Iragarkia

99. ALDIZKARIA - 2023ko maiatzaren 11

1. NAFARROAKO FORU KOMUNITATEA

1.7. BESTELAKOAK

308/2023 EBAZPENA, apirilaren 27koa, Nekazaritza eta Abeltzaintzako zuzendari nagusiak emana, zeinaren bidez prozedura bat onesten baita Urbasa eta Andia jabari publikoko mendietan erabilera erkideko larre azalerak aitortzeko, erabiltzaileek 2023ko eskaera bakarrean (NPE) aitor ditzaketenak.

Uztailaren 1eko 267/1996 Foru Dekretuaren bidez onetsi zen Urbasa eta Andia mendietako Natura Baliabideak Antolatzeko Plana, eta otsailaren 27ko 3/1997 Foru Legearen bidez deklaratu zen Urbasa eta Andia mendietako Parke Naturala. Gero, Natura Baliabideak Antolatzeko Plana aldatu zen irailaren 7ko 198/2011 Foru Dekretuaren bidez.

Abenduaren 4ko 340/2001 Foru Dekretuaren bidez onetsi zen Urbasa Parke Naturala Erabili eta Kudeatzeko Plan Zuzentzailea (EKPZ). Plan horren 4.1 artikuluaren arabera, eskubide tradizionalen erabilera, besteak beste larratzekoa, Ingurumen Zuzendaritza Nagusiak ezarri prozedurari jarraikiz eginen da.

Bestalde, Ingurumenaren eta Uraren zuzendari nagusiaren abuztuaren 12ko 1259/2011 Ebazpenaren bidez, Urbasa eta Andia mendietako larre eta oihanak antolatzeko proiektua onetsi zen.

Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuaren 25. artikuluak Nekazaritza eta Abeltzaintza Zuzendaritza Nagusiaren eskumenen eremu materiala ezartzen du, eta besteak beste jasotzen du laguntzen eskaera bakarra antolatzea Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduaren arabera. Erregelamendu hori Nekazaritza Politika Erkidearen finantzaketa, kudeaketa eta jarraipenari buruzkoa, 1306/2013 (EB) Erregelamendua indargabetzen du.

Ikusita Nekazaritza Zerbitzuko Errentetarako Laguntzen Atalak 2023ko apirilaren 21ean egindako txostena.

Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak erabiliz,

EBAZTEN DUT:

1. Prozedura onestea Urbasa eta Andia jabari publikoko mendietan erabilera erkideko larre azalerak aitortzeko, 2023ko eskaera bakarrean (NPB) sar ditzaketenak larre horiek aprobetxatzen dituzten abeltzainek. I. eranskinean zehazten da prozedura hori.

2. Eskaeraren eredua onestea. Ebazpen honen II. eranskinean agertzen da.

3. Urbasa eta Andia jabari publikoko mendietako erabilera erkideko larreen onuradunei/erabiltzaileei emandako azalerak onestea, ebazpen honen III. eranskinean ageri den bezala.

4. Ebazpen hau jakinaraztea, behar diren ondorioak izan ditzan, Ingurumeneko Zuzendaritza Nagusiko Baso Plangintzarako eta Ingurumen Hezkuntzarako Atalari, Ingurumena Zaintzeko Atalari eta Basoen eta Ehizaren Zerbitzuari.

5. Ebazpen hau Nafarroako Aldizkari Ofizialean argitaratzea.

6. Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko apirilaren 27an.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA

Urbasa eta Andiako jabari publikoko mendietako larreen erabiltzaileek 2023ko eskaera bakarrean aitor ditzaketen azalerak eskatzeko eta banatzeko prozedura 2023ko kanpainarako

Lehena.–Xedea.

Ebazpen honen xedea da prozedura ezartzea zehazteko zer azalera aitor dezaketen Urbasa eta Andia jabari publikoko mendietako erabilera erkideko larreen erabiltzaileek eskaera bakarrean 2023ko kanpainarako.

Bigarrena.–Onuradunak.

Urbasa eta Andia jabari publikoko mendietako erabilera erkideko larreen onuradun izaten ahalko dira nafar auzotasun forala duten eta beren jabetzako azienda mendi horietara larratzera eramaten duten eskatzaileak.

Hirugarrena.–Larre azalerak aitortzeko prozedura, 2023ko NPEren laguntzak eskatzeko.

2022ko kanpainan Urbasa-Andia larreen azaleraren onuradun izan diren abeltzainei 2023ko kanpainarako aitortuko zaien azalera 2021eko kanpainan igotako AzLUen baliokidea izanen da, laugarren oinarrian zehazten den bezala. Azalera hori abeltzainari jakinaraziko zaio, jakinaren gainean egon dadin.

Larre azalera aitor dadin, egungo kanpainan mendira igo behar dute nahitaez.

Prozedura honen ondorioetarako:

1. Abeltzain batek Urbasa-Andia jabari publikoko mendietan larreak lehen aldiz erabiltzen dituenean, horri uko egiten dionean, ustiategia eskualdatu duenean edo aitortutako azalera aldatzea eskatzen duenean, ebazpen hau argitaratu eta 10 eguneko epean, idatziz eskatu beharko du azaleraren aitorpena, ebazpen honen II. eranskineko eskabide ereduaren arabera.

Abeltzainak adierazi beharko du bere jabetzako zer azienda sartu nahi duen Urbasa-Andian 2023ko kanpainan, azienda kopurua espezieka eta adin tarteak zehaztuta, bai eta Urbasa eta Andia mendietan aitortzea eskatzen duen larre azalera garbi maximoa ere, hektareatan emana. Adierazpen horretan ez da jasoko sei hiletik gorako zezenik, ezin baitira mendietara igo, sexu transmisioko gaixotasunak direla eta Landa Garapeneko kontseilariaren abuztuaren 12ko 140/2021 Foru Aginduari jarraituz jarraituz, zeinak osasun programa bat ezartzen duen Urbasa eta Andiako larreak erabiltzen dituzten abeltzaintzako establezimenduentzat.

2. AzLUak kalkulatzeko, animaliak azienda-unitate bihurtzeko koefizienteak erabiliko dira. Koefiziente horiek jasota daude 2021/2290 (EB) Betearazpen Erregelamenduaren I. eranskineko emaitzen adierazleetan (Errealizazioaren eta emaitzen adierazle komunak kalkulatzeko metodoak).

3. Azalera aitortzeko eskaera Landa Garapeneko eta Ingurumeneko Departamentuko Nekazaritza Zerbitzuari zuzenduko zaio, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako edozein bide erabiliz aurkezten ahalko da.

4. Ebazpen hau Nafarroako Aldizkari Ofizialean argitaratu baino lehen aurkeztu diren azalera aitortzeko eskaerak onartuko dira.

Laugarrena.–Azalera zehaztea.

2023ko kanpainan Urbasa eta Andia jabari publikoko mendietako larreetarako aitortutako azalera proportzionala izanen da eskatzaile bakoitzak 2021eko kanpainan horietan erabili zituen azienda larriko unitateekiko.

Abereen igoerari buruzko datuak Basoen eta Ehizaren Zerbitzuak jakinaraziko ditu.

Nolanahi ere, Urbasa eta Andia mendietako larre eta oihanak antolatzeko proiektuan xedatutakoarekin bat izanen da.

Hona hemen jarraitu beharreko prozedura:

1. Nekazaritzako Informazio Sistemen Bulegoari kontsulta eginez ezagutuko dira Urbasa-Andia mendietako larreen azalera garbiak.

2. Salbuespenez, 2023ko kanpaina honetan, 2021ean igotako AzLUak hartuko dira erreferentziatzat, Nekazaritza eta Abeltzaintzako zuzendari nagusiak urriaren 27an eman 836/2022 Ebazpenean jasotzen den moduan (ebazpen horren bidez salbuespenezko neurriak hartu ziren Nekazaritza Politika Erkidearen (NPE) laguntzetarako betekizun jakin batzuk betetzeari dagokionez, lehorteak eragindako egoera dela eta. Ardi- eta ahuntz-aziendari lotutako laguntza eta larreen aprobetxamendua Urbasa-Andian. 2022ko kanpaina).

3. Azalera ratioa AzLU bakoitzeko kalkulatzeko, Urbasa-Andia eremuko lehen 6.000 hektarea garbiak zatituko dira, gainerakoa bazter utzita kasu berrietarako. Behin-behineko azalera kalkulatzeko aplikatuko da.

4. Basoen eta Ehizaren Zerbitzuko zuzendaritzak 2023ko kanpainan Urbasa Andia mendietara benetan igo diren abeltzainen zerrenda jakinarazten duenean, kanpaina horretarako aitortutako azalera baliozkotuko da. Igoerarik ez badago, azalera hori deuseztatuko da 2023ko laguntza eskaerei dagokienez.

Urbasa-Andia mendietako larreen azalerak aitortzeko eskaerak Nekazaritza Zerbitzuko zuzendariak ebatziko ditu, gaiari buruz eskumenak dituzten administrazio unitateen txostenetan oinarriturik. Ebazteko eta jakinarazteko gehieneko epea 3 hilabetekoa izanen da, hirugarren oinarrian eskabideak aurkezteko zehazten den epea amaitzen denetik aurrera. Epe hori igarota berariazko ebazpenik eman ez bada, eskaera ezetsi egin dela ulertuko da.

Bosgarrena.–Onuradunaren betebeharrak.

Abeltzainek abeltzaintzaren erabilerarako jarraibideak bete beharko dituzte, jasota daudenak Urbasa eta Andia erabili eta kudeatzeko plan zuzentzailean eta, hala badagokio, organo eskudunak ematen duen aprobetxamendu-baimenean.

II. ERANSKINA

Urbasa eta Andiako jabari publikoko mendien azalera, NPEan aitortu daitekeena, aitortzeko eskaera

JAKINARAZLEA:

................................................................................. jaunak/andreak, adin nagusikoak, nafar foru auzotasuna duenak (NAN zk.:…..................), bere izenean/ honen ordezkaritzan: ………………………..……………………................... (IFZ: ………………) (marratu ez dagokiona), eta bere egoitza/ordezkatuaren egoitza (marratu ez dagokiona) …………………………............(Nafarroa), …......................................................... kalea, ... zk., …......... posta kodea, ................. telefonoa, ............................................... helbide elektronikoa, helbidean duenak,

JAKINARAZTEN DUT:

Nire asmoa dela ____/2023 Ebazpenak, _______ko ________aren ___(e)koak, Ingurumeneko zuzendari nagusiarenak, emandako baimena erabiliz, 2023ko kanpainan nire jabetzako animaliak Urbasa-Andian sartzea, behean zerrendaturikoak, eta sei hiletik gorako zezenik ez sartzeko konpromisoa hartzen dudala.(*1)

Jarraian jasotako taulan azaltzen dizuet nire egoera(*2):

Halaber, jakinarazten dut Urbasa eta Andia mendietan larre azalera garbiko zenbat hektarea aitortzea eskatu dudan. Horrenbestez,

ESKATZEN DUT:

1.–Urbasa eta Andia jabari publiko mendietako erabilera erkideko larreen bazka-azalera aitor dakidala, eta adierazten dut mendira sartuko naizela abere kopuru honekin:

2.–Urbasa eta Andia jabari publikoko mendietako bazka-azalera garbia, gehienez, ............................. Hektareakoa izanen da.

3.–Aitortzen dut dokumentu hau sinatu eta aurkeztu ondoren ez dudala baimenik Urbasa-Andia mendietan eskaturiko azalera behar duten AzLUak baino gehiago sartzeko.

……………(e)ko udalerria, ……………………(e)ko kontzejua (Nafarroa), 2023ko .......................... aren .......(e)(a)n.

(Sinadura)

III. ERANSKINA

2023ko kanpainarako Urbasa eta Andia jabari publikoko mendietako erabilera erkideko larreen azalera aitortu zaienen behin-behineko zerrenda

Iragarkiaren kodea: F2306833