183. ALDIZKARIA - 2024ko irailaren 9a

1. NAFARROAKO FORU KOMUNITATEA

1.7. BESTELAKOAK

369/2024 EBAZPENA, abuztuaren 27koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez Nafarroako Musika eta Dantza Eskolen Berariazko Erregistroan inskribatzen baitira "Tuba", "Perkusioa" eta "Gitarra Elektrikoa" espezialitateak, Altsasuko Udal Musika eta Dantza Eskolak ematen dituen irakaskuntzen artean.

Ikusita Altsasuko Udaleko Musika Patronatuak, hau da, Altsasuko Udal Musika eta Dantza Eskolako titularrak, aurkeztutako eskabidearen aurrean instruitutako espedientea, zeinaren bidez eskatzen baita "Tuba", "Perkusioa" eta "Gitarra Elektrikoa" espezialitateak sartzea Altsasuko Udal Musika eta Dantza Eskolak ematen dituen irakaskuntzen artean.

Kontuan harturik Musika eta Dantza Eskolen sortzea eta funtzionamendua zuzentzen duten oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.

Ikusita Hezkuntzako Ikuskapen Zerbitzuak aldeko txostena eman duela titularrak aurkeztutako proposamen pedagogikoak eta irakasleen titulazioak eskatutako baldintzetara egokitzeari buruz.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,

EBAZTEN DUT:

1. Nafarroako Gobernuko Musika eta Dantza Eskolen Berariazko Erregistroan inskribatzea "Tuba", "Perkusioa" eta "Gitarra Elektrikoa" espezialitateak, Altsasuko Udal Musika eta Dantza Eskolak ematen dituen irakaskuntzen artean (ikastetxearen kodea: 31004299). Horrek ondorioak izanen ditu 2024ko uztailaren 2tik aurrera, egun horretan sartu baitzen Hezkuntza Departamentuan ikastetxeko titularraren jakinarazpena irakaskuntza berri horien eskaintzari buruz.

2. Adieraztea ezen eskola horrek egun horretatik aurrera emanen dituen irakaskuntzak izanen direla Hezkuntzari buruzko Lege Organikoaren 48.3 artikuluan ezarritakoak –abenduaren 21eko 421/1992 Foru Dekretuaren 9. artikuluan ezarritako antolamenduaren arabera–, hain zuzen honako hauek:

1.–Musikako irakaskuntzak:

–Oinarrizko eskaintza, abenduaren 21eko 421/1992 Foru Dekretuaren 9. artikuluko 1. apartatuko a), b) eta c) letretan ezarritako antolamenduari jarraikiz:

–Instrumentu-praktika: akordeoia, alboka, baxu elektrikoa, bateria, bonbardinoa, kantua, klarinetea, zeharkako flauta, gaita, gitarra, gitarra elektrikoa, pianoa, perkusioa, saxofoia, trikitia, tronboia, tuba, txistua eta biolina.

–Instrumentu-praktikaren osagarri den musika prestakuntza: Musika Hizkuntza.

–Ahots eta instrumentu jarduerak taldean: eskolania eta abesbatza, instrumentu taldeak eta fanfarrea eta comboak.

2.–Dantzako irakaskuntzak:

–Dantza herrikoia, abenduaren 21eko 421/1992 Foru Dekretuaren 1. ataleko 10. artikuluan lehentasunezko eskaintzan sartua.

3–Musika eta dantzako irakaskuntzak:

Bestelako gaiak, musikaren oinarrizko eskaintzan (9.2 artikulua) eta dantzaren lehentasunezkoen artean (10.2 artikulua) sartu gabeak: musika eta mugimendua, 4 urtetik 8 urte bitarteko ikasleentzat.

3. Titularrari gogoraraztea eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko diola. Ohartaraztea, halaber, eskolaren baimena baliorik gabe uzten ahalko dela foru dekretu horren 31. artikuluan aipatutako kasuetan.

4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.

5. Ebazpen hau Altsasuko Udaleko Musika Patronatuari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.

Administrazio publiko ez diren interesdunek gora jotzeko errekurtsoa aurkezten ahalko dute, Hezkuntzako kontseilariari zuzendua, hilabeteko epean.

6. Ebazpen hau Hezkuntzako Ikuskapen Zerbitzura, Arte Ikasketen Atalera eta Eskola informazioa kudeatzeko Bulegora igortzea.

7. Ebazpen hau Nafarroako Aldizkari Ofizialean argitara dadila agintzea.

Iruñean, 2024ko abuztuaren 27an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.

Iragarkiaren kodea: F2412708