1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA, Otsagabiko udal-mugartean goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa (SAT11490 espedientea).
Bete beharrez xedatuta dagoena Sektore Elektrikoari buruzko abenduaren 26ko 24/2013 Legearen 55. artikuluan eta abenduaren 1eko 1955/2000 Errege Dekretuaren 125. eta 144. artikuluetan (errege dekretu horren bidez arautzen dira argindarra garraiatu, banatu, merkaturatu eta hornitzeko jarduerak eta instalazioak baimentzeko prozedura), jendaurrean jartzen da goi tentsioko instalazio honi dagokion espedientea:
–Eskatzailea: I-DE Redes Eléctricas Inteligentes SAU.
–Xedea: proiektua eta ukitutako ondasun eta eskubideen zerrenda jendaurrean jartzea, aurretiazko administrazio baimena eta eraikitzeko baimen administratiboa lortzeko eta onura publikoa zehazki deklaratu dadin.
–Ezaugarri nagusiak: zirkuitu bakunekoa eta 20 kV-ekoa den "Ustaize-Zaraitzu Ibarra" erdi tentsioko linea elektrikoa lurperatzea 7701. eta 1614. euskarrien artean.
–Kokalekua: Otsagabiko udal-mugartea.
–Arrazoia: Otsagabiko hondakin-uren araztegia handitzeak eragindako aldaketa.
Onura publikoaren deklarazioak berekin dakar, beti, ondasunak okupatu beharra edo ukitutako eskubideak eskuratu beharra, eta presako okupazioa ekarriko du, 1954ko abenduaren 16ko Nahitaezko Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, lege horren 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-sat11490
Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren erregistro orokor elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente kodea zein den adierazita.
Iruñean, 2023ko abuztuaren 18an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Zirkuitu bakunekoa eta 20 kV-ekoa den "Ustaize-Zaraitzu Ibarra" erdi tentsioko linea elektrikoa lurperatzea 7701. eta 1614. euskarrien artean, Otsagabiko udal-mugartean
Ukitutako ondasun eta eskubideen zerrenda
KATASTROKO DATUAK | TITULARRA ETA HELBIDEA | UKIPENAK |
Udalerria | Pol. | Lurz. | Katastroko erreferentzia | Lur mota / Laborea | Titularra | Herria | Probintzia | Jarduketa | Zortasuna | Euskarriak | Kutxatilak | Aldi baterako okupazioa |
Luzera m | Azalera m² |
unit. | m² | zk. | unit. | m² | m² |
Otsagabia | 1 | 344 | 310000000001307105WE | Oihana, larreak | Eduardo Montero Eseverri * | Ezkaroze | Nafarroa | Aireko linea | 8,64 | 55,4 | 1 | 1 | 1614 | - | - | - |
Otsagabia | 1 | 345 | 310000000001488602SP | Araztegia | Otsagabiko Udala | Otsagabia | Nafarroa | Lurpeko linea | 25 | 15 | - | - | - | 3 | 3 | - |
Aireko linea | 5,97 | 19,3 | 1 | 12,25 | 7701 | - | - | - |
Otsagabia | 1 | 190 | 310000000002356348KX | Kanpina | Otsagabiko Udala | Otsagabia | Nafarroa | Lurpeko linea | - | - | - | - | - | - | - | 85 |
(*) Katastroko titularra. Titularra, hondakin-uren araztegiko desjabetzea dela-eta: Otsagabiko Udala. |
Iragarkiaren kodea: F2312045
