2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Iruñeko merkatarien elkarteei dirulaguntzak emateko deialdia, egin ditzaten merkataritza-sektorea eta merkataritza-hirigintza sustatzeko, dinamizatzeko eta bultzatzeko jarduerak. Deialdiaren laburpena
DDBN (Identif.): 693954.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/eu/convocatoria/693954).
Deialdi honen xedea da Iruñean presentzia handiena duten Iruñeko merkatarien elkarteak diruz laguntzea -eremukoak zein gremioetakoak-, merkataritza-sektorea eta merkataritza-hirigintza sustatzeko, dinamizatzeko eta bultzatzeko jarduerak diseinatu, garatu eta horien jarraipena egin dezaten, 2022ko urriaren 16tik 2023ko irailaren 30era bitarte, Iruñeko txikizkako merkataritzaren sektorea laguntzeko eta merkataritza-asoziazionismoa eta gertuko merkataritza sustatzeko xedez, Iruñeko Hiri Agenda-2030 Estrategiaren helburu estrategikoen parte baita.
Iruñean, 2023ko maiatzaren 10ean.–Gobernu Estrategiko, Merkataritza eta Turismoko zinegotzi ordezkaria, Ana Elizalde Urmeneta.
Iragarkiaren kodea: L2307345
