1. NAFARROAKO FORU KOMUNITATEA
1.7. BESTELAKOAK
370/2024 EBAZPENA, abuztuaren 27koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez Erronkariko "Julián Gayarre" Udal Musika Eskolak ematen dituen irakaskuntzetako "Kantua" espezialitatea inskribatzen baita Nafarroako Musika eta Dantza Eskolen Berariazko Erregistroan.
Ikusita Erronkariko Ibaxaren Batzordearen Musika Eskolako Patronatuak aurkeztutako eskabidea, zeinaren bidez eskatzen baita "Julián Gayarre" Udal Musika Eskolak ematen dituen irakaskuntzetako "Kantua" espezialitatea inskribatzea.
Kontuan harturik Musika eta Dantza Eskolen sortzea eta funtzionamendua zuzentzen duten oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Ikusita Hezkuntzako Ikuskapen Zerbitzuak aldeko txostena eman duela titularrak aurkeztutako proposamen pedagogikoa eta irakasleen titulazioak eskatutako baldintzetara egokitzeari buruz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Nafarroako Gobernuko Musika eta Dantza Eskolen Berariazko Erregistroan "Kantua" espezialitatea inskribatzea, Erronkariko "Julián Gayarre" Udal Musika Eskolak ematen dituen irakaskuntza baimenduen artean (ikastetxearen kodea: 31008852). Inskripzioak 2024ko ekainaren 28tik aurrera izanen ditu ondorioak, egun horretan sartu baitzen Hezkuntza Departamentuan ikasketa horien eskaintzari buruz ikastetxeko titularrak egindako jakinarazpena.
2. Adieraztea ezen eskola horrek egun horretatik aurrera emanen dituen irakaskuntzak izanen direla Hezkuntzari buruzko Lege Organikoaren 48.3 artikuluan ezarritakoak –abenduaren 21eko 421/1992 Foru Dekretuaren 9. artikuluan ezarritako antolamenduaren arabera–, hain zuzen honako hauek: Akordeoia, Bateria, Kantua, Gitarra, Gitarra Elektrikoa, Zia-instrumentuak, Pianoa, Saxofoia, Trikitia eta Txistua.
3. Titularrari gogoraraztea eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko zaiola. Ohartaraztea, halaber, eskolaren baimena baliorik gabe uzten ahalko dela foru dekretu horren 31. artikuluan aipatutako kasuetan.
4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.
5. Ebazpen hau Erronkariko Ibaxaren Batzordeko Musika Eskolako Udal Patronatuari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Administrazio publiko ez diren interesdunek gora jotzeko errekurtsoa aurkezten ahalko dute, Hezkuntzako kontseilariari zuzendua, hilabeteko epean.
6. Ebazpen hau Hezkuntzako Ikuskapen Zerbitzura, Arte Ikasketen Atalera eta Eskola informazioa kudeatzeko Bulegora igortzea.
7. Ebazpen hau Nafarroako Aldizkari Ofizialean argitara dadila agintzea.
Iruñean, 2024ko abuztuaren 27an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2412709