183. ALDIZKARIA - 2024ko irailaren 9a

1. NAFARROAKO FORU KOMUNITATEA

1.7. BESTELAKOAK

355/2024 EBAZPENA, abuztuaren 19koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Iruñeko "Creanavarra" atzerriko ikastetxe pribatuak duen baimena, ikasketen eskaintzaren izendapena aldatu duelako.

Ikusi da "Creanavarra Arte Digital y Tecnología SL" entitateak, Iruñeko "Creanavarra" atzerriko ikastetxe pribatuaren titularrak, egindako eskaeraren ondorioz irekitako espedientea, baimendu dadin Erresuma Batuko hezkuntza-sistemako derrigorrezkoaren ondoko irakaskuntzan duten eskaintza aldatzea: "BTEC-L5- Higher National Diploma in Creative Media Production (Visual Effects)" eta "BTEC Level 5-Higher National Diploma in Creative Media Production (Game Development)" ikasketak pixkanaka ezabatu eta horien ordez "BTEC Level 5-Higher National Diploma in Animation Industry" eta "BTEC Level 5-Higher National Diploma in Game Development" ikasketak eskaini, diploma bakoitzeko baimendutako 60 ikaspostu kopuru berarekin.

Ikusi da "British Council en España" entitateak emandako ziurtagiria, zeinean esaten baita Pearson entitateak ematen dituela eskatutako ikasketa berriak, eta horiek balio eta aitorpen osoa daukatela Erresuma Batuan.

Ikusi da Pearson entitatearen txostena, Creanavarraren ikastetxearen eta baimentzeko eskatutako ikasketa berrien edukiaren aitorpenari buruzkoa.

Ikusi dira Hezkuntzako eta Lanbide Heziketako Ministerioko Lanbide Heziketaren Zuzendaritza Nagusiko Idazkaritza Tekniko Nagusiak eta Kanpo Arazoetako, Europar Batasuneko eta Lankidetzako Ministerioak bidalitako nahitaezko txostenak.

Espainian dauden ikastetxe atzerritarren araubideari buruzko maiatzaren 28ko 806/1993 Errege Dekretuaren 7., 16. eta 22. artikuluan ezarritakoa kontuan harturik.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,

EBAZTEN DUT:

1. Ikasketen eskaintzaren izendapena aldatzeko baimena ematea, 2024-2025 ikasturtearen hasieratik aurrerako ondorioekin, Iruñeko "Creanavarra" atzerriko ikastetxe pribatuari, "BTEC-L5- Higher National Diploma in Creative Media Production (Visual Effects)" eta "BTEC Level 5-Higher National Diploma in Creative Media Production (Game Development)" ikasketak ezabatu eta horiek ordezka ditzan, hiru ikasturteko epean, "BTEC Level 5-Higher National Diploma in Animation Industry" eta "BTEC Level 5-Higher National Diploma in Game Development" ikasketekin. Eskainiko diren ikasketa berriek diploma bakoitzeko baimendutako 60 ikaspostuko kopurua mantenduko dute.

2. Adieraztea ezen ikastetxearen datu hauek inskribatuko direla Nafarroako Gobernuko Unibertsitateaz Kanpoko Ikastetxeen Erregistroan:

–Ikastetxearen kodea: 31014633.

–Titularra: Creanavarra Arte Digital y Tecnología, Sociedad Limitada.

–Izen generikoa: atzerriko ikastetxe pribatua.

–Berariazko izena: Creanavarra.

–Helbidea: Larrabide kalea 17-19.

–Herria: Iruña.

–Udalerria: Iruña.

–Modalitate presentzialean baimendutako ikasketak: Erresuma Batuko hezkuntza sistemako goi mailako hezkuntza esparruaren parte diren hurrengo ikasketa programak, "Bussiness and Technician Education Council (BTEC)" kontseiluaren zenbait titulu lortzera daramatenak ("Higher National Diploma"), adierazten den ikaspostu kopuruarekin:

–"BTEC Level 5-Higher National Diploma in Art and Design (Graphic Design)": 30 ikasle.

–"BTEC Level 5-Higher National Diploma in Art and Design (Fashion)": 30 ikasle.

–"BTEC Level 5-Higher National Diploma in Art and Design (Interior Design)": 30 ikasle.

–"BTEC Level 5-Higher National Diploma in Computing (Data Analytics)": 30 ikasle.

–"BTEC Level 5-Higher National Diploma in Animation Industry": 60 ikasle.

–"BTEC Level 5-Higher National Diploma in Game Development": 60 ikasle.

–Baimendutako ikasleak: espainiarrak eta atzerritarrak.

3. Adierazi behar da ikastetxean ematen diren Erresuma Batuko "BTEC Level 5-Higher National Diploma" ikasketek balio osoa dutela Erresuma Batuan eta lotura dutela Espainiako hezkuntza sistemako lanbide heziketako tituluen katalogoarekin; hortaz, Espainiako hezkuntza sistemako lanbide heziketako goi-mailako ikasketekin baliokide izaten ahal dira.

Era berean, adierazi behar da baliokidetasun hori generikoa dela eta baldintza hau bete behar dela: ikasketa horiei ekin ahal izateko, ikasleek lanbide heziketako ikasketetara sartzeko legez ezarritako baldintzak bete behar dituzte, Lanbide Heziketaren sistemaren antolamendua garatzen duen uztailaren 18ko 659/2023 Errege Dekretuak ezarritakoari jarraikiz.

Espainiako sistemako heziketa ziklo espezifiko baten baliokide izaten ahal diren modulu profesional batzuk homologatu edo partzialki baliozkotzeko, banan-banan eskatu beharko da baliozkotze hori, eta aintzat hartu ikasleek egindako programa espezifikoan jasotako edukiak, ordu kopurua, iraupena eta hezkuntza maila. Era berean, eskaera egitean, ikasleak aurkezten ahal duen laneko esperientzia ere aintzat hartuko da, hezkuntza ez-unibertsitarioko atzerriko tituluak Espainiako tituluekin homologatu edo baliozkotzeari buruzko urtarrilaren 29ko 104/1988 Errege Dekretuan ezarritakoari jarraikiz (otsailaren 17ko Estatuko Aldizkari Ofizialean argitaratu zen errege dekretu hori).

4. Gogorarazi beharra dago ezen, Espainian atzerriko ikastetxeen erregimena arautzen duen maiatzaren 28ko 806/1993 Errege Dekretuaren 16. artikuluarekin bat, ikastetxeko entitate titularrak behar den baimena eskatu beharko diola departamentu honi, "British Council en España" erakundearen ziurtagiria eta izandako aldaketaren frogagiria aurkeztuta, baldin eta ikastetxearen konfigurazioa aldatu nahi bada eta horrek ezarritako erregistro datuak aldatzea ekartzen badu, edo instalazioak aldatu nahi badira.

5. Ohartaraztea, halaber, ikastetxeak Nafarroako Gobernuko Ikastetxeen Erregistroan duen inskripzioa deuseztatu, baliogabetu edo aldatzen ahalko dela, bidezkoa denaren arabera, titular interesdunari entzun ondoren, baldin eta inskripzioaren oinarri izandako funtsezko baldintzak aldatzen badira edo maiatzaren 28ko 806/1993 Errege Dekretuan eta gainerako arau aplikagarrietan xedatutakoa urratzen bada, errege dekretu horren 17. artikuluak ezarritako moduan.

6. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.

7. Ebazpen hau Hezkuntzako Ikuskapen Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura eta Hezkuntzako Informazioa Kudeatzeko Atalera igortzea.

8. Ebazpen hau Nafarroako Aldizkari Ofizialean argitara dadila agintzea.

Iruñean, 2024ko abuztuaren 19an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.

Iragarkiaren kodea: F2412702