2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BORTZIRIETAKO GIZARTE ZERBITZUEN MANKOMUNITATEA
Bortzirietan gizarte arloko proiektuak eta jarduerak burutzen dituzten irabazi-asmorik gabeko entitateei dirulaguntzak. 2023ko deialdia
DDBN (identif.): 725378.
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/es/convocatoria/725378).
Bortziriak inguruan gizarte-proiektuak eta -jarduerak garatzen dituzten irabazi-asmorik gabeko erakundeei 2023an dirulaguntzak emateko oinarrien laburpena.
Bortzirietako Gizarte Zerbitzuen Mankomunitateko Batzarrak, 2023ko urriaren 19an egindako bilkuran, Bortziriak inguruan gizarte-proiektuak eta -jarduerak garatzen dituzten irabazi-asmorik gabeko erakundeei 2023an dirulaguntzak emateko oinarriak onartzea erabaki zuen.
Lehenengoa.–Erakunde onuradunak.
Honako erakunde hauek jasoko dute dirulaguntza:
–Irabazi-asmorik ez izatea.
–Bortzirietan prebentzio-jarduerak, gizarte-laguntza edo -laguntza, aisia eta denbora librea edo gizarteratzea garatzea.
–Nafarroako Gobernuaren Elkarteen Erregistroan behar bezala inskribatuta egotea. Baldintza hori betetzen ez badute, 10 eguneko epea izango dute erregistroa formalizatzeko.
–Ogasunean eta Gizarte Segurantzan zerga-betebeharrak egunean izatea.
–Bortzirietako Gizarte Zerbitzuen Mankomunitatea osatzen duten bost udalekin ordainketak egunean izatea.
Bigarrena.–Xedea.
Deialdi honen xedea da Bortzirietan esku hartzen duten eta gizarteratzea sustatzen duten irabazi-asmorik gabeko erakundeei dirulaguntzak emateko sistema ezartzea.
Dirulaguntzen helburua izango da herritarren gizarte-ongizatearen garapenean eragiten duten erakundeei laguntzea, bereziki gizarte-egoera ahulean dauden kolektiboentzat, premia bereziak dituztenentzat edo gizarteratzeko zailtasunak dituztenentzat, prebentzio-, laguntza-, aisia- eta denbora libreko eta gizarteratze-jardueren bidez.
Dirulaguntzaren azken helburua erakundeak finantzatzen laguntzea izango da, inoiz ez garatzen dituzten jarduera guztiak finantzatzea.
Hirugarrena.–Oinarri arautzaileak.
https://www.bortziriakgz.eus
Laugarrena.–Zenbatekoa.
Dirulaguntza hori Bortzirietako Gizarte Zerbitzuen Mankomunitatearen 2023ko ekitaldiko gastu-aurrekontuko 1.23992.4820001 "Irabazi-asmorik gabeko elkarteentzako laguntzak" partidaren kontura finantzatuko da, 4.000,00 euroko zenbatekoarekin.
Bosgarrena.–Eskabideak aurkezteko epea.
Proiektuak behar bezala beteta aurkeztuko dira Bortzirietako Gizarte Zerbitzuen Mankomunitatearen egoitza elektronikoan (https://bortziriakgz.egoitzaelektronikoa.eus), Bortzirietako Gizarte Zerbitzuen Mankomunitatearen erregistroan, astelehenetik ostiralera, 09:00etatik 14:00etara, edo edozein erregistro ofizialetan, 2023ko abenduaren 13ra arte. Posta elektronikoz jasotako eskaerak ez dira onartuko.
Etxalarren, 2023ko azaroaren 6an.–Mankomunitateko burua, Xabier Etxarte Miquelestorena.
Iragarkiaren kodea: L2315704
