1. NAFARROAKO FORU KOMUNITATEA
1.7. BESTELAKOAK
769/2023 Ebazpena, 2023ko apirilaren 25ekoa, Nafarroako Unibertsitate Publikoko errektoreak emana. Haren bidez agintzen da argitaratzeko "Erabakia, Nafarroako Unibertsitate Publikoaren Administrazio Elektronikoari buruzko Erregelamenduaren aldaketa onesten duena", Gobernu Kontseiluak 2023ko apirilaren 25ean hartutako erabaki baten bidez onetsia.
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, agintzen dut argitaratzeko Gobernu Kontseiluak 2023ko apirilaren 25ean hartutako erabakia, Nafarroako Unibertsitate Publikoaren Administrazio Elektronikoari buruzko Erregelamenduaren aldaketa onesten duena.
"Gobernu kontseiluaren erabakia, Nafarroako Unibertsitate Publikoaren Administrazio Elektronikoari buruzko Erregelamenduaren aldaketa onesten duena (Gobernu Kontseiluak 2022ko abenduaren 19an erabaki baten bidez onetsia. NAOn argitaratua 2023ko urtarrilaren 2an, 1. zk.).
2015eko urriaren 1eko 39/2015 Legeak, Administrazio Publikoen Administrazio Prozedura Erkideari buruzkoak, betebehar hau jartzen die administrazioei: bermatu behar dute interesdunei aukera emanen dietela beraiekiko harremanetan bitarteko elektronikoak erabiltzeko, eta, horretarako, 12. artikuluko 2. paragrafoan ezartzen du ezen, "interesdun horietakoren batek beharrezko bitarteko elektronikorik ez badu, haren identifikazioa edo sinadura administrazio-prozeduran funtzionario publiko batek egiten ahalko duela, horretarako daukan sinadura elektronikoko sistema erabiliz". 3. apartatuan, berriz, "erregistro bat edo beste sistema baliokide bat eguneratuta edukitzea" eskatzen die administrazioei, "eta erregistro horretan jasoko dira identifikaziorako edo sinadurarako gaitutako funtzionarioak, artikulu horretan arautzen den moduan. Erregistro edo sistema baliokide honetan, gutxienez, erregistro gaietan laguntza emateko bulegoetan zerbitzua ematen duten funtzionarioak agertuko dira".
Arau hori garatzeko hainbat administrazio publikok onetsitako arauek aukera ematen dute karrerako funtzionarioez gain beste enplegatu publiko batzuk ere gaituta egon daitezen, hala nola Estatuko Administrazio Orokorraren, haren organismo publikoen eta zuzenbide publikoko erakundeen eremuan gaitutako funtzionarioen erregistrokoak. Erregistro horrek xedatzen duenez, "karrerako nahiz bitarteko funtzionarioak gaitu ahal izanen dira, zerbitzu aktiboan badaude", baldin eta ez badira lan kontratudun langileak eta behin-behineko langileak.
Azaldutakoaren arabera, Garapen Digitaleko errektoreordeak Nafarroako Unibertsitate Publikoko Administrazio Elektronikoari buruzko Erregelamendua aldatzea proposatu du. Erregelamendu hori Gobernu Kontseiluaren 2022ko abenduaren 19ko erabaki baten bidez onetsi zen, eta, horrela, enplegatu publiko gaituak izateko aukera ematen die bai karrerako funtzionario diren Unibertsitateko administrazioko eta zerbitzuetako langileei, bai administrazio-araubidean kontratatutako langileei. Horren ondorioz, funtzionario gaituen erregistroaren erreferentzia ere aldatu behar da.
Horregatik guztiagatik, Garapen Digitaleko errektoreordeak proposatuta, honako hau da Gobernu Kontseiluak, bere kideek aldez aurretik eztabaida egin eta gero, 2023ko apirilaren 25ean egindako bileran hartu duen,
ERABAKIA:
Lehenbizikoa.–Nafarroako Unibertsitate Publikoaren Administrazio Elektronikoari buruzko Erregelamenduaren aldaketa hau onestea. Erregelamendu hori Gobernu Kontseiluaren 2022ko abenduaren 19ko erabaki baten bidez onetsi zen (2023ko urtarrilaren 2ko NAO, 1. zk.).
Bigarrena.–Erabaki hau Nafarroako Unibertsitate Publikoaren iragarki ohol elektroniko ofizialean eta Nafarroako Aldizkari Ofizialean argitaratzea.
Hirugarrena.–Erabaki honek Nafarroako Aldizkari Ofizialean argitaratu eta biharamunean hartuko du indarra. Haren kontra zilegi da administrazioarekiko auzi-errekurtsoa jartzea Nafarroako Justizia Auzitegi Nagusiko administrazioarekiko auzien epaitegietan, bi hilabeteko epean, erabakia Nafarroako Aldizkari Ofizialean argitaratu eta biharamunetik kontatzen hasita, Unibertsitate Sistemari buruzko 2023ko martxoaren 22ko 2/2023 Lege Organikoaren 38.4 artikuluan eta Nafarroako Unibertsitate Publikoaren Estatutuetako 144.1 artikuluan xedatutakoarekin bat etorriz."
Iruñean, 2023ko apirilaren 25ean.–Errektorea, Ramón Gonzalo García.
ALDAKETA NAFARROAKO UNIBERTSITATE PUBLIKOAREN ADMINISTRAZIO ELEKTRONIKOARI BURUZKO ERREGELAMENDUAN
Nafarroako Unibertsitate Publikoaren administrazio elektronikoari buruzko Erregelamendua honako eduki honekin aldatzen da:
Bat.–3. artikuluko 1. apartatua aldatzea. Honela geldituko da erredaktaturik:
Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legearen 5. artikuluan xedatutakoaren arabera, interesdunek ordezkari baten bidez jarduten ahalko dute. Prozedura administratibo bateko ordezkaritza zuzenbidean onargarria den edozein bide erabiliz egiaztatzen ahal da, dela "apud acta" ahalordearen bidez (hots, enplegatu publiko gaituen aurrean pertsonalki agertuta edo egoitza elektronikoan elektronikoki agertuta egiten dena), dela Unibertsitateko ahalordeen erregistro elektronikoan edo Unibertsitateak eskuragarri duen ahalordeen erregistro elektroniko batean inskribatuta.
Bi.–8. artikuluko 2. apartatuko f) letra aldatzea, zeina honela geratuko baita:
Erregistro elektronikorako sarbide-puntua, honako hauek barne: eskabideak aurkezteko inprimaki normalizatuak, ahalordeen erregistrorako eta enplegatu publiko gaituen erregistrorako sarbide-puntuak, eta Unibertsitatearen arreta-bulegoak edo izendatzen den laguntza-unitateak erregistroan sartzeko ematen duen laguntzari buruzko informazioa.
Hiru.–Hauek aldatzea: 30. artikulutik izenburua, 2. apartatuko a) letrako iii. epigrafea, 3. apartatuko lehen eta azken paragrafoak eta 4. paragrafoa.
–Izenburua: Erregistro gaietan laguntza emateko bulegoa. Egoitza presentzialak. Enplegatu publiko gaituak.
–2. apartatuko a) letrako III. epigrafea: "Identifikazioa egitea edo elektronikoki sinatzea, horretarako gaitutako enplegatu publikoen bitartez, interesdunek beharrezko bitarteko elektronikoak ez izanik erregelamendu honen 2. artikuluan xedatutakoaren arabera harremanak elektronikoki izatera behartuak ez dauden prozeduretan."
–3. paragrafoko lehenbiziko paragrafoa: 2015eko urriaren 1eko 39/2015 Legearen 12.2 eta 27.1 artikuluetan ezarritakoaren arabera, erregistro gaietan laguntza emateko bulegoak honako hauetarako gaitutako enplegatu publikoak izanen ditu:
–3. paragrafoko azken paragrafoa: "Horrek ez du alde batera uzten Unibertsitateko beste unitate administratibo batzuek enplegatu publikoak gaituak izan ditzaketela atxikita eginkizun horiek gauzatzeko."
–4. apartatua: "Unibertsitatearen egoitza elektronikoan enplegatu publiko gaituen erregistro bat izanen da, eta hor, gutxienez, erregistro gaietan laguntza emateko bulegoan destinatutako funtzionario eta administrazio-araubidean kontratutako guztiak egonen dira erregistratuak."
Iragarkiaren kodea: F2306509
