1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA. Epatze-deia Hezkuntza Departamentuko Aldi Baterako Langileak Kudeatzeko zuzendariaren irailaren 19ko 253/2023 Ebazpenaren aurka jarritako gora jotzeko errekurtsoan interesa duten pertsonei. Ebazpen horren bidez, irakasleen kidegoetako lanpostuetan aldi baterako kontratatzeko izangaien zerrendetatik, zehazki, 2023-2024 ikasturterako indarrean daudenetatik, behin betiko baztertu ziren "prestakuntza pedagogiko eta didaktikoaren" baldintza betetzen ez duten pertsonak, bai eta, orobat, zerrenda horietan sartu zirenak Hezkuntzako kontseilariaren maiatzaren 16ko 46/2020 Foru Agindua aplikatuz.
Iragarki honen bidez jakinarazten da Mikel Macaya Jiménez jaunak gora jotzeko errekurtsoa jarri duela Hezkuntza Departamentuko Aldi Baterako Langileak Kudeatzeko zuzendariaren irailaren 19ko 253/2023 Ebazpenaren aurka. Ebazpen horren bidez, irakasleen kidegoetako lanpostuetan aldi baterako kontratatzeko izangaien zerrendetatik, zehazki, 2023-2024 ikasturterako indarrean daudenetatik, behin betiko baztertu ziren "prestakuntza pedagogiko eta didaktikoaren" baldintza betetzen ez duten pertsonak, bai eta, orobat, zerrenda horietan sartu zirenak Hezkuntzako kontseilariaren maiatzaren 16ko 46/2020 Foru Agindua aplikatuz. Jarritako errekurtsoak, zehazki, zerrenda hauei eragiten die: Bigarren Hezkuntzako irakasleen kidegoa, Administrazio Kudeaketako Prozesuak espezialitatea eta Aplikazio Informatikoen Sistemak espezialitatea, gaztelaniaz eta euskaraz.
Hori horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin bat etorriz, prozeduran interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkeztu beharko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Jarritako errekurtsoaren kopia bat lortzeko, interesdunek aurkeztu den gora jotzeko errekurtsoa bidaltzeko eskatzen ahalko dute, aurreko paragrafoan adierazitako erregistroen bidez aurkeztu beharreko eskabide baten bidez, zeina Hezkuntza Departamentuko Idazkaritza Tekniko Nagusiari zuzenduko baitzaio. Eskabidean helbide elektroniko bat adierazi beharko dute, errekurtsoa hara bidaltzeko.
Iruñean, 2023ko azaroaren 28an.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2316951