73. ALDIZKARIA - 2022ko apirilaren 12a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Deialdia, norgehiagokako araubidean diru-laguntzak emateko kirol-erakundeei, parte hartzeagatik eliteko lehiaketa nazional ofizial ez-profesionaletan, kategoria absolutuetan, 2021/22 denboraldian. Laburpena

DDBN (Identifikazioa): 617340.

Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/617340).

Administrazio deitzailea: Iruñeko Udala.

Alor kudeatzailea: Gizarte Zerbitzuetako, Komunitate Ekintzako eta Kiroleko Alorra.

Instrukzio organoa: dirulaguntza kudeatzen duen alorreko Idazkaritza Teknikoa.

Deialdiaren xedea: deialdi honen xedea da norgehiagokako araubidean dirulaguntzak ematea Iruñeko kirol-erakundeei, parte hartzeagatik eliteko lehiaketa nazional ofizial ez-profesionaletan, kategoria absolutuetan, 2021/22 denboraldian.

Deialdiaren helburua: dirulaguntzen azken helburua da Iruñeko ekipo eta kirolariei laguntzea parte har dezaten eliteko lehiaketa nazional ofizial ez-profesionaletan, kategoria absolutuetan, honako arrazoi hauengatik guztiengatik edo batzuengatik: a) Iruñearen izena eta irudia Nafarroatik harago sustatzea; b) erreferentzia maskulino eta femeninoak ikusaraztea maila goreneko kirol lehiakor ofizialetan, kirol-sustapenari begira, eta c) hirian duen inpaktu ekonomikoa eta turistikoa.

Iruñean, 2022ko martxoaren 25ean.–Gizarte Zerbitzuetako, Komunitate Ekintzako eta Kiroleko zinegotzi ordezkaria, María Caballero Martínez.

Iragarkiaren kodea: L2204515