2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARAITZ
Zuntz optikoaren sarea zabaltzeko plana. Hasierako onespena
Araizko Udaleko alkateak, Jose Manuel Zubillaga Muguerza jaunak, 2023ko martxoaren 17an, hurrengo ebazpena eman du:
Mario Saura Calleja jaunak, Adamo Telecom Iberia SAU enpresaren ordezkari gisa, eskaera bat aurkeztu du 2023ko urtarrilaren 25ean zuntz optikoa hedatzeko plana onartzeko, Telekomunikazioei buruzko ekainaren 28ko 11/2022 Lege Orokorraren 49.9 artikuluan ezarritakoaren arabera.
Operadore interesdunak aurkeztutako dokumentazio teknikoa aztertu da.
Udal-arkitektoak emandako txosten teknikoa ikusi da.
Kontuan hartu da Telekomunikazioei buruzko ekainaren 28ko 11/2022 Lege Orokorraren 49. artikuluan xedatutakoa.
Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluan xedatutakoaren arabera.
Toki Araubidearen Oinarriak arautzen dituen apirilaren 2ko 7/1985 Legearen 21.1.s) artikuluan xedatutakoaren arabera,
EBATZI DUT:
Lehenengoa.–Izapidetzeko onartzea eta hasierako onespena ematea Mario Saura Calleja Adamok Telecom Iberia SAU enpresaren izenean aurkeztutako zuntz optikoa Araizko dermioan hedatzeko planari.
Bigarrena.–Hedapen Plan hori jendaurrean jartzea 20 egun balioduneko epean, dagokion iragarkia Nafarroako Aldizkari Ofizialean argitaratu eta hurrengo egunetik zenbatzen hasita. Horrela, edozein pertsonak aztertu ahal izango du espediente hori, eta bidezko alegazioak aurkeztu. Horretarako, interesdunen esku geratzen da izapidetutako administrazio-espedientea, udal idazkaritzan aztertu ahal izateko jendaurreko informazio-aldian, astelehenetik ostiralera, 8:00etatik 11:30era.
Araitzen, 2023ko martxoaren 17an.–Alkatea, Jose Manuel Zubillaga Muguerza.
Iragarkiaren kodea: L2304634
