104. ALDIZKARIA - 2023ko maiatzaren 18a

1. NAFARROAKO FORU KOMUNITATEA

1.7. BESTELAKOAK

58/2023 EBAZPENA, apirilaren 24koa, Industriaren, Energiaren eta S4 Proiektu Estrategikoen zuzendari nagusiak emana, zeinaren bidez ematen baita aurretiazko administrazio baimena energia elektrikoa ekoizteko 46,87 MW-eko "Cierzo II" izeneko eguzki-instalazio fotovoltaikorako eta horren hustuketa azpiegiturarako, Corella, Cintruénigo, Tutera eta Castejóngo udal-mugarteetan.

1.–2020ko abenduaren 2an egindako eskaera.

2020ko abenduaren 2an EDP Renovables España SLk aurretiazko administrazio baimena eta eraikitzeko administrazio baimena eskatu zituen Corella, Cintruénigo, Tutera eta Castejóngo udal-mugarteetan energia elektrikoa ekoizteko 49,71 MWp-ko "Cierzo II" eguzki-instalazio fotovoltaikoa instalatzeko (aplikatuz Ingurumen Ebaluazioari buruzko abenduaren 9ko 21/2013 Legearen 36. artikuluak eta Sektore Elektrikoari buruzko abenduaren 26ko 24/2013 Legearen 53. artikuluak ezartzen dutena).

Instalazio fotovoltaikoa elementu hauek osatzen dute:

–92.064 modulu fotovoltaiko bifazial, 540 Wp-koak.

–1.153 jarraitzaile fotovoltaiko.

–196 inbertsore fotovoltaiko, 235 kVA-koak 37 °C-tan.

–Modulu fotovoltaikoak seriean lotzen dira, 28 paneleko "string" delakoak eratzeko, lortu nahi den sorkuntza tentsiora iritsi arte.

–7 transformazio zentro, 30/0,8 kV.

–49,71 MWp-ko puntako potentzia, inbertsoreen 45,57 MVA-ko itxurazko potentzia eta 42 MWn-eko gehienezko hustuketa potentzia izendatua izanen ditu.

Modulu fotovoltaikoek sortutako energia elektrikoaren hustuketa transformazio zentroen bidez eginen da, bertan ezarriko baitira transformadore trifasikoak, sistemaren tentsioa 800 kV-etik 30 kV-era igoko dutenak.

Jarraian, Red Eléctrica de España SAren "Cierzo II" instalazio fotovoltaikotik "Castejón 400 kV TAEra" bitarteko hustuketa azpiegiturak laburbiltzen dira (horien zati batzuk "Cierzo V" eta "Cierzo IV" instalazio fotovoltaikoekin partekatzen dira):

–"Cierzo" azpiestazio jasotzailea: 30 kV-etik 220 kV-era igotzen da tentsioaren maila.

–"Cierzo TAE-El Rincón TAE" tentsio handiko linea, 220 kV-ekoa.

–"El Rincón TAE" azpiestazio jasotzailea, 400/220/30 kV-ekoa.

–"El Rincón TAE-Promotores Castejón TAE" tentsio handiko linea, 400 kV-ekoa.

–"Promotores Castejón TAE" azpiestazioa, 400 kV-ekoa. Azpiestazio honetan, proiektatutako "Cierzo II", "Cierzo IV" eta "Cierzo V", "Castejón I", "Bardenas" eta "Peralta" instalazio fotovoltaikoak husten dira, 400 kV-etan.

–"Promotores Castejón TAE-Castejón 400 kV TAE REE" tentsio handiko linea, 400 kV-ekoa.

"Promotores Castejón TAE-Castejón 400 kV TAE REE" tentsio handiko linea, eta "Castejón 400 kV TAE REE" tentsio handiko linea, 400 kV-ekoa, EDP Renovables España SLk sustatutako SAT11133 espedienteko zati dira.

Sektore Elektrikoari buruzko abenduaren 26ko 24/2013 Legearen 53. artikuluak ezartzen duenarekin bat, instalazio fotovoltaikoak badauka garraio sarearen kudeatzailearen baimena, sartu eta konektatzeko.

2.–Jendaurreko informazioaren lehen tramitea.

Ingurumen Ebaluazioari buruzko abenduaren 9ko 21/2013 Legearen 36. artikuluarekin eta abenduaren 1eko 1955/2000 Errege Dekretuaren 125. artikuluarekin bat etorriz, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zuen EDP Renovables España SLk egindako eskaera, iragarkia argitaratuz 2021eko 38. Nafarroako Aldizkari Ofizialean, otsailaren 18koan, baita Nafarroako Gobernuaren Gobernu Irekia webgunean ere. Halaber, Corella, Cintruénigo, Tutera eta Castejóngo udalei jakinarazi zitzaien, iragarki oholetan jar zezaten.

3.–Kontsulten lehen izapidea.

Bat etorrita Ingurumen Ebaluazioari buruzko abenduaren 9ko 21/2013 Legearen 37.1 artikuluarekin eta abenduaren 1eko 1955/2000 Errege Dekretuaren 127. artikuluarekin, Industria Antolamenduaren, Azpiegitura Energetikoen eta Meatzeen Zerbitzuak Kontsulta egin zien Corellako, Cintruénigoko, Tuterako eta Castejóngo udalei.

Era berean, txostena eskatu zitzaien Ingurumen Eraginaren Atalari, Ondare Historikoaren Zerbitzuari, Lurraldearen Antolamenduaren Atalari eta Herri-lanen eta Azpiegituren Zuzendaritza Nagusiari.

Bestalde, Telefónica de España SAri eta I-DE Redes Eléctricas Inteligentes SAUri separata bana bidali zitzaion.

4.–Jasotako txostenak eta alegazioak.

Eskatutako txostenen, egindako kontsulten eta jendaurreko informazioaren izapidearen esparruan, honako txosten eta alegazio hauek jaso ziren:

–Txostenak:

  • 1.1. txostena. Telefónica de España SAUrena, 2021eko otsailaren 18koa.
  • 2.1. txostena. Zainketa Zerbitzuarena, 2021eko otsailaren 24koa.
  • 3.1. txostena. I-DE Redes Eléctricas Inteligentes SAUrena, 2021eko martxoaren 13koa.
  • 4. txostena. Lurraldearen Antolamenduaren Atalarena, 2021eko apirilaren 8koa.
  • 5.1. txostena. Ondare Arkitektonikoaren Atalarena, 2021eko apirilaren 12koa.
  • 6.1. txostena. Corellako Udalarena, 2021eko apirilaren 16koa.
  • 6.2. Txostena. Corellako Udalarena, 2021eko apirilaren 30ekoa.
  • 7. txostena. Basoen eta Ehizaren Zerbitzuarena, 2021eko maiatzaren 6koa.
  • 8. txostena. Ingurumen Eraginaren Atalarena, 2021eko maiatzaren 12koa.

Aurreko txostenen edukia ebazpen honen I. eranskinean laburbiltzen da.

–Alegazioak:

  • 1. alegazioa, Ana Gurbindo Cizurrena.
  • 2. alegazioa, Tuterako Udalarena.
  • 3. alegazioa, Sustrai Erakuntza Fundazioarena.
  • 4. alegazioa, Gurelur elkartearena.
  • 5. alegazioa, Nafarroako Ekologistak Martxan elkartearena.
  • 6. alegazioa, Zangozerriko Ongaiz Ekologistak Martxan elkartearena.
  • 7. alegazioa, Moncayoko Ur Mankomunitatearena.
  • 8. alegazioa, Solen Desarrollos SLUrena.

Aurreko alegazioen edukia ebazpen honen II. eranskinean laburbiltzen da.

5.–Jendaurreko informazioaren eta kontsulten emaitza sustatzaileari igortzea.

Ingurumen Ebaluazioari buruzko abenduaren 9ko 21/2013 Legearen 38. artikuluarekin bat, 2021eko maiatzaren 17n Industria Antolamenduaren, Azpiegitura Energetikoen eta Meatzeen EDP Renovables España SLri igorri zizkion aipatutako txosten eta alegazioak.

6.–Epez kanpo jasotako txostenak.

Epez kanpo jaso zen Tuterako Udalaren txostena (9. txostena), sustatzaileari ere bidali zitzaiona.

7.–2021eko abuztuaren 26ko eskaera.

Ingurumen Ebaluazioari buruzko abenduaren 9ko 21/2013 Legearen 39.1 artikuluarekin bat etorriz, 2021eko abuztuaren 26an EDP Renovables España SLk dokumentazioa aurkeztu zuen ingurumen ebaluazio arruntaren hasiera eskatzeko, tartean baita jendaurreko informazioari buruzko tramitean jasotako alegazio eta txostenei emandako erantzuna ere.

Ingurumen Ebaluazioari buruzko abenduaren 9ko 21/2013 Legearen 39.3 artikuluan ezarritakoarekin bat, 2021eko urriaren 13an, Industria Antolamenduaren, Azpiegitura Energetikoen eta Meatzeen Zerbitzuak eskaera igorri zuen Ingurumen Eraginaren Atalera.

Dokumentazioak barne hartzen du 45,57 MW-eko (49,71 MWp) eguzki-instalazio fotovoltaiko bat, 96,81 ha-ko azalera hesitua duena. Kontsulten izapidean jasotako txostenei erantzunez, honako aldaketa hauek egiten dira hustuketa azpiegituretan:

–"Cierzo" TAE aldatzen da: hasiera batez 400/30 kV transformazioa gertatzen zen tokian, 132/30 kV transformazioa eginen da.

–Kendu egiten da "El Rincón TAE".

–"Cierzo TAE" 132/30 kV "Promotores Castejón TAErekin" konektatzen da, 132 kV-eko goi tentsioko linea batekin.

–Aldatu egiten da "Cierzo II" instalazioaren hustuketa "Promotores Castejón" TAEn: hasiera batez 400 kV-eko linea posizio batetik husten zen eta, orain, 400/132 kV-eko transformadore posizio bat jasotzen da.

–"Promotores Castejón TAEren" kokapena aldatzen da.

–"Promotores Castejón TAE-Castejón REE TAEren" 400 kV-eko goi tentsioko linearen trazadura aldatzen da.

8.–Kontsulten bigarren izapidea.

Ingurumen eraginaren ebaluazio arrunta hasteko eskaerarekin batera aurkeztutako dokumentazio teknikoa aztertu ondoren, eta Ingurumen Ebaluazioari buruzko abenduaren 9ko 21/2013 Legearen 38.2 artikuluan ezarritakoa ikusita, ondorioztatu da ez dela beharrezkoa jendaurreko informazioaren beste izapide bat egitea.

Abenduaren 1eko 1955/2000 Errege Dekretuaren 127. artikuluarekin bat etorriz, Industria Antolamenduaren, Azpiegitura Energetikoen eta Meatzeen Zerbitzutik kontsulta egin zitzaien Corellako, Cintruénigoko, Tuterako eta Castejóngo udalei, Herri-lanen eta Azpiegituren Zuzendaritza Nagusiari, Basoen eta Ehizaren Zerbitzuari, Nekazaritzako Azpiegituren Zerbitzuari, Ebroko Konfederazio Hidrografikoari, Trenbide Azpiegituren Administratzaileari, ENAGAS Transporte SAUri, i-DE Redes Eléctricas Inteligentes SAUri, Garraio, Mugikortasun eta Hiri Agenda Ministerioari, Red Eléctrica de España SAUri, Nafarroako Ubideko Ureztatzaileen Komunitate Orokorrari, Renovables de la Ribera SLri eta Telefónica de España SAri.

9.–Jasotako txostenak.

Honako txosten hauek jaso ziren:

–1.2. txostena. Telefónica de España SAUrena, 2021eko urriaren 4koa.

–10.1. txostena. Trenbide Azpiegituren Administratzailearena, 2021eko urriaren 5ekoa.

–3.2. txostena. i-DE Redes Eléctricas Inteligentes SAUrena, 2021eko urriaren 6koa.

–3.3. Txostena. i-DE Redes Eléctricas Inteligentes SAUrena, 2021eko urriaren 27koa.

–11. txostena: Garraio, Mugikortasun eta Hiri Agendako Ministerioarena.

–6.3. txostena. Corellako Udalarena, 2021eko azaroaren 4koa.

–2.2. txostena. Zainketa Zerbitzuarena, 2021eko azaroaren 5ekoa.

–10.2. txostena. Trenbide Azpiegituren Administratzailearena, 2021eko azaroaren 26koa.

–12. txostena: Red Eléctrica de España SAUrena, 2021eko abenduaren 3koa.

–13. txostena. Nekazaritzako Azpiegituren Zerbitzuarena, 2022ko urtarrilaren 20koa.

Aurreko txostenen edukia ebazpen honen I. eranskinean laburbiltzen da.

10.–Kontsultaren emaitza sustatzaileari igortzea.

Abenduaren 1eko 1955/2000 Errege Dekretuaren 127. artikuluarekin bat etorriz, 2022ko martxoaren 15ean arestian aipatutako txostenak bidali zitzaizkion EDP Renovables España SLri.

11.–Ingurumen eraginaren adierazpena.

Ingurumen eraginaren ebaluazio arrunta izapidetzearen esparruan, Ingurumen Eraginaren Ataletik zenbait ohar helarazi zitzaizkion sustatzaileari, proiektuaren eragina murrizteko.

2022ko urriaren 17an, sustatzaileak dokumentazioa aurkeztu zuen, zenbait doikuntzarekin, hala nola: "Cierzo II" eguzki-instalazio fotovoltaikoa 46,87 MW-ra (49,01 MWp) murriztea, 58,31 ha-ko azalera hesituarekin; "Cierzo TAE" 132/30 kV kentzea; eta "Cierzo TAE" eta "Promotores de Castejón TAE" konektatzen zituen 132 kV-eko aireko eta lurpeko linea elektrikoa aldatzea, lurpeko 30 kV-eko trazadura izateko.

Ingurumeneko zuzendari nagusiaren urtarrilaren 12ko 85E/2023 Ebazpenaren bidez, proiektuari buruzko aldeko ingurumen inpaktuaren adierazpena egin da, aurkeztutako dokumentazioaren gainean, 2022ko urriaren 17an.

Honako hauek dira azaldutako erasan nagusiak:

1.–Lurzoruari eta landaredi naturalari dagokienez:

Kontuan hartuta orografia eta egitura fotovoltaikoak zuzeneko tinkatzearen bidez instalatuko direla eta ingurumen inpaktuaren azterketan proposatutako gainerako neurriak eta ingurumen inpaktuaren adierazpenean ezarritako baldintzak, logikoa da geomorfologiaren eta lurzoruaren gaineko eragina bateragarria izatea.

–Ingurumen Eraginaren Atalak landaredi naturalaren gaineko eragina bateragarritzat jotzen du.

2.–Faunari dagokionez:

–"Cierzo II" instalaziorako proposatutako azken proposamenak 58,31 hektareara murrizten du azalera, modu independentean hesitutako bi esparrutan banatuta. Hegoalderago dagoen esparruak, hasiera batez proposatutako instalazioaren zatirik urrunena okupatzen du, hau da, estepako hegazti faunarentzat interesekoa den eremutik urrunen dagoen zatia. Bi barrutiak NA-160 eta NA-161 errepideen ondoan egoteak, bideetako zirkulazioa handitzeak eta lehorreko zuhaitz laboreen proportzioak habitatak eta estepako hegaztientzako baldintza desegokiak dituzte. Gainera, bi esparruak lur ureztatuen ondoan daude, eta beraz estepako hegaztiek erabiltzeko gaitasuna galtzen dute.

–Halaber, eremuan habitat horietan ohikoak diren hegazti harrapakinen dentsitate handia dago. Inguruan azalera zabalak daudela jotzen da, antzeko ezaugarriak dituztenak eta sortutako erasana konpentsatzeko aukera ematen dutenak.

3.–Paisaiari dagokionez:

Eragin nagusia bateragarritzat jotzen da, eta paisaia integratzeko zenbait neurri jasotzen dira, bai eraikuntza aldian, bai ustiapen aldian.

4.–Hustuketa azpiegiturei dagokienez:

Sustatzaileak hustuketa linea Promotores Castejón Promotoreak TAEraino lurperatzeko proposatzen duen aldaketak (batez ere bide eta soroetatik igarotzen da), erasanak maila bateragarriraino murrizten ditu.

Ingurumen eraginaren adierazpenak babeserako, zuzentzeko eta ingurumena zaintzeko zenbait baldintza eta neurri ezartzen ditu, besteak beste:

–Eguzki-instalazio fotovoltaikoa lursailaren topografia naturalaren arabera egokitu beharko da, obrak egin bitartean erasanak guztiz ezinbestekoak diren eremuei soilik eragiteko moduan eta lur mugimenduak ahalik eta txikienak izan daitezen. Plakak ezartzeko eremuan egin beharreko sasi-garbitzea eta nibelazioa ez dira eremu osoak erasaten eginen; aitzitik, egitura fotovoltaikoen zutoinek osatzen dituzten lerroei bakarrik eraginen diete, erabilera eta ezarpen egokirako behar-beharrezkoa denean, baita bideei, kanalizazioei, transformazio zentroei, TAEei eta euskarriei ere.

–Ahal den neurrian, lurzatien arteko ezpondak eta haietan dagoen landaredi naturala kontserbatu beharko dira. Era berean, makineria eta materialak biltzeko guneak ez dira kokatzen ahalko landaredi naturalak estalitako lekuetan.

–Inguruko hesia zutoinen bidez bakarrik tinkatuko da lurrean, fauna txikiari azpitik igarotzeko aukera uzteko, eta horretarako, azpitik tarte bat utzi beharko du, lurretik 15-20 cm-ra altxatuta.

–Castejón Promotores TAEtik Castejón (REE) TAErainoko aireko eta lurpeko linean, aireko tartean, zuntz optikozko bi kableak seinaleztatu beharko dira hegaztiak babesteko baliza birakari islatzaileen bidez. Hain zuzen ere, baliza bat paratu beharko da 10 metrotik 10 metrora, kableak txandatuta.

12.–2023ko otsailaren 8an egindako eskaera.

2023ko otsailaren 8an, eta abenduaren 1eko 1955/2000 Errege Dekretuaren 143. artikulua aplikatuz, EDP Renovables España SLk "Cierzo II" eguzki-instalazio fotovoltaikoa eta haren hustuketa azpiegiturak onura publikokotzat jotzeko eskatu zuen.

13.–Jendaurreko informazioaren bigarren tramitea.

Abenduaren 1eko 1955/2000 Errege Dekretuaren 125. eta 144. artikuluetan xedatutakoa betetzeko, jendaurrean jarri ziren eskaera, aurretiazko administrazio baimena, eraikitzeko administrazio baimena eta, zehazki, onura publikoaren deklarazioa lortzeko (honako hauetan argitaratu zen jendaurreko izapidearen iragarkia: 2023ko otsailaren 16ko 33. Nafarroako Aldizkari Ofizialean; 2023ko otsailaren 17ko Diario de Noticias egunkarian; eta Nafarroako Gobernuaren Gobernu Irekia webgunean). Halaber, Corella, Cintruénigo, Tutera eta Castejóngo udalei bidali zitzaien, iragarki oholetan jar zezaten.

14.–Kontsulten hirugarren izapidea.

Abenduaren 1eko 1955/2000 Errege Dekretuaren 127. artikuluarekin bat etorriz, Industria Antolamenduaren, Azpiegitura Energetikoen eta Meatzeen Zerbitzutik kontsulta egin zitzaien Corellako, Cintruénigoko, Tuterako eta Castejóngo udalei, Herri-lanen eta Azpiegituren Zuzendaritza Nagusiari, Ondare Historikoaren Zerbitzuari, Ebroko Konfederazio Hidrografikoari, Trenbide Azpiegituren Administratzaileari, ENAGAS Trasnporte SAUri, i-DE Redes Eléctricas Inteligentes SAUri, Red Eléctrica de España SAUri, Moncayoko Ur Mankomunitateari, Renovables de la Ribera SLri, Río Ebro Renovables SLri eta Telefónica de España SAri.

15.–Jasotako txostenak eta alegazioak.

Eskatutako txostenen, egindako kontsulten eta jendaurreko informazioaren izapidearen esparruan, honako txosten eta alegazio hauek jaso ziren:

–Txostenak:

  • 14. txostena. Moncayoko Ur Mankomunitatearena, 2023ko otsailaren 16koa.
  • 1.3. txostena. Telefónica de España SAUrena, 2023ko otsailaren 16koa.
  • 5.2. txostena. Ondare Arkitektonikoaren Atalarena, 2023ko otsailaren 16koa.
  • 15. txostena. Renovables de la Ribera SLrena, 2023ko martxoaren 2koa.
  • 16. txostena. Castejóngo Udalarena, 2023ko martxoaren 2koa.
  • 10.3. txostena. Trenbide Azpiegituren Administratzailearena, 2022ko martxoaren 7koa.
  • 17. txostena. ENAGASena, 2023ko martxoaren 7koa.
  • 18. txostena. Corellako Ureztatzaileen Sindikatuarena, 2023ko martxoaren 8koa.
  • 6.4. txostena. Corellako Udalarena, 2023ko martxoaren 22koa.
  • 19. txostena. Ebroko Konfederazio Hidrografikoarena, 2023ko martxoaren 22koa.

Aurreko txostenen edukia ebazpen honen I. eranskinean laburbiltzen da.

–Alegazioak (jendaurreko bigarren izapideari dagozkionak):

  • 9. alegazioa, Sustrai Erakuntza Fundazioarena.

Alegazio honen edukia ebazpen honen II. eranskinean laburbiltzen da.

16.–Jendaurreko informazioaren eta kontsulten emaitza sustatzaileari igortzea.

Abenduaren 1eko 1955/2000 Errege Dekretuaren 127. eta 131. artikuluarekin bat etorriz, 2023ko apirilaren 3an arestian aipatutako txosten eta alegazioak bidali zitzaizkion EDP Renovables España SLri.

17.–Lurzoru urbanizaezineko baimena.

Lurralde eta Paisaia Zerbitzuko zuzendariaren apirilaren 21eko 159E/2023 Ebazpenaren bidez, lurzoru urbanizaezinean jarduteko eta hura erabiltzeko baimena eman da "Cierzo II" eguzki-instalazio fotovoltaikorako eta haren hustuketa azpiegiturarako, zenbait baldintzarekin.

18.–Aurretiazko administrazio baimenaren proposamena.

Espedientearen azterketa teknikoa egin ondoren, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala egin dela, eta EDP Renovables España SLk eskatutako aurretiazko administrazio baimena ematea proposatu du.

Abenduaren 1eko 1955/2000 Errege Dekretuaren 123.2. artikuluarekin bat etorriz, Iberenova Promociones SA, EDP Renovables España SL eta RIGEL 860 Energías SL enpresen arteko "Castejón 400 kW korapiloa elkarri lotzeko azpiegitura komunak garatzeko akordioa" izeneko espedientean dago, 2021eko martxoaren 4koan.

Industriaren, Energiaren eta S4 Proiektu Estrategikoen zuzendari nagusiaren apirilaren 20ko 57/2023 Ebazpenaren bidez, aurretiazko administrazio baimena eman zaio energia elektrikoa ekoizteko 47,73 MW-eko "Cierzo IV" izeneko eguzki-instalazio fotovoltaikorako (CE-5041 espedientea), Castejón eta Tutera udal-mugarteetan. Hustuketa azpiegituraren zati bat "Cierzo II" eguzki-instalazio fotovoltaikoarekin partekatua da.

Espedientean bildutako dokumentu guztiak kontuan harturik, jaso diren alegazioen eta txostenen analisia ebazpen honen I. eta II. eranskinetan egiten da.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Aurretiazko administrazio baimena ematea EDP Renovables España SLri energia elektrikoa ekoizteko 46,87 MW-eko "Cierzo II" eguzki-instalazio fotovoltaikoa eta haren hustuketa azpiegiturak instalatzeko, Corella, Cintruénigo, Tutera eta Castejón udal-mugarteetan. Baimena ematen da Ingurumeneko zuzendari nagusiaren urtarrilaren 12ko 8E/2023 Ebazpenean eta Lurralde eta Paisaia Zerbitzuko zuzendariaren apirilaren 21eko 159E/2023 Ebazpenean ezarritako baldintzak betetzearen menpe.

2. Aurretiazko administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat. Besteak beste, hala badagokio, abenduaren 27ko 1434/2002 Errege Dekretuaren 69. artikuluan eskatutako baimena eskatu beharko da Gobernuak Nafarroan duen Ordezkaritzan (Industria eta Energia Arlo Funtzionala).

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzura, Ingurumen Eraginaren Atalera, Lurralde Antolamenduaren Atalera, Ondare Historikoaren Zerbitzura, Basoen eta Ehizaren Zerbitzura eta Herri-lanen eta Azpiegituren Zuzendaritza Nagusira, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea EDP Renovables España SLri, Trenbide Azpiegituren Administratzaileari, ENAGAS Transporte SAUri, i-DE Redes Eléctricas Inteligentes SAUri, Red Eléctrica de España SAUri, Nafarroako Ubideko Ureztatzaileen Komunitate Orokorrari, Moncayoko Ur Mankomunitateari, Renovables de la Ribera SLri, Telefónica de España SAri, Río Ebro Renovables SLri, GURELURi, Sustrai Erakuntza Fundazioari, Nafarroako Ekologistak Martxan Elkarteari, Ongaiz-Zangozerriko Ekologistak Martxan Elkarteari, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hilabeteko epean, espediente zenbakia zehaztuta.

6. Ebazpen hau jakinaraztea Corella, Cintruénigo, Castejón, eta Tuterako udalei, SEPESi, Garraio, Mugikortasun eta Hiri Agendako Ministerioaren Trenbide Sarearen Plangintza eta Ebaluaziorako Zuzendaritza Nagusiari, Mugikortasun eta Hiri Agendako Ministerioaren Errepideen Zuzendaritza Nagusiari eta Ebroko Konfederazio Hidrografikoari, eta ohartaraztea honen aurka administrazioarekiko auzi errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko apirilaren 24an.–Industriaren, Energiaren eta S4 Proiektu Estrategikoen zuzendari nagusia, Uxue Itoiz Mariñelarena.

I. ERANSKINA.–JASOTAKO TXOSTENAK

Jarraian, jasotako txostenen zerrenda eta laburpena azalduko dira:

1.1.–Telefónica de España SAUren txostena.

2021eko otsailaren 18ko txostenean, Telefónica de España SAUk adierazi zuen ez duela inolako eragozpenik aipatutako proiektua egiteko.

Erantzuna: jendaurreko informazioaren eta kontsulten prozesuaren ondoren, sustatzaileak aldatu egin ditu hustuketa azpiegiturak. Hori dela eta, "Cierzo-Castejón Promotores, goi tentsioko linea, 132 kV" separata berria bidaltzen da, eta hor proiektu aldatuak Telefónica de España SAUri egiten dizkion erasanak aurkezten dira.

1.2.–Telefónica de España SAUren txostena.

2021eko urriaren 4ko txostenean, adierazi zuen ez duela aipatu proiektuaren exekuzioari kontra egiteko arrazoirik, baldin eta betetzen badira telekomunikazioko lineen paralelismo eta gurutzatzeen arloan indarrean dauden arauak, eta, bereziki, Goi eta Behe Tentsioko Erregelamendu Elektroteknikoak.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da.

1.3.–Telefónica de España SAUren txostena.

2023ko otsailaren 16ko txostenean, adierazi zuen ez duela aipatu proiektuaren exekuzioari kontra egiteko arrazoirik, baldin eta betetzen badira telekomunikazioko lineen paralelismo eta gurutzaketen arloan indarrean dauden arauak, eta, bereziki, Goi eta Behe Tentsioko Erregelamendu Elektroteknikoak.

2.1.–Zainketa Zerbitzuaren txostena.

2021eko otsailaren 19ko txostenean, Zainketa Zerbitzuak zenbait ondorio eta baldintza ezarri zituen, baimena emateko.

Erantzuna: jendaurreko informazioaren eta kontsulten prozesuaren ondoren, sustatzaileak aldatu egin ditu hustuketa azpiegiturak. Hori dela eta, proiektu aldatuaren erasanak aurkezten dituen separata berria bidaltzen da.

2.2.–Zainketa Zerbitzuaren txostena.

2021eko azaroaren 5eko txostenean, Zainketa Zerbitzuak zenbait ondorio eta baldintza ezarri zituen, baimena emateko.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da. Zainketa Zerbitzuari separata bidali zaio eta ez da erantzunik jaso.

3.1. txostena.–i-DE Redes Eléctricas Inteligentes SAUrena.

2021eko martxoaren 13ko txostenean, i-DE Redes Eléctricas Inteligentes SAUk baimena eman zuen, dokumentuan azaltzen diren zenbait baldintzarekin.

Erantzuna: jendaurreko informazioaren eta eragindako erakundeen kontsulten prozesuaren ondoren, sustatzaileak aldatu egin ditu hustuketa azpiegiturak. Hori dela eta, separata berria bidaltzen da.

3.2. eta 3.3. txostenak.–i-DE Redes Eléctricas Inteligentes SAUrenak.

2021eko urriaren 6ko eta 27ko txostenetan, i-DE Redes Eléctricas Inteligentes SAUk baimena eman zuen "Cierzo II" eta "Cierzo V" eguzki-instalazio fotovoltaikoetarako, dokumentuan azaltzen diren zenbait baldintzarekin.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da. Separata bidali zaio i-DE Redes Inteligentes SAUri eta ez da erantzunik jaso.

4.–Lurraldearen Antolamenduaren Atalaren txostena.

2021ko apirilaren 8ko txostenean, Lurralde Antolamenduaren Atalak 0003-OT12-2021-000041 espediente kodea duen txostena eman zuen.

5.1.–Ondare Historikoaren Zerbitzuaren txostena.

2021eko apirilaren 12ko txostenean, jakinarazi zuen ez dagoela erasanik bere eskumenetan.

5.2.–Ondare Historikoaren Zerbitzuaren txostena.

2023ko otsailaren 16ko txostenean, jakinarazi zuen ez dagoela erasanik bere eskumenetan.

6.1. eta 6.2.–Corellako Udalaren txostena.

2021eko apirilaren 16an, Corellako Udalak txostena egin zuen, eta bertan ondorioztatu zuen ez dagoela hirigintza bateragarritasunik "Cierzo V" instalazio fotovoltaikoarentzat eta "Cierzo TAErentzat" ("Cierzo II" instalazioarekiko baterako hustuketa azpiegitura).

Horrez gain, adierazi zuen energia "Cierzo TAEtik" "El Rincón TAEra" isurtzen duen hustuketa linea ez dagoela proiektuetan definituta eta, horregatik, ezin izan dela aztertu instalazio horren hirigintza bateragarritasuna.

2021eko apirilaren 30an, Udalak txostena egin zuen, eta bertan ondorioztatu zuen ez dagoela hirigintza bateragarritasunik "Cierzo II" instalazio fotovoltaikoarentzat.

Erantzuna: jendaurreko informazioaren eta erasandako erakundeen kontsulten prozesuaren ondoren, sustatzaileak aldatu egin ditu hustuketa azpiegiturak. Hori dela eta, proiektu aldatuaren erasanak aurkezten dituen separata berria bidali zaio Corellako Udalari.

6.3.–Corellako Udalaren txostena.

2021eko azaroaren 4ko txostenean, ondorioztatzen du, araudi aplikagarria berrikusi ondoren, "Cierzo II" eguzki-instalazio fotovoltaikoko azpiegitura elektrikoak bateragarriak direla etorkizuneko hirigintzako udal planarekin, betiere, ingurumen erakunde eskudunaren edo erakunde arduradunaren aurretiko txostenarekin.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da.

6.4.–Corellako Udalaren txostena.

2023ko martxoaren 22ko txostenean, jakinarazi zuen hirigintza bateragarritasuna dagoela babes azpikategorietan, hirigintza organoak babes kategoriei buruz ematen duen txostenari kalterik eragin gabe. Halaber, baldintza teknikoak jakinarazi zituen.

Erantzuna: sustatzaileak baldintza teknikoak onartu ditu, zenbait oharrekin.

7.–Basoen eta Ehizaren Zerbitzuaren txostena.

2021eko maiatzaren 6an, Zerbitzu horrek aldeko txostena eman zuen eta zenbait baldintza ezarri zituen, abelbidearen gaineko erasanak minimizatzeko. Eguzki-instalazioen kasuan, haien kokapenak ez dio eragiten altxonbideari.

8.–Ingurumen Eraginaren Atalaren txostena.

2021eko maiatzaren 21ean, Ingurumen Eraginaren Atalak 0003-0226-2021-000009 eta 0003-0226-2021-000010 espediente kodeak dituen txostena eman zuen.

9.–Tuterako Udalaren txostena.

2021eko ekainaren 11ko txostenean, adierazi zuen linea elektrikoa igaroko den lurzoruak lurzoru urbanizaezintzat kalifikatuta daudela, kategoria orokorrean, eta lurzoru urbanizagarritzat kalifikatutakoetan, udalerriko Hiri Antolamenduko Plan Orokorrarekin bat. Instalazio horretan ez dago eragozpenik hirigintzaren ikuspegitik, lurzoru urbanizaezina (bai lehendik daudenak, bai proiektuan daudenak) zeharkatzen duten azpiegitura handiak izan ezik, bertan baimen prozesuan diren instalazio fotovoltaikoak eta eolikoak instalatzeagatik (horietako asko, beste udalerri batzuetan).

Erantzuna: jendaurreko informazioaren eta sustatzaileari zuzendutako kontsulten prozesuaren ondoren, hustuketa azpiegiturak aldatu egin dira. Tuterako Udalari separata bidali zaio eta ez da erantzunik jaso.

10.1. eta 10.2. txostenak.–Trenbide Azpiegituren Administratzailearen (ADIF) txostena.

2021eko urriaren 5eko eta azaroaren 26ko txostenetan, adierazi zuen proiektuan planteatzen diren lanak Trenbidearen Erasan Eremuetan daudela eta, horregatik, ADIFen berariazko baimena behar dutela. TAEa Torralba-Soria-Castejón 2-202 trenbidearekin gururatzatzeari dagokionez (91/100 kilometro puntuan), ADIFek ez du baimentzeko eragozpenik, azaldutako baldintzak betetzen badira.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da.

10.3. txostena.–Trenbide Azpiegituren Administratzailearen (ADIF) txostena.

2023ko martxoaren 3ko txostenean, jakinarazi zuen ez direla erasanetarako eragozpentzat hartzen, baldin eta Lurreko Garraioen Antolamenduari buruzko Legeak, Trenbide Sektoreari buruzko Legeak eta bere Erregelamenduak instalazioetarako proposatutako zehaztapen teknikoak betetzen badira eta ADIFen etorkizuneko proiektuei eragiten ez badie. Halaber, baldintza teknikoak jakinarazi zituen.

Erantzuna: sustatzaileak adierazten du ADIFek ezarritako agindu teknikoak beteko dituela eta dagokion espedientea irekiko duela, dagokion obra baimena eskuratzeko.

11.–Garraio, Mugikortasun eta Hiri Agendako Ministerioaren txostena.

2021eko azaroaren 2ko txostenean, jakinarazi zuen ez duela inolako eragozpenik 206+554 kilometro puntuaren parean dagoen autobidearen gaineko gurutzatzeari dagokionez (Corellako udal-mugartean), zenbait baldintza betetzen badira.

12.–Red Eléctrica de España SAUren (REE) txostena.

2021eko abenduaren 3ko txostenean REEk honako hau adierazi zuen:

–"Cierzo II" eta "Cierzo V" eguzki-instalazio fotovoltaikoak: ezin da azterketarik egin, ez delako instalazio horien dokumentazio teknikoa jaso.

–132 kV-eko aireko hustuketa linea: 400 kV-eko Santa Engra-Serna aireko linearekiko eta 220 kV-eko Quel-Serna aireko linearekiko gurutzatzeekin ados dago. Baina ezin da egiaztatu 400 kV-eko D/C Castejón-Serna 1 eta 2 aireko lineekiko eta 220 kV-eko Erriberri-Serna aireko linearekiko gurutzatzeak arauzkoak al diren.

–"Castejón Promotores 30/132/400 kV TAE": jakinarazten du ez zaiola aurka egiten, ez dagoelako erasanik REEren jabetzen gainean.

–400 kV-eko aireko eta lurpeko hustuketa linea: batetik, aireko tarteari buruzko informazio gehiago eskatu du, egiaztatzeko Erriberri-Serna 220 kV-eko aireko linearekiko gurutzatzea arauzkoa dela. Bestetik, lurpeko tarteari dagokionez, REEren langileek lanak ikuskatu beharko dituzte.

Erantzuna: ingurumen eraginaren ebaluazio arrunta egin zaion dokumentazioa berrikusi ondoren, proiektuetan aldaketak egin behar izan dira, eta kontsulten izapide berria egin behar da. Separata bidali zaio REEri eta ez da erantzunik jaso.

13.–Nekazaritzako Azpiegituren Zerbitzuaren txostena.

2022ko urtarrilaren 19ko txostenean, jakinarazi du proiektuak ez diela eragiten ez egungo lur ureztatuei, ez Nafarroako Foru Komunitateko Ureztaketa Planari.

14.–Moncayoko Ur Mankomunitatearen txostena.

2023ko otsailaren 16ko txostenean, baldintza teknikoak bidali zituen.

Erantzuna: sustatzaileak proiektuan sartu ditu hornidura sareko hodiekiko gurutzatzeei buruz aurkeztutako planoak. Hornidura sarearekiko gurutzatzeei buruz ezarritako baldintzak bete eginen ditu.

15.–Renovables de la Ribera SLren txostena.

2023ko martxoaren 2ko txostenean, jo zuen aipatutako gurutzatzeak teknikoki zuzenak direla eta ez dutela bateraezintasunik, dagozkien baldintzetan adierazten denez.

Erantzuna: sustatzaileak adierazi du ados dagoela txostenarekin.

16.–Castejóngo Udalaren txostena.

2023ko martxoaren 2ko txostenean, Udalak jakinarazi zuen "Cierzo II" eguzki-instalazio fotovoltaikoa eta haren hustuketa azpiegiturak ezartzearen aurka zegoela. Bere jarrera argudiatzeko ingurumen eta hirigintza alderdiak jorratu zituen, eta inguruko linea elektrikoen masifikazioa eta herri lurren, ondare lurren eta lur pribatuen okupazioa ere aipatu zituen. Horretarako, honako dokumentazio osagarri hau aurkezten dute:

–Hirigintzako txosten teknikoa.

–Castejóngo instalazio elektrikoen egungo metaketari buruzko txostena eta planoak.

Erantzuna:

Udalaren txostenei erantzunez, Industria Antolamenduaren, Azpiegitura Energetikoen eta Meatzeen Zerbitzutik jakinarazi behar da ingurumen arloko gaiak edo ingurumen eraginaren azterketaren edukiari buruzkoak ingurumen eraginaren adierazpenaren esparruan ebaluatu direla.

Lurraldearen antolamenduari eta hirigintzari buruzko gaiak lurzoru urbanizaezineko jardueren baimenaren esparruan ebaluatu dira, eta aldeko ebazpena eman da.

Proiektuen oniritziari dagokionez, adierazi behar da espediente honen xede diren proiektuak ez daudela sartuta abuztuaren 5eko 1000/2010 Errege Dekretuaren 2. artikuluan (nahitaezko oniritziak).

Argitu behar da "Promotores Castejón TAE" instalazioak eta "Promotores Castejón TAE-Castejón TAE REE 400 kV-eko" goi tentsioko linea SAT11133 espedienteko zati direla, eta 57/2023 Ebazpenaren bidez baimendu direla (apirilaren 20koa, Industriaren, Energiaren eta S3 Proiektu Estrategikoen zuzendari nagusiarena).

17.–ENAGAS SAren txostena.

2023ko martxoaren 7ko txostenean, baldintza teknikoak jakinarazi zituen eta espedientea ireki zain geratu zen.

Erantzuna: sustatzaileak jakinarazi du ENAGAS Transporte SAUk ezarritako baldintza tekniko orokorrak eta partikularrak onartuko direla.

18.–Corellako Ureztatzaileen Sindikatuaren txostena.

2023ko martxoaren 8ko txostenean, proiektua baimendu zen, zenbait baldintzarekin.

Erantzuna: sustatzaileak jakinarazi du kontuan hartuko direla adierazitako baldintzak eta arriskuen sindikatuko arduradunarekin koordinatuko dela erasan horren aurrean egin beharreko edozein jarduketa.

19.–Ebroko Ur Konfederazioaren txostena.

2023ko martxoaren 22ko txostenean, baldintza teknikoak bidali zituen. Halaber, adierazi zuen, proiektuak jabari publiko hidraulikoari edo ibilguen antolaketako eremuari erasaten badio, Ebroko Konfederazio Hidrografikoaren aurretiko baimena beharko dela, sustatzaileak eskatuta.

Erantzuna: sustatzaileak adierazi du Ureztatzaileen Komunitateari jakinaraziko zaiola, "Cierzo II" proiektuak erasandako lurzatiak ken ditzan aipatu komunitateko azalera ureztagarritik; halaber, adierazi du ados dagoela baldintza teknikoekin eta espedientea irekiko dela Arro Erakunde honen aurrean, beharrezko baimena eskatzeko.

II. ERANSKINA.–JASOTAKO ALEGAZIOEI EMANDAKO ERANTZUNA

Jarraian, jaso diren alegazioen zerrenda eta laburpena azalduko dira:

1. alegazioa.–Ana Gurbindo Cizurrena.

1.–Proiektuak energia berriztagarrien ekoizpena handitzea du xede, baina ez du Nafarroako egoera energetikoa aztertzen. 2023ko urtarrilaren 30a.

2.–Ez da aztertzen CO emisioa,2proiektua eraikitzearen eta landare estalkia kentzearen ondorioz sortzen dena.

3.–Proiektuak ingurumen balioa duten eremuetan lur mugimenduak egitea dakar.

4.–Proiektuak eragin larriak ditu naturaguneetan.

Erantzuna:

Lehenik eta behin, nabarmentzekoa da alegazioak instalazio eoliko bat aipatzen duela, eta ez instalazio fotovoltaiko bat.

Proiektua Nafarroako egoera energetikorako egokia izateari dagokionez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin.

Nolanahi ere, ingurumen edukiari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu dira.

2. alegazioa.–Tuterako Udala.

Tuterako Udalak honako hauek eskatu ditu:

1.–Hustuketa azpiegiturak ez zeharkatzea Tuterako lurrak inolaz ere.

2.–Txosten jakin batzuk ematea.

3.–Corellako Udalari 50 ha erasatea AICAENA araubidean, eta Tuterako udal-mugarteko 25 ha AICAENA babesetik askatzea.

4.–Enpresak lurretan proiektatzen dituen azpiegitura guztien ingurumen eragina aldi berean baloratzea.

Erantzuna:

Sustatzaileak adierazi du ingurumen azterketa bat egin ondoren aukeratu dela trazadura, alternatiben artean, eta horren ondoren ingurumen eraginaren aldeko adierazpena eman dela.

Industria Antolamenduaren, Azpiegitura Energetikoen eta Meatzeen Zerbitzuak adierazi behar du administrazio baimena izapidetzean arauak eskatzen dituen txostenak eskatu direla.

Ingurumen edukiari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu dira.

3. alegazioa.–Sustrai Erakuntza Fundazioarena.

Alegazioen dokumentuan, honako hauek adierazten dira:

1.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

2.–Ez da aztertzen CO emisioa,2proiektua eraikitzearen eta landare estalkia kentzearen ondorioz sortzen dena.

3.–Aurkeztutako proiektuak ingurumen balioa duten eremuetan lur mugimenduak egitea dakar.

4.–Aurkeztutako proiektuak eragin larriak ditu naturaguneetan.

5.–Alternatiben azterketa ez dago ongi bideratuta eta ez ditu alternatiba guztiak aztertzen.

6.–Eraginen analisiak ez du kontuan hartzen bereizita aurkezten diren proiektuen efektu sinergikoa.

7.–Lurra behin betiko higatzeko eta galtzeko arrisku handia dago.

8.–Aurkeztutako proiektuak eragin larriak ditu faunan.

Erantzuna:

1. eta 4. apartatu bitarteko edukia bat dator Ana Gurbindo Cizurrek aurkeztutako alegazioekin. Hori dela eta, erantzun bera eman zaio.

Sustatzaileak, jasotako txostenetan eta zenbait alegaziotan eskatutako hainbat alderdi ikusita, proiektuari aldaketa batzuk egin dizkio.

Lurraldearen antolamenduari eta hirigintzari buruzko gaiak lurzoru urbanizaezineko jardueren baimenaren esparruan ebaluatu dira.

Nolanahi ere, nabarmentzen da ingurumen edukiari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu direla.

4. alegazioa.–Gurelur elkartearena.

Lehen eta hirugarren alegazioak. Arrazoitu du proiektua zatikatzeak ez duela justifikazio teknikorik.

Erantzuna:

Araudi sektorial elektrikoan ez dago definiziorik, ekoizpen instalazioek independentetzat jo ahal izateko bete behar dituzten baldintzak zehaztasunez ezartzen dituztenik.

Industria Antolamenduaren, Azpiegitura Energetikoen eta Meatzeen Zerbitzuak jotzen du instalazio batek ekipo elektromekanikoak eta neurketa ekipoak izan behar dituela bere helburua bete ahal izateko, hau da, energia elektrikoa ekoitzi ahal izateko, modu independentean.

Sektore Elektrikoari buruzko abenduaren 26ko 24/2013 Legeak, 2.1. artikuluan, enpresaren ekimen librea aitortzen du energia elektrikoa sortzeko jardueran aritzeko. Horregatik, aurreko baldintzak betetzen direnean, sustatzailea izanen da, eskubide hori erabiliz, zer instalazio duen aukeratuko duena.

Gainera, eta hustuketa azpiegiturei dagokienez, energia elektrikoaren ekoizpenaren jarduera araubide berezian arautzen duen maiatzaren 25eko 661/2007 Errege Dekretuak berariaz jasotzen zuen ekoizpen instalazioak energia elektrikoa husteko instalazio berak erabiltzen saiatu behar direla. Aurreikuspen hori ez da berariaz mantentzen indarreko araudian, baina ez da debekatzen; are gehiago, araudi sektorialaren zenbait aipamenetan azpiegitura horiek partekatzeko aukera jasotzen da.

Hirugarren alegazioa. 2030erako Nafarroako Energia Planak ez du jasotzen "Cierzo II" eta "Cierzo V" instalazioek osatzen dutenaren ezaugarriak dituzten eguzki zentralak eraikitzea, oso lur azalera handiak okupatzen dituztelako eta kontsumo eremuetatik urrun daudelako. Horregatik, zentral hau ez da baimendu behar.

Erantzuna:

2030erako Nafarroako Energia Planak aurreikuspen orientagarri batzuk biltzen ditu, eta Nafarroak energiaren gaian eramanen duen estrategia markatzen badu ere, ez da erregelamendu esparru bat.

Laugarren eta zortzigarren alegazio bitartekoak, hamaikagarren alegazioa eta hamabosgarren eta hamazazpigarren alegazio bitartekoak. Zenbait ingurumen alderdi azaltzen dira, adibidez, ingurumen eraginaren azterketari buruzkoak, edo "Cierzo II" eta "Cierzo V" eguzki-instalazio fotovoltaikoen hurbiltasuna Nafarroako estepako hegaztien kontserbaziorako "El Ombatillo" intereseko eremutik.

Erantzuna:

Sustatzaileak, jendaurreko lehen izapidearen ondoren, eta jasotako txostenetan eta zenbait alegaziotan eskatutako zenbait alderdi kontuan hartuta, proiektuari aldaketa batzuk egin dizkio.

Nolanahi ere, ingurumen edukiari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu dira.

Zazpigarren alegazioa. Adierazten denez, lurzoruaren erliebearen gaineko erasanei buruz aurkeztutako dokumentazioan ez dago hasierako egoeraren profilen planorik, ezta obra egin ondorengorik ere, 64/2006 Foru Aginduaren 5. artikuluak ezartzen duen bezala.

Erantzuna:

Planimetriari eta erliebearen gaineko erasanari dagokionez, sustatzaileak erantzun du proiektu aldatuak aurreikusitako lur mugimenduen informazio kartografikoa eskaintzen duela, baita ebaketa eta lubeten justifikazioa ere.

Bederatzigarren alegazioa. Arkeologia aztarnategiei dagokienez, definizioa eta zehaztasuna falta dela aipatzen da. 64/2006 Foru Legearen 3. artikulua aipatzen da.

Erantzuna:

Gai horri dagokionez, Nafarroako Gobernuaren Erregistroaren, Ondasun Higigarrien eta Arkeologiaren Atalak 2023ko otsailaren 16an emandako txostenera igortzen du.

Hamargarren alegazioa. Adierazten du ez dela aurkeztu obra gauzatu ondoko leheneratze proiekturik.

Erantzuna:

Jendaurreko informazioaren lehen izapidearen ondoren, ingurumen eraginaren azterketa aurkeztu da. Horretan, leheneratze planaren aurrerapen bat ageri da, eta hor zehazten dira egin beharreko jarduketak, baita ereiteko flora espezieak ere. Dokumentazio hori kontuan hartu da ingurumen eraginaren adierazpena ebazteko orduan.

Hamabigarren alegazioa. Azaldu dutenez, ez goi tentsioko linearen aurreproiektuan, ez ingurumen eraginaren azterketan, ez dira adierazi euskarrien dimentsioak eta altuera erabilgarria, ezta kableen altuera ere.

Erantzuna:

Jendaurreko informazioaren izapidearen ondoren, aipatutako informazioa jasotzen duen proiektua aurkeztu da. Hori ingurumen eraginaren azterketan jasota geratu da, eraginen analisia eta balorazioa egiteko.

Hamahirugarren alegazioa. Azaldu dutenez, hustuketa linearen proiektuak "El Rincón" TAErainoko trazadura jasotzen du (Montes de Cierzo industriagunearen ekialdean proiektatutako azpiestazioa, orain arte ingurumen baimenik ez duena). Puntu horretatik "Promotores" TAErekin konektatzen da eta "Castejón" TAEn amaitzen da.

Erantzuna:

"Cierzo" TAEren eta "Castejón Promotores" TAEren arteko hustuketa linearen trazadura aldatu da, tentsioa 220 kV-etik 132 kV-era murriztuta eta luzera murriztuta. Lineak ez du erasanik sortzen ez Agua Salada erreserban, ez Ebro ibaiko KBEan.

5. alegazioa.–Nafarroako Ekologistak Martxan elkartearena.

Alegazio horrek honako hauek aipatzen ditu:

1.–Nafarroako egoera energetikoa.

2.–Proiektuaren eraginak.

3.–Klima aldaketaren ondorioetarako ekarpena.

4.–"Cierzo II" proiektuaren inguruneko ingurumen balioak, eta proiektatutako eguzki-instalazioak eta haren hustuketa lineak izanen dituzten eraginak.

5.–Alternatibak: energia kontsumoa murriztea; efizientzia energetikoa; autokontsumoa; erregai fosilen ordez energia berriztagarriak erabiltzea.

6.–Ingurumen erantzukizunari buruzko legea aldatzea.

Erantzuna:

1., 2., 3., 5. eta 6. alegazioak ez datoz bat jendaurrean jarritako espedienteko ("Cierzo II") alegazio espezifikoekin, gai orokorrekin baizik. Horiek, besteak beste, honako hauei buruzkoak dira: Nafarroako energia egoeraren testuingurua, instalazio fotovoltaiko handien eragin orokorrak eta gure gizartearen eredua aldatzeko alternatibak. Gai orokor horiei erantzuna ematea ez da izapidetzen ari den espedientearen xedea.

Nolanahi ere, jasotzen da proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen direla, eta bat datorrela Estatuko sektore elektrikoaren planarekin eta 2030erako Nafarroako Energia Planarekin.

Azkenik, azaltzen da ingurumen edukiari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu direla.

6. alegazioa.–Zangozerriko Ongaiz Ekologistak Martxan.

Alegazio honen edukia bat dator Nafarroako Ekologistak Martxan elkarteak aurkeztutako 5. alegazioaren edukiarekin. Hori dela eta, erantzun bera eman zaio.

7. alegazioa.–Moncayoko Ur Mankomunitatearena.

Adierazten da "Cierzo TAE-El Rincón TAE" goi tentsioko linea bi puntutan gurutzatzen dela Alta eta Corella bitarteko hornidura sarearekin.

Erantzuna:

Jendaurreko informazioaren eta kontsulten prozesuaren ondoren, Cierzo azpiestazioa-El Rincón bitarteko 220 kV-eko hustuketa linearen proiektua aldatu da. Kontuan hartu dira Moncayoko Ur Mankomunitateak egindako oharrak.

8. alegazioa.–Solen Desarrollos SLU eta Solen Energía La Nava SLU.

Enpresa horiek:

1.–Idazkia aurkezteko zilegitasuna dutela jotzen dute, "La Nava" eguzki-instalazio fotovoltaikoaren eta "Ebro I" eguzki-instalazio fotovoltaikoaren, eta horien hustuketa azpiegituren, sustatzaile eta jabe diren aldetik.

2.–"Cierzo TAE-El Rincón TAEko" 220 kV-eko goi tentsioko lineak "La Nava" eguzki-instalazio fotovoltaikoaren eta haren hustuketa azpiegituren gainean dituen erasanen zerrenda zehazten dute.

Proiektua (eta haren hustuketa azpiegiturak) izapidetzen ez jarraitzeko eskatzen dute, orain planteatuta dauden moduan.

Erantzuna:

Sustatzaileak adierazten du, jendaurreko informazioaren eta kontsulten prozesuaren ondoren, eta jasotako txosten eta alegazioak aztertu ondoren, Cierzo azpiestazioa-El Rincón bitarteko 220 kV-eko hustuketa linearen proiektua aldatu dela, Solen Desarrollos enpresak arrazoitutako erasanak ez sortzeko moduan.

9. alegazioa.–Sustrai Erakuntza Fundazioa.

Sustrai Erakuntza Fundazioak honako hauek jasotzen dituen dokumentua aurkeztu du:

a) Nafarroan instalazio eolikoak eta eguzki-instalazioak ezartzeko plangintzarik ezari buruzko alegazioak.

1.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

2.–Ez da aztertzen CO emisioa,2proiektua eraikitzearen eta landare estalkia kentzearen ondorioz sortzen dena.

3.–Aurkeztutako proiektuak ingurumen balioa duten eremuetan lur mugimenduak egitea dakar.

4.–Aurkeztutako proiektuak eragin larriak ditu naturaguneetan.

b) Proiektu honekin harreman zuzena duten alegazioak.

5.–Proiektuak ez du ingurumen eraginaren azterketarik.

6.–Proiektuak ez ditu betetzen hirigintzako lurralde araudia, Ebroko ardatzeko 5 LATaren lurralde antolamenduak eta sektoreko legediak ezarritakoa.

Erantzuna:

Proiektua Nafarroako egoera energetikorako egokia al den aipamenari erantzunez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin.

Proiektuaren ingurumen eraginari edo ingurumen eraginaren azterketaren edukiari buruzko alderdiak ingurumen eraginaren adierazpenean ebaluatu dira.

Lurraldearen antolamenduari eta hirigintzari buruzko gaiak lurzoru urbanizaezineko jardueren baimenaren esparruan ebaluatu dira.

Iragarkiaren kodea: F2306496