1. NAFARROAKO FORU KOMUNITATEA
1.7. BESTELAKOAK
356/2024 EBAZPENA, abuztuaren 19koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Burlata eta Cordovillako "Irabia-Izaga" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena, instalazioak aldatzeko, unitate-kopurua murrizteko eta ikastetxea bi egoitzen artean banatzeko.
Ikusita Burlatako eta Cordovillako (Galar) "Irabia-Izaga" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren titularra den Irabia-Izaga ikastetxeko hezkuntza eta kultura elkartearen eskabidearen aurrean instruitutako espedientea. Hain zuzen, helburua da instalazioak aldatzea, unitate-kopurua murriztea eta ikastetxea bi egoitzen artean banatzea.
Kontuan harturik uztailaren 6ko 251/1992 Foru Dekretuan xedatutakoa, bertan ezartzen baita zein den Nafarroako Foru Komunitatean unibertsitateaz kanpoko araubide orokorreko irakaskuntzak ematen dituzten ikastetxe pribatuak baimentzeko prozedura.
Hezkuntzako Azpiegituren Zerbitzuak eta Hezkuntzako Ikuskapen Zerbitzuak emandako aldeko txostenak ikusirik.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Aldatzea Burlatako eta Cordovillako (Galar) "Irabia-Izaga" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren baimena (ikastetxearen kodea: 31001419), 2024-2025 ikasturtearen hasierarako. Hain zuzen, helburua da instalazioak aldatzea, unitate-kopurua murriztea eta ikastetxea bi egoitzen artean banatzea.
2. Adieraztea ikastetxearen katastro-datuak honako hauek izanen direla 2024-2025 ikasturtetik aurrera:
–Ikastetxearen kodea: 31001419.
–Titularra: Irabia-Izaga ikastetxeko hezkuntza eta kultura elkartea (IFKa: G71026967).
–Izen generikoa: Haur Hezkuntzako, Lehen Hezkuntzako eta Bigarren Hezkuntzako ikastetxe pribatua.
–Berariazko izena: Irabia-Izaga.
–Helbidea: Morea kalea z.g. eta Traselarre kalea 1.
–Herria: Burlata eta Cordovilla.
–Udalerria: Burlata eta Galar.
–Baimendutako gehieneko edukiera:
a) Haur Hezkuntzako bigarren zikloa: 15 unitate, gehienez ere 375 ikaspostu, Burlatako egoitzan.
b) Lehen Hezkuntza: 30 unitate, gehienez ere 750 ikaspostu, Burlatako egoitzan.
c) Derrigorrezko Bigarren Hezkuntza: 20 unitate, gehienez ere 600 ikaspostu, honela banatuta: 10 unitate, gehienez ere 300 ikaspostu, Burlatako egoitzan, eta 10 unitate, gehienez ere 300 ikaspostu, Cordovillako egoitzan.
d) "Zientziak eta Teknologia" eta "Giza eta Gizarte Zientziak" modalitateetako Batxilergoa: 8 unitate, gehienez ere 280 ikaspostu, Cordovillako egoitzan.
3. Titularrari ohartaraztea ezen, ikastetxeak bere irakaskuntzak itunduta dituenez, ebazpen honetan baimentzen den ikastetxearen konfigurazio berria abian jartzeko eta finantzatzeko, bete beharko dituela Hezkuntza Departamentuko Langileriaren eta Azpiegituren Zuzendaritza Nagusiak bere garaian itunak aldatzeko emanen duen ebazpenean xedatutakoa.
4. Gogoratu beharra dago ezen ikastetxearen titularrak baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan.
5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Hezkuntzako Informazio Sistemen Zerbitzura, Hezkuntza Zerbitzuen eta Ikasketetarako Laguntzen Zerbitzura, Ikastetxeen Finantzaketaren Atalera eta Ikastetxeetako Informazioa Kudeatzeko Bulegora.
7. Ebazpen hau argitaratzea Nafarroako Aldizkari Ofizialean.
Iruñean, 2024ko abuztuaren 19an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2412710