Iragarkia

116. ALDIZKARIA - 2024ko ekainaren 6a

1. NAFARROAKO FORU KOMUNITATEA

1.7. BESTELAKOAK

59/2024 EBAZPENA, Energiako, Enpresa I+G+B-ko eta Ekintzailetzako zuzendari nagusiak emana. Honen bidez, eraikitzeko administrazio-baimena eta deklarazioa ematen da, hain zuzen, onura publikoa aitortuz (1. fasea),Tutera II izeneko eguzki-instalazio fotovoltaikorako eta hari atxikitako transformazio- eta ebakuazio-azpiegituretarako, Ablitas, Ribaforada, Fontellas eta Tutera udal-mugarteetan.

1.–Eskaera, eraikitzeko administrazio-baimena eskuratzekoa eta zehazki onura publiko deklaratzekoa.

Industriaren, Energiaren eta S4 Proiektu Estrategikoen zuzendari nagusiak apirilaren 24an emandako 59/2023 Ebazpenaren bidez, aurretiazko administrazio-baimena eman zen EDP Renovables España SLUrentzat, energia elektrikoa ekoizteko 25 MW-eko Tutera II eguzki-instalazio fotovoltaikorako, eta orobat haren transformazio- eta ebakuazio-azpiegituretarako, Ablitas, Ribaforada, Fontellas eta Tuterako udal-mugarteetan (5065-CE eta SAT11162 espedienteak), Ingurumeneko zuzendari nagusiaren urtarrilaren 13ko 9E/2023 Ebazpenean ezarritako baldintzak betetzearen mende. Ebazpen hori 2023ko 101. Nafarroako Aldizkari Ofizialean argitaratu zen, maiatzaren 15ean.

2023ko maiatzaren 17an, eta abenduaren 1eko 1955/2000 Errege Dekretuaren 130. eta 143. artikuluak aplikatuz (haren bidez, energia elektrikoa garraiatu, banatu, merkaturatu eta hornitzeko jarduerak eta instalazioak baimentzeko prozedurak arautzen dira), EDP Renovables España SLUk eskatu zuen eraikitzeko administrazio-baimena ematea eta onura publikoa zehazki deklaratzea energia elektrikoa ekoizteko aipatutako instalaziorako eta hari atxikitako transformaziorako eta Tutera 220 kV TAEra eramateko azpiegituretarako (lehendik dago, Red de Red Eléctrica de España SAUren jabetzakoa), Ablitas, Ribaforada, Fontellas eta Tuterako udal-mugarteetan.

Eskaerarekin batera emandako dokumentazio teknikoaren arabera, Tutera II eguzki-instalazio fotovoltaikoaren egikaritze proiektuak barne hartzen ditu:

–Tutera II eguzki-instalazio fotovoltaikoa, ezaugarri nagusi hauekin:

• 40.440 modulu fotovoltaiko, 27,09 MWp-eko puntako potentzia osoarentzat.
• 100 inbertsore fotovoltaiko, 25 MW-eko potentzia instalatu baterako.
• 5 transformazio-zentro.
• 25 hektarea inguruko azalera okupatua.

–Tutera I eta Tutera II eguzki-instalazio fotovoltaikoetan sortutako energia biltzen duen zentro kolektore bat.

–30 kV-eko lurpeko linea, zentro kolektorearen eta Tutera Sustatzaileak transformazio-azpiestazioaren artean, 17 km inguruko luzerakoa, barne direla Lodosako ubidea eta NA-3010 toki errepidea (102 metro) airetik gurutzatzeko tarteak.

–Tutera Sustatzaileak transformazio-azpiestazioa, ezaugarri hauekin:

• 220 kV-eko hiru linea-posizio.
• 220 kV-eko barra-posizio bat.
• Hiru transformadore-posizio:
  • 220/33 kV-eko transformadore-posizio bat.
  • 220/66 kV-eko transformadore-linea posizio bat.
  • 220/30 kV-eko transformadore-posizio bat.

–Aireko-lurpeko 220kV-eko linea bat Tutera Sustatzaileak TAEaren eta Tutera 220 kV TAEaren (lehendik dago, Red de Red Eléctrica de España SAUren jabetzakoa) artean, 2,7 kilometro inguru luzekoa, haietatik 1,4 lurpean eta 1,3 airean.

2.–Kontsulten tramitea.

Abenduaren 1eko 1955/2000 Errege Dekretuaren 131. artikuluan ezarritakoa aplikatuz, 2023ko maiatzaren 18an kontsulta egin zitzaien erakunde hauei, eta taulan ageri diren txostenak jaso ziren:

Araudi horretan berean xedatutakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuak jasotako txostenak helarazi zizkion EDP Renovables España SLUri, hamabost eguneko epean oniritzia eman ziezaien edo egokitzat jotzen zituen eragozpenak jar zitzan.

Hona hemen txosten horien edukia eta analisiak eta haiei emandako erantzunak:

1. txostena.–Ingurumen Eraginaren Atala.

2023ko ekainaren 8ko txostenean Ingurumen Eraginaren Atalak adierazi zuenez, "proiektu horietan egindako aldaketek ez dute ingurumen-eragin adierazgarririk baimendutako proiektuek eraginen lituzketen ukipenen aldean, eta, beraz, aldeko txostena ematen zaio eskaerari". Era berean, ingurumen-eraginaren adierazpenean ezarritako baldintzei dagokienez, sustatzaileak kontuan hartu beharreko zenbait ohar egiten ditu. Azkenik, zera dio: "Ahal den eperik laburrenean, eta betiere ustiapena baimentzeko eskaera baino bi hilabete lehenago, ingurumen-eraginaren adierazpenean aipatzen den dokumentazio guztia aurkeztu behar da, hartan azalduz, besteak beste, obrak egiteko modua, integrazio-neurriak, konpentsazio-neurrien ezarpena, ingurumen-zaintza, ingurumena leheneratzea, etab. Ingurumen Eraginaren Atalaren aldeko txostena jaso beharko da ustiapenerako-baimenaren aurretik".

2. txostena.–Garraioetako, Mugikortasuneko eta Hiri Agendako Ministerioko Trenbide Plangintzaren Zuzendariordetza Nagusia.

2023ko ekainaren 16ko txostenean, Garraioetako, Mugikortasuneko eta Hiri Agendako Ministerioko Trenbide Plangintzako Zuzendariordetza Nagusiak trenbide ukipenak aztertu zituen, txosten honetan: «Abiadura Handiko Korridore Kantauriar-Mediterraneoari buruzko Informazio Azterlana. Tartea: Zaragoza-Castejón», eta hau ondorioztatu zuen: "Proiektuari oniritzia eman ahal izateko, ebakuazioko linea aldatu beharko da, gurutzatzeak minimizatuz eta Informazio Azterlaneko trazadurarekiko detektatu diren interferentziak konponduz, eta dokumentazio berria SGPF honetara bidali".

Sustatzaileak hainbat argibide eta doikuntza erantsi ondotik, 2024ko otsailaren 26an, Zuzendariordetza horrek berak aldeko txostena eman zuen proiektuko gurutzatzeentzat, betiere gogora ekarriz "kontuan hartu beharko dela aipatutako informazio-azterlan horretan jasotzen den trenbidearen trazaduran oraindik ere aldaketak egin litezkeela ondoko faseetan (...), eta, beraz, ebakuazio-linearekin lotutako edozein jarduketak etorkizunean inolako ukipenik eraginen balie ingurune horretan aurreikusitako tren-azpiegiturei, dela haren eraikuntzan, dela ustiatu bitartean, sortutako ukipena konpontzeko egin beharko liratekeen kokapen berrien edo konpontze-lanen ondoriozko gastuak eguzki-instalazio fotovoltaikoaren instalazioen sustatzailearen kontura izanen direla, eta ez diotela inola ere kostu gehigarririk ekarriko Estatuko Administrazio Orokorrari".

3. txostena.–Lurraldearen Antolamenduaren Atala.

2023ko ekainaren 28ko txostenean Antolamenduaren Atalak gogorarazi zuenez, lurzoru urbanizaezineko jarduera eta erabileretarako baimena, Lurralde eta Paisaia Zerbitzuko zuzendariaren apirilaren 24ko 160E/2023 Ebazpenaren bidez emana, "eskuratzeko baldintza zen parkearen ebakuazioko linearentzat lurzoru urbanizaezineko baimena lortzea".

Sustatzaileak zenbait azalpen eta doikuntza egin zituen proiektuan, behin betiko konponbidea lortu arte. 2023ko abenduaren 4an aurkeztu zuen, eta, Lurralde Antolamenduko zuzendari nagusiaren apirilaren 22ko 121E/2024 Ebazpenaren bidez, lurzoru urbanizaezineko jarduera eta erabileretarako baimena eman zen, Tutera I eta Tutera II eguzki-instalazio fotovoltaikoentzat (erdi-tentsioko 30 kV-eko lineak, Tutera Sustatzaileak 220/30 kV TAEa eta Tutera Sustatzaileak TAEaren eta Tutera 220 kV TAEaren arteko LASAT –aireko eta lurpeko goi-tentsioko linea elektrikoa–), 2023ko abenduan aurkeztutako dokumentazioaren arabera eta hirigintza-baimenean berean ezartzen diren zehaztapenen arabera.

4. txostena.–Red Eléctrica de España SAU.

2023ko uztailaren 3ko txostenaren bidez, Red Eléctrica de España SAUk dokumentazio gehigarria eskatu zuen eta argibideak, linea elektrikoa Tutera 220 kV TAE azpiestaziora sartzeko erari buruz. Gainera, zenbait baldintza tekniko zehaztu zituen eta bere jabetzako linea batekiko gurutzatzea arauen araberakoa dela adierazi zuen. Azkenik, gogorarazi zuen lanak hasi aurretik sustatzaileak harremanetan jarri behar zuela garraio-sarearen kudeatzailearekin.

Horri dagokionez, esan behar da 2023ko uztailaren 27an sustatzaileak aipatutako gaiak argitu zituela eta eskatutako dokumentazioa aurkeztu zuela, zeina Red Eléctrica de España SAUri helarazi baitzitzaion 2023ko uztailaren 28an.

3.–Onura publikoa zehazki deklaratzeko proposamena (1. fasea).

EDP Renovables España SLUk 2023ko maiatzaren 17an egindako onura publikoko deklarazioaren eskaerak osatu egiten zituen 2021eko urtarrilaren 21ekoa eta 2023ko urtarrilaren 30ekoa.

Abenduaren 1eko 1955/2000 Errege Dekretuaren 125. eta 144. artikuluetan xedatutakoa betetzeko, EDP Renovables España SLUk 2021eko urtarrilean eta 2023ko urtarrilean egindako eskaerak, eta orobat instalazioak ukitzen dituen ondasun eta eskubideen zerrendak, jendaurrean jarri ziren hogeita hamar egun baliodunez, iragarkiak jarrita Nafarroako Aldizkari Ofizialean, 2021eko otsailaren 25ean, 43. zenbakian, eta 2023ko otsailaren 13an, 30. zenbakian, hurrenez hurren. Gainera, prentsan argitaratu ziren, ukitutako udalen iragarkien taulan ere bai, eta dokumentazioa ere argitaratu zen, Nafarroako Gobernu Irekiaren web-orrian, dagokion fitxan).

Bi prozesuetan aurkeztutako alegazioei erantzuna eman zitzaien Industriaren, Energiaren eta S4 Proiektu Estrategikoen zuzendari nagusiaren apirilaren 24ko 59/2023 Ebazpenean, administrazio-baimena emanez, instalazioa egin aurretik.

Era berean, betetzat jotzen da abenduaren 1eko 1955/2000 Errege Dekretuaren 146. artikuluan eskatutako kontsultaren tramitea, txostenei erantzuna eman baitzitzaien Ebazpen horretan berean.

4.–Eraikitzeko administrazio-baimenaren eta onura publikoko deklarazio zehatzaren proposamena.

Aurkeztutako dokumentazioa aztertuta, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa aintzat hartuta, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura era egokian egin dela, eta proposatu du eraikitzeko administrazio-baimena eta zehazki onura publikoko deklarazioa ematea EDP Renovables España SLUri, Tutera II izeneko eguzki-instalazio fotovoltaikoarentzat.

Onura publikoa zehazki deklaratze hau mugatu behar da zenbait ondasun eta eskubidetara, hain zuzen ere, abenduaren 1eko 1955/2000 Errege Dekretuaren 144., 145. eta 146. artikuluetan eskatzen dena bete den kasuetara, zerrendatuta baitaude Ebazpen honen eranskinean (1. fasea). Ukitutako gainerako ondasun eta eskubideen kasuan (2. fasea), egoki den tramitea bete beharko da.

Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Eraikitzeko administrazio-baimena ematea EDP Renovables España SLUri energia elektrikoa ekoizteko Tutera II eguzki-instalazio fotovoltaikoa, potentzia instalatuko 25 MW-koa, eta hari atxikitako transformaziorako eta Tutera 220 kV TAEra eramateko azpiegituretarako, (lehendik dago, Red de Red Eléctrica de España SAUren jabetzakoa), Ablitas, Ribaforada, Fontellas eta Tuterako udal-mugarteetan, eta obrak egiteko hogeita hamasei hilabeteko epea ematea. Zehazki, 2023ko maiatzaren 17an aurkeztu eta 2023ko abenduaren 4an eguneratu ziren exekuzio-proiektuak onetsi dira.

2. Baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat etorriz.

3. Instalazioak aurkeztutako proiektuari jarraikiz gauzatu beharko dira, eta bat etorri beharko dute honako hauetan xedatutakoarekin: Goi-tentsioko instalazio elektrikoen baldintza teknikoei eta segurtasun-bermeei buruzko erregelamendua onesten duen maiatzaren 9ko 337/2014 Errege Dekretua eta haren Jarraibide Tekniko Osagarriak JTO-GTE 01etik 23ra; Goi-tentsioko linea elektrikoen baldintza teknikoei eta segurtasun-bermeei buruzko erregelamendua onesten duen otsailaren 15eko 223/2008 Errege Dekretua eta haren Jarraibide Tekniko Osagarriak JTO-GTL 01etik 09ra; eta Behe-tentsioko Erregelamendu elektroteknikoa onesten duen abuztuaren 2ko 842/2002 Errege Dekretua.

4. Behin proiektua gauzaturik, eskatzaileak zerbitzuan jartzeari buruzko agiria eskatu beharko du. Eskaera horri obra-bukaerako ziurtagiria erantsi beharko zaio, teknikari fakultatibo eskudunak izenpetua, bai eta aplikatzekoa den araudian ezarritako gainerako dokumentazioa ere.

5. Instalazio horren (1. fasea) onura publikoa zehazki deklaratzea, Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin bat; hori horrela, enpresa eskatzailea onuraduna izanen da desjabetze espedientean. Ukitutako ondasun eta eskubideen zerrenda (1. fasea) ebazpen honen eranskinean dago.

6. Ebazpen hau bidaltzea Industria Antolamenduaren, Azpiegitura Energetikoen eta Meatzeen Zerbitzuari, Biodibertsitatearen eta Arrantza Kudeaketaren Zerbitzuko Ingurumen Ebaluazioaren Atalari, eta Lurralde eta Paisaia Zerbitzuko Paisaia eta Landa Lurzoruaren Atalari, behar diren ondorioak izan ditzan.

7. Ebazpen hau Nafarroako Aldizkari Ofizialean argitaratzea, orok jakin dezan.

8. Ebazpen hau jakinaraztea erakunde hauei: EDP Renovables España SLU; Richard Sada Anton jauna; Gurelur elkartea; Eólica Ablitas SLU; Sistemas Energéticos El Boyal SL; Sustrai Erakuntza Fundazioa; Enerfín Sociedad de Energía SLU; Renovables del Cierzo SLU; Nafarroako Ekologistak Martxan; Ongaitz-Zangozerriko Ekologistak Martxan; Enériz Villafranca José David y Concepción SC; Enagás Transporte SAU; Edistribución Redes Digitales SLU; Telefónica de España SAU; Navarra de Infraestructuras Locales SA (NILSA); Nedgia Navarra SA; I-DE Redes Eléctricas Inteligentes SAU; eta Red de Red Eléctrica de España SAUren Lineak mantentzeko eta sarerako sarbideko departamentuak. Gainera, ohartarazten zaie ebazpen honek ez duela administrazio-bidea amaitzen eta honen aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta biharamunetik aurrera, hilabeteko epean. Errekurtsoaren idazkian, espediente-zenbakia adierazi beharko da.

9. Ebazpen hau jakinaraztea Ablitas, Cascante, Tutera, Ribaforada eta Fontellasko udalei; Erriberako Mankomunitateari; Moncayoko Ur Mankomunitateari; Ebroko Konfederazio Hidrografikoari; Defentsa Ministerioaren Azpiegitura Zuzendaritza Nagusiari; eta Garraioetako, Mugikortasuneko eta Hiri Agendako Ministerioari, eta ohartaraztea honen kontra administrazioarekiko auzi-errekurtsoa jartzen ahal dela jurisdikzio-organo eskudunaren aurrean, bi hilabeteko epean, jakinarazten den egunaren biharamunetik aurrera, eta aurretik Nafarroako Gobernuari errekerimendua egiten ahal zaiola Administrazioarekiko Auzien Jurisdikzioa arautzen duen uztailaren 13ko 29/1998 Legeak 44. artikuluan ezartzen duen moduan eta epean.

Iruñean, 2024ko maiatzaren 20an.–Energia, Enpresa I+G+B eta Ekintzailetzako zuzendari nagusia, Uxue Itoiz Mariñelarena.

TUTERA II EGUZKI-INSTALAZIO FOTOVOLTAIKOAK ETA HARI ATXIKITAKO TRANSFORMAZIO- ETA EBAKUAZIO-AZPIEGITUREK UKITZEN DITUZTEN ONDASUN ETA ESKUBIDEEN ZERRENDA

TUTERA II EIFV

TUTERA II EGUZKI-INSTALAZIO FOTOVOLTAIKOAREN BIDEAK

TUTERA II EIFV-AREN ERDI-TENTSIOKO LURPEKO SAREA

TUTERA II EIFV-AREN ERDI-TENTSIOKO AIREKO SAREA

TUTERA II EIFV-AREN ERDI-TENTSIOKO SAREAREN ZULAKETA GIDATUA

TUTERA SUSTATZAILEAK TAE

LASAT 220 kV (TUTERA SUSTATZAILEAK TAE - TUTERA 220 kV TAE)

Iragarkiaren kodea: F2408162