Iragarkia

171. ALDIZKARIA - 2024ko abuztuaren 22a

1. NAFARROAKO FORU KOMUNITATEA

1.7. BESTELAKOAK

95/2024 EBAZPENA, uztailaren 15ekoa, Energia, Enpresa I+G+b eta Ekintzailetzako zuzendari nagusiak emana. Honen bidez, eraikitzeko administrazio-baimena ematen da Corella, Cintruénigo, Tutera eta Castejongo udal mugarteetan energia elektrikoa ekoizteko 46,87 MW-eko "Cierzo II" eguzki-instalazio fotovoltaikorako eta haren ebakuazio azpiegituretarako, eta instalazio horrek onura publikoa (1. fasea) duela zehazki deklaratzen da.

1. Eraikitzeko administrazio-baimenaren eskaera.

2023ko maiatzaren 19an, eta abenduaren 1eko 1955/2000 Errege Dekretuaren 130. eta 143. artikuluak aplikatuz (haren bidez, energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dira), EDP Renovables España SLk Industria Antolamenduaren, Azpiegitura Energetikoen eta Meatzeen Zerbitzuari eskatu zion eraikitzeko administrazio-baimena emateko eta onura publikoa zehazki deklaratzeko eskaera tramitatzen jarraitzeko, proiektu honetarako: "Cierzo II" 46,87 MW-eko eguzki-instalazio fotovoltaikorako eta haren ebakuazio azpiegituretarako, Corella, Cintruénigo, Tutera eta Castejongo udal mugarteetan.

"Cierzo II" eguzki-instalazio fotovoltaikoaren exekuzio proiektuak honako ekipo nagusi hauek ditu:

–70.976 panel fotovoltaiko, alde bikoak, 670 Wp-ko potentzia unitariokoak, guztira 47,55 MWp-ko potentzia puntarekin.

–1.189 egitura fotovoltaiko.

–218 inbertsore fotovoltaiko, 215 kVA-ko potentziakoak 30°C-tan.

–7 transformazio zentro.

Modulu fotovoltaikoek sortutako energia elektrikoaren ebakuazioa transformazio zentroen bidez eginen da, bertan ezarriko baitira transformadore trifasikoak, sistemaren tentsioa 800 V-etik 30 kV-era igoko dutenak.

Sortutako energia instalazio fotovoltaikoko ebakuazio-linea biltzaileek jasoko dute eta transformazio-zentroak lotuko dituzte zirkuituak 30 kV-eko tentsioan osatuta. Bilketa-linea horiek "Castejón Promotores" 400/30 kV-eko transformazio azpiestazioan izanen dute ebakuazio puntua, 30 kV-eko barretan.

Azpiegitura komunek eraikitzeko administrazio-baimena jaso dute, eta haien onura publikoa zehazki deklaratuta dago (1. fasea), Energia, Enpresa I+G+b eta Ekintzailetzako zuzendari nagusiaren otsailaren 5eko 12/2024 Ebazpenaren bidez (2024ko 70. Nafarroako Aldizkari Ofiziala, apirilaren 8koa).

2. Aurretiazko tramiteak. Apirilaren 24ko 58/2023 Ebazpena.

2020ko abenduaren 2an EDP Renovables España SLk aurretiazko administrazio-baimena eta eraikitzeko administrazio-baimena eskatu zituen energia elektrikoa ekoizteko "Cierzo II" eguzki-instalazio fotovoltaikorako eta horren ebakuazio azpiegituretarako (aplikatuz Ingurumen Ebaluazioari buruzko abenduaren 9ko 21/2013 Legearen 36. artikuluak eta Sektore Elektrikoari buruzko abenduaren 26ko 24/2013 Legearen 53. artikuluak ezartzen dutena).

2023ko otsailaren 8an, abenduaren 1eko 1955/2000 Errege Dekretuko 143. artikuluan xedatutako aplikatuz, EDP Renovables España SLk eskatu zuen onura publikoa zehazki deklaratzea "Cierzo II" eguzki-instalazio fotovoltaikorako eta horren ebakuazio azpiegituretarako.

Abenduaren 1eko 1955/2000 Errege Dekretuaren 125. eta 144. artikuluetan xedatutakoa betetzeko, jendaurrean jarri zen eskaera, aurretiazko administrazio-baimena, eraikitzeko administrazio-baimena eta haren onura publikoa zehazki deklaratzea lortzeko (honako hauetan argitaratu zen jendaurreko informazioaren iragarkia: 2023ko 33. Nafarroako Aldizkari Ofiziala, otsailaren 16koa; 2023ko otsailaren 17ko Diario de Noticias egunkaria; eta Nafarroako Gobernuaren Gobernu Irekiaren webgunea). Halaber, Corella, Cintruénigo, Tutera eta Castejongo udalei bidali zitzaien, iragarki tauletan jar zezaten.

Apirilaren 24ko 58/2023 Ebazpenaren bidez, aurretiazko administrazio-baimena eman zitzaion EDP Renovables España SLri energia elektrikoa ekoizteko "Cierzo II" 46,87 MW-eko eguzki-instalazio fotovoltaikorako eta horren ebakuazio azpiegituretarako, Corella, Cintruénigo, Castejón eta Tuterako udal mugarteetan. Baimena eman zen Ingurumeneko zuzendari nagusiaren urtarrilaren 12ko 8E/2023 Ebazpenean eta Lurralde eta Paisaia Zerbitzuko zuzendariaren apirilaren 20ko 159E/2023 Ebazpenean ezarritako baldintzak betetzearen menpe.

Jasotako txostenen eta alegazioen edukia eta erantzunak apirilaren 24ko 58/2023 Ebazpenaren eranskinetan jasota daude.

3. Ingurumenaren arloko eta lurralde antolamenduaren eta hirigintzaren arloko organo eskudunei egindako kontsultak.

2023ko maiatzaren 22an, maiatzaren 19an aurkeztutako dokumentazioaren kopia bidali zitzaien ingurumenaren, lurralde antolamenduaren eta hirigintzaren arloko organo eskudunei, egiazta zezaten proiektuak betetzen duela ingurumen inpaktuaren adierazpenean eta lurzoru urbanizaezinean jarduerak eta erabilerak egiteko baimenean eskatzen dena (baimena eta adierazpena aurretiazko administrazio-baimena zela-eta eman ziren).

–Ingurumen Eraginaren Atala.

2023ko ekainaren 8ko txosten batean Ingurumen Eraginaren Atalak adierazi zuenez, "proiektu horietan egindako aldaketek ez dute ingurumen-eragin adierazgarririk baimendutako proiektuek eraginen lituzketen eraginen aldean, eta, beraz, aldeko txostena ematen zaio eskaerari. Hala ere, ingurumen inpaktuaren adierazpenean ezarritako baldintzak betetzeari dagokionez, honako hau gogorarazten da:

• Hesiaren trazadura osoan seinale islatzaileak jarriko dira 10 metroko tartetan, abifaunaren talkarik ez gertatzeko. Aurkeztutako proiektu aldatuan ez da zehazten erabili beharreko seinale-mota, ezta horien artean egon beharreko distantzia ere, eta hori zuzendu egin beharko da.
• 400 kV-eko GTLaren aireko tartean dauden zuntz optikozko bi kableak, Castejón Promotores TAren eta Castejón (REE) TAren artean, seinaleztatu behar ziren txoriak babesteko baliza birakari islatzaileak erabiliz, hiruzuloka jarrita, kable bakoitzean 10 metrotik behin baliza bat jarrita. Linea horretarako aurkeztutako proiektu aldatuan, ordea, txoriak babesteko bi baliza mota proiektatzen dira (birakari islatzaileak (BAGTR) eta BESP motakoak). Gai horretan proposatutako aldaketa zuzendu behar da, edo, hala badagokio, justifikatu."

Era berean, txostenak jarraibide hau jasotzen du: "Ahal den eperik laburrenean, eta nolanahi ere, ustiapena baimentzeko eskaera baino bi hilabete lehenago, ingurumen inpaktuaren adierazpenean aipatzen den dokumentazio guztia aurkeztu behar da, gai hauei buruzkoa: obrak egiteko modua, integrazio neurriak, konpentsazio neurrien ezarpena, ingurumen zaintza, ingurumen aldetik leheneratzea, etab. Ingurumen Eraginaren Atalak emandako aldeko txostena beharko da ustiapen-baimena izan aurretik, eta txosten horretan gai horiek egiaztatuko dira, bai eta txosten honetan jasotakoak ere."

EDP Renovables España SLren erantzuna:

2023ko abuztuaren 25eko idazki baten bidez, EDP Renovables España SLk adierazten du gogoan izanen dituela ingurumen inpaktuaren adierazpenean eta Ingurumen Eraginaren Atalak emandako txostenean ezarritako baldintzak.

–Lurralde Antolamenduaren Atala:

2023ko ekainaren 21eko txosten batean, Lurralde Antolamenduaren Atalak honako hau adierazi zuen:

"Aipatutako hiru proiektuek dituzten datuen arabera, Lurralde eta Paisaia Zerbitzuko zuzendariaren apirilaren 21eko 159E/2023 Ebazpenak, Cierzo II eguzki-parke fotovoltaikoa eta horren ebakuazio-azpiegiturak, Cierzo IV eguzki-instalazio fotovoltaikoarekin topo egin arte, baimentzen dituenak, ez du babesten eraikitzeko administrazio-baimenaren eskaeraren xede den proposamena, arrazoi hauengatik:

• Proiektuak ez du betetzen aipatutako ebazpenean jasotako determinazio hauetan adierazitakoa:
  • Instalazio fotovoltaikoak, perimetroko itxitura barne, ezin izanen die eragin dauden bide publikoei, ez eta 3 m-ko zortasun-eremuari ere, bide horien kanpoko ertzetik neurtuta, 1/2017 Legegintzako Foru Dekretuaren 111.2 artikuluan aurreikusitakoari jarraituz (...). Aurrekoa gorabehera, ebakuazio-azpiegituratik irteten diren elementuek 3 metroko zortasun-eremua errespetatu beharko dute, bide publikoen kanpoko ertzetik neurtuta.
  • Instalazio fotovoltaikoak, perimetroko itxitura barne, ezin izanen die eragin txosten honen 5.3 atalean adierazitako 3. mailako aztarnategi arkeologikoei ("Los Cabezales I", "Los Cabezales II" eta "Los Cabezales III"), ez eta II. mota agrologikoko lurzoruei ere, bateraezina baita 64/2006 Foru Aginduaren 3. artikuluarekin. Aztarnategi horien mugaketa zehatza Erregistroaren, Ondasun Higigarrien eta Arkeologiaren Atalari eskatu beharko zaio.
• Aipatutako 159E/2023 Ebazpenak ez du jasotzen ebakuazio-lineak Tuterako udal mugartean egiten duen tartea (omisioz), ez eta Cierzo IV instalazio fotovoltaikoaren ebakuazio-linearen trazadurarekin bat egiten duen linea-tartea ere (bazterketagatik), ondotik transkribatzen den lehen zehaztapenean mugatzen den bezala:
  • Baimen honek babesten du Cierzo II eguzki-parke fotovoltaikoa eta horren ebakuazio-azpiegitura ezartzea Cierzo IV ebakuazio-linearekiko loturaraino (linea hori Lurralde eta Paisaia Zerbitzuko zuzendariaren apirilaren 20ko 158E/2023 Ebazpenaren bidez baimendu zen), eta Corella, Cintruénigo eta Castejongo udal mugarteei eragiten die.

Azkenik, txosten honen xede diren proiektuetan aurreikusitako jarduketek Abiadura Handiko Kantauri-Mediterraneo Korridorearen aurreikuspenei eragiten dietenez edo eragin diezaieketenez Zaragoza-Castejón tartean, gogorarazten da 2023ko martxoaren 31tik korridore horren gaineko informazio-azterlana jendaurrean jarria dela. Trenbideen Sektoreari buruzko irailaren 29ko 38/2015 Legearen 7.2 artikuluarekin bat, tramitatzen ari den azterlan informatiborik egonez gero, nahiz eta oraindik onetsi ez jendaurrean jarri denik, hala nola aipatutako proiektuaren kasuan, trenbideei lotutako etorkizuneko jarduketarekin bateragarriak diren eraikuntza arloko administrazio jarduketek aldez aurreko txosten loteslea behar dute, Mugikortasun eta Hiri Agendako Ministerioak emana."

EDP Renovables España SLren erantzuna:

2023ko abuztuaren 25eko idazki baten bidez, EDP Renovables España SLk jakinarazi du beste organismo batzuetako txostenak biltzen eta dokumentazio gehigarria prestatzen ari dela Lurraldearen Antolamenduaren Atalaren txostenari erantzun egokia emateko.

4. Kontsulten tramitea.

Abenduaren 1eko 1955/2000 Errege Dekretuaren 131. artikulua aplikatuz, Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien ukitutako erakunde hauei, eta taulan adierazten diren txostenak jaso zituen:

Abenduaren 1eko 1955/2000 Errege Dekretuaren 131. artikuluaren arabera, 2023ko abuztuaren 8an, Industria Antolamenduaren, Azpiegitura Energetikoen eta Meatzeen Zerbitzuak aipatutako txostenak bidali zizkion sustatzaileari, eta hark 2023ko abuztuaren 25ean erantzun zien, eta horren laburpena jasota dago ebazpen honen I. eranskinean.

5. Lurzoru urbanizaezineko baimena.

2023ko abenduaren 4ko idazki baten bidez, eta Abiadura Handiko Kantauri-Mediterraneo Korridorean etorkizunean izaten ahal diren ukipenei lotuta, EDP Renovables España SLk Garraioetako, Mugikortasuneko eta Hiri Agendako Ministerioaren beste txosten bat bidali zuen, Cierzo II, Cierzo IV eguzki-instalazio fotovoltaikoei eta horien ebakuazio azpiegiturei buruzkoa, 2023ko azaroaren 8koa.

Aipatutako txostenean aztertzen dira parkean, etorkizunean, eginen liratekeen trenbide arloko jarduketen gaineko balizko ukipenak, eta adierazten da eguzki-instalazioek eta Castejón Promotores TAk ez luketela oztoporik eraginen lehendik dagoen edota aurreikusi den ezein trenbide linearekin, eta goi tentsioko lineek bete egiten dituztela gutxieneko babes-estalkiak. Hala ere, ezartzen du ezin dela orain inola ere bermatu Cierzo II eta Cierzo IV eguzki-instalazio fotovoltaikoei eta horien ebakuazio azpiegiturei lotuta egin nahi diren jarduketek etorkizunean ukipenik eraginen ez dutenik aurreikusitako trenbide-azpiegitura berrietan; halaber, gaineratzen du ezen, gauzatzen diren jarduketetako batek edonolako ukipenik sortuz gero planifikatutako trenbide-azpiegituretan (...), sustatzaileak bere gain hartu behar dituela sortutako ukipena konpontze aldera eguzki-instalazio fotovoltaikoak eta ebakuazio azpiegiturak lekualdatzeko edo konpontzeko egin beharreko lanen gastuak, eta, edonola ere, horrek ez diola kostu ekonomiko gehiagorik ordaintzea eraginen Estatuko Administrazio Orokorrari.

EDP Renovables España SLk idazkian adierazten du ados dagoela Garraioetako, Mugikortasuneko eta Hiri Agendako Ministerioak emandako txostenean jasotakoarekin, eta eskatzen du lurzoru urbanizaezineko jarduketetarako baimen eguneratua eman dadila.

Idazki berean, bide publikoen gaineko ukipenari dagokionez –Lurralde Antolamenduaren 2023ko ekainaren 9ko txostenean jasotakoa–, EDP Renovables España SLk argitzen du eraikitzean ez dela ukipenik izanen bide publikoen eta 3 m-ko zortasun-eremuaren gainean. Lehendik dauden eta ukitzen diren bide publikoak desafektatu eginen dira eta sustatzaileak eraikitako bideekin trukatuko dira.

"Los Cabezales I", "Los Cabezales II" eta "Los Cabezales III" izeneko aztarnategi arkeologikoen gaineko ukipenari dagokionez, sustatzaileak Erregistroaren, Ondasun Higigarrien eta Arkeologiaren Atalak emandako aldeko txostena aurkeztu du, 2023ko azaroaren 28koa, txostenean proposatutako zuzenketa- eta babes-neurriak betetzeko baldintza ezartzen duena. Gainera, sustatzaileak baieztatu du eguzki-instalazio fotovoltaikoak eta haren perimetro-hesiak ez dietela eragiten II. mota agrologikoko lurzoruei.

Azkenik, ebakuazio-tarte komunari eta onetsitako ebazpenei (158E/2023 eta 159E/2023) dagokienez, sustatzaileak argitzen du parke bakoitzak zirkuitu independenteak dituela, baina lurraldearen erabilera komuna egiten dutela "Cierzo II" eguzki-parke fotovoltaikoaren ebakuazio-linea "Cierzo IV" eguzki-parke fotovoltaikora iristen den tokitik aurrera. Beraz, baimendutzat jo daiteke, eta Lurraldearen Antolamenduko Zerbitzuak erabakiko du "Cierzo IV" parkeko lurzoru urbanizaezineko jardueren baimena zabaltzea, beharrezkotzat jotzen bada.

Lurralde Antolamenduko zuzendari nagusiaren ekainaren 16ko 185E/2024 Ebazpenaren bidez, beste baimen bat eman zen Corellako udal mugartean EDP Renovables España Slk sustatutako "Cierzo II" eguzki-parke fotovoltaikorako. Horren ebakuazio-azpiegiturek Cintruénigo, Tutera eta Castejongo udal mugarteei ere eragiten diete.

6. Eraikitzeko administrazio-baimenaren proposamena.

Aurkeztutako dokumentazioa ikusita, eta abenduaren 1eko 1955/2000 Errege Dekretuan xedatutakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala gauzatu dela, eta proposatu du EDP Renovables España SLk 2023ko maiatzaren 19an eskatutako eraikitzeko administrazio-baimena ematea.

7. Onura publikoa zehazki deklaratzeko proposamena.

2023ko maiatzaren 19an, EDP Renovables España SLk eskatu zuen instalazioaren onura publikoa zehazki deklaratzeko. Eskaera horrek 2023ko otsailaren 8ko eskaera osatzen du.

Abenduaren 1eko 1955/2000 Errege Dekretuaren 144. artikuluan xedatutakoa betetzeko, hogeita hamar egunez jendaurrean jarri ziren EDP Renovables España SLren eskaera eta instalazioak ukitutako ondasun eta eskubideen zerrenda zehatza; horretarako, iragarkia argitaratu zen 2023ko 33. Nafarroako Aldizkari Ofizialean, otsailaren 16koan, 2023ko otsailaren 17ko Diario de Noticias egunkarian eta Nafarroako Gobernuaren Gobernu Irekiaren Atarian. Halaber, Castejón, Cintruénigo, Corella eta Tuterako udaletara bidali zen, iragarki-tauletan argitaratzeko.

Jendaurreko informazioaren tramitean jasotako alegazioei erantzuna eman zitzaien Industriaren, Energiaren eta S4 Proiektu Estrategikoen zuzendari nagusiaren apirilaren 24ko 58/2023 Ebazpenaren bidez (2023ko 101. Nafarroako Aldizkari Ofizialean argitaratu zen, maiatzaren 15ekoan). Ukitutako ondasun eta eskubideen zerrendan ez zen ezein jaberen alegaziorik jaso.

Era berean, betetzat jotzen da abenduaren 1eko 1955/2000 Errege Dekretuaren 146. artikuluan eskatutako kontsultaren tramitea.

Aurkeztutako dokumentazioa ikusita, eta abenduaren 1eko 1955/2000 Errege Dekretuan xedatutakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatzen du prozedura behar bezala gauzatu dela, eta proposatzen du onura publikoa zehazki deklaratzea, eskatu bezala. Onura publikoa zehazki deklaratzeak zenbait ondasun eta eskubideri baizik ez die eragiten, zehazki, abenduaren 1eko 1955/2000 Errege Dekretuaren 144. eta 146. artikuluetan eskatzen dena bete dutenei, zeinak ebazpen honen II. eranskineko (1. fasea) zerrendan behin betiko ageri baitira. Ukitutako gainerako ondasun eta eskubideen kasuan (2. fasea), egoki den tramitea bete beharko da.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabilita,

EBAZTEN DUT:

1. Eraikitzeko administrazio-baimena ematea EDP Renovables España Slri energia elektrikoa ekoizteko "Cierzo II" 46,87 MW-eko potentzia instalatuko eguzki-instalazio fotovoltaikorako eta horren ebakuazio azpiegituretarako, Corella, Cintruénigo, Castejon eta Tuterako udal mugarteetan.

2. Juan García Sopeñak sinatutako "Cierzo II" eguzki-instalazio fotovoltaikoaren administrazio-proiektuaren aldaketa onestea, eta hogeita hamasei hilabeteko epea ematea obrak egiteko.

3. Instalazio horren onura publikoa zehazki deklaratzea, Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin bat; hori horrela, enpresa eskatzailea onuraduna izanen da desjabetze-espedientean. Ukitutako ondasun eta eskubideen behin betiko zerrenda ebazpen honen II. eranskinean dago.

4. Instalazioak aurkeztutako dokumentazioari jarraikiz gauzatu beharko dira, eta bat etorri beharko dute honako hauetan xedatutakoarekin: Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretua; Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretua; eta Behe tentsiorako Erregelamendu elektroteknikoa onesten duen abuztuaren 2ko 842/2002 Errege Dekretua.

5. Behin proiektua gauzaturik, eskatzaileak ustiatzeko baimena eskatu beharko du. Eskaerarekin batera, orobat aurkeztu beharko da abenduaren 1eko 1955/2000 Errege Dekretuaren 132. artikuluan adierazitako dokumentazioa.

6. Baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, bat etorrita aplikatzekoak diren beste xedapen batzuekin.

7. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzura, Ingurumen Eraginaren Atalera eta Lurraldearen Antolamenduaren Atalera.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau honako hauei jakinaraztea: EDP Renovables España SL, Administrador de Infraestructuras Ferroviarias, ENAGAS Transporte SAU, i-DE Redes Eléctricas Inteligentes SAU, Red Eléctrica de España SAU, Nafarroako Ubideko Ureztatzaileen Elkarte Orokorra, Moncayoko Ur Mankomunitatea, Renovables de la Ribera SL, Telefónica de España SA, Río Ebro Renovables SL, GURELUR, Sustraia Erakuntza Fundazioa, Nafarroako Ekologistak Martxan, Zangozako Ekologistak Martxan / Ongaiz, eta ukitutako ondasun eta eskubideen titularrak. Halaber, ohartarazten zaie ebazpen honek ez duela administrazio bidea amaitzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente zenbakia adierazi beharko da.

10. Ebazpen hau honako hauei jakinaraztea: Corella, Cintruénigo, Castejón eta Tuterako udalak, Garraio, Mugikortasun eta Hiri Agendako Ministerioaren Trenbide Sarearen Plangintza eta Ebaluaziorako Zuzendaritza Nagusia eta Errepideen Zuzendaritza Nagusia, SEPES eta Ebroko Konfederazio Hidrografikoa. Halaber, ohartarazten zaie honen aurka administrazioarekiko auzi errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2024ko uztailaren 15ean.–Energia, Enpresa I+G+b eta Ekintzailetzako zuzendari nagusia, Uxue Itoiz Mariñelarena.

I. ERANSKINA.–JASOTAKO TXOSTENAK

1. txostena. I-DE Redes Eléctricas Inteligentes SAU.

2023ko maiatzaren 31ko txosten baten bidez, baimena ematen du "Cierzo II, Cierzo IV eguzki-instalazio fotovoltaikoak eta horien ebakuazioa azpiegiturak" deritzon dokumentuan zehaztutako lanak gauzatzeko. Horrez gain, eta aurkeztutako informazioa aztertu ondotik, zenbait ohar egiten ditu bere titulartasuneko linea elektrikoen gaineko ukipenei lotuta.

Erantzuna:

2023ko abuztuaren 25eko idazki baten bidez, sustatzaileak adierazten du ados dagoela i-DE Redes Eléctricas Inteligentes SAUk igorritako txostenarekin.

2. txostena. Red Eléctrica de España SA.

2023ko uztailaren 4ko txosten baten bidez, Red Eléctrica de España SAk adierazten du ez duela eragozpenik ikusten "Cierzo II" eta "Cierzo IV" eguzki-instalazioetarako, ez baitago ukipenik Red Eléctricaren jabetzako ezein instalaziotan, eta berresten du ebakuazio lineekin planteatutako gurutzaketak araudiaren araberakoak direla. Zenbait ohar egiten ditu lanen exekuzioari eta haien berri emateari buruz.

Erantzuna:

2023ko abuztuaren 25eko idazki baten bidez, sustatzaileak adierazten du ados dagoela Red Eléctrica de España SAk igorritako txostenarekin.

II. ERANSKINA.–"CIERZO II" EGUZKI-INSTALAZIO FOTOVOLTAIKOAK ETA HORREN EBAKUAZIO-AZPIEGITUREK UKITUTAKO ONDASUN ETA ESKUBIDEEN ZERRENDA

Cierzo II eguzki-instalazio fotovoltaikoaren ukipenak

Cierzo II eguzki-instalazio fotovoltaikoaren erdi-tentsioko sarearen ukipenak

Cierzo II eguzki-instalazio fotovoltaikoaren erdi-tentsioko sarearen zulaketa gidatuaren ukipenak

Cierzo II eguzki-instalazio fotovoltaikoaren erdi-tentsioko sarearen aireko linearen ukipenak

Iragarkiaren kodea: F2410927