73. ALDIZKARIA - 2022ko apirilaren 12a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

72/2022 FORU AGINDUA, martxoaren 24koa, Eskubide Sozialetako kontseilariak emana, gizarte inklusiorako aparteko laguntzen zenbatekoak eguneratzen dituena 2022rako.

Eskubide Sozialetako kontseilariaren abenduaren 28ko 442/2020 Foru Aginduak, gizarte inklusiorako aparteko laguntzak baloratu eta emateko prozedura garatzen duenak, 12. artikuluan ezartzen duenez, foru agindu horretan finkatutako zenbatekoak eguneratzeko, aurreko urteko batez besteko KPIren igoera erabiliko da.

Aztertu da Diru-sarreren Bermearen eta Garapenerako Lankidetzaren Zerbitzuaren txostena, proposatzen duena gizarte inklusiorako aparteko laguntzen zenbatekoak 2022rako eguneratzea egungo zenbatekoei % 3,4ko igoera aplikatuta.

Ikusirik Kontu-hartzailetza Delegatuak horretarako adostasuna eman duela, eta Nafarroako Gobernuari eta Lehendakariari buruzko abenduaren 3ko 14/2004 Foru Legeak emandako ahalmenak erabiliz,

AGINTZEN DUT:

1. Gizarte inklusiorako aparteko laguntzen zenbatekoak eguneratzea egungo zenbatekoei % 3,4ko igoera aplikatuta; honela gelditzen dira onar daitezkeen gehieneko zenbatekoak:

Bizigarritasunerako elementu espezifikoetarako: hozkailua, 414 euro, garbigailua, sukaldea, berogailua eta estufa, 393 euro bakoitza, berokuntzako eta ura berotzeko galdara, 1.344 euro.

Oinarrizko ekipamenduko elementuetarako, behar-beharrezko altzari hauek: Logela bikoitzerako: 150x190 neurriko somierra, 103 euro, 150 × 190 neurriko koltxoia, 207 euro, eta armairua, 259 euro. Banako logelarako: 90 × 190 neurriko somierra, 83 euro, koltxoia, 103 euro, eta habia-ohea, literak eta armairua, 207 euro bakoitza. Sofa, 259 euro. Mahaia eta aulkiak (egongelakoak edo sukaldekoak, aukeran), 207 euro. Sukalde funtzional/erabilgarria izateko altzariak, 517 euro.

2. Foru agindu honek ez dio amaiera ematen administrazio bideari, eta haren aurka gora jotzeko errekurtsoa aurkezten ahalko da Nafarroako Gobernuan, hilabeteko epean, agindua argitaratu eta biharamunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoari jarraikiz.

3. Foru agindu hau igortzea Babes Sozialaren eta Garapenerako Lankidetzaren Zuzendaritza Nagusiko Diru-sarreren Bermearen eta Garapenerako Lankidetzaren Zerbitzura, Aurrekontuak Kudeatzeko Atalaren Kontabilitate Zentrora, eta Idazkaritza Tekniko Nagusiko Administrazio Aferetarako Bulegora, behar diren ondorioak izan ditzan.

4. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2022ko martxoaren 24an.–Eskubide Sozialetako kontseilaria, M.ª Carmen Maeztu Villafranca.

Iragarkiaren kodea: F2204497