMENSIONES / DIMENTSIOAK

TABLA DE INDICADORES DE AUTOEVALUACIÓN / AUTOEBALUAZIOAREN ADIERAZLEEN TAULA

1

2

3

4

PLANIFICACIÓN / PLANIFIKAZIOA

Planifica previamente cada clase de forma estructurada en su programación de aula.

Eskola bakoitza aldez aurretik planifikatzen du, modu egituratuan, bere ikasgelako programazioaren arabera.

Planifica las actividades de forma coherente con los objetivos y contenidos programados.

Jarduerak planifikatzen ditu programatutako helburu eta edukiekin koherentzia mantenduta.

Programa actividades que implican la participación activa del alumnado.

Ikasleen parte-hartze aktiboa duten jarduerak programatzen ditu.

Incluye en la programación de aula o programa individual una selección de contenidos y propone actividades diversas para alumnos con necesidades específicas o en atención a la diversidad del aula.

Zenbait edukiren hautapen bat sartzen du ikasgelako programazioan edo programazio indibidualean, eta askotariko jarduerak proposatzen ditu berariazko premiak dituzten ikasleendako edo ikasgelako aniztasunari erantzuteko.

PRÁCTICA / PRAKTIKA

Tiene en cuenta las características individuales y de contexto del alumnado. Propone metas individualizadas.

Kontuan hartzen ditu ikasleen banakako eta testuinguruko ezaugarriak. Bana-banako helburuak proposatzen ditu.

Realiza un seguimiento de acuerdo al trabajo individual y/o grupal previsto con el alumnado.

Jarraipena egiten du, ikasleekin egitea aurreikusitako banakako edo/eta taldeko lanaren arabera.

Se coordina con el resto de profesionales y, según la organización del centro, incorpora a otro profesorado en el aula.

Modu koordinatuan egiten du lan gainerako profesionalekin, eta, ikastetxearen antolaketaren arabera, ikasgelara beste irakasle batzuk ekartzen ditu.

Registra las tareas de clase según establece la programación o las ACS.

Ikasgelako atazak erregistratzen ditu programazioak ezarritakoaren edo curriculum-egokitzapen esanguratsuen (CEE) arabera.

Utiliza de forma adecuada los programas y aplicaciones que requiere su puesto de trabajo (como procesador de textos, hoja de cálculos, presentación digital, plataforma moodle, drive... etc.).

Egoki erabiltzen ditu lanpostuan aritzeko behar dituen programak eta aplikazioak (esaterako, testu-prozesadorea, kalkulu-orria, aurkezpen digitala, Moodle plataforma, Drive eta abar).

Comunica con claridad en el idioma en el que imparte la materia y en función del nivel académico del alumnado.

Azalpenak argi ematen ditu irakasgaia emateko erabiltzen duen hizkuntzan eta ikasleen maila akademikoaren arabera.

Aplica la metodología establecida en el centro y señalada en su programación.

Aplikatzen duen metodologia ikastetxean ezarritakoa eta programazioan jasotakoa da.

Incluye en cada U. Don o programa individual actividades competenciales.

Unitate didaktiko edo programa indibidual bakoitzean jarduera konpetentzialak txertatzen ditu.

Organiza el aula fomentando el trabajo cooperativo del alumnado y su inclusión en las actividades de aula y centro.

Ikasgela antolatzen du ikasleen lankidetza sustatzeko, baita ikasgelako eta ikastetxeko jardueretan ikasleen inklusioa bultzatzeko ere.

Lleva al aula los materiales y recursos que va a utilizar preparados con anterioridad.

Ikasgelara eramaten dituen materialak eta baliabideak aldez aurretik prestatuak izaten ditu.

Organiza adecuadamente los espacios y los tiempos en el aula, según lo planificado.

Egoki antolatzen ditu espazioak eta denborak ikasgelan, planifikatutakoaren arabera.

Establece normas claras que facilitan el desarrollo de su trabajo en el aula.

Arau argiak ezartzen ditu, eta horiek erraztu egiten dute ikasgelako lana.

Adopta estrategias para prevenir conflictos.

Gatazkak prebenitzeko estrategiak hartzen ditu.

Gestiona adecuadamente la solución de los conflictos.

Egoki kudeatzen du gatazken konponbidea.

EVALUACIÓN / EBALUAZIOA

Comprueba el grado de comprensión y avance del alumnado dentro del marco de la evaluación continua y formativa.

Ikasleen ulermen- eta aurrerapen-maila begiratzen du, ebaluazio etengabearen eta hezigarriaren esparruaren barrenean.

Utiliza diversos instrumentos de evaluación (controles, análisis de trabajos, observaciones sistemáticas, etc.) explicitados en su programación.

Programazioan esplizitatutako askotariko ebaluazio-tresnak (kontrolak, lanen azterketa, behaketa sistematikoak eta abar) erabiltzen ditu.

Determina la calificación del alumnado o, en su caso, participa en la toma de decisiones con arreglo a los criterios establecidos.

Ikasleak kalifikatzen ditu edo, hala badagokio, erabakietan parte hartzen du ezarritako irizpideen arabera.

Comunica al alumnado de manera clara y explícita los resultados de su aprendizaje y rendimiento.

Ikasleei beren ikaskuntzaren eta errendimenduaren emaitzak modu argi eta agerikoan ematen dizkie.

TUTORÍA / TUTORETZA

Mantiene a las familias informadas del proceso de aprendizaje y actitud del alumno.

Familiei informazioa ematen die ikaslearen ikaskuntza prozesuari eta jarrerari buruz.

Colabora/ejecuta el Plan de Acción tutorial en el aula.

Tutoretza-plana ikasgelan betearazten du edo horretarako elkarlanean aritzen da.

Se coordina con el equipo docente.

Irakasle-taldearekin modu koordinatuan aritzen da.

Recaba toda la información necesaria para que las reuniones individuales y/o colectivas con las familias sean eficaces.

Behar den informazio guztia biltzen du familiekin egindako banakako edo/eta taldeko bilerak eraginkorrak izan daitezen.

DESARROLLO / GARAPENA

Participa en proyectos sobre buenas prácticas, nuevas metodologías, sistemas colaborativos, etc. que permitan reflexionar sobre su trabajo y mejorarlo.

Parte hartzen du jardunbide egokien, metodologia berrien, lankidetza-sistemen eta abarren gaineko proiektuetan, eta, horri esker, bere lanaren gainean hausnartzen du, eta hura hobetzen.

Participa en proyectos de innovación de ámbito educativo.

Hezkuntza-berrikuntzako proiektuetan parte hartzen du.

Identifica sus necesidades formativas personales para profundizar y mejorar en sus propias competencias profesionales.

Bere prestakuntza-beharrak identifikatzen ditu bere gaitasun profesionalak sakondu eta hobetzeko.

CUMPLIMIENTO / BETETZEA

Asiste a las reuniones convocadas.

Joaten da deitzen diren bileretara.

Cumple con su jornada y horario.

Betetzen ditu lanaldia eta ordutegia.

Cumple con las fechas establecidas para las diversas tareas.

Betetzen ditu zereginetarako ezarritako epeak.

IV. ERANSKINA

DIMENSIONES / DIMENTSIOAK

TABLA DE INDICADORES DEL TUTOR/A PARA ORIENTACIÓN EDUCATIVA /
HEZKUNTZA-ORIENTAZIORAKO TUTOREAREN ADIERAZLEEN TAULA

1

2

3

4

DETECCIÓN DE NECESIDADES / BEHARREN DETEKZIOA

La necesidad de valoración se plasma en una hoja de derivación consensuada en la UAE.

Balorazio-beharra Hezkuntza Laguntzako Unitatean (HLU) adostutako deribazio-orri batean islatzen da.

Informa a la familia de la necesidad de la evaluación psicopedagógica y de los resultados de esta.

Familiari adierazten dio ebaluazio psikopedagogikoa egin behar dela eta zein diren haren emaitzak.

Realiza la evaluación psicopedagógica coordinando la participación de otros agentes en el proceso.

Ebaluazio psikopedagogikoa egiten du, eta beste eragile batzuek prozesuan duten parte-hartzea koordinatzen du.

Realiza un seguimiento exhaustivo de los informes psicopedagógicos.

Txosten psikopedagogikoen jarraipen xehakatua egiten du.

Realiza los informes psicopedagógicos y propuestas de intervención incluyendo acciones preventivas.

Txosten psikopedagogikoak eta esku hartzeko proposamenak egiten ditu, prebentzio-ekintzak barne direla.

Trata con rigor y profesionalidad los datos derivados de la evaluación psicopedagógica.

Ebaluazio psikopedagogikotik ondorioztatutako datuak zorroztasunez eta profesionaltasunez lantzen ditu.

Revisa y actualiza el censo en EDUCA en el plazo establecido.

Errolda EDUCAn berrikusi eta eguneratzen du, horretarako ezarrita dagoen epean.

TUTORÍA Y ORIENTACIÓN ACADÉMICA Y PROFESIONAL / TUTORETZA ETA ORIENTAZIO AKADEMIKOA ETA PROFESIONALA

Formula propuestas en el marco del PAT adecuadas a la etapa/curso tras un análisis de necesidades y colabora en su desarrollo.

Beharrak aztertu ondoren, etapari/ikasmailari egokitutako proposamenak egiten ditu tutoretza-planaren esparruan, eta haietan elkarlanean aritzen da.

Formula propuestas para el Plan de Orientación Académica y Profesional abarcando todas las etapas del centro y colabora en su desarrollo.

Orientazio Akademiko eta Profesionaleko Planerako proposamenak egiten ditu ikastetxeko etapa guztietan, eta hura garatzen laguntzen du.

Contribuye al proceso de toma de decisiones académico- profesionales del alumnado en los momentos más críticos: elección de optativas, itinerarios, salidas al terminar 4.º de ESO...

Unerik kritikoenetan (aukerako irakasgaiak, ibilbideak, DBHko 4. maila bukatzearen ondoko irteerak hautatzean...) ikasleen erabaki akademiko-profesionalak hartzeko prozesuan laguntzen du.

Contribuye a que exista continuidad educativa para el alumnado en los cambios de curso y etapa.

Ikasmailaz eta etapaz aldatzean, ikasleek hezkuntza-jarraipena izan dezaten laguntzen du.

Asesora al alumnado sobre las posibilidades formativas más acordes con sus necesidades, capacidades, intereses y actitudes.

Ikasleei aholkua ematen die haien behar, gaitasun, interes eta jarrerekin hobekien bat datozen prestakuntza-aukeren gainean.

Realiza reuniones de seguimiento del alumnado en coordinación con el equipo docente.

Ikasleei jarraipena egiteko bilerak egiten ditu irakasleekin koordinatuta.

Realiza reuniones personales con las familias para informar y/o formar respecto a temas relacionados con sus hijos tanto de tipo académico-profesional como de orientación personal.

Familiekin bilera pertsonalak egiten ditu, haien seme-alabekin zerikusia duten gaien gainean informazioa emateko eta/edo prestakuntza emateko (gai horiek akademiko-profesionalak edo norbera orientatzekoak dira).

Asesora al profesorado en relación a la convivencia y a la resolución de conflictos.

Irakasleei aholkuak ematen dizkie bizikidetzari eta gatazken ebazpenari buruz.

Asesora individualmente al alumnado en su desarrollo personal.

Ikasleei banan-banan haien garapen pertsonalaren gaineko aholkuak ematen dizkie.

Asesora a los tutores y a las tutoras y al resto del profesorado en relación a la tutoría y a la orientación académica y profesional.

Tutoreei eta gainerako irakasleei aholkua ematen die tutoretzaren eta orientazio akademiko eta profesionalaren gainean.

APOYO Y ASESORAMIENTO / LAGUNTZA ETA AHOLKULARITZA

Asesora en el desarrollo de medidas de atención a la diversidad y las consigna, si es el caso, en EDUCA.

Aniztasunari erantzuteko aholkuak ematen ditu, eta, kasua bada, EDUCAn sartzen ditu.

Se coordina con el profesorado para garantizar la coherencia del proceso de enseñanza-aprendizaje especialmente con el alumnado de NEAE.

Irakasleekin modu koordinatuan aritzen da, irakaskuntzaren eta ikaskuntzaren arteko prozesuaren koherentzia bermatzeko, bereziki hezkuntza-laguntzako berariazko premiak dituzten ikasleekin.

Orienta en las medidas específicas de atención individualizada desde un punto de vista inclusivo.

Banakako arretako neurri berariazkoen gaineko orientabideak ematen ditu ikuspuntu inklusibotik begiratuta.

Colabora con el profesorado en el seguimiento de las medidas de atención a la diversidad.

Irakasleekin elkarlanean aritzen da aniztasunari erantzuteko neurrien jarraipena egiterakoan.

Colabora y asesora en la puesta en marcha de metodologías activas y trabajo cooperativo.

Metodologia aktiboak eta lankidetza abian jartzen parte hartzen du, eta haien gaineko aholkuak ematen ditu.

COLABORACIÓN FAMILIAS Y ENTORNO / FAMILIEN ETA INGURUNEAREN ARTEKO LANKIDETZA

Usa las Tecnologías de la Información y la Comunicación que requiere su trabajo.

Bere lanerako beharrezkoak diren informazioaren eta komunikazioaren teknologiak erabiltzen ditu.

Participa tanto en la formación institucional de centro como individual y se autoevalúa para detectar los puntos débiles de su formación.

Parte hartzen du ikastetxearen prestakuntza instituzionalean eta banakako prestakuntzan, eta bere burua ebaluatzen du prestakuntzan izan ditzakeen ahuleziak hautemateko.

Colabora en el desarrollo de la innovación y de la investigación.

Berrikuntzaren eta ikerketaren garapenean elkarlanean aritzen da.

V. ERANSKINA

DIMENSIONES / DIMENTSIOAK

TABLA DE INDICADORES DEL DIRECTOR/A PARA ORIENTACIÓN EDUCATIVA /
HEZKUNTZA ORIENTAZIORAKO ZUZENDARIAREN ADIERAZLEEN TAULA

1

2

3

4

DETECCIÓN DE NECESIDADES / BEHARREN DETEKZIOA

Realiza la evaluación psicopedagógica coordinando la participación de otros agentes en el proceso.

Ebaluazio psikopedagogikoa egiten du, eta beste eragile batzuek prozesuan duten parte-hartzea koordinatzen du.

Trata con rigor y profesionalidad los datos derivados de la evaluación psicopedagógica.

Ebaluazio psikopedagogikotik ondorioztatutako datuak zorroztasunez eta profesionaltasunez lantzen ditu.

Revisa y actualiza el censo en EDUCA en el plazo establecido.

Errolda EDUCAn berrikusi eta eguneratzen du, horretarako ezarrita dagoen epean.

TUTORÍA Y ORIENTACIÓN ACADÉMICA Y PROFESIONAL / TUTORETZA ETA ORIENTAZIO AKADEMIKOA ETA PROFESIONALA

Formula propuestas en el marco del PAT adecuadas a la etapa/curso tras un análisis de necesidades y colabora en su desarrollo.

Beharrak aztertu ondoren, etapari/ikasmailari egokitutako proposamenak egiten ditu tutoretza-planaren esparruan, eta haietan elkarlanean aritzen da.

Formula propuestas para el Plan de Orientación Académica y Profesional abarcando todas las etapas del centro y colabora en su desarrollo.

Orientazio Akademiko eta Profesionaleko Planerako proposamenak egiten ditu ikastetxeko etapa guztietan, eta hura garatzen laguntzen du.

Contribuye al proceso de toma de decisiones académico- profesionales del alumnado en los momentos más críticos: elección de optativas, itinerarios, salidas al terminar 4.º de ESO...

Unerik kritikoenetan (aukerako irakasgaiak, ibilbideak, DBHko 4. maila bukatzearen ondoko irteerak hautatzean...) ikasleen erabaki akademiko-profesionalak hartzeko prozesuan laguntzen du.

Contribuye a que exista continuidad educativa para el alumnado en los cambios de curso y etapa.

Ikasmailaz eta etapaz aldatzean, ikasleek hezkuntza-jarraipena izan dezaten laguntzen du.

Realiza reuniones de seguimiento del alumnado en coordinación con el equipo docente.

Ikasleei jarraipena egiteko bilerak egiten ditu irakasleekin koordinatuta.

Realiza reuniones personales con las familias para informar y/o formar respecto a temas relacionados con sus hijos tanto de tipo académico-profesional como de orientación personal.

Familiekin bilera pertsonalak egiten ditu, haien seme-alabekin zerikusia duten gaien gainean informazioa emateko eta/edo prestakuntza emateko (gai horiek akademiko-profesionalak edo norbera orientatzekoak dira).

APOYO Y ASESORAMIENTO / LAGUNTZA ETA AHOLKULARITZA

Asesora en el desarrollo de medidas de atención a la diversidad y las consigna, si es el caso, en EDUCA.

Aniztasunari erantzuteko aholkuak ematen ditu, eta, kasua bada, EDUCAn sartzen ditu.

Se coordina con el profesorado para garantizar la coherencia del proceso de enseñanza-aprendizaje especialmente con el alumnado de NEAE.

Irakasleekin modu koordinatuan aritzen da, irakaskuntzaren eta ikaskuntzaren arteko prozesuaren koherentzia bermatzeko, bereziki hezkuntza-laguntzako berariazko premiak dituzten ikasleekin.

Ayuda a seleccionar programas, recursos y materiales educativos adecuados a las necesidades del centro.

Ikastetxeko beharrei egokitutako hezkuntzako programak, baliabideak eta materialak hautatzen laguntzen du.

Asesora psicopedagógicamente a los diferentes órganos de gobierno y de coordinación docente.

Irakasleen gobernu- eta koordinazio-organoei aholku psikopedagogikoak ematen dizkie.

COLABORACIÓN FAMILIAS Y ENTORNO / FAMILIEN ETA INGURUNEAREN ARTEKO LANKIDETZA

Participa de forma activa en las redes de la zona de influencia de su centro o, en su caso, con los diferentes profesionales implicados del entorno.

Bere ikastetxeko eragin-eremuko sareetan edo, kasua bada, ingurunean inplikatutako profesionalekin modu aktiboan parte hartzen du.

Contribuye a la adecuada relación de colaboración entre los distintos integrantes de la comunidad educativa, así como entre la comunidad educativa y su entorno.

Hezkuntza-komunitateko kideen artean elkarlan egokia izan dadin ahalegintzen da, baita eskola-komunitatearen eta ingurunearen artean ere.

Colabora en proyectos que promueven la participación de las familias y el entorno.

Familien eta ingurunearen parte-hartzea sustatzen duten proiektuetan elkarlanean aritzen da.

DESARROLLO PROFESIONAL / GARAPEN PROFESIONALA

Usa las Tecnologías de la Información y la Comunicación que requiere su trabajo.

Bere lanerako beharrezkoak diren informazioaren eta komunikazioaren teknologiak erabiltzen ditu.

Participa tanto en la formación institucional de centro como individual y se autoevalúa para detectar los puntos débiles de su formación.

Parte hartzen du ikastetxearen prestakuntza instituzionalean eta banakako prestakuntzan, eta bere burua ebaluatzen du prestakuntzan izan ditzakeen ahuleziak hautemateko.

Colabora en el desarrollo de la innovación y de la investigación.

Berrikuntzaren eta ikerketaren garapenean elkarlanean aritzen da.

COLABORACIÓN CON LOS ÓRGANOS DE LOS CENTROS / LANKIDETZA IKASTETXEETAKO ORGANOEKIN

Ejerce la coordinación de la UAE o la jefatura del Departamento de Orientación, en su caso.

HLU edo, hala behar denean, Orientazio Departamentuaren burutza koordinatzen du.

Colabora en la propuesta, el seguimiento y la evaluación del Plan de Atención a la Diversidad del centro.

Ikastetxeko Aniztasunari Erantzuteko Planaren proposamenean, jarraipenean eta ebaluazioan elkarlanean aritzen da.

Colabora en la concreción del Plan de Atención a la Diversidad en la PGA.

Aniztasunari Erantzuteko Plana urteko programazio orokorrean zehazteko lanetan elkarlanean aritzen da.

Asesora en la elaboración, desarrollo y evaluación de los planes institucionales del centro.

Ikastetxeko plan instituzionalak prestatzeko, gauzatzeko eta ebaluatzeko aholkuak ematen ditu.

Colabora con las evaluaciones que se realizan en el centro, así como participa en los programas que el centro desarrolla.

Ikastetxean egiten diren ebaluazioetan elkarlanean aritzen da, eta ikastetxeak gauzatzen dituen programetan parte hartzen du.

Asesora al profesorado y a los órganos del centro en los aspectos normativos que directamente se relacionan con la evaluación de todo el alumnado en atención a su diversidad.

Irakasleei eta ikastetxeko organoei aholkuak ematen dizkie, aniztasunari erantzuteko arloan, ikasle guztien ebaluazioarekin zuzeneko lotura duten arau-alderdietan.

Participa activamente en las reuniones de la CCP, de la UAE, del equipo docente, del claustro y de las redes externas.

Koordinazio pedagogikorako batzordearen, HLUren, irakasle taldearen, klaustroaren eta kanpoko sareen bileretara bertaratzen da, eta haietan aktiboki parte hartzen du.

CUMPLIMIENTO / BETETZEA

Asiste a las reuniones convocadas.

Joaten da deitzen diren bileretara.

Cumple con su jornada y horario.

Betetzen ditu lanaldia eta ordutegia.

Cumple con las fechas establecidas para las diversas tareas.

Betetzen ditu zereginetarako ezarritako epeak.

VI. ERANSKINA

DIMENSIONES / DIMENTSIOAK

AUTOEVALUACIÓN PARA ORIENTACIÓN EDUCATIVA / HEZKUNTZA-ORIENTAZIORAKO AUTOEBALUAZIOA

1

2

3

4

DETECCIÓN DE NECESIDADES / BEHARREN DETEKZIOA

La necesidad de valoración se plasma en una hoja de derivación consensuada en la UAE.

Balorazio-beharra Hezkuntza Laguntzako Unitatean (HLU) adostutako deribazio-orri batean islatzen da.

Informa a la familia de la necesidad de la evaluación psicopedagógica y de los resultados de esta.

Familiari adierazten dio ebaluazio psikopedagogikoa egin behar dela eta zein diren haren emaitzak.

Realiza la evaluación psicopedagógica coordinando la participación de otros agentes en el proceso.

Ebaluazio psikopedagogikoa egiten du, eta beste eragile batzuek prozesuan duten parte-hartzea koordinatzen du.

Realiza un seguimiento exhaustivo de los informes psicopedagógicos.

Txosten psikopedagogikoen jarraipen xehakatua egiten du.

Realiza los informes psicopedagógicos y propuestas de intervención incluyendo acciones preventivas.

Txosten psikopedagogikoak eta esku hartzeko proposamenak egiten ditu, prebentzio-ekintzak barne direla.

Trata con rigor y profesionalidad los datos derivados de la evaluación psicopedagógica.

Ebaluazio psikopedagogikotik ondorioztatutako datuak zorroztasunez eta profesionaltasunez lantzen ditu.

Revisa y actualiza el censo en EDUCA en el plazo establecido.

Errolda EDUCAn berrikusi eta eguneratzen du, horretarako ezarrita dagoen epean.

TUTORÍA Y ORIENTACIÓN ACADÉMICA Y PROFESIONAL / TUTORETZA ETA ORIENTAZIO AKADEMIKOA ETA PROFESIONALA

Formula propuestas en el marco del PAT adecuadas a la etapa/curso tras un análisis de necesidades y colabora en su desarrollo.

Beharrak aztertu ondoren, etapari/ikasmailari egokitutako proposamenak egiten ditu tutoretza-planaren esparruan, eta haietan elkarlanean aritzen da.

Formula propuestas para el Plan de Orientación Académica y Profesional abarcando todas las etapas del centro y colabora en su desarrollo.

Orientazio Akademiko eta Profesionaleko Planerako proposamenak egiten ditu ikastetxeko etapa guztietan, eta hura garatzen laguntzen du.

Contribuye al proceso de toma de decisiones académico- profesionales del alumnado en los momentos más críticos: elección de optativas, itinerarios, salidas al terminar 4.º de ESO...

Unerik kritikoenetan (aukerako irakasgaiak, ibilbideak, DBHko 4. maila bukatzearen ondoko irteerak hautatzean...) ikasleen erabaki akademiko-profesionalak hartzeko prozesuan laguntzen du.

Contribuye a que exista continuidad educativa para el alumnado en los cambios de curso y etapa.

Ikasmailaz eta etapaz aldatzean, ikasleek hezkuntza-jarraipena izan dezaten laguntzen du.

Asesora al alumnado sobre las posibilidades formativas más acordes con sus necesidades, capacidades, intereses y actitudes.

Ikasleei aholkua ematen die haien behar, gaitasun, interes eta jarrerekin hobekien bat datozen prestakuntza-aukeren gainean.

Realiza reuniones de seguimiento del alumnado en coordinación con el equipo docente.

Ikasleei jarraipena egiteko bilerak egiten ditu irakasleekin koordinatuta.

Realiza reuniones personales con las familias para informar y/o formar respecto a temas relacionados con sus hijos tanto de tipo académico-profesional como de orientación personal.

Familiekin bilera pertsonalak egiten ditu, haien seme-alabekin zerikusia duten gaien gainean informazioa emateko eta/edo prestakuntza emateko (gai horiek akademiko-profesionalak edo norbera orientatzekoak dira).

Asesora al profesorado en relación a la convivencia y a la resolución de conflictos.

Irakasleei aholkuak ematen dizkie bizikidetzari eta gatazken ebazpenari buruz.

Asesora individualmente al alumnado en su desarrollo personal.

Ikasleei banan-banan haien garapen pertsonalaren gaineko aholkuak ematen dizkie.

Asesora a los tutores y a las tutoras y al resto del profesorado en relación a la tutoría y a la orientación académica y profesional.

Tutoreei eta gainerako irakasleei aholkua ematen die tutoretzaren eta orientazio akademiko eta profesionalaren gainean.

APOYO Y ASESORAMIENTO / LAGUNTZA ETA AHOLKULARITZA

Asesora en el desarrollo de medidas de atención a la diversidad y las consigna, si es el caso, en EDUCA.

Aniztasunari erantzuteko aholkuak ematen ditu, eta, kasua bada, EDUCAn sartzen ditu.

Se coordina con el profesorado para garantizar la coherencia del proceso de enseñanza-aprendizaje especialmente con el alumnado de NEAE.

Irakasleekin modu koordinatuan aritzen da, irakaskuntzaren eta ikaskuntzaren arteko prozesuaren koherentzia bermatzeko, bereziki hezkuntza-laguntzako berariazko premiak dituzten ikasleekin.

Orienta en las medidas específicas de atención individualizada desde un punto de vista inclusivo.

Banakako arretako neurri berariazkoen gaineko orientabideak ematen ditu ikuspuntu inklusibotik begiratuta.

Colabora con el profesorado en el seguimiento de las medidas de atención a la diversidad.

Irakasleekin elkarlanean aritzen da aniztasunari erantzuteko neurrien jarraipena egiterakoan.

Colabora y asesora en la puesta en marcha de metodologías activas y trabajo cooperativo.

Metodologia aktiboak eta lankidetza abian jartzen parte hartzen du, eta haien gaineko aholkuak ematen ditu.

Ayuda a seleccionar programas, recursos y materiales educativos adecuados a las necesidades del centro.

Ikastetxeko beharrei egokitutako hezkuntzako programak, baliabideak eta materialak hautatzen laguntzen du.

Asesora psicopedagógicamente a los diferentes órganos de gobierno y de coordinación docente.

Irakasleen gobernu- eta koordinazio-organoei aholku psikopedagogikoak ematen dizkie.

COLABORACIÓN FAMILIAS Y ENTORNO / FAMILIEN ETA INGURUNEAREN ARTEKO LANKIDETZA

Participa de forma activa en las redes de la zona de influencia de su centro o, en su caso, con los diferentes profesionales implicados del entorno.

Bere ikastetxeko eragin-eremuko sareetan edo, kasua bada, ingurunean inplikatutako profesionalekin modu aktiboan parte hartzen du.

Contribuye a la adecuada relación de colaboración entre los distintos integrantes de la comunidad educativa, así como entre la comunidad educativa y su entorno.

Hezkuntza-komunitateko kideen artean elkarlan egokia izan dadin ahalegintzen da, baita eskola-komunitatearen eta ingurunearen artean ere.

Colabora en proyectos que promueven la participación de las familias y el entorno.

Familien eta ingurunearen parte-hartzea sustatzen duten proiektuetan elkarlanean aritzen da.

DESARROLLO PROFESIONAL / GARAPEN PROFESIONALA

Usa las Tecnologías de la Información y la Comunicación que requiere su trabajo.

Bere lanerako beharrezkoak diren informazioaren eta komunikazioaren teknologiak erabiltzen ditu.

Participa tanto en la formación institucional de centro como individual y se autoevalúa para detectar los puntos débiles de su formación.

Parte hartzen du ikastetxearen prestakuntza instituzionalean eta banakako prestakuntzan, eta bere burua ebaluatzen du prestakuntzan izan ditzakeen ahuleziak hautemateko.

Colabora en el desarrollo de la innovación y de la investigación.

Berrikuntzaren eta ikerketaren garapenean elkarlanean aritzen da.

COLABORACIÓN CON LOS ÓRGANOS DE LOS CENTROS / LANKIDETZA IKASTETXEETAKO ORGANOEKIN

Ejerce la coordinación de la UAE o la jefatura del Departamento de Orientación, en su caso.

HLU edo, hala behar denean, Orientazio Departamentuaren burutza koordinatzen du.

Colabora en la propuesta, el seguimiento y la evaluación del Plan de Atención a la Diversidad del centro.

Ikastetxeko Aniztasunari Erantzuteko Planaren proposamenean, jarraipenean eta ebaluazioan elkarlanean aritzen da.

Colabora en la concreción del Plan de Atención a la Diversidad en la PGA.

Aniztasunari Erantzuteko Plana urteko programazio orokorrean zehazteko lanetan elkarlanean aritzen da.

Asesora en la elaboración, desarrollo y evaluación de los planes institucionales del centro.

Ikastetxeko plan instituzionalak prestatzeko, gauzatzeko eta ebaluatzeko aholkuak ematen ditu.

Colabora con las evaluaciones que se realizan en el centro, así como participa en los programas que el centro desarrolla.

Ikastetxean egiten diren ebaluazioetan elkarlanean aritzen da, eta ikastetxeak gauzatzen dituen programetan parte hartzen du.

Asesora al profesorado y a los órganos del centro en los aspectos normativos que directamente se relacionan con la evaluación de todo el alumnado en atención a su diversidad.

Irakasleei eta ikastetxeko organoei aholkuak ematen dizkie, aniztasunari erantzuteko arloan, ikasle guztien ebaluazioarekin zuzeneko lotura duten arau-alderdietan.

Participa activamente en las reuniones de la CCP, de la UAE, del equipo docente, del claustro y de las redes externas.

Koordinazio pedagogikorako batzordearen, HLUren, irakasle taldearen, klaustroaren eta kanpoko sareen bileretara bertaratzen da, eta haietan aktiboki parte hartzen du.

CUMPLIMIENTO / BETETZEA

Asiste a las reuniones convocadas.

Joaten da deitzen diren bileretara.

Cumple con su jornada y horario.

Betetzen ditu lanaldia eta ordutegia.

Iragarkiaren kodea: F2412609