Iragarkia

261. ALDIZKARIA - 2023ko abenduaren 19a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA: "La Nava" eguzki-instalazio fotovoltaikoaren eta haren ebakuazio-azpiegituren proiektua, Tuterako eta Castejongo udal-mugarteetan. Onura publikoa zehazki deklaratzea (2. fasea) (5012-CE).

Trantsizio Energetikorako, Proiektu Estrategikoen eta S4ren zuzendari nagusiaren irailaren 20ko 126/2023 Ebazpenaren bidez, Solen Desarrollos SLri eraikitzeko administrazio-baimena eman zitzaion eta onura publikoa zehazki deklaratu (1. fasea) energia elektrikoa ekoizteko 45 MW-eko (52,42 MWp) "La Nava eguzki-instalazio fotovoltaikoa" izeneko instalaziorako, Tutera eta Castejongo udal-mugarteetan.

Abenduaren 26ko 24/2013 Legearen 54., 55. eta 56. artikuluetan eta Energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 144. artikuluan xedatutako ondorioetarako, jendaurrean jartzen da honako eskaera hau:

–Eskatzailea: Solen Desarrollos SL / Solen Energía La Nava SL

–Xedea: Jendaurreko informazioa, proiektuaren onura publikoa zehazki deklaratzea lortzeko (2. fasea).

–Instalazioen deskripzioa: "La Nava" eguzki-instalazio fotovoltaikoa eta haren ebakuazio-azpiegiturak, Tuterako eta Castejongo udal-mugarteetan.

–Organo eskuduna: Trantsizio Energetikorako, Proiektu Estrategikoen eta S4ren Zuzendaritza Nagusia.

Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-opd-5012-ce

Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren erregistro orokor elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.

Iruñean, 2023ko azaroaren 17an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2316525