3. ESTATUKO ADMINISTRAZIOA
GOBERNUAREN ORDEZKARITZA
JENDAURREKO INFORMAZIOA, honako eskaera hauena: Nafarroako Foru Komunitateko La Serna azpiestazioa handitzeko aurretiazko administrazio-baimena eta eraikitzeko administrazio-baimena; 400 kV-eko parkean bi posizio berri jarri nahi dira (Magallón 2 eta Magallón 3).
Sektore Elektrikoari buruzko abenduaren 26ko 24/2013 Legearen 53. artikuluan ezarritako ondorioetarako, eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta hornitzeko jarduerak arautzen dituen abenduaren 1eko 1955/2000 Errege Dekretuaren 125. artikuluan eta hurrengoetan ezarritakoa betetzeko, jendaurrean jartzen dira aurretiazko administrazio-baimenaren eta eraikitzeko administrazio-baimenaren eskaerak proiektu honetarako: Nafarroako Foru Komunitateko La Serna azpiestazioa handitzea, 400 kV-eko parkean bi posizio berri jarriz (Magallón 2 eta Magallón 3). Jarraian azaltzen dira proiektuaren ezaugarriak:
–Eskatzailea: Red Eléctrica De España, pertsona bakarreko sozietate anonimoa, helbidea duena Conde de los Gaitanes pasealekuko 177. zenbakian (28109 Alcobendas, Madril).
–Eskaeraren xedea: aurretiazko administrazio-baimena eta eraikitzeko administrazio-baimena eskatzea Nafarroako Foru Komunitateko La Serna azpiestazioa handitzeko, 400 kV-eko parkean bi posizio berri jarriz (Magallón 2 eta Magallón 3).
–Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio-baimenaz eta eraikitzeko administrazio-baimenaz ebazteko eskumena duen organoa.
–Tramitazio organoa: Gobernuaren Nafarroako Ordezkaritzako Industria eta Energia Arlo Funtzionala. Alegazioak arlo funtzional horri zuzenduko zaizkio, Gobernuaren Nafarroako Ordezkaritzan, helbide honetan: Merindadeen plaza z.g., 31071, Iruña.
–Instalazioen deskribapena: Instalazioen ezaugarriak hauek dira:
–Instalatu behar diren etengailu-posizio berriak:
- Posizio ekipatuen kopurua: 2.
–Ezaugarriak:
- Teknologia: AIS.
- Instalazioa: Kanpoko konbentzionala.
- Konfigurazioa: Etengailu bat eta erdikoa.
- –Iraupen laburreko zirkuitu laburreko intentsitatea: 50 kA.
–Udal-mugartea: Tutera.
–Aurrekontu zenbatetsia:
La Serna azpiestazioa handitzea, 400 kV-eko parkean bi posizio berri jarriz (Magallón 2 eta Magallón 3): 1.706.287 euro.
–Helburua: Nafarroako Foru Komunitatearen eta Aragoiko autonomia erkidegoaren arteko garraio-ardatza sendotzeko landu da La Serna azpiestazioa 400 kV-eko parkean bi posizio berri jarriz (Magallón 2 eta Magallón 3) handitzeko proiektua.
Aipatu instalazio hori sartuta dago "Plangintza energetikoa. Energia Elektrikoaren Garraio Sarearen Garapena, 2021-2026" delakoan, zeina Ministroen Kontseiluaren 2022ko martxoaren 22ko Erabaki bidez onetsi eta Energiaren Estatu Idazkaritzaren 2022ko apirilaren 8ko Ebazpen bidez argitaratu baitzen (2022ko 93. Estatuko Aldizkari Ofizialean, apirilaren 19koan).
Eta hori guztia aditzera ematen da orok jakin dezan eta proiektua aztertu ahal izan dadin Gobernuaren Nafarroako Ordezkaritzako Industria eta Energia Arlo Funtzionalean (Merindadeen plaza z.g., 31071, Iruña), aurretik hitzordua eskatuta, edo esteka honetan:
https://www.mptfp.gob.es//portal/delegaciones_gobierno/delegaciones/navarra/proyectos-ci.html
Interesdunek bidezkotzat jotzen dituzten alegazioak aurkezten ahal dituzte, arlo honi zuzenduak, iragarki hau argitaratu eta biharamunetik hasita hogeita hamar eguneko epean, bai idatziz, euskarri fisiko batean, Gobernuaren Ordezkaritzaren Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Iruñean, 2023ko martxoaren 21ean.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2304693
