1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA. Epatze deia, prozedura honi dagokion hautaketa epaimahaiak emandako puntuazioen behin betiko baturaren aktaren aurka jarritako gora jotzeko errekurtsoetan interesdun diren pertsonei: Nafarroako Foru Komunitateko Administrazioan atzerriko hizkuntzaren profila duten unibertsitateaz kanpoko irakasle funtzionarioen 211 lanpostu merezimendu-lehiaketaren bidezko salbuespenezko sistemaren bidez betetzeko hautaketa-prozedura.
Iragarki honen bidez jakinarazten da eranskinean zerrendatutako pertsonek gora jotzeko errekurtsoak jarri dituztela prozedura honetan hautaketa epaimahaiak emandako puntuazioen behin betiko baturaren aktaren aurka: Nafarroako Foru Komunitateko Administrazioan atzerriko hizkuntzaren profila duten unibertsitateaz kanpoko irakasle funtzionarioen 211 lanpostu merezimendu-lehiaketaren bidezko salbuespenezko sistemaren bidez betetzeko hautaketa-prozedura (Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 3ko 245/2022 Ebazpenaren bidez onetsia).
Hori horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin bat etorriz, prozeduran interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkeztu beharko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabilita.
Jarritako errekurtsoen kopia bat lortzeko, interesdunek aurkeztu diren gora jotzeko errekurtsoak bidaltzeko eskatzen ahalko dute, aurreko paragrafoan adierazitako erregistroetan aurkeztu beharreko eskaera baten bidez, zeina Hezkuntza Departamentuko Idazkaritza Tekniko Nagusiari zuzenduko baitzaio. Eskaeran helbide elektroniko bat adierazi beharko dute, errekurtsoak hara bidaltzeko.
Iruñean, 2023ko abuztuaren 25ean.–Hezkuntza Departamentuko idazkari tekniko nagusia, Beatriz Ayerra Gamboa.
ERANSKINA
IZANGAIA | KIDEGOA | ESPEZIALITATEA(K) | HIZKUNTZA |
BURÓN FERNÁNDEZ, ÁLVARO | MAISU-MAISTRAK | LEHEN HEZKUNTZA (INGELESEZ) | GAZTELANIA |
COLLAR GUERRA, BÁRBARA | MAISU-MAISTRAK | HAUR HEZKUNTZA (INGELESEZ) | GAZTELANIA |
GARCÉS CLEMENTE, ESTER LUCÍA | MAISU-MAISTRAK | HAUR HEZKUNTZA (INGELESEZ) | GAZTELANIA |
GARCÍA DACHARY, ÁNGELA | BIGARREN HEZKUNTZAKO IRAKASLEAK | FISIKA ETA KIMIKA (INGELESEZ) | GAZTELANIA |
MÁRQUEZ SILLERO, ANA | MAISU-MAISTRAK | HAUR HEZKUNTZA (INGELESEZ) | GAZTELANIA |
PELEGAY LACASTA, ANA ISABEL | BIGARREN HEZKUNTZAKO IRAKASLEAK | OSTALARITZA ETA TURISMOA (INGELESEZ) | GAZTELANIA |
Iragarkiaren kodea: F2312373