Iragarkia

139. ALDIZKARIA - 2023ko uztailaren 4a

1. NAFARROAKO FORU KOMUNITATEA

1.7. BESTELAKOAK

38/2023 FORU AGINDUA, ekainaren 19koa, Lurralde Kohesiorako kontseilariak emana, behin-behinean onesten duena Sarriguren, Berrikuntzaren Hiria, Erripagaña, Areta eta Burlata lotuko dituen oinezkoentzako eta bizikletetarako ibilbide bat eraikitzeko proiektua.

Garraioen Ikuskapen, Kudeaketa eta Antolamenduaren eta Mugikortasunaren Zerbitzuak eskaturik, Azterlan eta Proiektuen Zerbitzuak Sarriguren, Berrikuntzaren Hiria, Erripagaña, Areta eta Burlata lotuko dituen oinezkoentzako eta bizikletetarako ibilbide bat eraikitzeko proiektua idatzi du. Proiektu honetan zedarritzen da zer obra diren beharrezkoak Iruñerrian garrantzi handia duten lau gune –Sarriguren, Erripagañako urbanizazioa, Uharte (Areta industrialdearen bidez) eta Burlata– lotuko dituen oinezkoentzako eta bizikletetarako bide jasangarri bat eraikitzeko; gainera, lau gune horiek elkarri lotu ez ezik, lan arrazoiak direla medio joan-etorri ugari sortzen dituzten beste bi eremurekin ere lotu nahi dira, hots, Berrikuntzaren Hiriarekin eta Areta industrialdearekin.

Proiektuak inguru horretan badauden azpiegiturak egokitzen ditu (PA-30 errepidearen gaineko biribilgunea, Berrikuntzaren Hiria kalea eta NA-2300 errepidearen gaineko oinezkoentzako pasabidea) oinezkoen eta bizikleten joan-etorriei lekua uzteko, eta oinezkoentzako espaloia eta bidegorria jarriko ditu NA-2300 eta 2306 errepideetan, lehen aipatutako eremuak lotzeko.

Hartutako irtenbideak 1.921,84 metroko luzera du osotara, lau tartetan eta Erripagañarekin lotzeko adar batean banaturik:

–1. tartea: PA-30 errepidearen gaineko biribilgunea, Sarriguren-Berrikuntzaren Hiria. Bidegorri bat egitea proiektatu da, biribilguneko galtzadaren paraleloan; Jorge Oteiza etorbidean dagoen bidegorrian izanen du hasiera, eta bukaera, Berrikuntzaren Hiria kalean

–2. tartea: Berrikuntzaren Hiria. Bi ibilbide proiektatu dira. Lehenbizikoa oinezkoentzat izanen da, eta Berrikuntzaren Hiriaren barnean oinezkoen espaloitik eta dauden berdeguneetatik igaroko da. Bigarrena oinezkoentzat eta bizikletetarako izanen da, oinezkoek lehentasuna dutela. Bigarren hori, Berrikuntzaren Hiriaren hegoaldeko perimetroa zedarritzen duen bidexkatik igaroko da –gaur egun oinezkoentzat da–. Bi ibilbideak leku berean hasi eta bukatuko dira, baina ez doaz bata bestearen aldamenean.

–3. tartea: Berrikuntzaren Hiria eta Areta lotzekoa (NA-2300 errepidea). Tarte hori NA-2300 errepidearen eskuinaldetik igarotzen da nagusiki (iparralderako zirkulazio-noranzkoan), eta 2,5 metroko bidegorria izanen du, bi noranzkokoa. Berrikuntzaren Hiriaren mendebaldeko perimetroa zedarritzen duen oinezkoen bidexkan eginen da, eta ondoan 3 metro zabal dituen espaloia izanen da. Elomendi gasolindegiaren inguruan, elkarbizitzarako trazadura bat proiektatu da, gero NA-2300 errepidearen paraleloan joanen dena (2,50 metro izanen dira bidegorrirako, eta 2,50 metro oinezkoentzako; horiek bereizteko 40 cm-ko zerrenda bat egonen da, bidegorriaren eta espaloiaren artean.) Erroma kaleko eta Areta industrialdera sartzeko NA-2300 eta NA-2306 errepideak elkartzen diren biribilgunerainokoa izanen da tartea; elkargune horretan oinezkoentzako eta bizikletetarako semaforoa duen bidegurutze bat izanen da.

–4. tartea: NA-2306 errepidea, Burlata-Areta. Tarte honen zati nagusian 2,50 metroko bidegorri bat jarriko da, bi noranzkokoa, eta oinezkoentzako 2,50 metroko espaloia NA-2306 errepidearen eskuineko aldean (Areta-Burlata zirkulazio noranzkoan). Tartea hasten den tokian, hots, Erroma kalearen eta NA-2300 eta NA-2306 errepideen elkarguneko eta Areta industrialdera sartzeko biribilgunearen hegoaldean, espaloia eta bidegorria jartzea proiektatu da; horretarako biribilgunearen erdiko irlatxoa murriztu beharko da, gehienez 3 metrokoa izan dadin. Zirkulazio erreietako eta bazterbideen zabalera bere horretan utziko da.

Bat etorriz Nahitaezko Desjabetzeari buruzko 1954ko abenduaren 16ko Legearen 18. artikuluan ezarritakoarekin, bidezkoa da proiektua behin-behinean onestea eta jendaurrean jartzea.

Horrenbestez, bat etorriz Azterlan eta Proiektuen Zerbitzuak emandako txostenarekin eta proposatutakoarekin, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak xedatzen duenarekin,

AGINTZEN DUT:

1. Behin-behinean onestea Sarriguren, Berrikuntzaren Hiria, Erripagaña, Areta eta Burlata lotuko dituen oinezkoentzako eta bizikletetarako ibilbide bat eraikitzeko proiektua.

2. Abiaraztea proiektuak ukitutako ondasun eta eskubideen desjabetze espedientea (eranskinean ageri da ondasun eta eskubide horien zerrenda).

3. Proiektua jendaurrean jartzea 15 egunez, bai proiektuaren eduki teknikoari, bai lurrak okupatu beharrari dagokienez, desjabetu ahal izateko. Epe horretan, egokitzat jotzen diren ohar edo alegazioak egiten ahalko dira, idatziz. Interesdunek eskura izanen dute proiektua Lurralde Kohesiorako Departamentuko Herri-lanen eta Azpiegituren Zuzendaritza Nagusiaren web-orrian eta Eguesibar, Uharte eta Burlatako udaletxeetan.

4. Foru agindu hau Nafarroako Aldizkari Ofizialean eta departamentuaren web-orrian argitaratzea, eta dagokion iragarkia bidaltzea Foru Komunitatean hedapen handiena duten egunkarietako bitara.

5. Foru agindu hau jakinaraztea Azterlan eta Proiektuen Zerbitzuari eta Eguesibar, Uharte eta Burlatako udalei, eta azken horiek premiatzea iragarki tauletan argitara dezaten.

Iruñean, 2022ko ekainaren 19an.–Lurralde Kohesiorako kontseilaria, Bernardo Ciriza Pérez.

ERANSKINA.–"TRAZADURA PROIEKTUA SARRIGUREN, BERRIKUNTZAREN HIRIA, ERRIPAGAÑA, ARETA ETA BURLATA LOTUKO DITUEN OINEZKOENTZAKO ETA BIZIKLETETARAKO IBILBIDE BAT ERAIKITZEKO"

Ukitutako ondasun eta eskubideen banakako zerrenda zehatza

BIDE-ZORTASUNEK UKITUTAKO LURZATIAK

INSTALAZIO OSAGARRIEK ETA BILTEGIEK UKITUTAKO LURZATIAK

Iragarkiaren kodea: F2309530