3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2020-S-477
Geoalcali SLUk honako datu eta ezaugarri hauek dituen baimena eskatu du:
Ezaugarriak:
Eskatzailea: Geoalcali SLU.
Xedea: Undués de Lerdako (Zaragoza) eta Zangozako (Nafarroa) udal mugarteetan dagoen sodio-gatzen eta potasio-gatzen meatze-ustiategi batetik datozen hondakin uren saneamendu- eta isurketa-lanetarako baimena.
Ur-ibilgua: Valdeborro erreka, Solano erreka, Salmacio sakana (Onsella ibaia).
Isurketa eginen den udal mugartea: Zangoza (Nafarroa).
Honako elementu hauek polizia-eremuan egiteko lanak aurreikusten dira:
–Ur beltz araztuen hustubidea (Valdeborro errekaren eskuineko ertza) eta ur horiek ibilguan entregatzeko obra.
–Industria-urak ateratzeko hustubidea (ezkerreko ertza) eta ur horiek ibilguan entregatzeko obra.
Isurketa egiteko baimena hondakin uren hiru fluxuk eraikuntzako 23 hilabeteetan sortutakoa izanen da, eta ustiapen fasean 1. fluxua bakarrik egonen da (ur beltzak):
1. Ur beltzak: emaria: 28.000 m³/urtea, arazketa eskuzko burdin-sare baten bidez (5 mm-ko pasabidea), bahe birakaria, aireztapen luzearen bidezko tratamendu biologikoa, dekantagailu sekundarioa, lohien birzirkulazioarekin, eta tratamendu tertziarioa, flokulazio eta filtrazio azkarrarekin. Sodio hipokloritoarekin kloratzeko aukera dago, iragazkiaren aurretik eta ondoren.
2. Euri urak eta garbiketa: emaria: 6.125 m³/urtea, dekantagailu bidezko arazketa, hidrokarburoak atxikitzeko pantaila deflektorearekin, olio eta solido flotagarriak, gero hidrokarburoak bereiztekoa eta dekantazio sekundarioko biltegia, olio eta gantzentzako deflektorearekin.
3. Meategiko ponpaketak: emaria: 74.460 m³/a, dekantagailu primarioaren bidezko arazketa, ponpaketa eta neutralizazio eta koagulazio-flokulazio produktuen dosifikazioa, hidrokarburoak bereiztekoa, eta dekantazio sekundarioko sistema pantaila deflektoreekin.
Urak Valdeborro errekara isuriko dira elkarrengandik hurbil dauden bi punturen bidez: lehena 1. fluxurako, eta bigarrena 2. eta 3. fluxuetarako.
Aditzera ematen da orok jakin dezan eta aipatu eskaerak kalte egiten diela uste dutenek erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, eskaera eta espedientearen dokumentazio teknikoa ikusgai egonen dira arro-organismo honen web-orrian, esteka honetan: https://iber.chebro.es/webche/ipCriterios.aspx.
Halaber, epe horren barruan eskuragarri egonen dira, kontsultatzeko, Konfederazioaren egoitzan (Sagasta pasealekua 26-28, Zaragoza), bulego orduetan, 976711000 telefonoan aldez aurretik hitzordua eskatuz gero.
Zaragozan, 2022ko apirilaren 1ean.–Komisario albokoa, Javier San Román Saldaña.
Iragarkiaren kodea: E2205886
