2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Burlatan euskalduntzean eta alfabetatzean diharduten erakundeentzako dirulaguntzen deialdi publikoaren laburpena. 2023-2024
DDBN (Identif.): 781688.
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/eu/convocatoria/781688).
Burlatako Udalak 2023ko uztailaren 1etik 2024ko abuztuaren 30era bitartean Burlatan helduen euskalduntze eta alfabetatzean diharduten erakundeei dirulaguntzak ematea sustatzen du.
–Deialdiaren xedea.
Deialdi honen xedea eta helburua da Burlatan helduen euskalduntze eta alfabetatzean diharduten erakundeei euskara ikasteko ikastaroak antolatzeak eta egiteak sortzen dituen gastuak diruz laguntzea, betiere erakunde eskatzaileek deialdi honetan aurreikusitako baldintzak betetzen badituzte.
–Erakunde eskatzaileen betekizun nagusiak:
- Pertsona juridikoa izatea, legez eratua, eta dagokion erregistroan inskribatuta egotea.
- Burlatako udalerrian jarduera garatzeko euskaltegia edo lokala izatea.
- Izaera soziala izatea eta irabazi-asmorik ez izatea.
- Eskatutako dirulaguntzaren xede den proiektua gauzatzeko behar diren baliabide materialak eta giza baliabideak izatea, baina proiektua gauzatzeko ez da inola ere baldintzatuko dirulaguntza lortzea.
–Eskabideak aurkezteko epea eta tokia.
Eskabideak aurkezteko epea 2024ko irailaren 15etik 30era bitartekoa izango da. Eskabideak aurkezteko epea ezin izango da luzatu. Eskaerak Burlatako Udalaren egoitza elektronikoaren bidez egin beharko dira.
Testu honetan arautzen ez den guztiari dagokionez, eskatzaileak Burlatako Udalaren webgunean argitaratutako deialdi osoari eta Burlatako Udalaren Dirulaguntzen Ordenantza Orokorrari lotuko zaizkie. Ordenantza hori Nafarroako Aldizkari Ofizialaren 18. zenbakian argitaratu zen, 2021eko abuztuaren 9an.
Burlatan, 2024ko abuztuaren 22an.–Alkatea, Berta Arizkun González.
Iragarkiaren kodea: L2412492
