1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
15/2023 EBAZPENA, urtarrilaren 10ekoa, Nafarroako Osasun Publikoaren eta Lan Osasunaren Institutuko zuzendari kudeatzaileak emana, kargutik kentzen duena Javier Cañada Zarranz jauna, Nafarroako Osasun Publikoaren eta Lan Osasunaren Institutuko Prestakuntza, Informazio eta Ikerketa Unitateko burua, berak eskatu baitu.
Urriaren 14ko 242/2015 Foru Dekretuaren bidez, uztailaren 18ko 63/2012 Foru Dekretua aldatzen da, Nafarroako Osasun Publikoaren eta Lan Osasunaren Institutua erakunde autonomoa sortu eta bere estatutuak onesten dituena. Haren 45. artikuluak ezartzen du zerbitzuetako, ataletako eta unitateetako buruak azaroaren 22ko 347/1993 Foru Dekretuan ezarritakoari jarraikiz izendatuko eta kargutik kenduko direla, horren bidez arautu baitzen Osasunbidea-Nafarroako Osasun Zerbitzuan sartu eta bertako lanpostuak betetzeko modua.
Urriaren 14ko 242/2015 Foru Dekretuaren 11. artikuluan ezarritakoari jarraikiz, horren bidez aldatu baitzen Nafarroako Osasun Publikoaren eta Lan Osasunaren Institutua sortu eta bere estatutuak onesten dituen uztailaren 18ko 63/2012 Foru Dekretua,
EBAZTEN DUT:
1. Kargutik kentzea, berak eskatu baitu, Javier Cañada Zarranz jauna, Nafarroako Osasun Publikoaren eta Lan Osasunaren Institutuko Prestakuntza, Informazio eta Ikerketa Unitateko burua, eta emandako zerbitzuak eskertzea. Kargu-uzteak 2023ko urtarrilaren 15etik aurrera izanen ditu ondorioak.
2. Ebazpen hau Nafarroako Aldizkari Ofizialean argitaratzea, orok jakin dezan.
3. Ebazpen hau interesdunari jakinaraztea, eta igortzea Osasun Departamentuko zuzendari nagusiari, Funtzio Publikoaren Antolamenduko Zerbitzuko zuzendariari, Lan Osasunaren Zerbitzura, Lan arloko Balorazio Klinikoaren eta Ikuskatzailetza Medikoaren Atalera eta Nafarroako Osasun Publikoaren eta Lan Osasunaren Institutuko Profesionalen Atalera, behar diren ondorioak izan ditzan.
Iruñean, 2023ko urtarrilaren 10ean.–Nafarroako Osasun Publikoaren eta Lan Osasunaren Institutuko zuzendari kudeatzailea, M.ª Ángeles Nuin Villanueva.
Iragarkiaren kodea: F2300456
