2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, dirulaguntzak emateko, norgehiagokako araubidean, 2023-2024 denboraldian 6 urtetik gorakoen kirol ofizial amateurrari. Laburpena
Dirulaguntzen Datu Base Nazionala (identifikazioa): 778978.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatorias/778978).
Administrazio deitzailea: Iruñeko Udala.
Organo emailea: Kulturako, Jaietako, Hezkuntzako eta Kiroleko zinegotzi ordezkaria.
Kudeatzen duen alorra: Kulturako, Jaietako, Hezkuntzako eta Kiroleko Alorra.
Instrukzio organoa: dirulaguntza kudeatzen duen alorreko Idazkaritza Teknikoa.
Deialdiaren xedea:
2023-2024 denboraldian dirulaguntzak ematea, Iruñeko kirol elkarteek entrenamendu erregularrak antola ditzaten eta kirol txapelketa ofizial jakin batzuetan parte har dezaten. Txapelketatako parte-hartzeak eta entrenamenduak "kirol ofizial amateurtzat" hartuko dira, deialdi honetan jarduera hauetarako eman diren definizio, baldintza eta betebeharrekin bat etorriz.
Iruñean, 2024ko abuztuaren 5ean.–Kulturako, Jaietako, Hezkuntzako eta Kiroleko zinegotzi ordezkaria, Maider Beloki Unzu.
Iragarkiaren kodea: L2411771
