142. ALDIZKARIA - 2023ko uztailaren 7a

1. NAFARROAKO FORU KOMUNITATEA

1.7. BESTELAKOAK

131/2023 EBAZPENA, ekainaren 15ekoa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, aurretiazko administrazio baimena eta eraikitzeko administrazio baimena ematen dituena Valtierran eta Arguedasen autokontsumorako 2.215 kW-eko instalazio fotovoltaiko bat eta horren ebakuazio azpiegiturak jartzeko.

1.–2022ko ekainaren 2ko eskaera.

2022ko ekainaren 2an, Congelados de Navarra SAk aurretiazko administrazio baimena eta eraikitzeko baimen administratiboa eskatu zituen honako instalazio honetarako:

–Izena: autokontsumo fotovoltaikoa, Congelados de Navarra I.

–Instalazioaren titularra: Congelados de Navarra SA.

–Instalazioaren kokapena: Valtierrako udal-mugartea, 11. poligonoko 82., 83. eta 84. lurzatiak.

–Instalazioaren ezaugarri teknikoak:

  • Autokontsumorako eguzki instalazio fotovoltaikoa, soberakinik gabekoa.
  • Potentzia nominala, osotara: 2.250 kW.
  • Inbertsoreak: 9 SUNGROW ekipo trifasiko, 250 kW-eko potentzia nominalekoak.
  • Gehieneko potentzia, guztira: 2.296 kWp.

Era berean, Congelados de Navarra SAk lurzoru urbanizaezinean jarduera baimengarriak

baimentzeko eskabidea eta ingurumen eraginak ebaluatzeko eskabidea aurkeztu zituen. Eskabide horiek Lurraldearen Antolamenduaren Atalari eta Ingurumen Eraginaren Atalari helarazi zitzaizkien, hurrenez hurren.

2.–Proiektuaren informazio publikoa.

Ingurumen Ebaluazioari buruzko abenduaren 1eko 1955/2000 Errege Dekretuaren 125. artikuluarekin bat, jendaurrean jarri zen Congelados de Navarra SAk aurkeztutako dokumentazioa, iragarki bat argitara emanez 2022ko 129. Nafarroako Aldizkari Ofizialean, ekainaren 30ekoan, eta Nafarroako Gobernuko Gobernu Irekiaren webgunean. Ez da alegaziorik jaso.

Era berean, Valtierrako Udalari bidali zitzaion iragarkia, bere iragarki-taulan jar zezan.

3.–Kontsulten izapidea.

Abenduaren 1eko 1955/2000 Errege Dekretuaren 125. eta 131. artikuluak betez, Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien ukitutako erakundeei, eta honako taula honetan adierazitako txostenak jaso dira:

ERAKUNDEA

TXOSTENAREN DATA

1. Ondare Historikoaren Zerbitzua

2022/07/04

2. Valtierrako Udala

2022/07/01

3. I-DE Redes Eléctricas Inteligentes SAU

2022/08/01

4. Canal de Navarra

2022/07/28

Aurreko txostenen edukia ebazpen honen I. eranskinean laburbiltzen da.

4.–Sustatzaileari bidaltzea.

Abenduaren 1eko 1955/2000 Errege Dekretuaren 127. artikuluaren arabera, proiektua jendaurrean jartzeko izapidean jasotako aurreko txostenak Congelados de Navarra SAra bidali ziren.

Abenduaren 1eko 1955/2000 Errege Dekretuaren 127. artikuluan ezarritakoari jarraituz, Congelados de Navarra SAk jasotako txostenei erantzuteko dokumentua aurkeztu zuen.

5.–2022ko urriaren 20ko eskabidea.

Jendaurrean jartzeko izapidean jasotako txostenetan adierazitakoari eta Lurralde Antolamenduko Atalaren eta Ingurumen Eraginaren Atalaren eskakizunei erantzuteko, sustatzaileak, 2022ko urriaren 20an, aurkeztutako dokumentazioa egokitu zuen, proiektuari honako aldaketa hauek aplikatuta:

–"Camino de En medio de Bornás" izeneko bide publikoari eta haren zortasunari eragiten dion afekzioa kendu da.

–Congelados de Navarra enpresaren Arguedaseko udal-mugarteko instalazio gehienak estalpean ezartzea lehenesten da, dauden egiturazko mugak kontuan hartuta.

–Proiektuak ingurumenean izanen dituen eragin berriak berrikusi dira, baita kokalekuaren alternatibak eta proposatutako neurri prebentibo, zuzentzaile eta konpentsaziozkoak ere.

6.–2022ko abenduaren 16ko eskabidea.

2022ko abenduaren 16an, sustatzaileak dokumentazio berria aurkeztu zuen. Dokumentazio horretan adierazten zenez, Congelados de Navarra I sarera soberakinik isuriko ez duen autokontsumorako instalazio fotovoltaikoak bi azpisistema izanen ditu:

–1. azpisistema: Congelados de Navarraren instalazioko azpiestazioaren ondoko lurzatiak.

Kokalekua: Valtierrako 10. poligonoko 168. eta 169. lurzatiak.

–2. azpisistema: Congelados de Navarraren instalazioaren barneko lurzatiak.

Era berean, aldatutako proiektuaren separatak izapidetu ziren.

ERAKUNDEA

TXOSTENAREN DATA

1bis. Ondare Historikoaren Zerbitzua

2022/12/20

2bis. Valtierrako Udala

2023/01/02

4bis. Canal de Navarra

2022/12/22

5. Baso Plangintzarako eta Ingurumen Hezkuntzarako Atala

2023/01/10

I-DE Redes Eléctricas Inteligentes SAU

-

7.–Sustatzaileari bidaltzea.

Abenduaren 1eko 1955/2000 Errege Dekretuaren 127. artikuluari jarraituz, Industria Antolamenduaren, Azpiegitura Energetikoen eta Meatzeen Zerbitzuak aurreko txostenak bidali zizkion Congelados de Navarra SAri.

2023ko martxoaren 30ean, Congelados de Navarra SAk kontsulten izapidean jasotako txostenei erantzuteko dokumentua aurkeztu zuen.

8.–Ingurumen-ukipenen txostena.

Biodibertsitatearen Zerbitzuko zuzendariaren urtarrilaren 5eko 5E/2023 Ebazpena jaso da espedientean. Ebazpen horren bidez, aldeko ingurumen-ukipenen txostena formulatzen da Congelados de Navarra SAUk Valtierrako udal-mugarteko Común Alto bazkalekuan sustatutako 2,019 MW-eko potentzia instalatuko proiekturako, baina proiektuak ebazpenean bertan jasotako neurriak aplikatu beharko ditu, hala nola honako hauek:

–168/10 jarduketa lurzatiaren hego-mendebaldean dauden Europako 1520 sastrakadi gipsofilo iberikoak BIH kodea duen lehentasunezko intereseko habitatari dagozkion sastrakadi eremuetan eraginik ez izateko, iparralderanzko hesia behar beste atzeraemanen da sastrakadi horri ez eragiteko.

–Hesi perimetralak ez du elementu zorrotzik izanen, eta ez da lurzoruari ainguratuta edo eutsita egonen beheko aldetik, salbu zutoinetan. Fauna txikiari pasatzen uzteko, behealdeak lurzorutik 15-20 cm-ra goratuta egon beharko du.

–Ebakuazio lerroa lehendik dauden bideetatik eramanen da oso-osorik, eta ez da aldatuko alboetako landaredi naturala.

–Obrak egitean hormigoiaren erabilera minimizatuko da.

9.–Lurzoru urbanizaezinean jarduera baimengarriak egiteko baimena.

Lurralde eta Paisaia Zerbitzuko zuzendariaren martxoaren 22ko 113E/2023 Ebazpena jaso da espedientean. Ebazpen horretan, baimena ematen da Valtierrako 10. poligonoko 168. eta 169. lurzatietan, Común Alto bazkalekuan, Congelados de Navarra SAUk sustatutako eguzki instalazio fotovoltaiko bat ezartzeko, ebazpenean jasotako zehaztapenak betetzeko baldintzapean.

10.–2023ko maiatzaren 22ko eskabidea.

2023ko maiatzaren 22an, sustatzaileak proiektu tekniko administratiboaren aldaketa bat aurkeztu zuen. Aldaketa horretan adierazten zenez, sarera soberakinik isuriko ez duen "Congelados de Navarra I" autokontsumorako instalazio fotovoltaikoak, 2,215 MW-ekoak (2,41285 MWp), bi azpisistema izanen ditu:

–1. azpisistema: Congelados de Navarraren instalazioko azpiestazioaren ondoko lurzatiak.

Kokalekua: Valtierrako 10. poligonoko 168. eta 169. lurzatiak.

4.108 Longi modulu instalatuko dira, LR5-72HBD-550M modelokoak, 550 Wp-ekoak (2,2594 MWp), ardatz horizontal bat duten STI NORLAND eguzki jarraitzaileen gainean.

Inbertsoreak: 7 SUNGROW inbertsore, SG350HX modelokoak, 295 kWn-koak (2.065 kW-eko potentzia instalatua).

–2. azpisistema: instalazioa estalpean eta 3 markesinatan, Congelados de Navarra enpresaren Arguedasko udal-mugarteko 5. poligonoko 556. eta 518. lurzatietako instalazioen esparruaren barruan (Katastroko erref.: 310000000002365015PM eta 310000000001613140PW, hurrenez hurren).

279 Longi modulu instalatuko dira, LR5-72HBD-550M modelokoak, 550 Wp-koak (153,45 kWp: 140,25 kWp markesinan eta 13,2 kWp mikroerrail egituran estalkian muntatzeko).

Inbertsoreak: SG110CX modeloko inbertsore 1 eta SG50CX modeloko inbertsore 1 (150 kW-eko potentzia instalatua).

–Konexio instalazioak:

Transformazio zentro berria:

Eraikin prefabrikatu bat instalatuko da, eta honako hauek bilduko ditu:

• CTA-8B/2T modeloko eraikin prefabrikatua, 8.500 x 2.500 x 3.200 mm-ko kanpo neurrikoa (luzera x sakonera x altuera); eraikinak aireztapen behartua izanen du.

• 2 transformadore lehor, 1.500 kVA 20 kV/800 kVA.

• 2 behe tentsioko koadro.

• 1 linea gelaxka, SM6, IM, 24 kV, 400 A, 16 kA, SM62EIM41.

• 2 babes gelaxka, SM6, DM1S, PF, 24 kV, 400 A, 16 kA, SM62EDM1S41PF.

Lurpeko linea elektrikoa, 20 kV-koa:

Transformadoretik 20 kV-ko tentsioko lurpeko linea bat eginen da Congelados de Navarraren azpiestazioraino (1.250 metro eroale, HEPRZ1 12/20 kV, 3x (1x15) mm²).

Proiektuan honako aldaketa hauek egin dira:

• Moduluen fabrikatzailea aldatu da.

• Jarraitzailearen fabrikatzailea aldatu da.

• Inbertsore/transformadore estazioen fabrikatzailea aldatu da.

• Jarraitzaile multzoen ezaugarri elektrikoak aldatu dira.

• Potentzia instalatua aldatu da.

• Markesinen banaketa aldatu da.

11.–Espedientearen azterketa teknikoa eta txostenen azterketa.

Espedientean dagoen dokumentazio guztia ikusita, Industria Antolamenduaren, Azpiegitura Energetikoen eta Meatzeen Zerbitzuak txostena egingo du, ebazpen honen I. eranskinean adierazitakoaren arabera.

12.–Aurretiazko administrazio baimena eta eraikitzeko administrazio baimena emateko proposamena.

Espedientearen azterketa teknikoa egin ondoren, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala egin dela, eta Congelados de Navarra SAUri enpresa horrek berak eskatutako aurretiazko administrazio baimena eta eraikitzeko administrazio baimena ematea proposatu du.

Adierazitakoarekin bat, eta Industriaren, Energiaren eta S3 Proiektu Estrategikoen zuzendari nagusiak azaroaren 18an emandako 52/2019 Ebazpenaren bidez eskuordetu dizkidan eskumenak (2019ko 234. Nafarroako Aldizkari Ofiziala, azaroaren 27koa) erabiliz, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa betetzeko,

EBAZTEN DUT:

1. Aurretiazko administrazio baimena ematea Congelados de Navarra SAUri aipatutako instalaziorako.

2. Eraikitzeko administrazio baimena ematea Congelados de Navarra SAUri, instalazioa 2023ko maiatzaren 22an aurkeztutako dokumentazioaren arabera ezartzeko, eta hogeita hamasei hilabeteko epea ematea obrak egiteko.

3. Instalazioak aurkeztutako proiektuaren arabera egin beharko dira, eta Behe tentsiorako erregelamendu elektroteknikoa onesten duen abuztuaren 2ko 842/2002 Errege Dekretuan xedatutakoarekin bat etorriko dira.

4. Proiektua gauzatutakoan, eskatzaileak instalazioa Behe Tentsioko Instalazio Elektrikoen Erregistroan inskribatuko du, 842/2002 Errege Dekretuan (842/2002 Errege Dekretua, abuztuaren 2koa, Behe tentsiorako erregelamendu elektroteknikoa onesten duena) eta 60/2015 Foru Aginduan (60/2015 Foru Agindua, martxoaren 5ekoa, industria segurtasunaren arloko erregelamenduzko arauak bete behar dituzten instalazioen titularrek eta agenteek jarraitu beharreko prozedura arautzen duena) xedatutakoari jarraituz.

5. Ondoren, eskatzaileak instalazioa ustiatzeko administrazio baimena (edo martxan jartzeko akta) eskatu beharko du, baita Energia Elektrikoaren Autokontsumoaren Erregistro Administratiboan inskribatzeko ere. Horretarako, Industria Antolamendu, Energia Azpiegitura eta Meategien Zerbitzuari honako web fitxa honetan eskuragarri dagoen formularioa aurkeztu beharko dio:

https://www.navarra.es/eu/tramiteak/on/-/line/energia-elektrikoaren-autokontsumorako-instalazioen-tramitazioa-eta-erregistro-administratiboa

6. Administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.

7. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzuari, Lurraldearen Antolamenduaren Atalari, Ingurumen Eraginaren Atalari, Baso Plangintzarako eta Ingurumen Hezkuntzarako Atalari, eta Ondare Historikoaren Zerbitzuari.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau jakinaraztea Congelados de Navarra SAUri, I-DE Redes Eléctricas Inteligentes SAUri eta Canal de Navarra SA Estatuko Merkataritza Sozietateari, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hilabeteko epean. Hartan espediente zenbakia adierazi beharko da.

10. Ebazpen hau Valtierrako Udalari eta Arguedaseko Udalari jakinaraztea, eta aditzera ematea honen kontra administrazioarekiko auzi errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko ekainaren 15ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

I. ERANSKINA.–JASOTAKO TXOSTENAK

1. txostena eta 1 bis txostena. Ondare Historikoaren Zerbitzuko Ondare Arkitektonikoaren Atala.

Bere bi txostenetan, Ondare Historikoaren Zerbitzuko Ondare Arkitektonikoaren Atalak jakinarazi du ez dagoela ukipenik atal horren eskumeneko arloetan.

2. txostena eta 2 bis txostena. Valtierrako Udala.

2022ko uztailaren 1ean bidalitako txostenean, Valtierrako Udalak honako hau adierazi zuen: "Garatu beharreko jarduera EZ da bateragarria Valtierran indarrean dagoen Hirigintzako Udal Planarekin, bide publikoa okupatzeari dagokionez. Ezarpena birplanteatu beharko da, bidea erabat libre gera dadin eta lurzatien hesiak 3 metroko atzeraemangunea errespeta dezan zelaigunearen kanpoko ertzetik".

2023ko urtarrilaren 2an bidalitako txostenean, Udalak honako hau adierazi zuen: "Garatu beharreko jarduera bateragarria da Valtierran indarrean dagoen Hirigintzako Udal Planarekin, eta proposatutako erabilera baimengarria izanen litzateke. Eraikitzeko baldintzei dagokienez, Udal Planeko Eraikuntza Ordenantzetan xedatutakoa bete beharko da.

Jarduera herri-lurzatietan ezartzeko, ezinbestekoa izanen da dagokion herri azaleraren desafektazioa behin betiko onartzea eta, ondoren, erabilera lagatzea".

3. txostena. I-DE Redes Eléctricas Inteligentes SAU.

2022ko uztailaren 26an, I-DE Redes Eléctricas Inteligentes SAU enpresak lanak aurrera eramateko baimena eman zuen.

4. txostena eta 4 bis txostena. Canal de Navarra.

Canal de Navarra SAk bere bi txostenetan ondorioztatzen duenez, instalazio fotovoltaikoaren eraikuntzak ez du zuzeneko eraginik izanen Nafarroako Ubidean, ubidetik nahikoa urrun baitago.

5. txostena. Baso Plangintzarako eta Ingurumen Hezkuntzarako Atalarena.

Baso Plangintzarako eta Ingurumen Hezkuntzarako Atalak honako hau jakinarazi du: "Kasu honetan, adierazitako ebakuazio linearen paralelismo tarterako irizpidea aldekoa da, betiere ebakuazio linea pistaren zelaigunean lurperatuta geratzen bada eta abelbidea osatzen duten larreei eragiten ez badie. Pistaren zorua aprobetxatuko duen P4aren gurutzaketa bat dela ulertzen dugu, eta P4arekiko paraleloa den zatia, pistan lurperatuta egonen denez, gure ustez ez dio altxonbideari eraginen, beraz, ez da beharrezkoa aldi baterako okupazio kanonik ezartzea".

Iragarkiaren kodea: F2309434