Iragarkia

8. ALDIZKARIA - 2022ko urtarrilaren 13a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Desjabetzea, Elkarte, Ballariain, Berriogoiti eta Berriobeitiko saneamendurako

Iruñerriko Mankomunitateko Batzorde Iraunkorrak, 2021eko abenduaren 23an egin zuen saioan, akordio hau hitzartu zuen:

“SM286979 Elkarte, Ballariain, Berriogoiti eta Berriobeitiko saneamendua” lanaren xedea da Elkarteko, Ballariaingo, Berriogoitiko eta Berriobeitiko saneamendua gauzatzeko beharrezkoak diren obren definizio eta balorazio osoa egitea, arroko herri desberdinen isurketak jasoko dituen kolektore bat eraikita, ondoren hondakin-uren isurketak Arazuriko HUAn tratatu eta arazteko aurretiko eta beharrezko pauso gisa.

Era berean, Berriobeitiko industrialdeko hondakin-uren isurketa ere jaso nahi da, orain arte arazketa partikular baten bidez isurtzeko aukera baino ez baitute izan, kolektorerik ez baitute hurbil.

Azkenik, eta kolektorea egin ondoren, egungo hobi septikoak eraitsiko dira.

2021eko abuztuaren 31n, SCPSAren Administrazio Kontseiluak “SM286979 Elkarte, Ballariain, Berriogoiti eta Berriobeitiko saneamendua” proiektua onartu zuen. Administrazioari jakinarazteko aurrekontu zenbatetsia 2.407.820,24 euro da (%21eko BEZa barne).

Kontuan hartuta, 1954ko abenduaren 16ko Nahitaezko Desjabetzearen Legearen 10. artikuluaren eta Nafarroako Toki Administrazioaren uztailaren 2ko 6/1990 Foru Legearen 215.2 artikuluaren arabera, Iruñerriko Mankomunitateko Batzorde Iraunkorrak obren planei eta tokiko zerbitzuei dagozkien obren proiektuak onartu behar dituela, izan ere, onartzeak inplizitu baitakar erabilera publikokotzat deklaratzea eta haietan jasotako ondasunak okupatu behar izatea, nahitaezko desjabetzearen eraginetarako.

Obra horiek egiteko beharrezkoak diren lursailak desjabetzea beharrezkoa izanik, eta aintzat hartuta, Nafarroako Toki Administrazioaren uztailaren 2ko 6/1990 Foru Legearen 47.4 eta 29. artikuluen, Toki-araubidearen oinarriak arautzen dituen apirilaren 2ko 7/1985 Legearen 4.1.d) artikuluaren eta Iruñerriko Mankomunitatearen Estatutuen 4. artikuluaren arabera, erakunde honek desjabetze-ahalmena gauzatu ahal duela, egokia da desjabetzeko espedientea hastea.

Batzar Nagusiak 2021eko urriaren 21ean egin zuen saioan, nahitaezko desjabetzearen espedienteak izapidetzeko Batzar Nagusiaren eskuduntzak Batzorde Iraunkorraren esku uztea onartu zen. Horrenbestez:

HITZARTU DA:

1. “SM286979 Elkarte, Ballariain, Berriogoiti eta Berriobeitiko saneamendua” obraren proiektua onartzea, desjabetzeko espedientea hastea eta proiektu horrek ukitzen dituen ondasunen eta eskubideen zerrenda hasiera batean onartzea. Onuraduna “Iruñerriko Zerbitzuak SA” izango da.

2. Proiektuak ukitutako ondasunen eta eskubideen onura publikoa eta okupatu beharra aitortzea eta deklaratzea, onarpenari lotuta baitaude.

3. Proiektua eta ukitutako ondasunen eta eskubideen zerrenda jendaurrean edukitzea hamabost egun baliodunean, Nafarroako Aldizkari Ofizialean kaleratzen denetik aurrera zenbatuta, beren burua ukitutzat dutenek denbora horretan egokiak iruditzen zaizkien ohar edo alegazio guztiak eta argitaratutako zerrendako okerrak zuzentzeko behar diren datuak ekar ditzaten, idatziz. Idatzia, ahal izanez gero, telematikoki bidali ahal izango dute (https://sedeelectronica.mcp.es/), Iruñerriko Mankomunitatearen egoitzara (Chinchilla Jeneralaren kalea, 7, 31002, Iruñea, Nafarroa) edo Berriobeitiko udaletxera. Egoitza horietan, hain zuzen, proiektuaren eta lursail-planoen kopia bat edukiko dute eskura.

4. Akordio hau kaleratzea, ukitutako ondasunen eta eskubideen zerrendarekin batera, Nafarroako Aldizkari Ofizialean, Foru Komunitateko egunkari batean, eta Iruñerriko Mankomunitateko eta Berriobeitiko udaletxeko iragarki-tauletan

5. Ebazpen hau ukituei jakinaraztea, erabaki hau inpugnatzerik ez dagoela ohartaraziz, administrazio-bidea amaitzen ez duen tramiteko egintza baita.

Iruñean, 2021eko abenduaren 27an.–Lehendakaria, David Campión Ventura.

Iragarkiaren kodea: L2118147