168. ALDIZKARIA - 2024ko abuztuaren 19a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

2639E/2024 EBAZPENA, uztailaren 16koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez onesten baitira Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programaren esparruaren barruan (EGIF 2023-2029) Nafarroako Foru Komunitatean jarduketak egiteko hautatzen diren entitateei dirulaguntzak emateko deialdia eta oinarri arautzaileak eta baimentzen baita gastua. DDBN identifikazioa: 747274.

Nafar Lansare-Nafarroako Enplegu Zerbitzua enplegu politika aktiboen kudeaketaren erakunde autonomo arduraduna da. Politika horietan jasotzen diren neurrien helburua da, alde batetik, kalitateko enpleguaren sorrera sustatzea eta, beste aldetik, langabeen enplegagarritasuna handitzea, lan merkatuaren baldintzak hobetuz eta laneratzeko zailtasun bereziak dituzten kolektiboei arreta berezia eskainiz, Europako Enplegu Estrategiaren eta Enplegua Aktibatzeko Espainiako Estrategiaren esparruan.

Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programa Enpleguko eta Gizarte Ekonomiako Estatu Idazkaritzaren 2023ko ekainaren 1eko Ebazpenaren bidez onartu zen. Ebazpen horren bidez, Estatuko programen esparruan eta Eskualde Ultraperiferikoaren lehentasunaren estatu tartean eragiketak hautatzeko deialdia onartu zen, eta Europako Gizarte Funtsarekin (EGIF+) batera finantzatuko dira eragiketok.

Programari begiratuta, h) Helburu Espezifikoa nabarmentzen da:

"Inklusio aktiboa bultzatzea, aukera berdintasuna, diskriminaziorik eza eta parte hartze aktiboa sustatzeko, eta enplegagarritasuna hobetzeko, bereziki egoera ahuleko taldeena".

Helburu espezifiko horren esparruan, eragiketak pertsona kalteberei edo gizarte bazterkeriako egoeran edo arriskuan daudenei zuzendu beharko zaizkie, baita migratzaileei eta erromaniei ere, bai eta buru osasuneko arazoak dituzten pertsonei ere. Eragiketak, zehatz-mehatz ez bada ere, gizarteratzeko edo laneratzeko ibilbideak izaten ahal dira (ekonomia sozialeko enpresetan txertatzea eta autoenplegua barne).

Helburua da, beraz, merkatutik urrutien dauden biztanle taldeei laguntzea.

Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programaren barruan dauden proiektuak finantzatu nahi dira, gizatalde horren laneratzeko gaitasuna hobetzen laguntzeko, eta horretarako bide hauek erabiliko dira: gizatalde ahulentzako ibilbide integratuak garatzea, gizatalde horiei arreta emateko politiken koordinazioa hobetzea eta haien beharretara egokitzea, eta oinarrizko zerbitzuetara iristeko bideak hobetzea.

Frogaturik dago luzaroko enplegagarritasun zaila duten pertsonekin egindako ekintzetan banakako arretak, intentsitate handikoa denak eta hurbileko jarraipena duenak, nabarmen murrizten duela pertsona horiek langabezian ematen duten denbora. Beharrezkoa den arreta mota horrek eskatzen du denboran iraupena izatea, lehenagoko deialdietan gauzatutako programei jarraipena emanez, eta 2025era arte luzatuko den deialdi bat planteatzea.

Dirulaguntzen deialdi honek moduluen araberako esleipena eta justifikazioa aplikatzen du, Enplegu Sistema Nazionalaren enplegua aktibatzeko programa arruntak arautzen dituen 818/2021 Errege Dekretua, irailaren 28koa, aplikatuz. Zehazki, 3. azpiatala aplikatzen da, enplegu proiektu integralen programa.

Horrenbestez, azaldutakoarekin bat eta otsailaren 7ko 13/2024 Foru Dekretuaren bidez onetsitako Nafar Lansare-Nafarroako Enplegu Zerbitzuaren Estatutuen 14. artikuluaren bidez emandako ahalmenak erabiliz,

EBAZTEN DUT:

1. Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programaren esparruaren barruan (EGIF 2023-2029), Nafarroako Foru Komunitatean, finantzaketa partekatuko enplegu ekimenak egiteko hautatzen diren entitateei dirulaguntzak emateko deialdia eta oinarri arautzaileak onestea. DDBN: 747274.

2. Baimentzea 800.000 euroko gastua, honako aurrekontu banaketa honekin, betiere kreditu erabilgarria egonez gero:

–400.000 euro, 2024ko gastuen aurrekontuko "EBren funtsekin batera finantzatutako enplegu ekimenetarako laguntzak" izeneko 950003-96400-4819-241300 [PEP: E-22-000530-01] partidaren kargura.

–400.000 euro, 2025eko gastuen aurrekontuko "EBren funtsekin batera finantzatutako enplegu ekimenetarako laguntzak" izeneko 950003-96400-4819-241300 [PEP: E-22-000530-01] partidaren kargura.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen honek ez du administrazio bidea amaitzen, eta honen aurka gora jotzeko errekurtsoa jartzen ahalko da, Eskubide Sozialetako, Ekonomia Sozialeko eta Enpleguko kontseilariari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 57.1 artikuluari jarraikiz.

Iruñean, 2024ko uztailaren 16an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.

ERANSKINA

1.–Dirulaguntzaren xedea, esparrua eta betearazpen epea.

Deialdi honen xedea da Nafarroako Foru Komunitatean araubidea ezartzea lan aktibaziorako ibilbide pertsonalizatuak egiteko dirulaguntzak emateko, haien jarraipena egiteko eta kudeatzeko, pertsonak lan merkatuan aiseago sar daitezen eta hor jarrai dezaten.

Proiektua 2024ko urtarrilaren 1etik 2025eko abenduaren 31ra bitarte gauzatu beharko da.

2.–Hartzaileak.

2.1. Enpleguari buruzko otsailaren 28ko 3/2023 Legearen 50. artikuluan aurreikusitako enplegu politikarako lehentasunezko arreta jasotzeko gizatalde ahuletako batean dauden eta enplegu zerbitzu publikoetan izena emanik dauden pertsonak.

2.2. Parte hartzaileen ehuneko 40, gutxienez, neurri hauetakoren baten hartzaileak izanen dira:

1) Langabezia prestazioak edo subsidioak.

2) Errenta bermatua.

3) Bizitzeko gutxieneko diru-sarrera.

4) Gizarteratzeko errenta aktiboa.

5) Antzeko beste laguntza batzuk.

2.3. Entitate onuradunek beraiek biltzen ahalko dituzte hartzaileak. Honako hauek ere bideratzen ahalko dituzte:

–Nafarroako Orientazio Sarea osatzen duten entitateak: Nafar Lansare-Nafarroako Enplegu Zerbitzuko teknikariak eta lanbide orientazioko zerbitzuak ematen dituzten erakundeak.

–Oinarrizko gizarte zerbitzuak / auzo unitateak.

–Gizarteratze eta laneratze taldeak.

Nolanahi ere, arreta jasotzeko erabateko lehentasuna izanen dute Nafar Lansare-Nafarroako Enplegu Zerbitzuak bideratutako pertsonek.

2.4. Artatu beharreko pertsonak Nafar Lansare-Nafarroako Enplegu Zerbitzuak baliozkotu beharko ditu aldez aurretik, 2.1 eta 2.2 oinarrietan ezarritako baldintzak betetzen direla bermatzeko.

Nafar Lansare-Nafarroako Enplegu Zerbitzuak aldez aurretik baliozkotu ez dituen pertsonei emaniko zerbitzuak ez dira kontuan hartuko justifikazioan eta ordainketan.

2.5. Gizatalde bereziki ahultzat hartuko dira desgaitasunen bat duten pertsonak eta gizarte bazterketako arriskuan edo egoeran dauden pertsonak, Enplegu Sistema Nazionalean enplegua aktibatzeko programa komunak arautzen dituen irailaren 28ko 818/2021 Errege Dekretuaren 5.g) artikuluari jarraikiko zaio.

Deialdi honen ondorioetarako, gizarte bazterketako egoeran edo arriskuan dauden pertsonatzat hartuko dira errenta bermatua, bizitzeko gutxieneko diru-sarrera edo antzekoak jasotzen dituztenak.

3.–Erakunde onuradunak.

Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programaren esparruaren barruan (EGIF 2023-2029) Nafarroako Foru Komunitatean jarduketak egiteko hautatzen diren entitateak izaten ahal dira onuradunak.

4.–Jarduera diruz lagungarriak.

Aurkeztekoak diren proiektuen esku hartze nagusia lan aktibaziorako ibilbide pertsonalizatuetan laguntzea izanen da, eta programak irauten duen bitartean eginen dira. Programak jarduketa hauek izanen ditu:

4.1. Orientazio ibilbidea.

Orientazio ibilbideak jarduera hauek izanen ditu:

a) Banakako diagnostikoa eta profila egitea.

b) Enplegurako ibilbide pertsonalizatua diseinatzea.

c) Laguntza pertsonalizatua ibilbidea garatzeko eta jarduera konpromisoa betetzeko.

d) Aholkularitza eta laguntza tekniko gehigarria.

e) Informazio eta aholkularitza gehigarria.

f) Lan mugigarritasuna kudeatzeko laguntza.

a) eta f) bitarteko jarduerak Enplegu Sistema Nazionalaren Zerbitzuen Zorro Komuna eta Enpleguari buruzko otsailaren 28ko 3/2023 Legean ezarritako zerbitzu bermatuak garatzen dituen apirilaren 30eko 438/2024 Errege Dekretuaren 11. artikuluan eta hurrengoetan oinarrituta eta aplikatu beharreko gainerako araudiarekin bat garatuko dira.

Jarduketa horiek erregistratzeko, honako bide hauek erabiliko dira:

–Digitalki, Nafar Lansare-Nafarroako Enplegu Zerbitzuaren Orientasare aplikazioaren bidez; zerbitzua eman eta hurrengo bost egunetan egin beharko da erregistroa.

–Digitalki, SilcoiWeb-en bidez, eta zerbitzua eman eta hurrengo bost egunetan egin beharko da erregistroa.

Aurreko erregistroen justifikazioa zerbitzua jaso duen erabiltzailearen sinaduraren araberakoa izanen da, eta eredu normalizatuan jasoko da.

4.1.1. Orientazio ibilbidearen modalitatearen zehaztapenak.

a) eta b) jarduerak nahitaez bakarka eta modalitate presentzialean egin beharko dira.

c) jarduera nahitaez bakarka egin beharko da. Ahal dela, aurrez aurreko modalitatean emanen da.

d), e) eta f) jarduerak banaka zein taldeka egiten ahalko dira, ahal dela aurrez aurre.

4.1.2. Orientazio ibilbidearen gutxieneko eskakizunak.

a) eta b) jarduerak nahitaezkoak izanen dira parte hartzaile guztientzat.

c), d), e) eta f) jarduerak parte hartzaile bakoitzaren erabilgarritasun eta beharretara egokituko dira, eta parte hartzaile bakoitzak honako jarduera hauek egin beharko ditu, gutxienez:

OINARRIA

JARDUKETA

GUTXIENEKO ESKAKIZUNAK

4.1.c)

Laguntza pertsonalizatua ibilbidea garatzeko eta jarduera konpromisoa betetzeko.

Gutxienez 10 zerbitzu Enplegurako Akordio Pertsonalizatua sinatzen denetik.

4.1.d)

4.1.e)

4.1.f)

Aholkularitza eta laguntza tekniko osagarria (okupaziorako alderdi pertsonalak garatzea barne)

Informazio eta aholkularitza gehigarria

Lan mugigarritasuna kudeatzeko laguntza

Bloke honetako jarduera guztien artean, gutxienez 5 zerbitzu* eskaini behar dira, eta horietako hiru, gutxienez, desberdinak izanen dira.

* Aurreko taulan eskatzen diren 5 jarduketen barruan, nahitaez sartu behar da gutxienez 10 orduko prestazioa zeharkako gaitasunetan, bai taldekoetan, bai banakakoetan. Okupaziorako alderdi pertsonalak garatzea zeharkako gaitasunen barruan dagoela joko da.

4.1.3. Orientazio ibilbidearen gehieneko iraupenari buruzko eskakizunak.

Ibilbideek 9 hilabete iraunen dute gehienez ere, iraupen luzeagoa justifikatzen duen ezinbesteko kasuetan izan ezik. Azken kasu horretan, Nafar Lansare-Nafarroako Enplegu Zerbitzuaren aldez aurreko baimena beharko da kasu zehatz bakoitzerako.

4.2. Gaitasun digitalen arloko ekintzak.

Enplegua modu aktiboan bilatzeko oinarrizko gaitasun digitalak baitaratzea eta oinarrizko administrazio izapideak egitea izanen dira.

Jarduketa horiek erregistratzeko, honako bide hauek erabiliko dira:

–Digitalki, Nafar Lansare-Nafarroako Enplegu Zerbitzuaren Orientasare aplikazioaren bidez; zerbitzua eman eta hurrengo bost egunetan egin beharko da erregistroa.

–Digitalki, SilcoiWeb-en bidez, eta zerbitzua eman eta hurrengo bost egunetan egin beharko da erregistroa.

Aurreko erregistroen justifikazioa zerbitzua jaso duen erabiltzailearen sinaduraren araberakoa izanen da, eta eredu normalizatuan jasoko da.

4.2.1. Gaitasun digitalen ekintzei buruzko eskakizunak.

Zerbitzu hau 15 ordukoa izanen da, gutxienez, pertsona bakoitzeko. Banaka, taldeka edo bi modalitateak konbinatuz ematen ahalko dira.

Jarduera zuzenduen kasuan, 20 pertsonako taldean zuzenduko dira, gehienez ere.

Jarduketa hau nahitaezkoa izanen da parte hartzaile guztientzat. Borondatezkoa izanen da, baldin eta parte hartzaileak gaitasun digital horiek badauzka. Kasu horretan, dirulaguntzaren erakunde onuradunak emaniko egiaztagiria beharko da.

4.3. Prestakuntza ekintza osagarriak.

Ekintza hauek Nafarroako Foru Komunitateko lurralde merkatuak eskatzen dituen esparru eta jarduera profesionalekin lotutako edukiei buruzkoak izanen dira, batez ere, eta aukera emanen dute lan esparru horietan (lehentasunez) lan bat egiteko ezagutza teknikoak eta trebetasun egokiak eta nahikoak eskuratzeko, edo adierazitako esparruetan (lehentasunez) ezagutzak, prozedurak, teknologiak edo joera berriak birziklatzea eta eguneratzeko.

Prestakuntza hori ez da, inolaz ere, profesionaltasun ziurtagiriak eskuratzearekin lotuta egonen, ez eta Prestakuntza Espezialitateen Katalogoarekin ere.

Jarduketa horiek erregistratzeko, honako bide hauek erabiliko dira:

–Digitalki, Nafar Lansare-Nafarroako Enplegu Zerbitzuaren Orientasare aplikazioaren bidez; zerbitzua eman eta hurrengo bost egunetan egin beharko da erregistroa.

–Digitalki, SilcoiWeb-en bidez, eta zerbitzua eman eta hurrengo bost egunetan egin beharko da erregistroa.

Aurreko erregistroen justifikazioa zerbitzua jaso duen erabiltzailearen sinaduraren araberakoa izanen da, eta eredu normalizatuan jasoko da.

4.3.1. Prestakuntza osagarriaren eskakizunak.

Talde jarduketetan gauzatuko dira, gehienez 20 lagun egonik ekintza bakoitzeko.

Jarduketa hau borondatezkoa izanen da parte hartzaile guztientzat.

4.3.2. Lanekoak ez diren praktikak.

Prestakuntza ekintza amaitutakoan, erakundeak ekintzaren edukiekin lotutako lan praktikak egiteko aukera eskaintzen ahalko die parte hartzaileei.

Jarduketa hau borondatezkoa izanen da parte hartzaile guztientzat.

4.4. Prospekzio eta bitartekaritza ekintzak.

Besteren kontura kontratatzeko gaitasuna duten enpresa edo bestelako entitateekin bisitak edo kontaktuak egitean datza ekintza hau, haien langileria premiak hautemateko. Ekintza horiek programan parte hartzen duten pertsonek betetzen ahal dituzten lan eskaintzak lortzea izanen dute helburu.

Ondorio horietarako, lan eskaintzen bilketatzat honako hau joko da: entitateak identifikatzea enplegatzaile batek lanpostu bat edo gehiago betetzeko duen premia, eta hautagai gisa proposatuko diren pertsonek izan beharreko lanbide profila zehaztea.

Jarduera horien erregistroa bi bidetatik eginen da:

–Digitalki, Nafar Lansare-Nafarroako Enplegu Zerbitzuaren prospekzioko aplikazioaren bidez, eskuragarri dagoenean.

–Enpresaren ordezkariaren sinadura, eredu normalizatuan (aurrez aurre jardunez gero), edo jarduera egin dela egiaztatzen duen ebidentziaren bidez (bertaratu gabe jardunez gero).

4.4.1. Prospekzio ekintzen zehaztapenak.

Entitate onuradunak, gutxienez, prospekzio ekintza bat eginen du, urtean emandako dirulaguntzaren 2.000 euroko.

5.–Dirulaguntzaren azken zenbatekoa.

5.1. Eskatu beharreko zenbatekoa.

Entitate bakoitzak, Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programak (EGIF 2023-2029) (aurrerantzean, EGIF+ deialdia) onetsitako proiektuaren arabera, deialdi honen esparruan Nafar Lansare-Nafarroako Enplegu Zerbitzuari eskatu beharreko zenbatekoa zehaztu beharko du.

Erakundeak eskatu beharreko zenbatekoa kalkulatzeko, finantzaketa beharrean oinarrituko da, ezin gainditzen ahalko dituen bi erreferentzia kontuan hartuta:

a) 5.2.1) oinarrian Nafarroari esleitutako EGIF+ deialdian (E balioa), erakundeari onartutako proiektuaren zenbateko osotik EGIFek estaltzen ez duen zenbatekoa.

b) Nafar Lansare-Nafarroako Enplegu Zerbitzuaren dirulaguntzen deialdi honetarako dagoen partida.

5.2. Dirulaguntzaren zenbatekoa.

Entitate bakoitzari eman beharreko dirulaguntzaren zenbatekoa urte bakoitzerako kalkulatuko da, bi esleipen osagai erabiliz: 1. Gutxieneko puntuazioaren araberako esleipena; eta 2. Deialdian lortutako puntuazioaren araberako esleipena.

5.2.1. 1. osagaia. Gutxieneko puntuazioaren araberako esleipena.

Formula hau aplikatuko da bi urteetako bakoitzean:

A

% +

C

% +

E

%

* 300.000,00 euro

B

D

F

3

A eta F bitarteko datuak EGIF+ deialdiaren barruan Nafarroarako onartutako proiektuetatik aterako dira. Formularen legendak hauek dira:

A= Nafarroari esleitutako EGIF+ deialdian, entitateari onartutako proiektuaren onuradunen kopurua.

B= Nafarroari esleitutako EGIF+ deialdian onartutako proiektu guztien onuradunen batura.

Deialdi honen balorazio teknikoan gutxienez 25 puntu lortu dituzten proiektuen datuak baino ez dira kontuan hartuko (11. oinarriaren arabera).

C= Nafarroari esleitutako EGIF+ deialdian, entitateari onartutako proiektuaren zenbateko osoa.

D= Nafarroari esleitutako EGIF+ deialdian onartutako proiektu guztien guztizko zenbatekoen batura.

Deialdi honen balorazio teknikoan gutxienez 25 puntu lortu dituzten proiektuen datuak baino ez dira kontuan hartuko (11. oinarriaren arabera).

E= Nafarroari esleitutako EGIF+ deialdian, entitateari onartutako proiektuaren zenbateko osotik EGIFek estaltzen ez duen zenbatekoa.

F= Nafarroari esleitutako EGIF+ deialdian onartutako proiektu guztietatik EGIFek estaltzen ez dituen zenbatekoen batura, guztira.

Deialdi honen balorazio teknikoan gutxienez 25 puntu lortu dituzten proiektuen datuak baino ez dira kontuan hartuko (11. oinarriaren arabera).

5.2.2. 2. osagaia. Deialdian lortutako puntuazio osoaren araberako esleipena.

Formula hau aplikatuko da, ehunekotan, bi urteetako bakoitzean:

(G / H) *100.000 euro

G eta H datuak deialdi honen balorazioan lortutako puntuaziotik aterako dira, 11. oinarriari jarraikiz. Formularen legendak hauek dira:

G= Entitateak deialdi honetan aurkeztutako proiektuak guztira lortutako puntuazioa.

H= Deialdi honetara aurkeztutako proiektu guztien puntuazioen batura.

Deialdi honen balorazio teknikoan gutxienez 25 puntu lortu dituzten proiektuen datuak baino ez dira kontuan hartuko (11. oinarriaren arabera).

5.2.3. Eskatutako zenbatekoen eta dirulaguntzaren zenbatekoaren arteko soberakina berresleitzea.

Entitateak eskatutako zenbatekoa 1. eta 2. osagaiak 5.2.1. eta 5.2.2. apartatuetan ezarritakoaren arabera aplikatzearen ondoriozko zenbatekoa baino txikiagoa bada, soberakina berresleitu eginen da.

Soberakina banatzeko, berariazko metodo bat erabiliko da: bigarren txandan oinarri honetako 5.2.2. apartatuan ezarritako 2. osagaia aplikatuko da.

Kasu horretan, oinarri honetako 5.2.1. eta 5.2.2. apartatuetan adierazitakoaren arabera 1. eta 2. osagaiak aplikatu ondoren lortutakoa baino zenbateko handiagoa eskatu duten erakundeen datuak baino ez dira kontuan hartuko.

Soberakinak berresleitzeko metodo hau hirugarren txandan eta hurrengoetan aplikatuko da, Nafar Lansare-Nafarroako Enplegu Zerbitzuaren dirulaguntzen deialdi honetarako dagoen partida agortu arte.

6.–"Artatutzat" hartzen diren eta "laneratutzat" hartzen diren programaren hartzaileak.

6.1. "Artatutzat" hartzen diren programaren hartzaileak.

6.1.1. "Artatutzat" hartzen dira 4. oinarrian aipatzen diren nahitaezko jarduera guztiak egin dituztenak.

6.1.2. Pertsona bera ez da, inolaz ere, bi programa finantzatuk artatua izanen.

6.2. "Laneratutzat" hartzen diren programaren hartzaileak.

6.2.1. Hala "lan merkatuan sartzeagatik", nola "hezkuntza sistemara itzultzeagatik" hartzen ahalko dira laneratutzat programaren hartzaileak.

6.2.2. Laneratzearen zenbaketa aldian (6.2.4. eta 6.2.5. oinarriak) bere egoera honako modu hauetakoren batean hobetu duen parte hartzaile oro hartuko da "lan merkatuan sartzeagatik laneratutzat":

a) Lan merkatuan besteren kontura sartzea.

a.1) Egoera bereziki ahulean dauden gizataldeetako pertsonen kasuan, 2.5 oinarriari jarraikiz, irizpide hauen arabera arautuko da laneratzea:

Ondoz ondoko lan kontratu bat edo batzuk sinatu ditu.

Aplikatu beharreko hitzarmen kolektiboan aurreikusitako lanaldi arruntaren gutxienez %50 duten kontratuak baino ez dira zenbatuko. Lanaldi arruntaren %50eko muga hori ez da aplikatuko desgaitasuna duten pertsonen kasuan.

Ez dira kontuan hartuko administrazio publikoek egindako kontratazio guztiak.

a.2) Bereziki ahulak diren gizataldeetakoak ez diren pertsonen kasuan, irizpide hauen arabera arautuko da laneratzea:

Aplikatu beharreko hitzarmen kolektiboan aurreikusitako lanaldi arruntaren gutxienez %50 duen kontratu bat sinatzea.

Ez dira kontuan hartuko administrazio publikoek egindako kontratazio guztiak.

b) Lan merkatuan norberaren kontura sartzea.

Laneratzeak berarekin ekarriko du langile autonomoen araubide berezian alta ematea, dagozkien kuotak ordainduta.

Bereziki ahulak diren gizataldeetako pertsonen kasuan, 2.5 oinarriari jarraikiz, alta aldi bat baino gehiago onartuko dira.

a) eta b) irizpideetarako, gutxienez 180 egunez egon behar izan du Gizarte Segurantzan alta emanda.

Besteren konturako eta norberaren konturako lan merkatuan modu konbinatuan sartzea onartuko da, pertsona hori bereziki ahulak diren gizataldeetakoa bada.

6.2.3. Laneratzearen zenbaketa aldian (6.2.4. eta 6.2.5. oinarriak) eskakizun hauetakoren bat betetzen duen parte hartzaile oro hartuko da "hezkuntza sistemara itzultzeagatik laneratutzat":

a) Derrigorrezko hezkuntzako edo derrigorrezkoaren ondoko hezkuntzako edozein etapatan matrikulatuta egotea, hala nola DBHn, Batxilergoan, Lanbide Heziketan eta Unibertsitatean.

b) Profesionaltasun ziurtagiria lortzeko ikastaro oso batean izena emanda egotea (1-3 mailak).

a) eta b) irizpideetarako, nahitaezkoa da laneratzearen zenbaketa aldiaren barruan (6.2.4. eta 6.2.5. oinarriak) hasi izana horietan parte hartzen.

6.2.4. Laneratzearen zenbaketa aldiaren hasiera.

Norbait "laneratutzat" hartzeko, lan merkatuan sartu aurretik (6.2. oinarria) edo hezkuntza sistemara itzuli aurretik (6.3. oinarria), honako baldintza hauek bete behar dira: a) Banakako diagnostikoa eta profila egin zaio eta b) Enplegurako ibilbide pertsonalizatua diseinatu zaio, ondorioz, enplegurako akordio pertsonala sinatu eta onartu du, eta Orientasaren dagokion erregistroa egin zaio. Kasu horretan, Jarduera Hitzarmena sinatzea eta onartzea eta Orientasaren erregistratzea hartuko dira laneratzearen zenbaketa aldiaren hasieratzat.

6.2.5. Laneratzearen zenbaketa aldiaren amaiera.

Laneratzearen zenbaketa aldiaren amaiera 12 hilabetekoa izanen da, Orientasaren erregistratutako orientazio ibilbidearen azken datatik kontatzen hasita.

7.–Modulu ekonomikoak.

Dirulaguntza oinarri honetan ezarritako modulu ekonomikoen arabera ordainduko da.

7.1. Artatutako pertsona bakoitzeko jaso beharreko zenbatekoa.

Zenbateko hori 1.200 eurokoa izanen da 6.1 oinarriaren arabera laguntza jaso duen pertsona bakoitzeko.

4.3 oinarrian aipatzen den prestakuntza jarduerak, eginez gero, ez du gainditzen ahalko 960 euroko kopurua pertsonako. 960 euro horiek artatutako pertsona bakoitzeko 1.200 euroko zenbatekoan sartuko dira.

7.2. Laneratutako pertsona bakoitzeko jaso beharreko zenbatekoak.

7.2.1. Zenbatekoa 2.500 eurokoa izanen da 6.2. oinarriari jarraikiz laneratutzat jotzen den pertsona bakoitzeko.

7.2.2. 2.2 eta 6.2 oinarriei jarraikiz, langabetzat hartutako pertsonen kasuan, laneratzeagatiko zenbatekoa 5.500 eurokoa izanen da, baldin eta laneratzea inoren konturako lan merkatuan kontratu mugagabe bakar baten bidez sartzen bada. Zenbateko hori 6.000 eurora artekoa izanen da, emakumeak edo 45 urtetik gorako desgaitasuna duten pertsonak badira.

7.2.3. 7.2.2 oinarrian adierazitako zenbatekoei 2.000 euro gehituko zaizkie baldin eta kontratazioa langile autonomo batek edo lehen enplegatua kontratatzen duen kooperatiba edo lan sozietate batek egiten badu.

7.2.4. Aurreko puntuetan aipatutako zenbatekoak proportzionalki murriztuko dira kontratua edo kontratuak lanaldi partzialekoak direnean; horretarako, enpresak langileari Gizarte Segurantzan alta ematean adierazitako partzialtasun koefizientea aplikatuko da.

7.3. Pertsona artatuak eta laneratuak.

Parte hartzaileak "artatutzat" (6.1. oinarria) eta "laneratutzat" (6.2. oinarria) hartzeko betekizunak betetzen baditu, 7.1. eta 7.2. apartatuetan aurreikusitako zenbatekoak jasoko ditu erakunde onuradunak.

7.4. Pertsona laneratuak eta ez-artatuak.

Parte hartzaileak "laneratutzat" (6.2. oinarria) hartzeko betekizunak baino ez baditu betetzen, 7.2. apartatuan aurreikusitako zenbatekoak baino ez ditu jasoko erakunde onuradunak.

7.5. Modulu ekonomikoen aplikazioaren mugak.

Entitateak ez du inola ere emandako zenbatekoa baino handiagoa kobratzeko eskubiderik izanen, nahiz eta hasieran emandako kobrantza baino handiagoa dakarten pertsona artatuak eta/edo laneratuak moduluen bidez justifikatu.

Hala ere, entitate onuradunari laneratze moduluei dagozkien zenbatekoak ordaintzen ahalko zaizkio, proiektuan aurkeztutako ehunekoa gainditzen badu, betiere emandako dirulaguntzaren zenbatekoa gainditzen ez badu.

8.–Aurkezteko epea.

8.1. Eskaerak modu elektronikoan aurkeztuko dira, Nafarroako Atariaren (www.navarra.es/eu) tramiteen atalean jasotzen den deialdiaren fitxak eskaintzen duen "tramitatu" tresnatik, deialdi hau Nafarroako Aldizkari Ofizialean argitaratu eta biharamunetik hasita hogei egun naturaleko epean.

8.2. Dirulaguntza eskatzeak berekin dakar oinarriak onartzea.

8.3. Eskaera aurkezteak berekin dakar entitate bakoitzak onartzea Nafar Lansare-Nafarroako Enplegu Zerbitzuak erakunde eskudunei informazioa eskatzen ahal diela, entitateak Ogasun Publikoarekiko zerga betebeharrak eta Gizarte Segurantzarekikoak betetzen ote dituen egiaztatzeko.

9.–Eskaerarako aurkeztu beharreko agiriak.

9.1. Eskaerarekin batera, agiri hauek aurkeztu beharko dira:

I) Dirulaguntza eskaera.

II) Entitate eskatzailearen nortasun juridikoa frogatzeko dokumentazioa, bere eraketa eskrituraren, bere estatutuen eta dagokion erregistroko inskripzioaren kopia aurkeztuz. Halaber, entitatearen ordezkariaren ahalordetzea aurkeztu beharko dute. Pdf formatuan aurkeztu behar da, formatu librean. Honela izendatuko da: "II. eranskina. Eskritura eta ahalordetzea".

III) Adierazpena, xede berbererako laguntzei buruzkoa, edo, betiere, jakinarazteko laguntza horien zenbatekoak ez duela gainditzen onuradunak garatu beharreko jardueraren kostua (III. eranskina).

IV) Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako baldintzak betetzearen adierazpena (IV. eranskina).

V) Proiektuaren memoria (V. eranskina).

VI) Adierazpena, teknikarien esperientziari buruzkoa, baloratzeko 11. oinarriko 4. irizpidea (VI. eranskina).

VII) Adierazpena, erakundearen esperientziari buruzkoa, baloratzeko 11. oinarriko 5. irizpidea (VII. eranskina).

VIII) Prospekzio eta bitartekaritza plana: denbora, sektore eta geografia esparrua. Pdf formatuan aurkeztu behar da, formatu librean. Honela izendatuko da: "VIII. eranskina. Prospekzio plana".

IX) Kalitatea ebaluatzeko sistema. Deskripzioa eta aplikazioa. Pdf formatuan aurkeztu behar da, formatu librean. Honela izendatuko da: "IX. eranskina. Ebaluazio sistema".

X) Gizarte Inklusioaren, Haur Bermearen eta Pobreziaren aurkako borrokaren EGIF+ Estatuko Programaren (EGIF 2023-2029) esparruan proiektuaren onespena ziurtatzen duen dokumentazioa. Pdf formatuan aurkeztu behar da, formatu librean. Honela izendatuko da: "X. eranskina. EGIF proiektuaren dokumentazioa".

Eskaera honekin aurkeztu beharreko ereduak eskuragarri daude Nafarroako Atarian (www.navarra.es/eu) jasotzen den deialdiaren fitxan.

Administrazioak entitate eskatzailearen legezko ordezkarien nortasuna egiaztatuko du.

Aurkeztutako agiriak kopia soilak izaten ahal dira. Nolanahi ere, administrazio publiko deitzaileak notariotzan edo administrazioan egiaztatutako kopiak eskatzeko eskubidea izanen du, kopia horiei dagokienez zalantzarik badago.

9.2. Ez dira berriz aurkeztu beharko interesdunak edozein administraziori lehendik aurkeztu dizkion agiriak, ez eta administrazioak berak eginak direnak ere. Ondorio horietarako, interesdunak adierazi beharko du noiz eta zer administrazio organoren aurrean aurkeztu zituen dokumentu horiek, eta Nafar Lansare-Nafarroako Enplegu Zerbitzuak elektronikoki eskatu beharko ditu, salbu eta interesdunak espresuki kontra egin duela adierazten bada; kasu horretan, dagokion dokumentazioa aurkeztu beharko du, Administrazio Publikoen Administrazio Prozedura Erkidearen urriaren 1eko 39/2015 Legearen 28.3 artikuluan aurreikusita dagoenaren arabera. Salbuespen gisa, aipatu erakundeak ezin baditu agiri horiek eskuratu, berriz aurkez ditzan eskatzen ahalko dio interesdunari.

10.–Dirulaguntzak emateko prozedura.

Oinarri hauetan ezarritako dirulaguntzak norgehiagokako prozedura erabiliz emanen dira.

Baremazioaren ondorioetarako, entitate eskatzaileak proiektu memorian zehaztu eta, hala bada, frogatu dituen alderdiak soilik hartuko dira kontuan, eta, beraz, puntuatuko.

Eskaeren lehentasun ordena ezarriko da hurrengo oinarrian aurreikusitako irizpideak aplikatuz lortzen duten puntuazioaren arabera.

11.–Balorazio irizpideak.

11.1. Irizpide hauek erabiliz baloratuko dira eskaerak:

1. irizpidea.–Aldi guztirako aurreikusitako laneratze portzentajea: 10 puntu gehienez.

–Entitateak aurreikusten badu %5etik %10era bitartean laneratuko duela, azken hau barne: 5 puntu.

–Entitateak aurreikusten badu %10etik %20ra bitartean laneratuko duela, azken hau barne: 7,5 puntu.

–Entitateak aurreikusten badu %20 baino gehiago laneratuko duela: 10 puntu.

Pertsona artatu guztien (6.2 oinarriaren arabera) gainean, pertsona laneratuen (6.1 oinarriaren arabera) %5era iristea gutxienezko baldintza izanen da.

Era berean, gutxieneko eta/edo konprometitutako laneratze portzentaje hori lortzeko, laneratutakoa emakumea edo desgaitasuna duen pertsona bat bada, 1,5eko koefiziente bat hartuko da kontuan. Gainerako kasuetan, 1eko koefizientea izanen da.

Laneratze portzentaje hori aplikatu ondotik dezimalak gelditzen badira, hurbilen dagoen zenbaki osora borobilduko da, gorantz zein beherantz, eta, digitua 5 baldin bada, hurrengo zenbaki osora borobilduko da.

Gutxieneko portzentaje hori eta entitateak bere eskaeran aurreikusitako portzentajea lortzen ez baditu, zati bat itzuli egin beharko da 16.5 oinarriari jarraikiz.

2. irizpidea.–Entitate eskatzailearen jarduketa eremu geografikoa Nafarroako Foru Komunitatean, 20 puntu gehienez.

Proiektu memorian, entitate onuradunak adierazi beharko du Nafarroako enplegu agentzien zein lurralde eremutan garatu behar duen programa.

Gehienez 20 puntu emanen dira, eskala honen arabera:

a) Entitateak Iruñerriko enplegu agentzia baten lurralde eremuan jarduten badu: 2 puntu.

b) Entitateak Tuterako enplegu agentziaren lurralde eremuan jarduten badu: 4 puntu.

c) Entitateak Nafarroako gainerako enplegu agentzien lurralde eremuan jarduten badu: 9 puntu horietako bakoitzeko.

Hala, entitateak a), b), eta c) apartatuei dagozkien puntuak batzen ahal ditu.

Proiektuaren memorian, lurralde esparru bakoitzerako arreta leku zehatzak adierazi beharko dira.

3. irizpidea.–Prospekzio eta bitartekaritza plana, 5 puntu.

Entitateak prospekzio eta bitartekaritza sistema bat badu, eta proiektua egikaritu bitartean garatzeko asmoa badu, 5 puntuz baloratuko da.

Kasu horretan, entitateak aurkeztu behar du, azken justifikazioarekin batera, egikaritutako planaren garapenari buruzko txosten bat.

4. irizpidea.–Proiektuari atxikitako teknikarien profila, gehienez 10 puntu.

Lanbide orientazioan, prospekzioan eta bitartekaritzan frogatutako esperientzia urteak.

Artatzea ematen dutenak pertsona bat baino gehiago badira, esleituko den puntuazioa proiektuari atxikitako teknikari guztien esperientzia urteen batezbestekoari dagokiona izanen da.

Puntu bat emanen da urte bakoitzeko, gehienez 10 puntu. Esperientzia ez bada urte osokoa, dagokion puntuazio proportzionala emanen da.

Irizpide hau aplikatzeko, honako hauek aurkeztu beharko dira: titulazioa, lan bizitzaren txostena (lan kontratu eta guzti), hirugarrenek emandako ziurtagiriak, edo organo kudeatzaileak aski deritzon beste edozein frogabide.

5. irizpidea.–Entitatearen esperientzia: 15 puntu, gehienez.

a) Orientazio, prospekzio eta bitartekaritzako programa integralen kudeaketan azken 10 urte naturaletako dirulaguntza deialdietan izandako parte hartze egiaztatua. Nafarroako Foru Komunitatearen eremuan, Errenta Bermatua edo Gizarteratze Errenta hartzen ari diren pertsonentzat aldi horretan egindako programak ere baloratuko dira. Programa bakoitzeko puntu bat emanen da. Programaren iraupena urtebetetik goitikoa bada, bi puntu emanen dira. Dagokion puntuazioa emateko, VI. eranskina behar bezala bete beharko da, baloratu beharreko esperientzia proiektu memoriaren zer orritan dagoen adierazita.

Dagokion araua edo deialdia eta adjudikazio ebazpena aurkeztuz egiaztatu beharko da esperientzia.

Programa adjudikatzea eta/edo sinatzea Nafar Lansare-Nafarroako Enplegu Zerbitzuari badagokio, erakunde horrek ofizioz egiazta dezala eskatzen ahalko du entitateak idatziz, adjudikatutako programa eta deialdiaren urtea adierazita.

b) Orientazio, prospekzio eta bitartekaritza programa integralen kasuan, azken 10 urte naturaletan garatu eta administrazio publikoek antolatu ez dituzten dirulaguntza deialdietako programa integralen kasuan, programa bakoitzeko 0,5 puntu emanen dira. Programaren iraupena urtebetetik goitikoa bada, puntu bat emanen da. Dagokion puntuazioa emateko, VI. eranskina behar bezala bete beharko da, baloratu beharreko esperientzia proiektu memoriaren zer orritan dagoen adierazita.

Kasu horretan agiri baten bidez frogatu beharko du esperientzia, honako hauek adierazita: entitate emailearen izena, entitate eskatzailearen aldeko hautaketaren data, programaren iraupena eta aurreikusitako jarduketak. Entitate emailearen ordezkari eskudun batek sinatu beharko du agiri hori.

Datu horiek agertzen ez badira, aurkeztutako agiriak ez dira baloratuko.

6. irizpidea.–Ebaluazio sistema, 5 puntu.

Eskainitako ekintzen kalitatea kontrolatzeko ebaluazio sistema duten entitateen kasuan, sistema horretan eraginkortasun ekonomikoaren adierazleak jaso badira, bai eta erabiltzaileen gogobetetze mailaren, enplegagarritasuna hobetzearen eta laneratze tasaren adierazleak ere, 5 puntuz baloratuko da.

Kasu horretan, entitateak aurkeztu behar du, azken justifikazioarekin batera, egindako ebaluazioa.

11.2. 25 puntu baino gehiago lortzen dituzten proiektuak baino ez dira onartuko.

12.–Organo eskudunak eta ebazteko gehieneko epea.

Prozeduraren instrukzioa eta tramitazioa Nafar Lansare-Nafarroako Enplegu Zerbitzuko Lana Aktibatzeko eta Lurralde Koordinaziorako Zerbitzuari dagozkio.

Instrukzio organoak, behar diren egiaztapenak egin ondoren eta aurrekontuan dagoen diru erabilgarriaren arabera, txostena prestatu eta dagokion ebazpen proposamena eginen du, Nafar Lansare-Nafarroako Enplegu Zerbitzuko zuzendari kudeatzaileari igortzeko.

Aurkeztutako agiriak baloratzeko, Balorazio Batzorde bat eratuko da. Batzorde hori honako hauek osatuko dute:

Presidentea: Nafar Lansare-Nafarroako Enplegu Zerbitzuko Lana Aktibatzeko eta Lurraldea Koordinatzeko Zerbitzuko zuzendaria.

Ordezko presidentea: Enplegua Sustatzeko eta Enpresentzako Zerbitzuetarako Zerbitzuko zuzendaria.

Batzordekidea: Orientazio Ataleko burua.

Ordezko batzordekidea: Lurralde Antolaketarako eta Agentzien Koordinaziorako Ataleko burua.

Bokal idazkaria: Orientazio Ataleko teknikaria.

Ordezko bokal idazkaria: Orientazio Ataleko teknikaria.

Nafar Lansare-Nafarroako Enplegu Zerbitzuko zuzendari kudeatzaileak eskaerak aurkezteko epea amaitu eta hurrengo 2 hilabeteetan emanen du ebazpena. Epe horretan ebazpen espresurik ematen eta jakinarazten ez bada, eskaera ezetsitzat jo beharko da.

13.–Egindako jarduketak ordaintzeko eta justifikatzeko modua eta epeak.

13.1. Konturako ordainketa.

Justifikazioa eta azken ordainketa egin aurretik, entitateak gehienez bi konturako ordainketa eskatzen ahalko ditu urtero, proiektua gauzatzen den bitartean. Horretarako, egikaritutako jardueraren memoria teknikoa aurkeztu beharko du (eredu normalizatuaren arabera), konturako ordainketan eskatutako ehunekoa justifikatuko duena.

Konturako ordainketen zenbatekoa ez da izanen esleitutako kopuruaren %80tik gorakoa, eta gutxienez %20 utziko dira justifikaziorako eta azken ordainketarako.

Konturako ordainketan, kontuan hartzen ahalko dira artatutzat hartutako pertsonei dagozkien zenbatekoak, bai eta 6. oinarriari jarraiki laneratutzat hartutako pertsonei dagozkienak ere.

Konturako ordainketak egiteko eskaerak urte bakoitzeko abenduaren 1a baino lehenagokoak izan beharko dira.

13.2. Justifikazioa eta azken ordainketa.

Azken ordainketa eskatzeko, erakundeak 13.4. oinarrian adierazitako dokumentazioa aurkeztu beharko du, 2026ko otsailaren 1a baino lehen.

Azken likidazioan, pertsona artatuez gain, konturako ordainketetan sartu ez den entitateak lortutako laneratzeari dagokion ordainketa ere jasoko da. Pertsonak laneratzeko aurreikuspena ere jasotzen ahalko du, baldin eta, 6.2.5. oinarriaren arabera, laneratzearen zenbaketa aldiaren amaiera ez bada amaitu justifikazioa eta azken ordainketa aurkezteko datan.

Justifikazioa ezarritako epean edo zuzenketak egiteko ematen den epean aurkeztu ezean, galduko da justifikatzen ez diren gastuak eta ordainketak kobratzeko eskubidea.

13.3. Aurreikusitako laneratzea justifikatzea eta ordainketa doitzea.

Entitateak, 2027ko urtarrilaren 31 baino lehen, justifikazioan eta azken ordainketan aurreikusitako laneratzeagatiko likidazio eskaera aurkezten badu, laneratze hori justifikatzen duen dokumentazioa aurkeztu beharko du.

Dokumentazioa jaso ondotik, organo kudeatzaileak hura bete ote den egiaztatuko du, eta, hala ez bada, itzulketa bat izapidetuko du.

Era berean, aurrekoak 11.1. oinarriko 1. irizpidean adierazitakoari eragiten badio, zati bat itzultzeko eskatuko da, 16.5. oinarriarekin bat etorriz.

Justifikazioa ezarritako epean edo zuzenketak egiteko ematen den epean aurkeztu ezean, galduko da justifikatzen ez diren gastuak eta ordainketak kobratzeko eskubidea.

13.4. Dirulaguntzaren azken likidazioa egiteko, entitate onuradunak justifikazio dokumentazio hau aurkeztu beharko du, eredu normalizatuen arabera:

–0. entregagarria. Justifikazio memoria, proiektuaren alderdi teknikoa eta ekonomikoa laburbilduta aurkeztuko dituena.

–1. entregagarria. 4.1., 4.2., 4.3. eta 4.4. oinarrietan zehaztutako jarduketen ziurtagiria; horretan jaso behar dira jarduketak jaso dituzten pertsonen sinadurak, emandako zerbitzuak jaso direla egiaztatu ahal izateko.

Sinadurak aldian-aldian aurkeztuko dira, Nafar Lansare-Nafarroako Enplegu Zerbitzuak finkatu beharreko kronologiaren arabera, bai eta justifikazioaren azken unean ere.

–2. entregagarria. Laneratzea egiaztatzen duen ziurtagiria. Erakundeak zehaztuko du zenbat parte hartzaile laneratuko diren "artatutzat" hartutako (6. oinarriari jarraiki) parte hartzaile guztien artean, bai eta zer kopuru eskatuko duen ere, aurreikusitako laneratzearen arabera.

–3. entregagarria. Proiektuari esleitutako baliabide materialen eta giza baliabideen zerrenda.

–4. entregagarria. Dirulaguntzaren guztirako zenbatekoa, aurkeztu den jarduketa memorian adierazitako jardueren datuetan eta 7. oinarri arautzaileko moduluetan oinarriturik kalkulatua.

Likidazioaren zenbatekoak ez du inoiz gaindituko hasieran onartutako dirulaguntzaren kopurua, ezta 7. oinarrian ezarritako mugak ere.

–5. entregagarria. Diruz lagundutako jarduera finantzatu duten bestelako dirulaguntzen edo diru-sarreren xehetasuna, bakoitzaren zenbatekoa eta jatorria adierazita.

–6. entregagarria. Prospekzio eta bitartekaritza planaren garapenari buruzko txostena, entitateari esleipenean puntuazioa eman bazaio (11.1. oinarria - 3. irizpidea).

–7. entregagarria. Ebaluazio sistemaren garapenari buruzko txostena, entitateari esleipenean puntuazioa eman bazaio (11.1. oinarria - 6. irizpidea).

14.–Entitate onuradunen betebeharrak.

Oro har, onuradunek Dirulaguntzei buruzko azaroaren 9ko 11/2005 Foru Legearen 9. eta 15. artikuluetan ezarritako betebeharrak izanen dituzte, eta, bereziki, honako hauek:

a) Dirulaguntza emateko oinarri izan den jarduketa egitea.

b) Eskatutako agiriak eta webgunean eskuragarri daudenak aurkeztea, deialdian zehaztutako epeetan.

c) Dirulaguntza ematen duen organoak eta indarra duen antolamendu juridikoaren arabera eskudun diren bestelakoek egin beharreko egiaztapen lanak onartzea, eta egiten diren kontroletan laguntzea.

d) Diruz laguntzen diren ekintzen hartzaile diren pertsonei ezin zaie ezer kobratu inola ere.

e) Nafar Lansare-Nafarroako Enplegu Zerbitzuari jakinarazi behar zaio edozein aldaketa, gertatu eta hilabeteko epean, ukitzen badira dirulaguntza emateko unean kontuan hartutako inguruabarrak eta baldintzak, eta entitate onuradunak bere gain hartutako konpromisoak eta betebeharrak.

f) Proiektuari atxikitako teknikariren bat ordezten bada, hilabeteko epean egin beharko da, eta Nafar Lansare-Nafarroako Enplegu Zerbitzuaren aurrean erakutsi beharko da baduela titulazioa.

h) Nafarroako Ogasunarekiko eta Gizarte Segurantzarekiko ordainketak egunean izatea.

i) Egindako zerbitzuak Nafar Lansare-Nafarroako Enplegu Zerbitzuak dituen aplikazioetan (SilcoiWeb, Orientasare edo adierazten den beste edozein aplikaziotan) erregistratzea, gehienez 5 eguneko epean, ezintasun kasu justifikatuetan izan ezik.

j) Proiektuaren hasieraren eta amaieraren berri ematea Nafar Lansare-Nafarroako Enplegu Zerbitzuari deialdiaren fitxaren bidez, bertan eskatutako dokumentazioa aurkeztuta.

Hasierako jakinarazpenean, honako hauek aurkeztu beharko dira: proiektuaren egutegia, proiektuaren memorian baloratutako teknikarien titulazioa eta esperientzia egiaztatzen duen ziurtagiria, eta deialdiaren webgunean ezartzen den beste edozein dokumentazio.

k) Diruz lagundutako jarduketen hartzaileek parte hartzen duten enplegagarritasuna hobetzeko ekintzen doakotasuna bermatzea.

l) Administrazio eskudunari dirulaguntzaren xede diren jarduerak finantzatzen dituzten beste dirulaguntza, laguntza, sarrera edo baliabide batzuk hartuz gero, administrazio eskudunari horren berri ematea, jasoriko funtsen aplikazioa justifikatu baino lehen.

15.–Gardentasun betebeharrak.

Entitate pribatu onuradunek, dirulaguntzak jasotzen dituztenean Nafarroako Aurrekontu Orokorren kargura, maiatzaren 17ko Gardentasunari, informazio publikoa eskuratzeari eta gobernu onari buruzko 5/2018 Foru Legearen 3.c) artikuluko bederatzigarren xedapen gehigarrian ezartzen den gardentasun betebeharra bete beharko dute, bi egoera hauetako batean badaude:

1. 20.000 euroren edo gehiagoren laguntzak edo dirulaguntzak jasotzen badituzte urtebetean Nafarroako Aurrekontu Orokorren kontura.

2. Entitateak jasotako laguntzen edo dirulaguntzen kopurua haren urteko diru-sarreren %20 edo handiagoa bada, betiere 5.000tik gorakoak badira.

Horretarako, bi inguruabar horiek betetzen dituzten entitate onuradunek, Nafarroako Gobernuko Erregistro Orokor Elektronikoaren bidez, ondotik aipatzen den informazioa aurkeztu beharko dute telematikoki, Nafar Lansare-Nafarroako Enplegu Zerbitzuari zuzendua eta entitatearen legezko ordezkariak sinatua, dirulaguntza emateko ebazpena jakinarazi eta hilabeteko epean:

–Erakundearen gobernu, administrazio eta zuzendaritza organoen osaera.

–Organo horiek osatzen dituzten kargudunen zerrenda.

–Entitateak aurreko urtean kargudun bakoitzeko jasotako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, haien aurrekontuetan edo plan ekonomiko-finantzarioan jasotakoa izanen da informazioa.

–Kargudun bakoitzaren dedikazio araubidea gobernuko, administrazioko eta zuzendaritzako eginkizunetan.

–Entitate onuradunaren urteko azken kontuen kopia bat.

Entitateak gardentasun betebeharra bete behar ez badu, aurreikusitako inguruabarrak gertatzen ez direlako, horren gaineko aitorpena aurkeztu beharko du.

Aurreko apartatuan ezarritako muga kuantitatiboak gainditzen diren jakiteko, batuko dira Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak.

Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua konputatuko da ondorio hauetarako, ez guztizko batura.

Gardentasun betebehar hori bete ezean, ez da emandako dirulaguntza ordainduko, ez eta aurrerakinik ere, eta kobratutako diru kopuruak itzuli egin beharko dira, Dirulaguntzei buruzko azaroaren 9ko 11/2005 Foru Legearen 35.1 c) artikuluan xedatutakoaren arabera.

Aurrekoa galarazi gabe, entitate onuradun guztiek behar den informazio guztia eman behar diote unitate kudeatzaileari, errekerimendua jaso eta hamar eguneko epean, hark bete ditzan Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen II. tituluan jasotako gardentasun betebeharrak.

Errekerimenduan emandako epea bukatzen bada eskatutakoa bete gabe, hertsapen isunak ezartzea erabakitzen ahalko da, 500 eurotik 5.000 eurora bitartekoak, interesdunari ohartarazpena egin ondoren eta entzunaldia emanda. Isuna hamabost egunetik behin errepikatuko da, errekerimendua bete arte. Isunaren zenbateko osoa ez da izanen dirulaguntzaren zenbatekoaren ehuneko bost baino handiagoa. Zenbatekoa zehazteko, ez betetzearen astuntasuna eta proportzionaltasunaren printzipioa hartuko dira kontuan.

16.–Ez-betetzeak eta dirulaguntzak itzultzea.

16.1. Hartutako zenbatekoa itzuli egin beharko da, osorik edo partez, baldin programa gauzatzen ez bada, edo dirulaguntza emateko ezarritako baldintzak betetzen ez badira, eta orobat, Dirulaguntzei buruzko azaroaren 9ko 11/2005 Foru Legearen 35. artikuluan aipatzen diren zergatikoak gertatzen badira, edo deialdi honetan berariaz aipatzen diren betebeharrak betetzen ez badira, bereziki 15. oinarrian jasotako gardentasun betebeharra, betetzen ez badira. Legez ezarritako kasuetan, gainera, bidezkoa izanen da dirulaguntza ordaindu zenetik itzuli beharraren gaineko ebazpena ematen den arte sortutako berandutze interesak ordaintzeko eskatzea.

16.2. Dirulaguntza erabiltzen baldin bada eskaeran adierazitakoak ez diren helburuetarako, eta aldaketa hori Nafar Lansare-Nafarroako Enplegu Zerbitzuari komunikatzen ez bazaio, zerbitzu horrek ebazpen bidez adieraziko du dirulaguntza osoa itzuli behar dela, berandutze interesak barne.

16.3. Onuradunak dirulaguntzaren baldintzen aldaketa komunikatzen duenean, Nafar Lansare-Nafarroako Enplegu Zerbitzuak, aldaketa onartuz gero, aldaketa baino lehen jasotako diru guztia edo parte bat itzultzeko eskatzen ahalko dio.

16.4. Erakunde onuradunak ia "modu esanguratsuan" bete dituenean baldintza guztiak eta konpromisoak betetzeko jarrera garbia duela egiaztatzen duenean, itzuli beharreko zenbatekoa proportzionaltasun irizpideari jarraikiz zehaztuko da, dirulaguntza emateko ezarritako baldintzak zenbateraino eta noraino bete ez diren ikusita. Deialdi honen ondorioetarako, "esanguratsutzat" joko da onetsitako proiektuaren %75 betetzea.

16.5. Laneratzeko konpromisoa ez betetzeak bi irizpide hauek aplikatzea ekarriko du:

–a) ez-betetzea. 11.1 oinarriko 1. irizpidean finkatutako laneratzeko gutxieneko portzentajera iristen ez bada, laneratzeko gutxieneko portzentajea aplikatzetik ateratzen den pertsona bakoitzeko 500 euro itzuli beharko dira.

–b) ez-betetzea. Entitateak 11.1 oinarriko 1. irizpidean ezarritako gutxieneko laneratze portzentajea baino portzentaje handiagoa konprometitu bazuen proiektu memorian, 250 euro itzuli beharko ditu laneratu gabeko pertsona bakoitzeko, laneratzeko hitzemandako portzentajea aplikatzearen ondorioz.

Beraz, entitateari a) irizpidea, edo a) eta b) irizpidea, bakarrik aplikatzen ahalko zaio, proiektu memorian hitzemandakoaren arabera.

16.6. Entitate onuradunak organo kudeatzaileari eskatzen ahalko dio dirulaguntzaren zati bat bere borondatez itzultzeko. Entitateak bere borondatez itzultzen badu dirua eta, Dirulaguntzei buruzko azaroaren 9ko 11/2005 Foru Legearen 35. artikuluan xedatutakoa aplikatuz, bidezkoa bada berandutze interesak aplikatzea, horiek kalkulatuko dira dirua itzultzen duen arte.

17.–Dirulaguntzen jarraipena eta kontrola.

Dirulaguntzak ematen dituen organoak ahalmena izanen du aldian-aldian nahi adina kontrol eta egiaztapen egiteko, diruz lagundutako jarduera gauzatzen dela ziurtatzeko, bai eta ezarritako baldintzak betetzen diren aztertzeko ere.

Bi hilean behingo jarraipen batzorde presentzialak eginen dira Nafar Lansare-Nafarroako Enplegu Zerbitzuaren bulegoetan, eta haietan izanen dira entitate onuradunaren eta Nafar Lansare-Nafarroako Enplegu Zerbitzuaren ordezkariak. Nafar Lansare-Nafarroako Enplegu Zerbitzuak jarraipen batzordeen aldizkakotasuna, modalitatea eta kokapena aldatzen ahalko ditu, jarraipen eta kontrol ahalmenaren arabera.

18.–Dirulaguntzen bateragarritasuna.

Deialdi honetan aurreikusitako dirulaguntzak bateragarriak izanen dira jarduera hori bera egiteko jasotzen diren beste batzuekin. Nolanahi ere, dirulaguntzen zenbatekoa ezin da inola ere izan, bakarrik edo beste dirulaguntza, laguntza, diru-sarrera edo baliabide propio batzuekin batuta, onuradunak egin beharreko jardueraren kostua baino handiagoa. Emandako dirulaguntza justifikatu aurretik jakinarazi beharko zaio Nafar Lansare-Nafarroako Enplegu Zerbitzuari beste laguntza edo dirulaguntza batzuk jaso izana, eta ordaindu beharreko zenbatekoa gutxitzen ahalko da horren ondorioz.

19.–Dirulaguntzaren publizitatea, entitate onuradunaren aldetik.

Bai publizitatean, bai zabalkundeko materialetan eta paper gauzetan, entitate onuradunek Nafarroako Gobernuaren finantzaketa izan dutela adierazi behar dute. Nafarroako Gobernuaren sinbolo ofiziala eta haren erabilera arautzen duen urtarrilaren 27ko 4/2016 Foru Dekretuan xedatutakoarekin bat erabili beharko da Nafarroako Gobernuaren sinboloa.

20.–Errekurtsoak.

Oinarri arautzaile hauen eta haien aplikazioko administrazio egintzen aurka, gora jotzeko errekurtsoa jartzen ahalko da, Nafarroako Gobernuko Eskubide Sozialetako kontseilariari zuzendua, argitaratu edo jakinarazi eta biharamunetik hilabeteko epean. Errekurtsoaren xede den administrazio ekintza berariazkoa ez bada, edozein unetan jartzen ahal da gora jotzeko errekurtsoa, isiltasun administratiboaren ondorioak izan eta biharamunetik aurrera.

21.–Datuen babesa.

Deialdi honek ezartzen duena betetzeko beharrezkoak diren datu pertsonalen tratamendua honako arau hauen arabera eginen da: 2016/679 (EB) Erregelamendua, apirilaren 27koa, Europako Parlamentuarena eta Kontseiluarena, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzkoa, eta 95/46/EE Zuzentaraua indargabetzen duena; 3/2018 Lege Organikoa, abenduaren 5ekoa, Datu Pertsonalak Babesteko eta Eskubide Digitalen Bermatzekoa; eta garapenerako gainerako arauak, hari aurka egiten ez dioten heinean.

Entitate onuradunen ardura izanen da programetan parte hartzen duten pertsonei aipatu Erregelamenduaren (EB) 13. artikuluan adierazitako informazioa ematea.

22.–Emandako dirulaguntzen argitalpena.

Dirulaguntzei buruzko azaroaren 9ko 11/2005 Foru Legearen 15. artikuluan xedatutakoarekin bat, Nafar Lansare-Nafarroako Enplegu Zerbitzuak jendaurrean jarriko ditu emandako dirulaguntzak Nafarroako Enpleguaren Atarian (https://www.navarra.es/eu/enplegua), eta bertan adieraziko dira deialdia, aurrekontuko zein programari eta kredituri egotzi zaizkien, onuraduna, emandako zenbatekoa eta dirulaguntzaren xedea.

Estatuko Administrazioko Kontu-hartzailetza Nagusiak ere argitaratuko ditu datu horiek bere web-orrian, Dirulaguntzei buruzko azaroaren 17ko 38/2003 Lege Orokorraren 20.8 artikuluan xedatutakoarekin bat.

Iragarkiaren kodea: F2411137