182. ALDIZKARIA - 2024ko irailaren 6a

1. NAFARROAKO FORU KOMUNITATEA

1.7. BESTELAKOAK

352/2024 EBAZPENA, abuztuaren 14koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, Noaingo "La Faktoria Choreographic Center" dantzako eskola pribatua inskribatzen duena, Dantza espezialitateko irakaskuntza ez-arautua emateko zentro gisa, Nafarroako Gobernuaren Musika eta Dantza Eskolen Berariazko Erregistroan.

Ikusirik "Delta Arte y Movimiento SL" entitateak (IFKa: B71347397) aurkeztutako eskabidearen aurrean izapidetutako espedientea. Aipatu eskaeraren bidez, Noaingo "La Faktoria Choreographic Center" dantzako eskola pribatua inskribatu nahi da Nafarroako Gobernuaren Musika eta Dantza Eskolen Berariazko Erregistroan, hain zuzen, Dantza espezialitateko irakaskuntza ez-arautua emateko zentro gisa.

Ikusirik, halaber, Hezkuntzako Ikuskapen Zerbitzuak eta Hezkuntzako Azpiegituren Zerbitzuak aldeko txostenak eman dituztela.

Kontuan hartuta Musika eta dantza eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 20., 22. eta 23. artikuluetan xedatutakoa.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,

EBAZTEN DUT:

1. Noaingo "La Faktoria Choreographic Center" dantzako eskola pribatua inskribatzea, Dantza espezialitateko irakaskuntza ez-arautua emateko zentro gisa, Nafarroako Gobernuaren Musika eta Dantza Eskolen Berariazko Erregistroan. Inskripzioak 2024ko martxoaren 18tik aurrerako ondorioak izanen ditu, titular eta sustatzailearen inskripzioaren eskaera egun horretan sartu baitzen Hezkuntza Departamentuan.

2. Musika eta Dantza Eskolen Berariazko Erregistroan eskolaren datu hauek inskribatuko dira:

–Titularra: DELTA ARTE Y MOVIMIENTO SL (IFKa: B71347397).

–Ikastetxearen kodea: 31015157.

–Izen generikoa: dantzako eskola pribatua.

–Berariazko izena: La Faktoría Choreographic Center.

–Helbidea: Talluntxe industrialdea, B kalea 7. nabea.

–Herria: Noain.

–Udalerria: Noain.

Inskribatu diren ikasketak: Hezkuntzari buruzko Lege Organikoaren 48.1 artikuluan ezarritakoak, honako irakasgai baimendu hauekin:

a) Oinarrizko eskaintza, abenduaren 21eko 421/1992 Foru Dekretuaren 10. artikuluko 1. apartatuan ezarritako antolamenduaren arabera.

b) Oinarrizko eskaintzan ez dauden beste arlo batzuk: 18 urtetik gorakoentzako dantza garaikidea, bi modalitate dituena:

–"Training": Dantzako interprete gisa prestatzeko.

–"Creators": Koreografien sorkuntzan prestatzeko.

Gehieneko edukiera, eskolan aldi berean ikasketa teorikoak eta praktikoak emateko: 40 ikasle, 20 1. gelan eta 20 2. gelan.

3. Honako hau gogoraraztea titularrari: eskolaren konfigurazioan aldaketaren bat egiteko, horren ondorioz ebazpen honen 2. atalean ezarritako erregistro datuak eta instalazioak aldatzen badira, Hezkuntza Departamentuari horren berri eman beharko zaio, eta departamentu horrek, beharrezkoak diren baldintzak betetzen badira, eguneratu eginen ditu Nafarroako Gobernuko Musika eta Dantza Eskolen Berariazko Erregistroan inskribatutako datuak, aipatutako 421/1992 Foru Dekretuaren 29. artikuluan ezarritakoari jarraikiz.

4. Foru dekretu horren 31. artikuluan aipatutako kasuetan, eskolaren inskripzioa baliorik gabe uzten ahalko da.

5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.

6. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Hezkuntzako Informazio Sistemen Zerbitzura, Eleaniztasunaren eta Arte Ikasketen Zerbitzura eta Ikastetxeetako Informazioa Kudeatzeko Bulegora.

7. Ebazpen hau argitaratzea Nafarroako Aldizkari Ofizialean.

Iruñean, 2024ko abuztuaren 14an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.

Iragarkiaren kodea: F2412703