1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2914E/2022 EBAZPENA, maiatzaren 6koa, Osasuneko zuzendari nagusiak emana, 80/2022 prozedura laburtuko espedientea, Lorena Domínguez Cabrejasek, Silvia Garcia Sánchezek, Laura Iriarte Cerdánek eta Isabel Segura Pascualek sustatutako administrazioarekiko auzi-errekurtsoari dagokiona, Iruñeko Administrazioarekiko Auzien 3. Epaitegira igortzen duena.
Justizia Administrazioko Administrazioarekiko Auzien 1. Epaitegiko legelariak, Osasun Departamentuan 2022ko maiatzaren 2an sartu den 2022ko apirilaren 19ko ofizioaren bidez, jakitera eman du Lorena Domínguez Cabrejasek, Silvia Garcia Sánchezek, Laura Iriarte Cerdánek eta Isabel Segura Pascualek 80/2022 prozedura laburtuko administrazioarekiko auzi-errekurtsoa sustatu dutela Osasuneko kontseilariaren abenduaren 23ko 319E/2021 Foru Aginduaren aurka, zeinaren bidez ezetsi baitziren zenbait pertsonak Osasunbidea-Nafarroako Osasun Zerbitzuko Profesionalen zuzendariaren uztailaren 28ko 1555E/2021 Ebazpenaren aurka jarritako gora jotzeko errekurtsoak (ebazpen horren bidez onetsi zen Osasun Departamentuko erakunde autonomoetarako erizainen 494 lanpostu huts merezimendu-lehiaketa bidezko lekualdatzearen bitartez betetzeko deialdian onartu eta baztertutako izangaien behin betiko zerrenda). Ofizioan, gainera, eskatzen du administrazio espedientea igor diezaiotela, Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluaren 1., 3. eta 4. apartatuetan xedatutakoari jarraikiz, eta interesdunei jakinarazteaz gain, epatze deia egin diezaietela, lege horren beraren 49. artikuluan eta hurrengoetan ezarritakoarekin bat.
Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Iruñeko Administrazioarekiko Auzien 3. Epaitegira igortzea 80/2022 prozedura laburtuko administrazioarekiko auzi-errekurtsoari dagokion administrazio-espedientea. Errekurtso hori Lorena Domínguez Cabrejasek, Silvia Garcia Sánchezek, Laura Iriarte Cerdánek eta Isabel Segura Pascualek sustatu dute Osasuneko kontseilariaren abenduaren 23ko 319E/2021 Foru Aginduaren aurka, zeinaren bidez ezetsi baitziren zenbait pertsonak Osasunbidea-Nafarroako Osasun Zerbitzuko Profesionalen zuzendariaren uztailaren 28ko 1555E/2021 Ebazpenaren aurka jarritako gora jotzeko errekurtsoak (ebazpen horren bidez onetsi zen Osasun Departamentuko erakunde autonomoetarako erizainen 494 lanpostu huts merezimendu-lehiaketa bidezko lekualdatzearen bitartez betetzeko deialdian onartu eta baztertutako izangaien behin betiko zerrenda).
2. Ebazpen hau balizko interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izan daitezen aipatutako epaitegian, honako hau argitaratu ondoko bederatzi eguneko epean.
3. Ebazpen hau igortzea Iruñeko Administrazioarekiko Auzien 3. Epaitegira eta Osasunbidea-Nafarroako Osasun Zerbitzuko Aholkularitza Juridikoaren Zerbitzura, behar diren ondorioak izan ditzan.
Iruñean, 2022ko maiatzaren 6an.–Osasuneko zuzendari nagusia, Carlos Artundo Purroy.
Iragarkiaren kodea: F2206600
