2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
LEKUNBERRI
2022rako lan publikoaren eskaintza
Alkatetzaren 53/2022 Ebazpenaren bidez, eta bete beharrez abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko legea), erabaki hau hartu da:
Lehena.–Onestea Lekunberriko Udalaren 2022rako lan publikoaren eskaintza, honako lanpostu hauek barne hartuta, eta kontuan hartuta abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko legea):
–Liburuzain lanpostu 1, plantillan 5. zenbakia duena, B mailakoa, lan-kontratudun finkoa, %2ko lanpostuko osagarria eta 3. hizkuntza eskakizuna.
–Administrari laguntzaile lanpostu 1, plantillan 7. zenbakia duena, D mailakoa, lan-kontratudun finkoa, %19ko lanpostuko osagarria, %12ko mailako osagarria eta maila parekatzeko %14,82ko osagarria eta 3. hizkuntza eskakizuna.
–Zerbitzu anitzetako eta garbiketako lanpostu 1, plantillan 8. zenbakia duena, D mailakoa, lan-kontratudun finkoa, %6,99ko lanpostuko osagarria, %12ko mailako osagarria eta 2. hizkuntza eskakizuna.
Lanpostuak beteko dira merezimendu-lehiaketa bidez, behin bakarrik eta salbuespenez.
Bigarrena.–Lan publikoaren eskaintza argitaratzea toki-entitate honen egoitza elektronikoan, iragarki-taulan eta Nafarroako Aldizkari Ofizialean, orok jakin dezan eta azalduta interesdunek egokitzat jotzen dituzten zer errekurtso jartzen ahal dituzten.
Hirugarrena.–Ebazpen hau jakinaraztea lan publikoaren eskaintzak ukitutako lanpostuetan diharduten lan-kontratudunei.
Laugarrena.–Ebazpen honen aurka, hautara, errekurtso hauetako bat aurkez daiteke:
a) Berraztertzeko errekurtsoa, egintzaren organo egileari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita;
b) Administrazioarekiko auzi-errekurtsoa, zuzendua Iruñeko Administrazioarekiko Auzien Epaitegiari, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita, edo;
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Argitara ematen da, bete dadin arlo horretan indarrean dagoen araudia.
Lekunberrin, 2022ko maiatzaren 11n.–Alkatea, Gorka Azpiroz Razquin.
Iragarkiaren kodea: L2206855
