2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Ikastetxeetan jateko dirulaguntzen deialdia 2024-2025 ikasturterako. Laburpena
DDBN (Identif.): 764433.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Haren testu osoa Dirulaguntzen Datu Base Nazionalean aurki daiteke (https://www.infosubvenciones.es/bdnstrans/GE/es/convocatoria/764433).
Tokiko Gobernu Batzarrak 2024ko maiatzaren 27an hartutako erabakiaren bidez, Barañaingo Udalak aditzera ematen du ondoren agertzen diren oinarriak onetsi dituela: dirulaguntzak ematea arautzen duten oinarriak, Barañainen bizi eta erroldaturik diren umeak joan daitezen 2024-2025 ikasturtean Haur Eskoletako eta Haur eta Lehen Hezkuntzako ikastetxe publiko eta itunduetako eskola jantokietara.
Eskaerak aurkezteko epea 15 egun baliodunekoa izanen da, oinarriak Nafarroako Aldizkari Ofizialean argitaratu eta biharamunetik kontatzen hasita.
Oinarri arautzaileak eta eskabideak Barañaingo Udalaren Herritarren Arretarako Bulegoan, Barañaingo Udalaren Oinarrizko Gizarte Zerbitzuan edo www.barañain.eus web orriaren bidez jaso ahal izanen dira.
Barañainen, 2024ko maiatzaren 29an.–Alkate udalburua, María Lecumberri Bonilla.
Iragarkiaren kodea: L2408649
