182. ALDIZKARIA - 2024ko irailaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1406/2024 EBAZPENA, 2024ko ekainaren 28koa, Nafarroako Unibertsitate Publikoko errektoreak emana. Haren bidez, Nafarroako Unibertsitate Publikoko funtzionario izendatzen ditu Teresa Iriarte Martín andrea, Nora Urbina Antía andrea eta Iñaki González Ramírez jauna, Komunikazioko OLko teknikari izateko (A maila), eta lanpostu bana esleitzen die.

Ikusirik Teresa Iriarte Martín andrearen, Nora Urbina Antía andrearen eta Iñaki González Ramírez jaunaren aldeko izendapen proposamena, 2024ko ekainaren 4an Nafarroako Unibertsitate Publikoaren iragarki ohol elektronikoan argitaraturikoa.

Izangaiek deialdiaren D.2 oinarrian eskatzen den dokumentazioa aurkezturik, eta ezarritako baldintzak betetzen dituztela egiaztaturik.

Ikusirik Giza Baliabideen Zerbitzuko zuzendariaren txosten proposamena.

Nafarroako Unibertsitate Publikoaren Estatutuen 40. artikuluan esleituak ditudan eskudantziez baliatuz,

EBAZTEN DUT:

Lehenbizikoa.–Teresa Iriarte Martín andrea Nafarroako Unibertsitate Publikoko funtzionario izendatzea, Komunikazioko OLko teknikari izateko, A mailakoa, eta hari 619 zenbakiko lanpostu hutsa esleitzea, Informazio eta Komunikazio Zerbitzuko Komunikazio Ataleko Web Kudeaketarako eta Koordinaziorako Unitateari atxikia (Arrosadiko campusa).

Bigarrena.–Nora Urbina Antía andrea Nafarroako Unibertsitate Publikoko funtzionario izendatzea, Komunikazioko OLko teknikari izateko, A mailakoa, eta hari 623 zenbakiko lanpostu hutsa esleitzea, Informazio eta Komunikazio Zerbitzuko Komunikazio Atalari atxikia (Arrosadiko campusa).

Hirugarrena.–Iñaki González jauna Nafarroako Unibertsitate Publikoko funtzionario izendatzea, Komunikazioko OLko teknikari izateko, A mailakoa, eta hari 394 zenbakiko lanpostu hutsa esleitzea, Informazio eta Komunikazio Zerbitzuko Komunikazio Atalari atxikia (Arrosadiko campusa).

Laugarrena.–Izendatutako izangaiek lanpostuaren jabetza hartu behar dute:

Teresa Iriarte Martínek 619 lanpostuarena eta Nora Urbina Antíak 623 lanpostuarena, oposizio-sistemaren bidez beteak, hilabeteko epean izendapena jakinarazten denetik kontatzen hasita.

Iñaki González Ramírezek 394 lanpostuarena, oposizio-lehiaketaren bidez betea, 2024ko abuztuaren 1ean.

Bosgarrena.–Agintzea ebazpen hau Nafarroako Aldizkari Ofizialean argitara dadila, jakinaraztea interesdunei eta helaraztea Kudeatzailetzari.

Seigarrena.–Ebazpen honek administrazio bidea agortzen du, Unibertsitate Sistemari buruzko 2023ko martxoaren 22ko 2/2023 Lege Organikoaren 38.4 artikuluak xedatzen duenaren arabera, eta zilegi da berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzien Epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.

Iruñean, 2024ko ekainaren 28an.–Errektorea, Ramón Gonzalo García.

Iragarkiaren kodea: F2412592