1. NAFARROAKO FORU KOMUNITATEA
1.7. BESTELAKOAK
171E/2023 EBAZPENA, maiatzaren 16koa, Ekonomia Zirkularraren eta Klima Aldaketaren Zerbitzuko zuzendariak emana, zeinaren bidez onartzen baita Tuterako udal mugartean olio-hondakinetatik abiatuta oleinak atera, hidrogel desinfektatzailea ekoitzi eta eskualanoa fabrikatzen duen instalazio baten ingurumen baimen integratuan ezarritako funtzionamendu baldintzak aldatzea. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Oleofat Trader SL da.
Instalazio horrek badu ingurumen baimen integratua, Ingurumeneko zuzendari nagusiaren 96E/2021 Ebazpenaren bidez emana, gero Ekonomia Zirkularraren eta Klima Aldaketaren Zerbitzuko zuzendariaren 86E/2022 Ebazpenaren bidez aldatu zena.
2023ko otsailaren 25ean, titularrak eskatu zuen ingurumen baimen integratuan ezarritako baldintzak aldatzea, zehazki, ingurumen baimen integratuaren III. eranskinean, sortutako hondakinen zerrendan, zortzi hondakin mota berri sartzeko, 160604, 200121*, 160504*, 160121*, 130205*, 070601*, 190813* eta 130502* EHZ kodeak dituztenak.
Ekonomia Zirkularraren eta Uraren Zerbitzuak berrikusi du aurkeztutako eskaera, eta balorazio hau egin:
EHZ KODEA ESKATUA | DESKRIBAPENA | BALORAZIOA |
16 06 04 | Pila alkalinoak | Onartzen da sartzea |
20 01 21* | Hodi fluoreszenteak eta merkurioa duten bestelako hondakinak | Onartzen da sartzea |
16 05 04* | Substantzia arriskutsuak dauzkaten presio-ontzietako gasak (haloiak barne) | Onartzen da sartzea |
16 01 21* | Mahukak-16 01 07tik 16 01 11ra arteko kodeetan, 17 01 13 kodean eta 16 01 14.16 01 22 kodeetan adierazitakoez bestelako osagai arriskutsuak, beste kategoria batean zehaztu gabeko osagaiak. | Ez da onartzen eskatutako EHZ kodearekin sartzea, 16 02 15* kodearekin baizik. |
13 02 05* | Motor-olio mineral kloratu gabeak, transmisio mekanikokoak eta lubrifikatzaileak | Onartzen da sartzea |
07 06 01* | Garbiketako likidoak eta likore ama urtsuak | Onartzen da sartzea |
19 08 13* | Industriako hondakin-uren bestelako tratamenduetatik sortutako lohiak, substantzia arriskutsuak dauzkatenak. | Onartzen da sartzea |
13 05 02* | Ura eta substantzia oliotsuak bereiztearen ondoriozko lohiak | Onartzen da sartzea |
Kargatzeko, deskargatzeko eta ontziz aldatzeko erabilitako mahuken hondakina sartzeko eskaerari dagokionez, zerbitzu honek uste du eskatutako EHZ kodea ez datorrela bat hondakinaren izaerarekin, eta haren ordez, 16 02 15* esleitu zaio.
Kasu honetan, Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 35. artikuluan ezarritako inguruabarrak gertatzen direla uste da, eta, ondorioz, bidezkoa da ingurumen baimen integratuan ezarritako baldintzak ofizioz aldatzea, artikulu horretan aurreikusitako administrazio prozedurarekin bat etorriz, eta ez da egokitzat jotzen aldaketa-espediente hau jendaurrean jartzea.
Ebazpen proposamena instalazioaren titularrari entzunaldia emateko tramitean egon da hamabost egunez, eta hark ez du proposamenaren aurkako alegaziorik aurkeztu.
Adierazitakoarekin bat, eta Ingurumeneko zuzendari nagusiak azaroaren 8an emandako 107/2019 Ebazpenaren bidez eskuordeturik ditudan eskumenak erabiliz,
EBAZTEN DUT:
Lehena.–Onartzea Tuterako udal mugartean olio-hondakinetatik abiatuta oleinak atera, hidrogel desinfektatzailea ekoitzi eta eskualanoa fabrikatzen duen instalazio baten ingurumen baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Oleofat Trader SL da.
Bigarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen-diziplinako neurriak hartuko dira (abenduaren 16ko 1/2016 Legegintzako Errege Dekretuaren bidez onetsi zen testu bategina), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen-araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren kontra, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Bosgarrena.–Ebazpen hau igortzea Oleafat Trader SLra eta Tuterako Udalera, behar diren ondorioak izan ditzan.
Iruñean, 2023ko maiatzaren 16an.–Ekonomia Zirkularraren eta Klima Aldaketaren Zerbitzuko zuzendaria, Pedro Zuazo Onagoitia.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Klima Aldaketaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones
Iragarkiaren kodea: F2307696
