1. NAFARROAKO FORU KOMUNITATEA
1.7. BESTELAKOAK
371/2024 EBAZPENA, abuztuaren 27koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, "Hijas de Jesús" Haur eta Lehen Hezkuntzako eta Bigarren Hezkuntzako ikastetxe pribatuaren baimena aldatzen duena, Batxilergoko unitate kopurua handitzeko.
Ikusita Iruñeko "Hijas de Jesús" Haur eta Lehen Hezkuntzako eta Bigarren Hezkuntzako ikastetxe pribatuaren titularrak (erregistro-zenbakia: 31004731; helbidea: Corella etorbidea 29, Iruña) aurkeztutako eskabidea, zeinaren bidez baimena aldatzeko eskatzen baita, Batxilergoko unitate kopurua handitzeko.
Ikusita Hezkuntzako Azpiegituren Zerbitzuak eta Hezkuntzako Ikuskapen Zerbitzuak aldeko txostenak eman dituztela.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 3. tituluan ezarritakoa aplikatuz.
Horrenbestez, dagozkidan ahalmenak erabiliz, hala ematen baitizkit azaroaren 15eko 245/2023 Foru Dekretuak, Hezkuntza Departamentuaren egitura organikoa ezartzen duenak,
EBAZTEN DUT:
1. Aldatzea Iruñeko "Hijas de Jesús" Haur eta Lehen Hezkuntzako eta Bigarren Hezkuntzako ikastetxe pribatuaren baimena (erregistro-zenbakia: 31004731; titularra: "Fundación Educativa Jesuitinas"), Batxilergoko unitate kopurua handitzeko.
2. Adieraztea Batxilergoko irakaskuntzetan, ikastetxearen gehieneko osaera baimendu berria honako hau izanen dela:
–Batxilergoa Zientzien eta Teknologiaren modalitatean: 4 unitate, gehienez ere 95 ikaspostu.
–Batxilergoa Giza Zientzien eta Gizarte Zientzien modalitatean: 2 unitate, gehienez ere 70 ikaspostu.
3. Aldaketa hori Nafarroako Ikastetxeen Erregistroan erregistratzea, gainerako erregistro-datuak mantentzea eta idazpen berria Hezkuntzako eta Lanbide Heziketako Ministerioaren Ikastetxeen Estatuko Erregistrora helaraztea.
4. Titularrari gogoraraztea ezen, ikastetxearen konfigurazioan edozein aldaketa egiteko, dagokion baimena eskatu beharko diola Departamentuari, aldaketaren ondorioz erregistro datuak eta bere instalazioak aldatzen badira, uztailaren 6ko 251/1992 Foru Dekretuan ezarritakoari jarraituz.
5. Ebazpen hau ikastetxearen titularrari jakinaraztea, eta interesdunari jakinaraztea ezen haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea Hezkuntzako Azpiegituren Zerbitzura, Hezkuntzako Ikuskapen Zerbitzura, Azterlan Ekonomikoen eta Ikastetxeen Finantzaketaren Zerbitzura, Hezkuntzako Informazio Sistemen Zerbitzura, Ikasketetarako Laguntzen eta Hezkuntza Zerbitzuen Kudeaketaren Atalera eta Ikastetxeetako Informazioa Kudeatzeko Atalera.
7. Ebazpen hau Nafarroako Aldizkari Ofizialean argitara dadila agintzea.
Iruñean, 2024ko abuztuaren 27an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2412705