2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, Burlatako eraikinen birgaitze integralerako 2022-2023ko dirulaguntzen deialdiarena
DDBN (Identif.): 690181.
Oharra: testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index).
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https:// www.infosubvenciones.es/bdnstrans/GE/eu/convocatoria/690181).
Udalaren interesekoa denez Burlatako udalerrian eraikinak birgaitzeko jarduketak sustatzea, Eraikinak Birgaitzeko Laguntzei buruzko Udal Ordenantzak xedatutakoa betez (behin betiko onarpena 2021eko ekainaren 11ko Nafarroako Aldizkari Ofizialean argitaratu zen, 136. zenbakian), Burlatako Udalak Burlatako eraikinen birgaitze integralerako dirulaguntzen deialdi publikoa onartu du, banakako ebaluazio erregimenean.Deialdia 2022 eta 2023 urteetarako izanen da.
Deialdiari buruzko informazio gehiago www.burlata.eus webgunean.
Burlatan, 2023ko apirilaren 4an.–Alkatea, Ana María Góngora Urzaiz.
Iragarkiaren kodea: L2306467
