2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ANTSOAIN
Herritarrei euskara ikastaroak egiteko dirulaguntzak ematea, 2022. Laburpena
DDBN (identifikazioa): 625182.
Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/625182).
Antsoaingo Udalak, Antsoainen erroldaturik daudenei euskara ikastaroak egiteko erraztasunak emate aldera, dirulaguntzak emanen ditu, jarraian agertzen diren baldintzak betetzen badira.
Honako ikastaro mota hauek egiteko emanen dira laguntzak: estentsiboak, trinkoak eta barnetegiak (eskolak bi astez gutxienez), autoikaskuntzakoak ez badira.
Laguntza-eskabidea aurkezteko epe bakarra dago, hona hemen:
Ekainaren 1etik uztailaren 19ra arte, 2021eko uztailaren 1etik 2022ko ekainaren 30era bitarte egindako ikastaro trinko, barnetegi eta/edo ikastaro estentsiboetarako. Epe hori ezin izanen da luzatu eta ez da eskabiderik onartuko epetik kanpo.
Dirulaguntzaren eskabideak honako bide hauetatik edozein erabiliz aurkeztuko dira:
–Modu telematikoan, Udalaren egoitza elektronikoaren bidez:
https://sedeelectronica.ansoain.es
–Aurrez aurre, Antsoaingo Udalaren bulegoetan (Antsoaingo Udal plaza 1), astelehenetik ostiralera, 8:30etik 14:00etara.
Antsoainen, 2022ko maiatzaren 6an.–Alkatea, Ander Andoni Oroz Casimiro.
Iragarkiaren kodea: L2206566
